Jeremia52
1Juda pren kowi Zedekia chowm mang mih dow 21 ning khe chekhai. Aia dow lailowk ning mowr Jerusalem marow kowi chowmla mang khai. A-u dow Libna marowchak Jeremia kowh chama Hamutal chekhai.2Zedekia dow Jehoiakim iawng CHAKRAMANG mik kowi angakma mih lup chang khai.3Jerusalem hai Juda maru-uüa rakowi CHAKRAMANG kowh kunmaraura dow lün pluplup khai. Naiawng rakowi CHAKRAMANG dow aia pur hownia amatni kowi prütah khai.
Akung kowi mang Zedekia dow Babulawn pren mang Nebuknezar kowi kingküaah khai.4Zedekia chowm mang mih taku ning khe kowh hamüt la kowi hamüt ni khe Babulawn pren mang Nebuknezar dow aia kowh siphai hawmh maten kowi pawla now Jerusalem marow nakowrumta hüah kownkow tarü khai. Aia dow Jerusalem marow uat kowi krawi khup tangbung khai, now marow riaret kowi dow akroma aia krawi chun pe bawn khai.5Zedekia chowm mang mih lailowk ning mowr Jerusalem marow dow rumta hüah khai.6Nami ning tali la kowi kowh taku ni mih ni khe Jerusalem marow kowi kowh khown dow uang hu ngamlam khai. Naiawng rakowi marowchakuüa kowh dow chakkham hing uowi dowi bowt chekhai.7Akung kowi Jerusalem marow tap dow takhue parah khai. Nakhowk khe paw Babulawn siphaiuüa dow Jerusalem marow mih rumta hüah reng tak chekhai. Nachenganchepaw Juda siphaiuüa maten dow iak-e khe mang kowh bakan re-e kowh tap pre buk mih tapplawt iawng ku powt hanow Jawrdan lawngrawi prakowi kowkowi khai.8Mang Zedekia kowh siphai hawmh maten dow aia hown taprai hanow taset plawt khai. Nami khin khe Babulawnuüa kowh siphai hawmh dow mang Zedekia kung kowi kawikrawi khai, now aia kowi dow Jeriko dowm kowi krawi ka khümta khai.9Now amatni dow aia kowi Ribla marow kowi Babulawn mang tut-e kowpawla khai. Nakowi dow Babulawn mang mih aia kowi naripah kownkow siphai hawmh kowi peah ana khai.10Siphaiuüa dow Ribla marow kowi mang Zedekia pur kowi achapauüa kowi saiah khai, now Juda pren kowi kowh maru iukuüa maten kowi paw saita khai.11Nami kung kowi dow aia kowh mik pre buk trui laita pe khai, now aia kowi dow kri leng hown tawmla hanow Babulawn pren kowi pawla khai. Aia kowi dow kowng dowi mowr thawng kowi Babulawn mang towah khai.12Babulawn pren kowi Nebuknezar chowm mang mih laitaku ning khe tanga la kowi kowh ranit ni khe mang chawng mih aluchow Nebuzardan dow Jerusalem marow kowi uang khai.13Now Nebuzardan dow CHAKRAMANG kim, mang kim hai Jerusalem marow kowi kowh kim maten krawi towkta khai. Nami klen kowi marow kowi kowh akri akrima mih kim maten paw aia krawi towkta bowk khai.14Nebuzardan nimkrüa kowi kowh uowi mih Babulawn siphai hawmh maten dow Jerusalem marow tap mih khueta khai.15Now marow kowi kowh ta uowi miuüa, uanthawp sarauüa hai Babulawn mang prakowi tawi tangi miuüa maten kowi dow mang chawng mih Nebuzardan khümla khai.16Nachenganchepaw Juda pren kowi kowh grep krum natamingkhet kownkow hai nata chang laih nata chang üa kownkow ngaraima miuüa kowi dow pren kowi aia ta towla ne khai.17Now Babulawn siphaiuüa dow CHAKRAMANG kim kowi kowh kri hown kowh thawpah mih kimchüng pre buk, kri hown kowh bia chowm müa hai tui nungra kri hown kowh bia iukma mih ün theuta naknak khai. Now naiawngün uanh dow Babulawn pren kowi pawla büah khai.18Nami klen kowi