Jeremia3
1CHAKRAMANG tek pe Israel mih,“Ahua khuata mih masiuüa akeng mih kachakuüa tut-e che cham mang khai bowt hanowahua prim mih krawi nowng paw kown nadowi bowt.Aia che krawi plan paw khai hanow pren mih natasür talawk kown.Nachenganchepaw chawkkrawma kowh klanguüa akawmma mih iawng en kowh dow akeng thuraiuüa akawmma chekhai;naiawng mih hownia kawmat tawng iawng chow ang tut-e en nauang plan kown?2Singh kau uowi dowi mih hungh prakowi awr tang mü diah.Naiawngün hungh kowi dow akeng thuraiuüa hown en cham chang iang dowi mih arah uowi dowi bowt chekhai,now naiawngün thuraiuüa kowi dow tiama ria kowi en hawt chawngah reng chekhai.Amatni kowi dow süngrüp süngkangma kowi kowh Arab maru-uüa iawng en hawt mitah reng chekhai.En kowh iang changra hai lup ngak changra hown pren mih en sürlawkah khai.3Naiawng rakowi ang pe en uang dowi chekhai,now siadawng uang paw ang pe uangah dowi chekhai.Nachenganchepaw en dow iang chang mih maru iawng en uowi reng tak,en dow mapaw rukrai dowi chekhai.4En tek ang mih ‘En dow ang kowh pa chekhai,en dow ang sowmchow hownia sakrau ang reng chekhai.5Atungma bow en nakunmarau kown?En kowh kunmaraura sak kowi en natowta hüah kown bow?’ pakhai.Naiawng en tek chepaw en dow ia chang mowr chang angak khai,” pape khai.6Juda pren kowi Josia chowm mang mih khin khe CHAKRAMANG uang tek ang mih, “Ang kaah sakowm dowi iawng Israel uowi mih en khi tak bow? Amatni dow alowngma mih hungh luk kowi hai aram chakma mih singh tut kowi iang chang mih masiuüa iawng cham krawi chupiia akeng thuraiuüa khai.7Naiawngün lup ngak chang kung kowi Israel dow ang tut-e nauang plan bowt kown padow ang ka tuak khai. Nachenganchepaw aia dow uang plan dowi chekhai. Naiawng aia chang mih dow kaah sakowm dowi mih anaumow Juda paw tawi khi chekhai.8Kaah sakowm dowi mih Israel chang iang rakowi ang nuata mih dow anaumow Juda tawi khi chowdiah. Nachenganchepaw Juda dow kram dowi chekhai. Aia dow ataimow Israel iawng nuata ang hanow iang chang mih masiuüa iawng arup aren kowi cham tawi chupiia khai.9Naiawng mih lup ngak chang chepaw aia dow klowkah dowi chekhai. Naiawng rakowi aia dow hua hai singh hown kowh thawpah mih thurai rup kowi chupiia hanow pren mih sürlawkah khai.10Naiawng phaw chepaw Israel kowh kaah sakowm dowi mih tuamow Juda dow sak maiow hown ang tut-e uang plan dowi chekhai. Aia uang plan mih dow uang tüng aiow krowngchow mih chekhai. Ang CHAKRAMANG mami laiklow ang tek khowk,” pakhai.11CHAKRAMANG tek pe Jeremia mih, “Ang hownia Israel powt chepaw aia dow kaah sakowm dowi mih Juda lak-e iung chekhai.12Naiawng rakowi tawngphak pra kowh Israel tut-e maiawngün satang kowphuang diah,
