Jeremia37
1Babulawn pren mang Nebuknezar dow Josia kowh chapa Zedekia kowi Juda pren kowi pe chowmah mang khai. Naiawng rakowi Zedekia dow Jehoiakim kowh chapa Jehoiakin takcha kowi ta chowm mang khai.2Tawkche risi Jeremia kowi kowh CHAKRAMANG tek pe mih laiklow dow mang Zedekia, aia kowh maru iukuüa hai prenchakuüa mih amiapaw sünta dowi chekhai.3Nami kung kowi paw mang Zedekia dow Selemia chapa Jehukal hai Maseia chapa uamow Zefania iüah kowi maiawng nakowtek kownkow Jeremia tut-e kowchinah khai. Aia krawi tek pe mih, “Sakrauma hown CHAKRAMANG tut-e anging vüi chup anging Thurai diah,” pakhai.4Nami khin khe Jeremia dow kla thawng dowi tak chekhai. Naiawng rakowi aia dow thaulangma cham ia mang ia kat khai.5Nakhowk khe Babulawnuüa dow Jerusalem marow mih umta lut khai. Tawkche Faraw kowh siphaiuüa amatni kowi nauang senah kownkow Aigupta pren hownia uang tarü mih satang ta hanow amatni dow Jerusalem marow hownia powt khai.6Nami kung kowi risi Jeremia tut-e CHAKRAMANG kowh laiklow uang ting khai. CHAKRAMANG tek pe mih,7“Ang tut-e nauang lünta kownkow uang chin enni mih Juda mang kowi maiawng tek pe diah, ‘Aigupta mang kowh siphaiuüa nauang khowng enni kownkow uang miuüa dow amatni pren kowi naplan iawk kown.8Nami kung kowi Babulawnuüa dow uang plan hanow nami marow nauang sen kown. Amatni dow nami marow napowngta hanow natowkta büah kown.9Enni hownia Babulawnuüa napowt ngengche kown mih mapaw hangkow ka tuak büa diah, amatni dow enni hownia napowt kown nadowi.10Babulawn siphaiuüa kowi dow enni sumta chepaw naia kown, now amatni dow ka ngarau kowh tangbung lak kowi takuak hüah chepaw naia kown. Nachenganchepaw amatni dow uangah hanow nami Jerusalem marow mih nauang towkta kown,’ pape diah,” pakhai.11Babulawn siphaiuüa dow Faraw kowh siphaiuüa kowi kram rakowi Jerusalem marow hownia powt khai.12Nakhowk khe Jeremia dow Benjamin süng kowi kowh aia kowh kakbak süng natawi powng kownkow Jerusalem marow hownia tarü khai.13Tawkche Benjamin Tapplawt re-e aia kowtowm mih khin khe aia kowi dow kangchawng mih aluchow Irija mih hawt khümah khai, now tek pe mih, “En dow Babulawnuüa kowi tawi tangila kownkow en kowkowi mih chekhai,” pakhai. Irija dow Selemia chapa, now Selemia dow Hanani chapa chekhai.14Nakhowk khe nami kangchawng mih kowi Jeremia tek pe mih, “Nami dow dai lai taih, ang dow Babulawn prakowi tawi tangi dowi,” pakhai. Tawkche aia dow Jeremia kowh laiklow sünta pe dowi chekhai. Aia dow Jeremia kowi khümla hanow mang kowh maru iukuüa pur kowi kowpawla khai.15Nami maru iukuüa dow Jeremia luk kowi kunmarau hanow aia kowi bawpah khai, now aia kowi dow cha rui mih Jonathan kim kowi klungta hüah khai. Amatni dow nami kim mih thawngrum iawng tawngah büah khai.16Jeremia kowi dow nami thawngrum iawng mih kim kowi kowh krawng khawng kowi towah büah khai; nakowi aia dow khin krama uowi khai.17Nami kung kowi mang Zedekia mih kowchin maru hanow Jeremia kowi uang hawla khai, now ku lüntaah mih, “En tut-e CHAKRAMANG kowh laiklow uowi bow?” pakhai.
Nakhowk khe Jeremia klangah mih, “Ow, uowi. En kowi dow Babulawn mang rut kowi naap en kown,” pape khai.18Nami kung kowi mang Zedekia kowi Jeremia plan tek pe mih, “En, en kowh maru iukuüa hai maiawngün maru kawmuüa kowi tawng ngak chow ang changta khai? Tawngplawng kowchow thawngrum kowi enni tow ang khai?19‘Babulawn pren mang dow en kowi hai mami pren kowi nauang sen kown nadowi,’ pahai tek enni mih risiuüa tawng kowi chow?20Tawkche kawmat mih aw chakramang ang kowh mangkri, sakrauma hai ang laiklow sünta diah. Now ang tek iawng chang ang diah. Ang kowi dow cha rui mih Jonathan kim kowi hauang chin ang tham bowt. Nakowi en kowchin ang hanow ang nakowng kown chekhai,” pakhai.21Nakhowk khe mang Zedekia dow Jeremia kowi kangchawngra viadawng kowi natowah kown mih pe ana khai, now marow kowi kawmpah khowk dowi mowr kawmpah sum miuüa mih ni towng aia kowi nauang pela lowk chi kown mih pe ana khai. Naiawng rakowi Jeremia kowi dow kangchawngra viadawng kowi uang towah khai.
Nakhowk khe Jeremia klangah mih, “Ow, uowi. En kowi dow Babulawn mang rut kowi naap en kown,” pape khai.18Nami kung kowi mang Zedekia kowi Jeremia plan tek pe mih, “En, en kowh maru iukuüa hai maiawngün maru kawmuüa kowi tawng ngak chow ang changta khai? Tawngplawng kowchow thawngrum kowi enni tow ang khai?19‘Babulawn pren mang dow en kowi hai mami pren kowi nauang sen kown nadowi,’ pahai tek enni mih risiuüa tawng kowi chow?20Tawkche kawmat mih aw chakramang ang kowh mangkri, sakrauma hai ang laiklow sünta diah. Now ang tek iawng chang ang diah. Ang kowi dow cha rui mih Jonathan kim kowi hauang chin ang tham bowt. Nakowi en kowchin ang hanow ang nakowng kown chekhai,” pakhai.21Nakhowk khe mang Zedekia dow Jeremia kowi kangchawngra viadawng kowi natowah kown mih pe ana khai, now marow kowi kawmpah khowk dowi mowr kawmpah sum miuüa mih ni towng aia kowi nauang pela lowk chi kown mih pe ana khai. Naiawng rakowi Jeremia kowi dow kangchawngra viadawng kowi uang towah khai.
The Seed Company