Jawb8
1Nakhowk khe Suhite chenchap Bildad tek pe Jawb mih,2“Mün khowt tak chow naiawng mih laiklow en natek kown?Mün ni tak chow asung uowi dowi mih laiklow en natek kown?3Lup iung chang mih kowi Thurai kingküaah khai bow?Na mih kowi nadowi iawng lang kri lang kraing mih Thurai changah reng bow?4En kowh chauüa mih aia kowi kingküala mih lup chang ngengche chekhai.Naiawng rakowi amatni kak taing mih ripra amatni kowi aia peah mih chekhai.5Nachenganchepaw Thurai tut-e en che lü khai,lang kri lang kraing mih tut-e en che awr nguk awr kar khai,6now chinawmma hai maru iungma che en na khai hanowaia mih kawmat paw en tek iawng nachang en kown,now asowrma mih kimchak kowi natow en iawk kown.7Nahanow en chownglawng kowi mih lainowmma lup nachawn kown;nakhowk khe dow en rik sunta mih khin kawmat kowh lak-e ngah en nanüla kown.8“Achük alai kowh maru-uüa tut-e krawi lünta madiah;amatni kowh pipu-uüa tawng chow sangla mih krawi paw satang madiah.9Anging dow mani maiak kowh chah taih, tawngpaw tuk dowi chekhai;lusa kowi anging kowh chownglawng dow nim iawng alenma powt khai.10Naiawng rakowi achük alai kowh maru-uüa hownia tasang diah;amatni dow amatni tukah mih maten natek en kown taih,now en naka prengia iung kown taih.11“Tui sik kleplep mih krawng kowi nadowi now uaklung ru dowi chekhai,now ka tui dowi matchang uaklung dow nowng iuk dowi chekhai.12Ka tui dowi now naiawng mih pram dow tarowng iuk reng tak khe kowng reng,now akeng mih pram chap maten lak-e akeu lang len reng chekhai.13Thurai kowi tamata mih maru dow naiawng mih pram iawng naown kown;ringkaw Thurai dowi mih maru kowh sakowmra dow naiawng napiak kown.14Aia cham sakowmah mih dow akhawtma nadowi chekhai;aia sakowmah mih dow lingleng bai iawng anümchow mih kowi chekhai.15Aia che nami luk kowi tane hanow nami dow tapiak reng;aia che nami kowi tadawi hanow nami dow kham dowi chekhai.16Sat atarma mih rah kowi kowh pram dow chimprowngchow uowi reng;maru ngak dow naiawng mih pram ru iawng chekhai.17Naiawng mih pram dow hua chun kowi krawi sawt prün reng,now huaklu luk kowi thaulangma hown krawi uowi reng chekhai.18Tawkchedow nami hownia chawita kung kowi alawi khowm ta uowi dowi chekhai.Naiawng rakowi nami re-e amatni uowi mih miapaw ta tukah dowi bowt chekhai.19Nami re-e uowi khe amatni kowh chownglawng dow chur khai,now amatni kung kowi dow nami arah kowi akeng mih pram uang ta ru reng chekhai.20“Nachenganchepaw kaah sakowmma mih maru kowi dow tawng khe paw Thurai nuata dowi chekhai,now chang lup ngak miuüa kowi katpaw Thurai khowngah dowi chekhai.21Kawmat paw en kowh nawr mih ren chele aia nachang en iawk kown,now en sak kowi mih piawra atekma aia nachang en kown;22tawkche sui en miuüa dow narukrai bowt kown,now maru ngakuüa dow nauowi kown nadowi bowt,” pakhai.
The Seed Company