amatni dow puh, plawi kuak müa uaibak, maibu kowi kowh bawthi kep müa kaingkep hai Thurai chup kim kowi kowh tawngah kengah mih kri uanh maten pawla büah bowk khai.19Aia dow bia, mairing towk müa puh, biatum, maibu towng, uaibak, hüngah mih uanap chang müa puh ün Nebuzardan pawla bowk khai. Now aia dow kuh hai tai hown kowh thawpah mih akeng mih uanh maten paw pawla bowk khai.20Mang Sawlawmawn mih CHAKRAMANG kim vüi kimchüng pre buk, tui nungra kri hown kowh bia iukma mih hai nami bia dak kowi kowh kri hown kowh thawpah mih chiala laipre buk hai akeng mih chowm müa ün kri hown thawpah khai. Naiawngün kowi kowh kri maten dow di lai bowt kowh nowng khaiah dowi bowt chekhai.21Naiawngün kimchüng dow pachüng kowi aklang lairaiat muk chi chekhai, now naiawngün kimchüng buk iuk dow laipre muk chi chekhai. Nami kimchüng tat dow apawk chi chekhai, now alak dow akhawngrawngma chekhai.22Nami kimchüng lu dow aklang tanga muk chi chekhai. Nami lu kowi dow kri leng tapat lut chekhai, now kri hown kowh dalim uih hown tawngah khai.23Kri leng tapat lut dalim uih uowi mih dow 100 klüng chekhai. Tawkche adak hownia khi mih dow 96 klüng taih chekhai.24Now mang chawng mih aluchow Nebuzardan dow Judauüa kowh uamow lang kri mih Seraia, akhowng mih uamow Zefania hai Thurai chup kim kangchawng mih sum ia kowi khümla khai.25Now Jerusalem marow kowi kowh ta tapet miuüa pungmadawng kowi kowh tasen miuüa luk kowi towah mih aluchow hai mang kowh prengia pek mih ranit ia kowi aia khümla khai. Nami klen kowi aia dow hawt paw siphai sar reng mih cha rui mih siphai aluchow kowi khümla khai, now marow kowi kowh krawi ta ka khümah mih maru 60 ia kowi paw pawla khai.26Naiawngün khümla mih maru-uüa maten kowi dow Nebuzardan mih Ribla marow kowi Babulawn mang tut-e kowpawla khai.27Naiawngün maru-uüa kowi dow Babulawn pren mang mih Hamat pren kowi kowh Ribla marow kowi saita bowk khai. Naiawng hai Judauüa kowi dow khümla now amatni pren hownia alakma kowi cham pawla khai.28Nebuknezar khümla mih Judauüa maru iun dow maiawng: aia chowm mang mih ranit ning khe aia uang khümla mih maru iun dow 3,023 ia chekhai. Nami klen kowi aia chowm mang mih lairiat ning khe Jerusalem hownia aia uang khümla mih maru iun dow 832 ia chekhai. Now aia chowm mang mih 23 ning khe mang chawng miuüa kowh aluchow Nebuzardan uang khümla mih maru iun dow 745 ia chekhai. Babulawnuüa khümla mih Judauüa maru iun dow bowk kowi 4,600 ia chekhai.31Juda pren mang Jehoiakin kla thawng mih 37 ning khe Evil-Merodak dow Babulawn pren kowi chowm mang khai. Nami ning laipre la kowi kowh lacher 27 ni khe aia dow sanaah kowh Jehoiakin kowi thawngrum hownia lawtta khai.32Aia dow Jehoiakin kowi klangiungma klowpah klangah khai. Aia dow Babulawn pren kowi Jehoiakin hown tawi takhang mih akeng mih manguüa kowi lak-e Jehoiakin kowi lang towah asung khai. Aia dow Jehoiakin kowi ringkawma mih chowm rah kowi pe chowmah khai.33Evil-Merodak dow Jehoiakin kowi thawngrum hownia kowh tawnguat pe klüpta hanow pe khupah tawnguat sar khai. Nami hownia bowt now Jehoiakin dow sing uowi mowr atungma mang hown tawi taiua cha chakkham khai.34Aia sing uowi mowr dow mang mih aia kowi ni towng kowh charek peah reng chekhai.
