Jawb32
1Jawb mih aia mik kowi achinawmma pahai tatuak rengreng rakowi a-auiua sum ia dow klangah dowi bowt chekhai.2Aia kowh angak taphuang dowi hai Thurai ripah mih anama pami Jawb tatuak dowi rakowi Elihu dow Jawb luk kowi lainowmma kunmarau khai. Aia dow Buzit chenchap kowi kowh Ram krungchak Barakel kowh chapa chekhai.3Jawb kowh auiua sum ia mih Jawb kowi nowng klangah dowi bowt rakowi Elihu dow Jawb kowh auiua sum ia luk kowi paw lainowmma kunmarau khai.4Aia dow Jawb kowh auiua sum ia mih lak-e lang sawi khai rakowi Jawb kowi naklangah kown mih tawi chawng phülü khai.5Akung kowi Jawb kowh auiua sum ia mih Jawb kowi nowng klangah dowi bowt mih khita hanow aia dow lainowmma kunmarau khai.6Naiawng rakowi Barakel kowh chapa Elihu tek mih,
“Ang dow ning diachow taih tak;enni dow lawngtang khowk chekhai.Naiawng rakowi ang tuakta iawng tawi tek kown mih ang uam dowi.7Ang tuak mih, ‘Ning lang hu miuüa phai pacham tek lai lah;ning lang hu miuüa phai chanlaira lawnguan pacham tüngsang lah,’ pakhai.8Tawkchedow lusa maru tut-e Thurai kowh lümla uowi chekhai,lang kri lang kraing mih kowh lümla chowtaih lusa maru kowi pe chanlaira reng.9Lawngtanguüa chowtaih nadowi chanlai,ning huma miuüa chowtaih nadowi nowm mih sia tuk.10Naiawng rakowi ang natek kown mih sünta büa diah;ang paw ang tuakta mih laiklow ang natek kown.11“Enni tek lai mih khin khe ang hawt chawng phülü chekhai,now tawng ngai chow enni tek mih ang hawt sünta phülü chekhai.12Enni tekah mih laiklow maten pe pe ching kaneu hanow ang hawt sünta khai.Tawkchedow Jawb kowh laiklow tawi mih lowk ia paw enni nowng tüng pe dowi.13Naiawng rakowi, ‘A-i tut-e Jawb mih chanlaima chekhai.Thurai towbowt aia kowi nowng klangah kown,’ pami hang tek büa diah.14Jawb tekah mih laiklow dow ang vüi nadowi; enni vüi chowtaih chekhai.Naiawng rakowi aia kowi mih enni klangah iawng ang naklangah kown nadowi.15“Jawb, kowbüah dow ka laira dowi bowt;amatni dow sum kowh ha hüah towbowt.16Amatni dow nowng klang en dowi bowt kowh ririmma towbowt.Nachenganchepaw ang nachawng reng tak kown bow?17Kawmat dow ang paw natek lai bowt kown;ang tuakta mih laiklow ang natawi tek bowt kown.18Tawngplawng kowchow panow ang natek kown mih uowi ahuma chekhai;ang kowh sak mih natek lai ngengche kownkow tatuak khai bowt.19Ang kowh sak dow grep tui tek lai bowt kowh tathek ngialia mih im iawng towbowt;nami dow chak pik hown kowh im sar tathek kown chowbowt mih iawng towbowt.20Ang kowh sak naklamla kownkow ang natek lai kown takla;kowpta nawr phülü dowi bowt kowi ang natek lai kown takla khowk.21Ang dow mia prakowi paw natangi kown nadowi;now mia kowi paw kiow nowm ang nakiowah kown nadowi.22Ang dow kiow nowm paw maru kowi ang tuk kiow dowi chekhai,now ang che kiow nowm nadowi mih hown ang krawi kiow hanow alenma Thurai narip ang kown chekhai,” pakhai.
“Ang dow ning diachow taih tak;enni dow lawngtang khowk chekhai.Naiawng rakowi ang tuakta iawng tawi tek kown mih ang uam dowi.7Ang tuak mih, ‘Ning lang hu miuüa phai pacham tek lai lah;ning lang hu miuüa phai chanlaira lawnguan pacham tüngsang lah,’ pakhai.8Tawkchedow lusa maru tut-e Thurai kowh lümla uowi chekhai,lang kri lang kraing mih kowh lümla chowtaih lusa maru kowi pe chanlaira reng.9Lawngtanguüa chowtaih nadowi chanlai,ning huma miuüa chowtaih nadowi nowm mih sia tuk.10Naiawng rakowi ang natek kown mih sünta büa diah;ang paw ang tuakta mih laiklow ang natek kown.11“Enni tek lai mih khin khe ang hawt chawng phülü chekhai,now tawng ngai chow enni tek mih ang hawt sünta phülü chekhai.12Enni tekah mih laiklow maten pe pe ching kaneu hanow ang hawt sünta khai.Tawkchedow Jawb kowh laiklow tawi mih lowk ia paw enni nowng tüng pe dowi.13Naiawng rakowi, ‘A-i tut-e Jawb mih chanlaima chekhai.Thurai towbowt aia kowi nowng klangah kown,’ pami hang tek büa diah.14Jawb tekah mih laiklow dow ang vüi nadowi; enni vüi chowtaih chekhai.Naiawng rakowi aia kowi mih enni klangah iawng ang naklangah kown nadowi.15“Jawb, kowbüah dow ka laira dowi bowt;amatni dow sum kowh ha hüah towbowt.16Amatni dow nowng klang en dowi bowt kowh ririmma towbowt.Nachenganchepaw ang nachawng reng tak kown bow?17Kawmat dow ang paw natek lai bowt kown;ang tuakta mih laiklow ang natawi tek bowt kown.18Tawngplawng kowchow panow ang natek kown mih uowi ahuma chekhai;ang kowh sak mih natek lai ngengche kownkow tatuak khai bowt.19Ang kowh sak dow grep tui tek lai bowt kowh tathek ngialia mih im iawng towbowt;nami dow chak pik hown kowh im sar tathek kown chowbowt mih iawng towbowt.20Ang kowh sak naklamla kownkow ang natek lai kown takla;kowpta nawr phülü dowi bowt kowi ang natek lai kown takla khowk.21Ang dow mia prakowi paw natangi kown nadowi;now mia kowi paw kiow nowm ang nakiowah kown nadowi.22Ang dow kiow nowm paw maru kowi ang tuk kiow dowi chekhai,now ang che kiow nowm nadowi mih hown ang krawi kiow hanow alenma Thurai narip ang kown chekhai,” pakhai.
The Seed Company