Jeremia4
1CHAKRAMANG tek pe Israel mih, “Aw Israel,en che uang plan kown nau hanow ang tut-e uang plan diah.En che ang pur hownia suiiai kaniaima mih arup aren henta khai,en che angakma mih tiama kowi tawi mang dowi hanow2ang ming hown en naia kham sawi kown,akeng chenchapuüa vüi enni nachowng prasira kown,now chenchap maten nauangah hanow nakiow ang kown,” pakhai.3Judauüa hai Jerusalem maru-uüa kowi CHAKRAMANG tek pe mih,“Enni lupah dowi mih krawng bawn kowi lupah büa diah;chu mung kowi hang sawt aliu büa diah.4Aw Judauüa hai Jerusalem maru-uüa,ang vüi kowi hiah khampha uanpik hanow enni kowh saktuak chimsaiah büa diah.Nadowi now ang kowh kunmaraura mih maih iawng nalün pluplup kown chekhai;nami dow amiapaw naia mit kown nadowi,” pakhai.5CHAKRAMANG plan tek mih, “Juda pren hai Jerusalem marow kowi maiawng krawi phuang büa diah,‘Paprenma kowi tum baw büah,’ pape diah,Now, ‘Asak naplaila kownkow powt diah!Chu, tap tapat lut mih marow kowi ün a-i kowkowi diah sik,’ pahai atünma tek büa diah.6Zaiawn hungh kowi kowkowila mih tiama natüngah kownkow ruang tamkhuown diah,athaulangma nauowi kownkow nakowi alenma kowpowt büa diah.Tawngplawng kowchow panow tawngphak hownia ang uang pawla enni phih thüm khowk,nami phih hownia dow kramra uowima mih piakra ang uang pawla enni thüm khowk.7Khawng lak hownia kowh krangsi uang lawt mih iawngchenchap piak mih maru dow aia uowi rah hownia uang lawt khowk.Aia dow enni kowh pren nauang piak kownkow uang tarü khowk;enni kowh marow kowi dow amiapaw nauowi kown nadowi bowt,enni kowh marow ün dow apiaknama nauowi bowt kown.8Naiawng rakowi khup sala uanh hanow kar büah nguk büa diah.Tawngplawng kowchow panow CHAKRAMANG kowh kunmaraura dow a-i hownia powt dowi chekhai,” pakhai.9CHAKRAMANG tek mih, “Nami khin khe mang hai maru iukuüa kowh dow sakkraingra natama kown, now uamowuüa hai risiuüa paw amawlawma naown kown,” pakhai.10Nakhowk khe ang tek pe mih, “Aw CHAKRAMANG ang kowh Thurai, Juda hai Jerusalem maru-uüa kowi en kuanah khai. En tek pe mih, ‘Enni nathaulang kown,’ pakhai. Tawkche kawmat dow amatni ngawng kowi saidawng tatang hüah chekhai,” pakhai.11Nami khin khe amatni kowi CHAKRAMANG natek pe kown mih, “Singh kau uowi dowi mih süngrüp süngkangma kowi kowh hungh hownia ang maru-uüa prakowi krawi kamla mih li den uang khai. Nami dow rownla chapli mih li nadowi chekhai.12Ang ana hown kowh uang mih nami li dow lainowmma kür khai. Naiawng hai amatni kowi dow kawmat ang nachet pe tara kown,” pakhai.13Mü madiah, ransu dow uangnim iow iawng alenma uang tarü khai bowt;aia kowh kawrnga kari ün dow liku uangchak iawng uang khai bowt,aia kowh kawrnga ün dow uamu iowk lak-e paw iowm lang len khai bowt.Anging dow piak khai bowt!14Aw Jerusalem, en nakala lawngra kownkow en kowh angak mih en sak hownia kuakta diah.Mün ni tak chow en kowh saktuak ngak en natowah kown?15Dan marow hownia dow phih nauang kla kown mih lawnguan phuang khowk chekhai,now Efraim hungh hownia paw phih nauang kla kown mih lawnguan phuang khowk chekhai.16Chenchapuüa tut-e hai Jerusalem maru-uüa tut-e mami laiklow krawi phuang diah,“Judauüa kowi nauang sen kownkow alakma mih pren hownia ransu siphaiuüa uang tarü khowk,now amatni dow Judauüa kowh marow ün nasen kownkow tüng klow khai bowt.17Krum kowi kowh hawt