Isai66
1CHAKRAMANG tek mih, “Mukuang dow ang kowh mang chowm rah chekhai,now lusa dow ang kowh khawk towk rah chekhai.Ang vüi tawng iawng chow enni nowng thawp ang kim kown?Ang kowh tanaira enni nowng thawp ang kown pe bow?2Naiawngün dow ang thawpah mih kangowh taih chekhai.Nachenganchepaw khamsum khamdaw mih hai sak piak mih kowi dow aiungma ang namüah kown;ang laiklow kowi kram kowh chür mih maru-uüa kowi dow aiungma ang namüah kown.3Tawkche amatni chowlowkkow tiama kowi mang miuüa kowh phuchua dow ang napaw pe kown nadowi;amatni kowh suiiai kaniaima mih uanh hown du miuüa kowh phuchua dow ang napaw pe kown nadowi.Tawngplawng kowchow panow chia hown amatni uang phuchua ang mih dow sai maru mih iawng chekhai,ruapur chah hown uang phuchua ang mih dow klowkta pe kui kumlawng hut mih iawng chekhai,kawmdi hown uang phuchua ang mih dow uang pe ang pak vi mih iawng chekhai,now ang vüi anam iungma mih maikhük uang towk mih dow chup rup mih iawng chekhai.4Naiawng rakowi ang paw amatni kowi naripah kownkow nakamrüt kown,now amatni kramah mih sia amatni tut-e ang nauang pawla pe kown.Tawngplawng kowchow panow ang hawah khe miapaw klang ang dowi chekhai,now ang tek lai khe miapaw sünta dowi chekhai.Amatni dow ang mik kowi angakma mih lup chowtaih chang khai,now ang kunmaraula mih chap chowtaih chang büah khai,” pakhai.5CHAKRAMANG laiklow kowi kram kowh chür miuüa low,CHAKRAMANG laiklow sünta büa diah.Aia tek mih, “Enni kowh tainau-uüa sui enni khai,now ang rakowi nuata enni khai.Amatni dow kharema hown tek enni mih, ‘CHAKRAMANG dow akiow pacham uowi lah,enni kowh piawra anging pacham khi lah,’ pakhai.Tawkche amatni chowtaih naka rukrai kown.6Sünta, marow kowi pusa thüm chekhai.Sünta, Thurai chup kim kowi tünteu kangowh towbowt.Nami dow CHAKRAMANG kowh klow chekhai.Nami dow aia kowh ransu-uüa kowi aia peah kakbak mih klow chekhai.7Penchow kimuowi mu rau phaw dowi rawn Zaiawn dow pen chah khai;aia dow aia kowh arau awr phaw dowi rawn pen chapa lowk ia khai.8Naiawng mih laiklow chamta kakat tak bow?Naiawng phaw mih cham khi kakat tak bow?Pren lowk mih pani sang nowng phaw bow?Chenchap lowk mih pamai sang nowng phaw bow?Nachenganchepaw Zaiawn dow penchow kimuowi mu rau phaw hown krowksang pen chapa khai.9Ang CHAKRAMANG enni kowh Thurai tek khowk;Pen kown chowbowt mowr pawla hanow pe penah dowi kowi ang natowah kown bow?Now pen kownkow ang kamrütta khowk mih kowi pe penah dowi matchang ang nauowi kown bow?” pakhai.10Jerusalem kowi sakrau miuüa low,enni mih aia hown tawi taiua piaw büa diah,now aia rakowi awmrawm büa diah.Aia rakowi sak piak miuüa low,enni mih aia hown tawi taiua piaw büa diah.11Enni mih ka kham u iawn tui kowh sakklam mih ngeuüa iawngJerusalem kowh ue prang mih iungra hown aduma enni nauowi kown.12CHAKRAMANG tek mih, “Jerusalem kowi iungra mih aw iawng ang nauang pe hawrah kown,now chenchapuüa kowh dawngthawnguan mih tuikling