Jawb35
1Nami kung kowi Elihu plan tek pe Jawb mih,2“Jawb, Thurai mik kowi en kowh aprek uowi dowi pahai en tek khai,naiawng en tek mih en tuak kowi dow taka tak bow?3En tek pe mih, ‘Achinawmma ang uowi mih tawng chow maratra uowi?Ang chang angak dowi mih sung tawng chow ang naka kown?’ pakhai.4“Kawmat dow ang naklang en kown,now en auiuauüa kowi paw ang naklangah kown.5Mukuang prakowi awr tang mü akat madiah,now en luk kowi mün khowt chow uangnim lowng mih mü madiah.6En changta lup ngak pache tawng chow Thurai own kown?Aplan aplan en tawita lup khai pache tawng chow Thurai own kown?7Achinawmma en uowi chepaw Thurai vüi tawng chow maratra uowi?En chang lup iung chepaw en hownia tawngpaw Thurai ka dowi chekhai.8En chang lup ngak chepaw lusa maru chowtaih piak reng,now en chang lup iung chepaw lusa maru chowtaih marat reng.9“Maru nowng changra krüa kowi uowi khe maru kar reng chekhai,akürma mih maru-uüa rut hownia naplaila kownkow maru lü khowng reng.10Tawkchedow thawpah miia Thurai kowi miapaw haw dowi chekhai,‘Uar-e kowh awmrawmra meng pe ang mih Thurai tawng kowi chow?11Aia dow lusa kowi kowh asaduauüa kowi lak-e tüngsang a-i khai,now kuang kowi kowh uakling uaber hawmh kowi lak-e pe a-i chanlaira khai,’ pami miapaw tek dowi chekhai.12Aia tut-e maru awr nguk awr kar khe Thurai dow klangah dowi chekhai.Tawngplawng kowchow panow amatni dow bawrima hai angakma chekhai.13Amatni dow Thurai tut-e awr nguk awr kar chepaw tawngpaw mrawk dowi.Tawngplawng kowchow panow amatni awr lü mih Thurai sünta pe dowi chekhai.14“Jawb, aia kowi en khi-ah dowi padow en tek khai.Nachenganchepaw en che chawngah now aia mih nachet en tara nowm kown.15Aia dow kunmarauma hown maru ngak kowi ripah dowi,now maru ngak prakowi khowt pat pe ching dowi pami paw en tek chekhai.16Naiawng en tek mih dow asung uowi dowi mih laiklow chekhai,now tawng chow en tek mih en matia khowm tuk dowi chekhai,” pakhai.
The Seed Company