Jawb16
1Nami kung kowi Elifaz kowi Jawb klangah mih,2“Naiawng mih laiklow dow ahuma khowk ang ta,enni kowh sakklamra laiklow dow pe kratra mih chekhai.3Enni kowh asung uowi dowi mih laiklow katpaw chur dowi bowt tham bow?Naiawng enni klang ang mih tawng chow enni own khai kowh chow?4Ang krat iawng enni krat panü enni tek ang iawng ang paw ia tek enni diah;enni kowi kingküala mih laiklow ahuma ang ia tek diah,now khi enni hanow ngüpla lu se ang naia chit enni diah.5Nachenganchepaw ang dow naiawng tek dowi kowi nape enni sakkhawtra diah,now ang kowh sakklamra laiklow hown dow enni nathaulang diah.6“Ang prow sang chepaw ang kowh arau e dowi chekhai,ririmma ang uowi chepaw nami arau rim dowi chekhai.7Aw Thurai, en dow pawta ang kür bowk khai;ang kowh kimchakuüa kowi paw en piakta ang bowk khai.8Ang kowh kow dow arawngchow en chang ang khai,ang dow pik hai hut klen kowi tawngpaw uowi dowi bowt.Naiawng rakowi maru kawmuüa dow nüla ang maru ngak khai.9Thurai mih lainowmma sen ang khai,now aia kowh kunmaraura hown sekta ang kow nak khai.Aia dow khi ang hanow kunmarau ang kowh krit iüng khai,now aia dow kingküa ang kownkow mik rikma mü ang khai.10Maru kawmuüa dow prawngren ang khai;amatni dow awm kowi phek ang hanow changla ang rensi küakau khai,now nakingküa ang kownkow ahawmsang takua talawm büah khai.11Maru ngakuüa tut-e Thurai mih apta ang khai,aia dow maru ngakuüa rut kowi kuakta ang khai.12“Ang dow athaulangma uowi chowdiah.Tawkche aia mih uang piakta ang nak khai.Aia dow dowk ang ngawngtung hanow theu ang khai,now aia kowh leba sek manra changla ang khai.13Aia kowh leba ap miuüa dow rumta ang lut khai;amatni dow saksing sana ang dowi kowi kia taplawn pat ap ang khai,now ang kowh müt dow krawng kowi dowh khai.14Aia dow plan plan bawp ang khai,now tasen mih maru iawng sen ang kownkow ang prakowi uang iowm khai.15Naiawng rakowi ang dow kar hai nguk hown khup sala uan khai,ang kowh bawrira dow bawn kowi ang kuakta khai bowt.16Kar lai bowt kowh ang kowh lumowr arikma towbowt,now ang kowh mik ueng paw anumma towbowt.17Nachenganchepaw amia kowi paw ang krawi chang nowng dowi chekhai,now ang kowh Thurai chup mih achinawmma uowi reng chekhai.18“Aw lusa, ang kowh vi mih hangkow phumta diah,ang kowh kar klow mih hangkow pacham rim lah.19Kawmat paw ang kowh saksi thuak mih mukuang kowi uowi reng chekhai;tawi tangila ang kowh natek lai kown mih dow mukuang kowi uowi chekhai.20Ang kowh auiuauüa dow prawngren ang khai;naiawng rakowi Thurai tut-e ang awr kar khai.21Tawngbak mih maru dow a-auiuauüa kowi tawi tangila reng chekhai;nami iawng tangila ang now ang vüi Thurai tut-e tek lai kown mih maru ang lakke.22Tawngplawng kowchow panow ang kowh chownglawng dow chur rürü towbowt,nami kowngra hownia dow ang nauang plan kown nadowi bowt,” pakhai.
The Seed Company