Jeremia36
1Juda pren kowi Josia chapa Jehoiakim chowm mang mih tali ning khe CHAKRAMANG kowh laiklow mih Jeremia tut-e uang ting khai. CHAKRAMANG tek pe mih,2“Jeremia, tuata hüah mih charam paw lowk diah, now Josia chowm mang mih hownia ani mowr kowi Israeluüa, Judauüa hai akeng chenchapuüa kowi kingküala mih laiklow ang tek en mih nami charam kowi ruiah diah.3Juda maru-uüa kowi naripah kownkow ang khowm bowkta mih lawnguan ta hanow amatni dow lup ngak chang natowta chepaw naia kown. Nahanow amatni kowh aprek hai angak dow ang nalawtta pe kown,” pakhai.4Nakhowk khe Jeremia mih Neria kowh chapa Baruk kowi hawah khai, now Baruk dow Jeremia kowi CHAKRAMANG tek pe mih laiklow maten Jeremia nawr hownia sünta hanow nami tuata hüah mih charam kowi ruiah khai.5Nami kung kowi Jeremia tek pe Baruk mih, “CHAKRAMANG chup kim kowi maru iukuüa pe kowi ang dowi.6Naiawng rakowi khang hawm mih ni khe CHAKRAMANG kim kowi en kowkowi diah, now nami charam tua kowi kowh en ruiah mih CHAKRAMANG laiklow maru kawmuüa kowi phat pe diah, now amatni kowh marow hownia uang mih Judauüa paw natawi ta kown towbowt.7Amatni dow naka saksing sanara kownkow CHAKRAMANG tut-e nalü naleng chepaw naia, now amatni kowh lup ngak changra hownia uang plan chepaw naia. Tawngplawng kowchow panow naiawngün maru-uüa lawnguan kowi dow lainowmma aia kunmarau mih hai sak-ih dowi mih laiklow CHAKRAMANG tek khai,” pakhai.8Baruk dow risi Jeremia tek pe iawng rowprowp chang khai. Aia dow CHAKRAMANG kim kowi nami charam tua kowi kowh CHAKRAMANG laiklow kowphat khai.9Juda pren kowi Josia chapa Jehoiakim chowm mang mih tanga ning kowi kowh taku la khe Jerusalem marowchakuüa hai Juda marow hownia kowh uang miuüa maten mih CHAKRAMANG pur kowi khang hawm khai.10Nami khin khe Baruk dow Thurai chup kim kowi kowh maru kawmuüa pur kowi nami charam tua kowi kowh arui uowi mih Jeremia hownia kowh CHAKRAMANG laiklow phat khai. Nakhowk khe Baruk uowi mih dow Safan kowh chapa Gemaria kim kowi chekhai. Gemaria kim uowi mih dow Thurai chup kim Tapplawt Sar re-e kowh aluk viadawng kowi chekhai. Gemaria dow Thurai chup kim kowi kowh cha rui mih chekhai.11Gemaria kowh chapa Mikaia dow nami charam tua kowi kowh laiklow Baruk phat mih khin khe tawi sünta khai. (Mikaia dow Safan kowh chu chekhai).12Nami kung kowi Mikaia dow mang kim kowi kowh cha rui mih kowh towklak kowi kowkowi khai. Nakowi dow mang kowh maru iukuüa maten hawt takua talawm khai. Naiawngün maru iukuüa dow cha rui mih Elisama, Semaia chapa Delai, Akbawr chapa Elnathan, Safan chapa Gemaria, Hanania chapa Zedekia hai mang kowh akeng mih maru iukuüa maten chekhai.13Maru kawmuüa pur kowi Baruk phatah mih charam tua kowi kowh laiklow maten dow Mikaia mih naiawngün maru iukuüa kowi lawp pe khai.14Nakhowk khe maru iukuüa dow Baruk kowi nakowhaw kownkow Nathania chapa Jehudi kowi kowchinah khai. Now amatni krawi tek pe mih, “Maru kawmuüa pur kowi en phatah mih charam tua uang pawla diah,” pabüah khai. Nathania dow Selemia kowh chapa chekhai, Selemia dow Kusi kowh chapa chekhai. Nakhowk khe Neria chapa Baruk dow nami charam tua mih rut kowi uang dowkla kowlow se uang pawla khai.15Maru iukuüa tek pe Baruk mih, “Sakrauma hown chowm diah, now nami charam tua kowi kowh laiklow phat anging diah,” pabüah khai.