chawng kang miuüa iawngamatni dow Jerusalem marow tapat lut nauang rum büah kown.Tawngplawng kowchow panow Judauüa dow kingküa ang khai.Ang CHAKRAMANG mami laiklow ang tek khowk.18Naiawng en luk kowi piakra uang ting mih dow en chang lup ngak rakowi chekhai,now en kowh chowm krang uowi krang ngak rakowi chekhai.Nami en kowh ngak ripra dow lainowmma rau chekhai;nami dow en sak kowi pat pe en arau khai,” pape diah.19Ang sak dow kawm lai bowt kowbow!Uh, tuak krat hown ang kowh sak dow thu dukluk towbowt.Ang dow ririmma nowng uowi phulu dowi bowt chekhai.Tawngplawng kowchow panow ransu-uüa kowh baw tün dow ang ta khai bowt,now tasen klow paw ang ta khai bowt.20Pren kowi dow phih klen kowi phih uang ting khai.Naiawng rakowi pren maten piak bowk khowk.Kra sangrum now anging kowh tangbung ün hai tangbung uaniang ün napiak kown chowbowt.21Mün ni tak chow tasen tamkhuown ang nakhi kown?now mün ni tak chow baw tün ang nata kown?22CHAKRAMANG tek mih,“Ang maru-uüa dow abualama;amatni dow tuk ang dowi chekhai.Amatni kowh dow abualama mih chauüa iawng aiung angak tukra uowi dowi chekhai,amatni dow lup ngak chang akiakma chekhai.Tawkche tawng iawng chow lup iung changah kown mih tuk dowi chekhai,” pakhai.23Ang dow lusa prakowi tang mü khai;lusa dow akhaw aklaima ang khi khai.Mukuang prakowi ang awr plan tang mü khai,nakowi dow tawngpaw anowi uowi dowi mih ang khi khai.24Aiuk aiukma mih hungh prakowi ang tang mü khai;naiawngün hungh dow chür nukluk khai,now asowm asowmchow mih hungh ün dow tahowng nurlur khai.25Naiawngün hungh kowi ang krawi tang mü chowdiah.Tawkche lowk iachow paw maru uowi dowi chekhai.Mukuang kowi kowh uakling uaber paw iow bowk chekhai.26Nami kung kowi krawngsi uowi mih pren prakowi ang krawi tang mü khai;naiawngün pren paw CHAKRAMANG pur kowi süngrüp süngkangma iawng chowng bowk khowk,now nakowi kowh marow ün paw aia kowh kramra uowi mih kunmaraura pur kowi piak bowk khowk.27CHAKRAMANG tek mih, “Pren paprenma napiak kown.Tawkche pren mih asaima pat dow ang napiakah kown nadowi.28Naiawng rakowi lusa dow nanguk nakar kown,now mukuang paw naiiu kown.Tawngplawng kowchow panow mami laiklow ang tek khowk,Naiawng nachang kown mih ang khowm bowkta khowk chekhai.Nami ang khowm bowkta mih hownia dow ang naplan kown nadowi.Nami dow ang nachang ngengche kown,” pakhai.29Kawrnga luk kowi kowh chowm miuüa kowh klow hown marow chakuüa maten napowt kown,now salangba dowk miuüa kowh klow hown marowchakuüa maten napowt kown.Nami khin khe tawngbak mih maru dow kaurawng dawng kowi nacham powt kown,now tawngbak mih maru dow aiukma mih hua luk kowi nacham powt kown.Naiawng rakowi marow maten dow akhaw aklaima nauowi kown;nakowi dow amiapaw nauowi kown nadowi bowt.30Aw apiaknama mih Jerusalem marow, tawng chow en chang?Tawngplawng kowchow aringma mih tawnguat hai kuh uanh hown en tatawng khai?Now tawngplawng kowchow en tuk sü mikkhu pawi khai?En tatawng mih dow aiawnglowma chekhai.En naukhi-ah mih maru-uüa dow sui en khai,amatni dow napaw en asak kown mih kamrüt khai.31Kimuowi mu rau khe kowh kar klow iawng,pen chah müng khe kowh kar klow iawngZaiawn chama kowh kar klow dow ang ta khai.Aia dow awr tek mih, “Uh! Ang kowh chur khin uang tawn khai bowt!Maru ngakuüa uang saita ang kown chowbowt,” pakhai.
The Seed Company