Akung kowi mang Zedekia dow Babulawn pren mang Nebuknezar kowi kingküaah khai.4Zedekia chowm mang mih taku ning khe kowh hamüt la kowi hamüt ni khe Babulawn pren mang Nebuknezar dow aia kowh siphai hawmh maten kowi pawla now Jerusalem marow nakowrumta hüah kownkow tarü khai. Aia dow Jerusalem marow uat kowi krawi khup tangbung khai, now marow riaret kowi dow akroma aia krawi chun pe bawn khai.5Zedekia chowm mang mih lailowk ning mowr Jerusalem marow dow rumta hüah khai.6Nami ning tali la kowi kowh taku ni mih ni khe Jerusalem marow kowi kowh khown dow uang hu ngamlam khai. Naiawng rakowi marowchakuüa kowh dow chakkham hing uowi dowi bowt chekhai.7Akung kowi Jerusalem marow tap dow takhue parah khai. Nakhowk khe paw Babulawn siphaiuüa dow Jerusalem marow mih rumta hüah reng tak chekhai. Nachenganchepaw Juda siphaiuüa maten dow iak-e khe mang kowh bakan re-e kowh tap pre buk mih tapplawt iawng ku powt hanow Jawrdan lawngrawi prakowi kowkowi khai.8Mang Zedekia kowh siphai hawmh maten dow aia hown taprai hanow taset plawt khai. Nami khin khe Babulawnuüa kowh siphai hawmh dow mang Zedekia kung kowi kawikrawi khai, now aia kowi dow Jeriko dowm kowi krawi ka khümta khai.9Now amatni dow aia kowi Ribla marow kowi Babulawn mang tut-e kowpawla khai. Nakowi dow Babulawn mang mih aia kowi naripah kownkow siphai hawmh kowi peah ana khai.10Siphaiuüa dow Ribla marow kowi mang Zedekia pur kowi achapauüa kowi saiah khai, now Juda pren kowi kowh maru iukuüa maten kowi paw saita khai.11Nami kung kowi dow aia kowh mik pre buk trui laita pe khai, now aia kowi dow kri leng hown tawmla hanow Babulawn pren kowi pawla khai. Aia kowi dow kowng dowi mowr thawng kowi Babulawn mang towah khai.12Babulawn pren kowi Nebuknezar chowm mang mih laitaku ning khe tanga la kowi kowh ranit ni khe mang chawng mih aluchow Nebuzardan dow Jerusalem marow kowi uang khai.13Now Nebuzardan dow CHAKRAMANG kim, mang kim hai Jerusalem marow kowi kowh kim maten krawi towkta khai. Nami klen kowi marow kowi kowh akri akrima mih kim maten paw aia krawi towkta bowk khai.14Nebuzardan nimkrüa kowi kowh uowi mih Babulawn siphai hawmh maten dow Jerusalem marow tap mih khueta khai.15Now marow kowi kowh ta uowi miuüa, uanthawp sarauüa hai Babulawn mang prakowi tawi tangi miuüa maten kowi dow mang chawng mih Nebuzardan khümla khai.16Nachenganchepaw Juda pren kowi kowh grep krum natamingkhet kownkow hai nata chang laih nata chang üa kownkow ngaraima miuüa kowi dow pren kowi aia ta towla ne khai.17Now Babulawn siphaiuüa dow CHAKRAMANG kim kowi kowh kri hown kowh thawpah mih kimchüng pre buk, kri hown kowh bia chowm müa hai tui nungra kri hown kowh bia iukma mih ün theuta naknak khai. Now naiawngün uanh dow Babulawn pren kowi pawla büah khai.18Nami klen kowi amatni dow puh, plawi kuak müa uaibak, maibu kowi kowh bawthi kep müa kaingkep hai Thurai chup kim kowi kowh tawngah kengah mih kri uanh maten pawla büah bowk khai.19Aia dow bia, mairing towk müa puh, biatum, maibu