Jawb19
1Nami kung kowi Bildad kowi Jawb klangah mih,2“Mün khowt tak chow enni natowk ang saktuak krat kown?Mün khowt tak chow laiklow hown enni nakingküa ang kown?3Enni dow plan plan pe ang rukrai khai,rukrai uowi dowi mih maru iawng enni chang ang khai.4Ang che changta angak khai nowm hanownami angak sung dow ang chowtaih naka kown.5Ang lak-e enni lang iung padow enni ka tuak khai,maiawng ang piak mih dow ang ngak rakowi chekhai padow enni tuak khai.6Tawkche ang luk kowi chang angak mih dow Thurai chowtaih,aia thangah mih leng kowi pe tasowk ang mih dow aia chowtaih pami tukah büa diah.7‘Khowng ang diah,’ pahai ang hek chowdiah.Nachenganchepaw miapaw uang klang ang dowi chekhai.Nachet ang tara nowm kownkow atünma ang kar chowdiah.Nachenganchepaw miapaw chet ang tara nowm dowi chekhai.8Thurai dow ang kowh tiama kowi kawmta ang khah khai.Naiawng rakowi ang nowng mang dowi chekhai.Aia dow ang kowh tiama aiiuma changta ang khai.9Aia dow ang kowh ringkawra mih pawta ang khai,ang kowh ming iung nang iung mih aia pawta ang khai bowt.10Aia dow ang piak dowi mowr lowra hownia pe ang arau khai,ang kowh sakowmra dow singh bur iawng aia burta ang khai bowt.11Aia kowh kunmaraura dow ang luk kowi lün pluplup khai,now aia dow nüla ang aia kowh ransu khai.12Aia dow nauang sen ang kownkow aia kowh siphaiuüa kowi uang chinah khai;amatni dow nauang sen ang kownkow thawp tap klawk müa dawngbowk khai,now ang kowh tangbung riaret kowi uang umta ang lut büah khai.13“Aia dow ang kowh tainau-uüa kowi ang hownia langta ang khai,tuk mat ang miuüa paw tuk mat ang dowi mih iawng chang ang khai.14Ang kowh tasin taken miuüa dow powtta ang bowk khowk;ang kowh auiua sinuüa paw tamata ang bowk khowk chekhai.15Ang kowh pinsüauüa hai narmauüa mih tukah dowi mih maru iawng chang khai;amatni dow nüla ang prenlang maru khai bowt.16Ang kowh nar kowi ang hawah chepaw aia dow klang ang dowi chekhai,nakhowng ang kownkow ang hawah chepaw aia dow klang ang dowi chekhai.17Ang kowh sak hü nam khowm ang kowh masi sui khai bowt,now ang kowh tainau-uüa paw suiiai kaniaima nüla ang khai bowt.18Asowmchow mih ngeuüa pat sui ang khai,natawi tek lai kownkow ang awr rü now amatni dow prawngren ang khai.19Ang auiua sinuüa paw sui ang khai bowt,ang sakrauah mih maru-uüa paw kingküa ang khai bowt.20Kawmat ang kowh dow hut hai pik klen kowi tawngpaw uowi bowt;ang kowh dow asak krowngchow towbowt uowi.21Aw ang kowh auiuauüa, saksing sana ang büa diah.Tawngplawng kowchow panow Thurai kowh rut mih pe ang ngarau khai.22Tawngplawng kowchow Thurai iawng enni chang ang nowng khai?Enni towk ang ngare chepaw enni sak-ih dowi tak bow?23“Uh, ang kowh laiklow maten ruiah panü,naiawngün laiklow maten chabowih kowi arui uowi panü!24Now huapher kowi ün lawngha kawlawm hown chowngchowng saksakma vüi ruiah panü,now khe kawlawm hown chowngchowng saksakma vüi ruiah panü!25“Ang kowh lawng miia dow sing uowi reng tak pami ang tuk,aia dow achur khe nauang lawng ang kownkow lusa kowi nauang kown.26Ang kowh buk kow piak bowk khowk chepawkowng dowi rawn Thurai kowi ang nakhila kown.27Thurai kowi dow ang matia ngengche nakhi kown,ang kowh sak dow aia kowi nakhi kown mih lainowmma sakkrai chekhai.28“Enni natek kown mih, ‘Nami dow aia kowh aprek rakowi chowtaih,’ napa kown.Naiawng tek hanow enni mih chang ang nowng khai.29Tawkche saidawng kowi enni matia nakram kown takla;Thurai kunmarau hanow saidawng hown pe ripra reng chekhai.Nakhowk khe dow tara chet mih uowi lowk ia pami enni natuk kown,” pakhai.
The Seed Company