Jawb6
1Elifaz kowi Jawb klangah mih,2“Ang kawm ang krat mih kaah akhai panü dow,ang ngare mih maten set kowi tangah panü dow,3sata pang kowi kowh sema lak-e nalang di tak diah,ang kowh sangprowk laitek ingsap uowi dowi mih dow naiawng rakowi chekhai.4“Leba sek hown lang kri lang kraing mih CHAKRAMANG ap ang khai,nami leba sek kru mih ang buk kowi krawi taiau bowk khai.Kramra uowima mih lup dow ang vüi ahuma Thurai towta hüah khai.5Nachaah kown mih pram ka dowi hanow kawrngaramchük pla reng,now nachaah kown mih chahau ka dowi hanow chia dow pu reng.6Uadui lak chak akawma mih asowr uowi tak bow?asowr uowi dowi mih chakkham awisa hown nadowi matchang ia cha bow?7Naiawng mih chakkham dow ang paw ang nau dowi chekhai,naiawng mih chakkham che cha hanow ang kow nga reng chekhai.8“Ang awr lü awr leng mih CHAKRAMANG pe ang dit panü;ang nauah iawng Thurai uang chang ang dit panü iung diah.9Thurai uang dita ang naknak kown mih ang nau;aia rut hown Thurai uang saita ang kown mih ang nau.10Naiawng aia uang chang ang panü awmrawm kowh ang naprowk tak diah,now mün khowt chow ang ngare khowk chepaw ang napiaw tak diah.Tawngplawng kowchow panow ang dow chimsaima mih Thurai kowh ana pek katpaw üa dowi chekhai.11“Nasingla kown mih kür ang kowh uowi dowi bowt chekhai.Naiawng rakowi ang nasing kown mih sakowmra uowi dowi bowt.12Ang kowh kow mih hua hown kowh thawpah mih nadowi;ang kowh buk paw kri hown kowh thawpah mih nadowi chekhai.13Ang matia natakhowngla kown mih kür ang kowh uowi dowi bowt;ang kowh uowi mih maten ang hownia rupta ang bowk khowk chekhai.14“Tuak chur mih auiuauüa kowi dow nasanaah kown takla chowdiah;tawkche en dow lang kri lang kraing mih kowi kram dowi kowi pe ang aprek khai.15Ang kowh auiuauüa luk kowi dow kaah sakowm dowi;amatni dow tui tatat mih awchawng iawng chekhai.16Awchawng dow nangkhe hown tathia mawp reng,now nangkhe hown tamum klum reng chekhai.17Nachenganchepaw satma khin khe dow tui kang bowk reng,now krawi cham reng chepaw krum tui dowi bowt chekhai.18Naiawngün awchawng kowi krawi cham tui miuüa dow tamata tiama reng,now krum tui dowi kowh krawi mang panglang rakowi kowng reng chekhai.19Tema prenchak hai Seba prenchak kun chang miuüa dow krawi cham tui khai,amatni dow nakowi kowting hanow saktuak chur reng chekhai.20Amatni dow naka tui kown mih sakowmma hown krawi cham tui reng chekhai.Tawkchedow tawng re-e paw krum tui dowi rakowi sak nga büah reng chekhai.21Naiawngün kangkhawngma mih awchawng iawng en paw khowng ang dowi chekhai,khowng ang lak dow ang kowh akrat pusara khita hanow kram kowh kung pra en süt khai.22“Aiawng hown pe ang uanh kown mih ang tek en bow?Pe ang awmrawm sung kown mih ang tek en khai bow?23Ransu rut hownia nalawng ang kown mih ang tek en bow?Maru ngakuüa rut hownia naklan ang kown mih ang tek en khai bow?24Ang kowh atawi ama uowi mih tüng ang madiah;en che nowng tüng ang hanow rarimma ang nauowi kown taih.25Lainowm dow maru sak kowi nowng pe arau reng.Tawkchedow en kowh nang dow asung uowi dowi.26Ang kowh laiklow kowi khüm ang atawi kown en nau mih bow?En dow tuak chur mih maru kowh laiklow li iawng en nüla khai.27En dow saratchow chah kowi cham towah nar kownkow kuak plang chepaw naia kown,now en kowh auiua kowi khowm padow nasumta chepaw naia kown.28Nachenganchepaw sakrauma hown kawmat dow ang prakowi uaidang diah;en pur kowi mapaw ang natek dai lai kown nadowi.29Plan tuakah iawk diah, now anowm nadowi mih aprek hauang pe ang tham bowt;tawngplawng kowchow panow kawmat paw ang kowh angak uowi dowi chekhai.30Ang tek dai lai pabow en ka tuak?Aiung angak ang tuk dowi pabow?” pakhai.
The Seed Company