Isai65
1CHAKRAMANG tek mih, “Naiawngün maru-uüa kowi ang tut-e nauang lü nauang leng kownkow ang peah akhin khowk.Nachenganchepaw amatni dow ang tut-e tawngpaw uang lü uang leng dowi.Amatni tut-e towbowt ang tawi uowi.Tawkche amatni dow ang tut-e uang lü khowng dowi chekhai.Nami chenchap kowi ang tek pe mih, ‘Mami re-e chaw ang uowi, mami re-e chaw ang uowi,’ pakhai.Nachenganchepaw amatni mih ang tut-e uang lü uang leng dowi chekhai.2Lai üa kürma mih maru-uüa prakowi ni chut chi ang iaw pe rut khai.Tawkche amatni dow amatni chowlowkkow sangkrangta mih iawng tiama ngak kowi cham mang büah khai.3Amatni dow ang hown tatang klowk uowiah hanow towk ang sak-hiah khai.Amatni dow bakan kowi krawi kowi hanow arup aren kowi cham phuchua khai,now ipbawn luk kowi towk anam iungma mih maikhük khai.4Amatni dow uar-e khe chengrawng kowi cham krawi len khai,now maru tukah dowi mih arah kowi cham krü uar khai.Amatni dow cha pak nga khai.Amatni kowh puh kowi dow asür alawkma mih chaknga kan tui uowi chekhai.5Amatni dow lowkkowlowk tatek mih, ‘Lang süt, lang süt,en sürlawkta ang kown chekhai!Ang dow en lak-e lang chimsai!’ pakhai.Naiawngün maru-uüa kowi dow mapaw ang nowng mü dowi chekhai.Amatni luk kowi dow ang kowh kunmaraura mih maih iawng lün pluplup khai.6Sünta, amatni kowh ripra thikta now ang ruiah khowk;amatni kowh angak ripra dow ang napeah ngengche kown,mapaw ririmma ang nauowi kown nadowi.7Amatni kowh pipu-uüa hai amatni paw hungma mawngma kowi cham towk nam iungma mih maikhük khai,now ang kowi dow nuata ang büah khai.Naiawng rakowi amatni kowh angak hai amatni pipu-uüa kowh angak rakowi ang naripah kown,” pakhai.8CHAKRAMANG plan tek mih, “Grep uih pawt kowi auih piak mih uowi lowkchow rakowi maru kuakta bowk dowi chekhai.Nami iawng dow ang kowh naruüa maten kowi ang napiakta bowk kown nadowi.9Jakawb krungchak Judauüa kowi ang napeah prasi kown.Amatni dow ang kowh hungma mawngma süng napowng kown.Naiawngün süng dow ang lang ruiah miuüa napowng kown,now ang kowh naruüa mih nakowi nauowi kown.10Sarawn dowm nai dow ang naukrang iawng uowi miuüa kowh ruapur thing rah süng nachowng kown,now Akhawr lawngrawi dow tawncher tanaira süng nachowng kown.11Nachenganchepaw CHAKRAMANG kowi enni nuata miuüa,ang kowh hungh chimsaima mih kowi tamata miuüa,kaucha thurai pami anowm nadowi mih kowi naphuchuala kownkowkamrüt arak hai cha chakkham miuüa tut-e dow ripra nauang ting kown.12Saidawng hown nakowng kown mih alai hownia ang khowm bowkta enni khowk,now maru nadung enni lu kownkow enni namum kown.Tawngplawng kowchow panow ang haw enni khe enni klang ang dowi chekhai,now ang tek lai khe enni sünta dowi chekhai.Ang mik kowi enni chang lup ngak khai,now ang nakunmaraula kown mih chap nachang kownkow enni ruiah khai,” pakhai.13Naiawng rakowi CHAKRAMANG Thurai tek mih, “Ang naruüa kowh dow chakkham ahuma nauowi kown.Tawkche enni dow chakkham sakkrai hown nauowi kown.Ang naruüa dow napiaw napa kown.Tawkche enni dow naka rukrai kown.14Ang kowh naruüa dow sak kowi piawra uowi rakowi natek meng kown.Tawkche enni dow sak kowi arau kangowh rakowi nanguk nakar kown.15Ang lang ruiah mih maru-uüa mih nacham pela maru piati kownkow enni kowh ming natawngah kown,now CHAKRAMANG Thurai mih nasaita enni kown.Nachenganchepaw aia kowh naruüa kowi dow aia mih narük pe ming lowk tak kown.16Pren kowi lowra maru-uüa lü prasi kown now anowmma mih Thurai tut-e chowtaih nalü kown.Pren kowi lowra maru natakham kown now nami anowmma mih Thurai ming hown chowdiah natakham kown.Tawngplawng kowchow panow alai kowh angak mih ang natamata bowt kown,now nami dow ang mik hownia napetta bowt kown.17Sünta, mukuang sar hai lusa sar ang thawp thüm khowk.Alai kowh lawnguan maten sak kowi nauowi kown nadowi bowt.Naiawngün dow tuak paw naka tuak kown nadowi bowt.18Ang nathawpah kown mih kowi chowngchowng saksakma awmrawm büa diah,now chowngchowng saksakma piaw büa diah.Tawngplawng kowchow panow Jerusalem kowi piaw rah ang nathawpah kown,now aia maru-uüa kowi dow nakowi napiaw kownkow ang nathawpah kown.19Jerusalem hown ang napiaw kown,now ang kowh maru-uüa hown ang naawmrawm kown.Aia lak kowi dow kar klow nguk klow mapaw nata kown nadowi bowt.20Nakowi dow tawng iawng mih ngeuüa paw nakowng kown nadowi,now tawng iawng mih lawngtang paw chowng chur khin nadowi tak hanow nakowng kown nadowi.Ning akawm khe kowng chepaw nami maru kowi dow mala taklangma reng tak napape kown,now ning akawm singla dowi mih kowi dow ka piati mih maru napape kown.21Amatni dow nachang kim hanow nakowi nauowi kown,now nachang grep krum büah hanow nami uih nacha büah kown.22Amatni chang kim hanow nakowi mih akeng miuüa nauowi kown nadowi bowt,now amatni chowkah mih singh uih akeng miuüa nacha kown nadowi bowt.Ang maru-uüa kowh chownglawng dow singh kowh chownglawng khowt naklang kown.Ang lang ruiah mih maru-uüa dow ning kawmma amatni changah mih luprak naka chala kown.23Amatni kawmah mih sung dow naiawm kown nadowi,now amatni kowh chauüa paw nakla phih kown nadowi.Tawngplawng kowchow panow amatni hai amatni kowh chauüa dow naka prasi kown;amatni dow CHAKRAMANG kowh prasi ka mih maru nachowng kown chekhai.24Amatni haw ang dowi rawn ang naklangah kown;amatni uang lü uang leng reng tak khe hownia ang naklangah kown.25Sui hai ruapur chah mih arasang nataiua cha chak kown;krangsi mih chia iawng nacha chahau kown,now rua dow nacha dinchow kown.Ang kowh hungh chimsaima mih kowi dow mapaw nataten tamak kown nadowi bowt,now piakra tawng chap paw nauowi kown nadowi bowt tham.Ang CHAKRAMANG mami laiklow ang tek khowk,” pakhai.
The Seed Company