“‘Aw angak prakowi kowh mang mih Israel,ang tut-e uang plan bowt.En luk kowi chowngchowng saksakma ang nakunmarau kown nadowi.Tawngplawng kowchow panow ang kowh dow saksing sanara atekma chekhai.13Tawkche en changah mih maiawngün angak uang taphuang diah:CHAKRAMANG en kowh Thurai kowi en kingküa khai,aram achakma mih singh tut kowi en cham chupiia akeng thurai khai,now ang kowh laiklow paw en chün dowi chekhai,’ pape diah.14Angak prakowi kowh mang mih chauüa low, uang plan bowt.Tawngplawng kowchow panow enni dow ang kowh chekhai.Enni kowi dow marow towng hownia lowk ia chi ang naklo enni kown,now krungchak towng hownia pre ia chi ang naklo enni kown.Nahanow Zaiawn hungh kowi ang nauang pawla enni kown.15Nami kung kowi dow ang laiklow chün mih kruitown miuüa kowi ang natow enni kown,now amatni dow chanlaira hai prengia hown nakruitown enni kown.16“Nami khin khe enni dow pren kowi maru iun akawmma nauang phaw kown, now maru kawmuüa dow ang kowh sangbowk laitawm tawkpla lawnguan kowi amiapaw natek kown nadowi bowt. Amatni dow nami lawnguan kowi sak kowi naka tuak kown nadowi bowt, now nami prakowi nape ching büah kown nadowi bowt. Nami dow lakke dowi bowt rakowi thawp paw nathawp büah iawk kown nadowi bowt.17Nami khin khe Jerusalem lawnguan kowi maru natek kown mih, ‘Jerusalem dow CHAKRAMANG kowh mang chowm rah chekhai,’ napa kown. CHAKRAMANG kowi nachupiiaah kownkow chenchap maten dow Jerusalem kowi nauang takua talawm kown. Nami hownia dow angak saktuak hown saktuak khawtma nauowi kown nadowi bowt.18Nami khin khe Juda maru-uüa dow Israel maru-uüa hown natawi tabawng kown. Now amatni pipu-uüa kowi kowh ang peah mih pren kowi dow ahawmsang tawngphak prakowi kowh pren hownia nauang büah kown.19“Sakdawng kowi ang sakowm mih, ‘Ang chapa iawng ang nasakrau enni kown,now akeng mih chenchapuüa pungmadawng kowi kowh lang klangiung mih pren ang nape powng enni kown.Apa, pahai enni nahaw ang kown,now ang hownia katpaw enni nacham powt kown nadowi bowt,’ pakhai.20Nachenganchepaw aw Israeluüa, enni dow hua kaah sakowm dowi mih masi iawng;ang kaah sakowm iawng enni uowi dowi chekhai.Ang CHAKRAMANG mami laiklow ang tek khowk,” pakhai.21Singh uowi dowi mih hungh luk kowi dow Israeluüa kowh kar klow nguk klow ta khai bowt.Tawngplawng kowchow panow amatni dow tiama tawi kowi cham mang khai,now CHAKRAMANG amatni kowh Thurai kowi dow tamata büah khai.22CHAKRAMANG tek mih, “Tiama ngak kowi mang miuüa low, ang tut-e uang plan büah bowt,tiama ngak kowi enni cham mang rengreng mih rawka dow ang naiungta enni kown,” pakhai.Nami khin khe Israeluüa natek kown mih, “Ow, anging dow en tut-e nauang plan kown towbowt.Tawngplawng kowchow panow anging kowh CHAKRAMANG Thurai dow en chowtaih.23Hungma mawngma kowi kowh anging cham chupiia mih arup aren dow asung uowi dowi chekhai,Israeluüa kowh lawngra dow CHAKRAMANG anging kowh Thurai tut-e chowtaih uowi.24“Tawkche anging pipu-uüa kawrah mih chia hawmh, ruapur hawmh hai amatni kowh chauüa dow mami rukraira uowima mih arup aren kowi anging cham phuchuala rakowi anging mata bowk khowk.25Naiawng rakowi chu, rukrai rakowi a-i uowi diah sik, now rukrai dow pacham khuta a-i hüah lah. Tawngplawng kowchow panow asowmchow hownia kawmat mowr pat CHAKRAMANG a-i kowh Thurai kowi kingküala mih angak a-i chang khai, now a-i kowh pipu-uüa paw aia kowi kingküala mih ngak chang khai. A-i dow CHAKRAMANG a-i kowh Thurai laiklow chün dowi chekhai,” napa kown.