towng, uaibak, hüngah mih uanap chang müa puh ün Nebuzardan pawla bowk khai. Now aia dow kuh hai tai hown kowh thawpah mih akeng mih uanh maten paw pawla bowk khai.20Mang Sawlawmawn mih CHAKRAMANG kim vüi kimchüng pre buk, tui nungra kri hown kowh bia iukma mih hai nami bia dak kowi kowh kri hown kowh thawpah mih chiala laipre buk hai akeng mih chowm müa ün kri hown thawpah khai. Naiawngün kowi kowh kri maten dow di lai bowt kowh nowng khaiah dowi bowt chekhai.21Naiawngün kimchüng dow pachüng kowi aklang lairaiat muk chi chekhai, now naiawngün kimchüng buk iuk dow laipre muk chi chekhai. Nami kimchüng tat dow apawk chi chekhai, now alak dow akhawngrawngma chekhai.22Nami kimchüng lu dow aklang tanga muk chi chekhai. Nami lu kowi dow kri leng tapat lut chekhai, now kri hown kowh dalim uih hown tawngah khai.23Kri leng tapat lut dalim uih uowi mih dow 100 klüng chekhai. Tawkche adak hownia khi mih dow 96 klüng taih chekhai.24Now mang chawng mih aluchow Nebuzardan dow Judauüa kowh uamow lang kri mih Seraia, akhowng mih uamow Zefania hai Thurai chup kim kangchawng mih sum ia kowi khümla khai.25Now Jerusalem marow kowi kowh ta tapet miuüa pungmadawng kowi kowh tasen miuüa luk kowi towah mih aluchow hai mang kowh prengia pek mih ranit ia kowi aia khümla khai. Nami klen kowi aia dow hawt paw siphai sar reng mih cha rui mih siphai aluchow kowi khümla khai, now marow kowi kowh krawi ta ka khümah mih maru 60 ia kowi paw pawla khai.26Naiawngün khümla mih maru-uüa maten kowi dow Nebuzardan mih Ribla marow kowi Babulawn mang tut-e kowpawla khai.27Naiawngün maru-uüa kowi dow Babulawn pren mang mih Hamat pren kowi kowh Ribla marow kowi saita bowk khai. Naiawng hai Judauüa kowi dow khümla now amatni pren hownia alakma kowi cham pawla khai.28Nebuknezar khümla mih Judauüa maru iun dow maiawng: aia chowm mang mih ranit ning khe aia uang khümla mih maru iun dow 3,023 ia chekhai. Nami klen kowi aia chowm mang mih lairiat ning khe Jerusalem hownia aia uang khümla mih maru iun dow 832 ia chekhai. Now aia chowm mang mih 23 ning khe mang chawng miuüa kowh aluchow Nebuzardan uang khümla mih maru iun dow 745 ia chekhai. Babulawnuüa khümla mih Judauüa maru iun dow bowk kowi 4,600 ia chekhai.31Juda pren mang Jehoiakin kla thawng mih 37 ning khe Evil-Merodak dow Babulawn pren kowi chowm mang khai. Nami ning laipre la kowi kowh lacher 27 ni khe aia dow sanaah kowh Jehoiakin kowi thawngrum hownia lawtta khai.32Aia dow Jehoiakin kowi klangiungma klowpah klangah khai. Aia dow Babulawn pren kowi Jehoiakin hown tawi takhang mih akeng mih manguüa kowi lak-e Jehoiakin kowi lang towah asung khai. Aia dow Jehoiakin kowi ringkawma mih chowm rah kowi pe chowmah khai.33Evil-Merodak dow Jehoiakin kowi thawngrum hownia kowh tawnguat pe klüpta hanow pe khupah tawnguat sar khai. Nami hownia bowt now Jehoiakin dow sing uowi mowr atungma mang hown tawi taiua cha chakkham khai.34Aia sing uowi mowr dow mang mih aia kowi ni towng kowh charek peah reng chekhai.
The Seed Company