Jona1
1Akat khe Amitai kowh chapa Jona tut-e mih CHAKRAMANG kowh laiklow uang ting khai. Jona kowi CHAKRAMANG tek pe mih,2“Ninevi marow aiukma mih kowi kowkowi diah. Amatni kowh angak krang dow ang pur kowi uang towm khai bowt. Naiawng rakowi ang kingküaah mih laiklow amatni kowi kowphowng pe dit,” pakhai.3Nachenganchepaw CHAKRAMANG kowi powtta kownkow Jona dow akeng pra kowh marow Tarsis kowi tarü khai. Aia dow sata pang kowi kowh Jopa kua kowi kowkowi hanow Tarsis marow prakowi mang kown mih chawnlawng kowka khai. Aia dow chawnlawng kowi kowpün now achowm sung mih peta khai, now CHAKRAMANG kowi powtta kownkow tarü khai bowt.4Nami khin khe CHAKRAMANG dow sata kowi kowchin pe liku khai, now liku kür lai rakowi chawnlawng dow piak kown powm iawng phaw khai.5Naiawng rakowi chawnlawng kowi kowh lup chang miuüa maten dow karla sawm se amatni chowlowkkow kawngmu thurai kowi lü khowng büah khai. Now chawnlawng nahowpla kownkow chawnlawng kowi kowh amatni kowh uanh mih sata kowi kuakta büah khai.
Nachenganchepaw nami dowi rawn Jona dow chawnlawng daw kowi kowrik kowiah hanow kowmawk khai, now asowrma kowmüi khai.6Nami khin khe chawnlawng kowi kowh lang kri mih Jona tut-e kowkowiah hanow tek pe mih, “Tawng en tuk müi khai? Rü bowt. A-i nakowngla dowi kownkow en kowh thurai kowi haw bowt, aia mih natuak a-i tarawng,” pape khai.7Now chawnlawng kowi kowh lup chang miuüa tatek mih, “Amia rakowi chow maiawng mih phih a-i luk kowi uang towm mih natukla kownkow chu madiah a-i kuak plang madiah sik,” pabüah khai. Now kuak plang büah hanow plang dow Jona ming kowi chekhai cha khai.8Nahanow amatni dow Jona kowi lüntaah mih, “Tek anging madiah, amia rakowi chow mami phih a-i tut-e uang towm mih? Tawng lup chow en chang? Tawng hownia chow en uang? Tawng prenchak chow en? Tawng chenchap chow en?” pakhai.9Nakhowk khe Jona klangah mih, “Ang dow Hebrai maru taih. Ang dow krawng hai sata thawp mih CHAKRAMANG mukuang kowi uowi mih Thurai kowi ringkaw mih chekhai,” pape khai.10Nahanow amatni dow CHAKRAMANG hownia cham powt mih pahai Jona tek pe khai rakowi tuk büah hanow kut kram ngamlam büah khai. Naiawng rakowi amatni dow Jona kowi tek pe mih, “Tawngplawng kowchow naiawng en tuk chang khai!” pakhai.11Now liku uang kür ngamlam rakowi Jona kowi lüntaah büah mih, “Sata tuilowng narimla kownkow tawng chow anging nachang en kown?” pakhai.12Nakhowk khe Jona klangah mih, “Krowng ang büah hanow sata kowi kuak ang büah bowt. Nahanow sata tuilowng narim kown taih. Ang tuk, mami liku akraingma mih enni luk kowi uang towm mih dow ang rakowi chowtaih,” pape khai.13Nachenganchepaw chawnlawng kowi kowh lup chang miuüa dow naiawng changah büah dowi chekhai; naiawng lak-e chawnlawng kowi sata pang prakowi napawla kownkow amatni kowh kür maten hown haiah büah khai. Nachenganchepaw liku dow uang kür ngamlam rakowi nowng pawla büah dowi chekhai.14Naiawng rakowi amatni dow chup Thurai mih, “Aw CHAKRAMANG, mami maru kowng rakowi hauang pe kowngla anging diah. Maru angak uowi dowi mih lowk ia kowng rakowi hauang tang anging aprek diah. Aw CHAKRAMANG, en dow en matia nau iawng en chang lup reng chekhai,” pabüah khai.15Nami kung kowi dow Jona kowi dowkah now sata kowi kuakta büah khai. Nahanow sata tui talowng phunglung mih dow uang rim khai bowt.16Naiawng rakowi nakowi kowh maru-uüa dow CHAKRAMANG kowi lainowmma kram büah khai. Amatni dow CHAKRAMANG vüi asadua ün ngenah hanow chang phuchua büah khai, now laikham ün takham büah khai.17Now CHAKRAMANG mih Jona kowi naiawnah kownkow dam aiukma mih kowkhowm pe lowk khai. Jona dow nami dam mu lak kowi sum ni hown sum uar uowi khai.
