Jawb40
1Nami kung kowi Jawb kowi CHAKRAMANG plan tek pe mih,2“Ang dow lowra nowngia chang mih Thurai chekhai.Tawkche en dow, ‘En tawi,’ pahai uang taüala ang khai.Naiawng rakowi kawmat dow uang klang ang diah,” pakhai.3Nakhowk khe CHAKRAMANG kowi Jawb klangah mih,4“Ang dow asung uowi dowi mih maru chekhai.Naiawng rakowi tawng iawng chow ang naklang en kown?Ang natek lai dowi bowt kownkow rut hown ang pumta nawr khai bowt.5Ang nau tek en kown mih laiklow maten ang tekta bowk khowk.Naiawng rakowi ang natekah kown mih tawngpaw uowi dowi bowt,” pape khai.6Nakhowk khe liku dawng hownia Jawb kowi CHAKRAMANG uang klangah mih,7“Jawb, tasen kiakma mih maru iawng kamrütma hown uowi diah;tawngplawng kowchow panow ang nalünta en kown chekhai,now ang lünta en mih iawng en naklang ngengche kown.8Ang kowh tara nowm en tadata kown bow?En achinawmma pami natüngah kownkow en nape ang angak kown bow?9Thurai kowh iawng en kowh kür uowi bow?En kowh klow Thurai kowh klow iawng bow?10“Nahanow kiowrira hai kraingra hown kowmatia kowi tawngah diah,now ringkawra hai kiowrira mih tawnguat iawng khupah diah.11En kowh kramra uowima mih kunmaraura dow maru ngakuüa luk kowi khükah diah,bawrima miuüa kowi dow khamsum khamdawma towah diah.12Bawrima miuüa maten kowi dow pe kaah rukrai diah,maru ngakuüa kowi dow amatni uowi rah kowi piakah diah.13Amatni bowkbowk kowi dow tadupra kowi dupah diah,amatni kowi dow makownguüa uowi rah kowi towah diah.14Naiawng che en ia chang khai hanow maiawng ang nakiow en kown:en dow en kowh kür hown en nowngia talawng khai nowm.15“Aiukma mih kaurawng uaramchak prakowi tang mü diah;ang thawp en iawng aia kowi ang thawpah khai,now aia dow chia iawng cha pram reng chekhai.16Aia kowh kelang kowi dow kür kangowh chekhai,aia mu kowi kowh nga kowi paw kür kangowh chekhai.17Aia kowh mai dow sidar singh iawng akhawtma chekhai,now aia kowh thung nga paw akhawtma chekhai.18Aia hut ün dow kri lawng iawng akhawtma chekhai,aia kowh khawk dow lawngha dung iawng akhawtma chekhai.19Aia dow Thurai uanh thawp maten kowi kowh lang kür mih chekhai,aia kowi kowh nowng sai mih dow aia kowi thawp miia chowtaih.20Aia kowi dow hungh ün peah chakkham reng chekhai,nakowi kowh uowi mih kaurawng uaramchak hawmh maten nakowi ngawk reng chekhai.21Ri singh tut kowi aia dow mawk phulu reng,now aw pang kowi kowh uaklung taw kowi mawk reng chekhai.22Aia kowi dow ri singh peah klim reng chekhai,now aw pang kowi kowh aram chakma mih singh paw peah klim reng chekhai.23Tui lawt chepaw aia dow kram dowi chekhai,Jawrdan aw tui aia lumowr kowi uang ting chepaw aia dow powt dowi chekhai.24Aia kowh mik dow achürma rakowi aia kowi miapaw nowng khüm dowi chekhai,chak pe leng chepaw aia kowi dow amiapaw nowng khüm dowi chekhai,” pakhai.
The Seed Company