Jawb17
1Jawb plan tek pe mih,“Ang kowh sak piak khai bowt;ang kowh chowng mih nachur kown chowbowt,now tadupra dow hawt chawng ang hüah towbowt.2Prawngren dawma miuüa dow umta ang lut khai,now amatni prawngren ang mih dow ang khi chekhai.3“Aw Thurai, ang kowh aprek uowi dowi mih en matia ngengche uang phuang diah,en nadowi now nakhowng ang kown mih miapaw uowi dowi chekhai.4Amatni kowh saktuak mumta pe mih dow en chowtaih.Naiawng rakowi amatni kowi mih hangkow pe awngah diah.5Amatni dow marat kown nau kowh tang ang aprek khai.Naiawng rakowi amatni chauüa kowh dow mik nadu kown.6“Thurai dow maru tut-e changla ang rensi kau khai;ang lumowr kowi maru thawk ang kria khai bowt.7Ang kawm lai bowt kowh ang kowh mik paw iiu khai bowt;ang kowh kow mih arawngchow towbowt.8Maru iunguüa dow maiawng ang own mih khi hanow awda khai bowt,amatni dow tachi tanawm dowi mih maru pahai tang ang aprek khai bowt.9Achinawmma mih maru dow chang lup iung kown mih tuk reng,now chang lup iung reng mih maru dow uang kür ngamlam reng chekhai.10Tawkche plan plan ang pur kowi enni bowkbowk uang iowng chepawenni pungmadawng kowi chanlai mih maru lowk ia paw ang nakhi kown nadowi.11“Ang kowh chownglawng dow chur khai bowt,ang kowh kamrütra maten dow piak bowk khowk,now ang kowh sakowmra paw uowi dowi bowt chekhai.12Ang kowh auiuauüa dow uar kowi ni pahai tekah khai,now aiiu kowi dow anowi pahai tekah büah khai.13Ang che tadupra kuam kowi changla kim kown sakowm khai,ang che aiiu kowi towbowt changla mawk rah khai,14ang che tadupra kuam kowi towbowt changla pa khai,now dung kowi towbowt ang changla tuamow hai u khai;15nahanow ang kowh sakowmra tawng kowi chow uowi tak?Ang kowh sakowmra tachi kown mih enni khi ne bow?16Ang kowh sakowmra dow kuam kowi ang hown natawi tadup kown towbowt,nami sakowmra dow ang hown natawi chowng bawn bowk kown towbowt,” pakhai.
The Seed Company