Nachenganchepaw nami dowi rawn Jona dow chawnlawng daw kowi kowrik kowiah hanow kowmawk khai, now asowrma kowmüi khai.6Nami khin khe chawnlawng kowi kowh lang kri mih Jona tut-e kowkowiah hanow tek pe mih, “Tawng en tuk müi khai? Rü bowt. A-i nakowngla dowi kownkow en kowh thurai kowi haw bowt, aia mih natuak a-i tarawng,” pape khai.7Now chawnlawng kowi kowh lup chang miuüa tatek mih, “Amia rakowi chow maiawng mih phih a-i luk kowi uang towm mih natukla kownkow chu madiah a-i kuak plang madiah sik,” pabüah khai. Now kuak plang büah hanow plang dow Jona ming kowi chekhai cha khai.8Nahanow amatni dow Jona kowi lüntaah mih, “Tek anging madiah, amia rakowi chow mami phih a-i tut-e uang towm mih? Tawng lup chow en chang? Tawng hownia chow en uang? Tawng prenchak chow en? Tawng chenchap chow en?” pakhai.9Nakhowk khe Jona klangah mih, “Ang dow Hebrai maru taih. Ang dow krawng hai sata thawp mih CHAKRAMANG mukuang kowi uowi mih Thurai kowi ringkaw mih chekhai,” pape khai.10Nahanow amatni dow CHAKRAMANG hownia cham powt mih pahai Jona tek pe khai rakowi tuk büah hanow kut kram ngamlam büah khai. Naiawng rakowi amatni dow Jona kowi tek pe mih, “Tawngplawng kowchow naiawng en tuk chang khai!” pakhai.11Now liku uang kür ngamlam rakowi Jona kowi lüntaah büah mih, “Sata tuilowng narimla kownkow tawng chow anging nachang en kown?” pakhai.12Nakhowk khe Jona klangah mih, “Krowng ang büah hanow sata kowi kuak ang büah bowt. Nahanow sata tuilowng narim kown taih. Ang tuk, mami liku akraingma mih enni luk kowi uang towm mih dow ang rakowi chowtaih,” pape khai.13Nachenganchepaw chawnlawng kowi kowh lup chang miuüa dow naiawng changah büah dowi chekhai; naiawng lak-e chawnlawng kowi sata pang prakowi napawla kownkow amatni kowh kür maten hown haiah büah khai. Nachenganchepaw liku dow uang kür ngamlam rakowi nowng pawla büah dowi chekhai.14Naiawng rakowi amatni dow chup Thurai mih, “Aw CHAKRAMANG, mami maru kowng rakowi hauang pe kowngla anging diah. Maru angak uowi dowi mih lowk ia kowng rakowi hauang tang anging aprek diah. Aw CHAKRAMANG, en dow en matia nau iawng en chang lup reng chekhai,” pabüah khai.15Nami kung kowi dow Jona kowi dowkah now sata kowi kuakta büah khai. Nahanow sata tui talowng phunglung mih dow uang rim khai bowt.16Naiawng rakowi nakowi kowh maru-uüa dow CHAKRAMANG kowi lainowmma kram büah khai. Amatni dow CHAKRAMANG vüi asadua ün ngenah hanow chang phuchua büah khai, now laikham ün takham büah khai.17Now CHAKRAMANG mih Jona kowi naiawnah kownkow dam aiukma mih kowkhowm pe lowk khai. Jona dow nami dam mu lak kowi sum ni hown sum uar uowi khai.
The Seed Company