mangma iawng aia tut-e ang nauang pe ting kown.Enni mih pe khamah iawn tui kung kowi paiah hanowthung luk kowi pe plaiah mih ngeuüa iawng naown kown.13Achauüa kowi a-u peah sakklamra mih iawng ang nape enni sakklamra kown,now Jerusalem kowi enni naka sakklamra kown,” pakhai.14Naiawngün maten enni khi hanow enni kowh sak mih lainowmma napiaw kown,now pram iawng dow enni naawr iuksown kown.Aia kowh naruüa kowi CHAKRAMANG peah prasi mih maru maten nakhi kown,now aia kowh ransu-uüa kowi aia tüng pe kunmaraura mih paw maru maten nakhi kown.15Sünta, CHAKRAMANG dow maih dawng hownia nauang kown,now aia kowh kawrnga kari dow liku iawng nauang kown.Aia kowh kunmarau dow kramra uowima aia natüngah kown,now aia kowh nang klow dow bia laplap mih maih lün iawng natatüng kown.16CHAKRAMANG mih maih hai saidawng hown maru maten luk kowi nachet tara kown.Aia nasaita kown mih maru iun dow ahuma naown kown.17CHAKRAMANG tek mih, “Pak nga, utma nga, akeng mih suiiai kaniaima mih chaknga cha miuüa hai phuchuara bakan kowi natawi phuchua arup kownkow kowmatia kowi lang takra hai tachim tasai hanow pawi kowi kowh kruitown mih kung tawi krawi miuüa dow katsang nachum kown.18Amatni kowh lup hai sangkrangra maten dow ang tuk chekhai. Chenchap maten kowi nakua nalawmah kown mih khin uang ting khowk. Amatni dow uang hanow ang kowh kraingra nakhi kown,” pakhai.19CHAKRAMANG plan tek mih, “Amatni pungmadawng kowi ang natow pe amatra lowk kown, now ta sing uowi miuüa kowi dow chenchapuüa tut-e ang nachinah kown. Amatni kowi dow Tarsisuüa, Libiauüa hai leba ap kiakma mih Lidiauüa, Tubaluüa hai Grisuüa tut-e hai ang kowh ming iung nang iung ta dowi hai ang kowh kraingra khi dowi miuüa tut-e ang nachinah kown. Amatni dow chenchapuüa tut-e ang kowh kraingra lawnguan nakrawi phuang kown.20CHAKRAMANG vüi ap-ah mih iawng amatni mih chenchap maten pungmadawng hownia enni kowh tainau-uüa kowi kawrnga, kawrnga kari, kawrngaramchük hai ut hown nauang pawla hanow ang kowh hungh chimsaima mih Jerusalem kowi nauang pawla kown. Puh chimsaima mih hown Israeluüa uang pawla kawmdi uanap mih iawng enni kowh tainau-uüa kowi CHAKRAMANG kim kowi amatni nauang pawla kown.21Naiawngünuüa pungmadawng hownia uamow hai CHAKRAMANG kowh lup chang mih nachowng kownkow ang nakloah ne kown,” pakhai.22CHAKRAMANG tek mih, “Ang nathawpah kown mih mukuang hai lusa sar ang pur kowi anikma nauowi kown;nami powm iawng atungma ang maru enni nachowng kown,now enni kowh ming mih katpaw natama kown nadowi bowt.23Lacher Pawi towng hai Tanai Ni towng lusa kowi kowh maru matenang pur kowi uang hanow nauang chupiia ang kown.24“Amatni dow marow uat kowi cham lawt hanow kingküa ang mih maru maten kowh uak nakhi kown. Naiawngün uak su chak mih dungh hawmh dow nakowng kown nadowi, now amatni kowi kowh chengla mih maih paw namit kown nadowi. Amatni kowi dow maru maten nasuiah kown,” pakhai.
The Seed Company