Nahanow Baruk dow nami charam kowi kowh laiklow mih amatni kowi phat pe khai.16Naiawngün laiklow tata hanow amatni dow kram kowh lowkkowlowk tamüla mak büah khai. Now Baruk kowi tek pe mih, “Naiawngün laiklow mang kowi a-i tek pe kown takla,” pakhai.17Nami kung kowi Baruk kowi amatni lüntaah mih, “Naiawngün laiklow tawng iawng chow en ruiah mih tek anging diah. Jeremia nawr hownia hawt süntaah kowh en ruiah mih bow?” pabüah khai.18Nakhowk khe amatni kowi Baruk klangah mih, “Ow, naiawngün laiklow dow aia tek ang kowh mami charam kowi mang tui hown ang ruiah mih chekhai,” pape khai.19Nakhowk khe mang kowh maru iukuüa tek pe Baruk mih, “Jeremia enchi cham tapet iüa diah. Tawng kowi chow enchi uowi mih maru kowi hang cham tekla iüa diah,” pakhai.20Akung kowi maru iukuüa dow nami charam mih cha rui mih Elisama towklak kowi towla hanow mang kim kowi mang tut-e kowkowi khai, now naiawngün laiklow maten mang kowi kowtek pe büah khai.21Nakhowk khe mang dow nami charam tua nauang pawla kownkow Jehudi kowi kowchinah khai. Nami charam dow Jehudi mih cha rui mih Elisama towklak hownia mang tut-e uang pawla khai, now aia pur kowi kowh iowng mih maru iukuüa pur kowi nami charam tua kowi arui uowi mih laiklow phat pe khai.22Naiawng phaw mih dow taku la khe chekhai. Nakhowk khe aia dow chungrau khe kowh aia uowiah mih kim kowi chowm phülü chekhai, now aia pur kowi dow mairing towk rah puh kowi maih lün pluplup chekhai.23Nami charam Jehudi iu phatta sangrum hanow mang mih cha rui mih kowh saichow hown Jehudi phatta mih mowr sekta khai, now mairing puh kowi nawmta khai. Naiawng hown mang dow nami charam tua mih hing tikta bowk khai.24Nami charam kowi kowh laiklow sünta mih mang hai maru iukuüa dow kram dowi chekhai, now amatni kowh tawnguat paw sek büah dowi chekhai.25Elnathan, Delai hai Gemaria büah dow, “Aw mangkri, sakrauma hown nami charam tua hangkow tikta diah,” pahai mang kowi tek pe rengreng khowk chowdiah. Nachenganchepaw amatni kowh laiklow mih mang sünta pe dowi chekhai.26Sünta pe lak dow aia mih cha rui mih Baruk hai Jeremia iüah kowi nauang khümla kownkow mang chapa Jeramel, Azriel kowh chapa Seraia hai Abdel kowh chapa Selemia büah kowi peah ana khai. Nachenganchepaw amatchi kowi dow CHAKRAMANG petta khai.27Jeremia kowh laiklow Baruk ruiah mih charam tua mang towkta kung kowi CHAKRAMANG kowh laiklow mih Jeremia tut-e maiawng uang ting khai:28“Juda pren mang Jehoiakim tikta mih charam kowi kowh arui uowi mih laiklow maten cham paw pe charam lowk hanow nakowi plan ruiah iawk diah.29Now Juda mang Jehoiakim kowi maiawng tek pe diah: CHAKRAMANG tek mih, ‘Mami pren mih Babulawn mang nauang piakta kown, now maru hai tawncher akhaw aklaima nachangah kown,’ pahai charam tua kowi arui uowi rakowi nami charam tua dow en towkta khai.30Naiawng rakowi en lawnguan kowi ang CHAKRAMANG tek khowk, David kowh mang chowm rah kowi en krungchakuüa mih miapaw naia chowm kown nadowi. En kowh uak dow prang kowi nacham kuakta hüah kown, now nami uak dow ni-e aden dawng kowi hai iak-e arua dawng kowi nauowi hüah kown.31En, en kowh chauüa hai en kowh maru iukuüa chang angak rakowi ang narip enni kown. Enni luk kowi, Jerusalem kowi kowh uowi miuüa maten luk kowi hai Judauüa maten luk kowi ang khowm bowkta mih phih maten ang nauang pawla kown. Tawngplawng kowchow panow enni dow ang laiklow sünta dowi chekhai,” pakhai.32Nakhowk khe Jeremia mih tuata hüah mih charam pawah lowk hanow cha rui mih Neria kowh chapa Baruk kowi peah khai. Juda pren mang Jehoiakim tikta mih charam tua kowi kowh laiklow maten Jeremia nawr hownia sünta hanow Baruk mih plan ruiah khai. Naiawng hai nami charam kowi dow naiawng mih laiklow bawngla mih ahuma chekhai.