“‘Aw angak prakowi kowh mang mih Israel,ang tut-e uang plan bowt.En luk kowi chowngchowng saksakma ang nakunmarau kown nadowi.Tawngplawng kowchow panow ang kowh dow saksing sanara atekma chekhai.13Tawkche en changah mih maiawngün angak uang taphuang diah:CHAKRAMANG en kowh Thurai kowi en kingküa khai,aram achakma mih singh tut kowi en cham chupiia akeng thurai khai,now ang kowh laiklow paw en chün dowi chekhai,’ pape diah.14Angak prakowi kowh mang mih chauüa low, uang plan bowt.Tawngplawng kowchow panow enni dow ang kowh chekhai.Enni kowi dow marow towng hownia lowk ia chi ang naklo enni kown,now krungchak towng hownia pre ia chi ang naklo enni kown.Nahanow Zaiawn hungh kowi ang nauang pawla enni kown.15Nami kung kowi dow ang laiklow chün mih kruitown miuüa kowi ang natow enni kown,now amatni dow chanlaira hai prengia hown nakruitown enni kown.16“Nami khin khe enni dow pren kowi maru iun akawmma nauang phaw kown, now maru kawmuüa dow ang kowh sangbowk laitawm tawkpla lawnguan kowi amiapaw natek kown nadowi bowt. Amatni dow nami lawnguan kowi sak kowi naka tuak kown nadowi bowt, now nami prakowi nape ching büah kown nadowi bowt. Nami dow lakke dowi bowt rakowi thawp paw nathawp büah iawk kown nadowi bowt.17Nami khin khe Jerusalem lawnguan kowi maru natek kown mih, ‘Jerusalem dow CHAKRAMANG kowh mang chowm rah chekhai,’ napa kown. CHAKRAMANG kowi nachupiiaah kownkow chenchap maten dow Jerusalem kowi nauang takua talawm kown. Nami hownia dow angak saktuak hown saktuak khawtma nauowi kown nadowi bowt.18Nami khin khe Juda maru-uüa dow Israel maru-uüa hown natawi tabawng kown. Now amatni pipu-uüa kowi kowh ang peah mih pren kowi dow ahawmsang tawngphak prakowi kowh pren hownia nauang büah kown.19“Sakdawng kowi ang sakowm mih, ‘Ang chapa iawng ang nasakrau enni kown,now akeng mih chenchapuüa pungmadawng kowi kowh lang klangiung mih pren ang nape powng enni kown.Apa, pahai enni nahaw ang kown,now ang hownia katpaw enni nacham powt kown nadowi bowt,’ pakhai.20Nachenganchepaw aw Israeluüa, enni dow hua kaah sakowm dowi mih masi iawng;ang kaah sakowm iawng enni uowi dowi chekhai.Ang CHAKRAMANG mami laiklow ang tek khowk,” pakhai.21Singh uowi dowi mih hungh luk kowi dow Israeluüa kowh kar klow nguk klow ta khai bowt.Tawngplawng kowchow panow amatni dow tiama tawi kowi cham mang khai,now CHAKRAMANG amatni kowh Thurai kowi dow tamata büah khai.22CHAKRAMANG tek mih, “Tiama ngak kowi mang miuüa low, ang tut-e uang plan büah bowt,tiama ngak kowi enni cham mang rengreng mih rawka dow ang naiungta enni kown,” pakhai.Nami khin khe Israeluüa natek kown mih, “Ow, anging dow en tut-e nauang plan kown towbowt.Tawngplawng kowchow panow anging kowh CHAKRAMANG Thurai dow en chowtaih.23Hungma mawngma kowi kowh anging cham chupiia mih arup aren dow asung uowi dowi chekhai,Israeluüa kowh lawngra dow CHAKRAMANG anging kowh Thurai tut-e chowtaih uowi.24“Tawkche anging pipu-uüa kawrah mih chia hawmh, ruapur hawmh hai amatni kowh chauüa dow mami rukraira uowima mih arup aren kowi anging cham phuchuala rakowi anging mata bowk khowk.25Naiawng rakowi chu, rukrai rakowi a-i uowi diah sik, now rukrai dow pacham khuta a-i hüah lah. Tawngplawng kowchow panow asowmchow hownia kawmat mowr pat CHAKRAMANG a-i kowh Thurai kowi kingküala mih angak a-i chang khai, now a-i kowh pipu-uüa paw aia kowi kingküala mih ngak chang khai. A-i dow CHAKRAMANG a-i kowh Thurai laiklow chün dowi chekhai,” napa kown.
The Seed Company