Jawb33
1“Jawb, kawmat dow ang kowh laiklow sünta diah;ang natek en kown mih kowi pe ching kaneu diah.2Kawmat dow ang sak kowi uowi mih laiklow ang natek bowt kown;ang kowh laiklow mih dai chem kowi mown klowlow towbowt.3Ang kowh laiklow dow achangma mih sak hownia uang lawt mih chekhai;ang tuk mowr mih ang kowh nawr anowmma natek kown.4Thurai kowh lümla mih thawp ang khai;lang kri lang kraing mih kowh kawli pe ang singra khai.5“En che ia hanow ang natek kown mih kowi klang ang diah;en naklangla ang kown mih laiklow kamrütta kaneu diah.6Thurai pur kowi dow en hai ang mih katsang taih chekhai;ang kowi paw en kowi iawng bawn hown chowtaih thawp ang khai.7Naiawng rakowi hauang kram ang diah;en sak kowi raula iawng mih laiklow ang natek kown nadowi.8“En tekah mih maten ang ta bowk chekhai;ang pur kowi en tek mih maiawng,9‘Ang dow chimsaima, ang kowh dow angak uowi dowi;ang dow achinawmma, ang kowh dow aprek uowi dowi.10Nachenganchepaw Thurai mih cham ang aprek khai;aia dow nüla ang ransu khai.11Aia dow lawngha leng hown klowng kowi khuowk ang khai;ang kowh mangra maten kowi kaneuma pe ching khai,’ pakhai.12“Tawkchedow naiawng en tek mih mapaw taka dowi chekhai.Tawngplawng kowchow panow Thurai dow maru lak-e lang kri kraing chekhai.13Lusa maru chawk lai mih kowi Thurai klang dowi pahai en tek khai.Tawngplawng kowchow naiawng Thurai kowi kingküala mih lai en tuk tek khai?14Thurai dow achaing alang alangma lusa maru tut-e uang tek lai reng.Tawkchedow naiawng Thurai uang tek lai mih hawt tuk mat bowk dowi chekhai.15Aia dow uarmang kowi hai mukmang kowi krawi tek lai reng,now uar-e maru müi su thüm khe krawi tek lai reng chekhai.16Aia dow maru param ria kowi krawi tek laisin reng,now nauowi kaneu kown mih laiklow tata now maru-uüa mih lainowmma kram reng.17Naiawng aia krawi tek mih dow pacham towta lup ngak chang lah pakowh chekhai,now hang pacham chang bawri tham bowt lah pakowh chekhai.18Naiawng hai aia dow napiak kown mih hownia krawi lawng maru reng;now nakowng kown mih hownia krawi pe plai reng chekhai.19“Tawngbak khe dow arau dikma hown aia hawi a-i reng,now pabuk pakowma arau hown a-i uowi reng chekhai.20Nakhowk khe dow a-i mih ka chakkham sowr dowi,now chakkham lang iung mih kowi khowm a-i sui lawt reng chekhai.21Nakhowk khe dow arawngma a-i phaw reng,now a-i buk kowi mih hut kangowh tatüng reng chekhai.22Nakhowk khe dow tadupra kuam ria kowi a-i cham ting reng,now a-i kowh chownglawng mih makowng kramamu-uüa hown tatawn reng chekhai.23“Thurai tut-e dow naiawng mih maru kowi nowng lawng mih kramamu uowi athawng aiawng chekhai.Kramamu lowk ia dow, ‘Nami maru dow maru iung chowtaih,’ pahai tek chepaw naia kown.24Nahanow kramamu nasana hanow natek kown mih,‘Nami maru kowi aklan mih maru uowi.Naiawng rakowi nami maru kowi pe singah reng diah,’ napa kown.25Nahanow nami maru dow kow naiung iawk kown towbowt,now aia kowh dow klanguüa kow iawng naphaw iawk kown.26Aia dow Thurai kowi nachupiia hanow Thurai mih aia kowi nasanaah kown;aia dow nakhi Thurai lumowr hanow awmrawm kowh nahow kown.Thurai dow aia kowi mih achinawmma pahai nadowkah iawk kown.27Nakhowk khe dow maru-uüa tut-e uangah hanow aia natek kown mih,‘Ang changta angak khai, now nadowi mih lup ang changta khai.Nachenganchepaw ang kak taing mih ripra Thurai pe ang dowi chekhai.28Thurai dow kowngra tiama prakowi mang mih hownia uang lawng ang khai.Naiawng rakowi ang kowh chownglawng mih anowi hown tek khai iawk,’ napa kown.29“Kowngra pra mang mih hownia nauang planla kownkow,now chownglawng kowi asowrma naia uowila kownkowThurai dow lusa maru vüi aplan aplan naiawng chang reng chekhai.31“Jawb, ang laiklow mih pe pe ching kaneu hanow ririmma sünta diah;tawngplawng kowchow panow ang natek kown mih uowi küng tak.32En natek kown mih che uowi khai hanow tek ang diah.Tawngplawng kowchow panow en achinawmma pami nachün kown ang nau.33Tawkche tawngpaw tek kown en kowh uowi dowk hanow ang laiklow ririmma sünta diah;chanlaira lawnguan ang natüngsang en kown,” pakhai.
The Seed Company