Nahanow Baruk dow nami charam kowi kowh laiklow mih amatni kowi phat pe khai.16Naiawngün laiklow tata hanow amatni dow kram kowh lowkkowlowk tamüla mak büah khai. Now Baruk kowi tek pe mih, “Naiawngün laiklow mang kowi a-i tek pe kown takla,” pakhai.17Nami kung kowi Baruk kowi amatni lüntaah mih, “Naiawngün laiklow tawng iawng chow en ruiah mih tek anging diah. Jeremia nawr hownia hawt süntaah kowh en ruiah mih bow?” pabüah khai.18Nakhowk khe amatni kowi Baruk klangah mih, “Ow, naiawngün laiklow dow aia tek ang kowh mami charam kowi mang tui hown ang ruiah mih chekhai,” pape khai.19Nakhowk khe mang kowh maru iukuüa tek pe Baruk mih, “Jeremia enchi cham tapet iüa diah. Tawng kowi chow enchi uowi mih maru kowi hang cham tekla iüa diah,” pakhai.20Akung kowi maru iukuüa dow nami charam mih cha rui mih Elisama towklak kowi towla hanow mang kim kowi mang tut-e kowkowi khai, now naiawngün laiklow maten mang kowi kowtek pe büah khai.21Nakhowk khe mang dow nami charam tua nauang pawla kownkow Jehudi kowi kowchinah khai. Nami charam dow Jehudi mih cha rui mih Elisama towklak hownia mang tut-e uang pawla khai, now aia pur kowi kowh iowng mih maru iukuüa pur kowi nami charam tua kowi arui uowi mih laiklow phat pe khai.22Naiawng phaw mih dow taku la khe chekhai. Nakhowk khe aia dow chungrau khe kowh aia uowiah mih kim kowi chowm phülü chekhai, now aia pur kowi dow mairing towk rah puh kowi maih lün pluplup chekhai.23Nami charam Jehudi iu phatta sangrum hanow mang mih cha rui mih kowh saichow hown Jehudi phatta mih mowr sekta khai, now mairing puh kowi nawmta khai. Naiawng hown mang dow nami charam tua mih hing tikta bowk khai.24Nami charam kowi kowh laiklow sünta mih mang hai maru iukuüa dow kram dowi chekhai, now amatni kowh tawnguat paw sek büah dowi chekhai.25Elnathan, Delai hai Gemaria büah dow, “Aw mangkri, sakrauma hown nami charam tua hangkow tikta diah,” pahai mang kowi tek pe rengreng khowk chowdiah. Nachenganchepaw amatni kowh laiklow mih mang sünta pe dowi chekhai.26Sünta pe lak dow aia mih cha rui mih Baruk hai Jeremia iüah kowi nauang khümla kownkow mang chapa Jeramel, Azriel kowh chapa Seraia hai Abdel kowh chapa Selemia büah kowi peah ana khai. Nachenganchepaw amatchi kowi dow CHAKRAMANG petta khai.27Jeremia kowh laiklow Baruk ruiah mih charam tua mang towkta kung kowi CHAKRAMANG kowh laiklow mih Jeremia tut-e maiawng uang ting khai:28“Juda pren mang Jehoiakim tikta mih charam kowi kowh arui uowi mih laiklow maten cham paw pe charam lowk hanow nakowi plan ruiah iawk diah.29Now Juda mang Jehoiakim kowi maiawng tek pe diah: CHAKRAMANG tek mih, ‘Mami pren mih Babulawn mang nauang piakta kown, now maru hai tawncher akhaw aklaima nachangah kown,’ pahai charam tua kowi arui uowi rakowi nami charam tua dow en towkta khai.30Naiawng rakowi en lawnguan kowi ang CHAKRAMANG tek khowk, David kowh mang chowm rah kowi en krungchakuüa mih miapaw naia chowm kown nadowi. En kowh uak dow prang kowi nacham kuakta hüah kown, now nami uak dow ni-e aden dawng kowi hai iak-e arua dawng kowi nauowi hüah kown.31En, en kowh chauüa hai en kowh maru iukuüa chang angak rakowi ang narip enni kown. Enni luk kowi, Jerusalem kowi kowh uowi miuüa maten luk kowi hai Judauüa maten luk kowi ang khowm bowkta mih phih maten ang nauang pawla kown. Tawngplawng kowchow panow enni dow ang laiklow sünta dowi chekhai,” pakhai.32Nakhowk khe Jeremia mih tuata hüah mih charam pawah lowk hanow cha rui mih Neria kowh chapa Baruk kowi peah khai. Juda pren mang Jehoiakim tikta mih charam tua kowi kowh laiklow maten Jeremia nawr hownia sünta hanow Baruk mih plan ruiah khai. Naiawng hai nami charam kowi dow naiawng mih laiklow bawngla mih ahuma chekhai.
The Seed Company