Isai61
1CHAKRAMANG Thurai kowh lümla mih ang luk kowi uowi chekhai.Tawngplawng kowchow panow ngarai miuüa tut-e nakrawi phuang satang iung kownkow aia paw ang mih chekhai.Maru kowh sak piak mih naiungta pe kownkow,nar kowi uowi miuüa tut-e lawngra lai natek kownkow,kla thawng miuüa tut-e ka lawtra mih satang naphuang kownkowaia uang chin ang mih chekhai.2CHAKRAMANG natüng sanara kown mih khin hai a-i kowh Thurai nasat klai kown mih lawnguan naphuang kownkow aia uang chin ang mih chekhai,now uowila uiting uangtak miuüa tut-e nami lawnguan naphuang hanow nowng pela sakklamra kownkow aia uang chin ang mih chekhai.3Zaiawn kowi kowh uowila uiting uangtak miuüa lu kowi plawi takcha mang lukruk klangiungma mih nowng pela kownkow,taprüa tanguk mih takcha piawra sau hai tuak chur mih takcha kiowrira tawnguat nanowng pela kownkow aia uang chin ang mih chekhai.Naiawng mih maru-uüa kowi dow aia kowh rowsira natatüngla kownkowCHAKRAMANG chowkah mih achinawmma mih sasua singh pahai maru natek pe kown.4Amatni dow alai kowh tapiak mih arah nakrawi plan rawah hai nakrawi thawp iawk kown.Apiaknama akrama uowi khowk mih marow maten dow asar hown amatni nakrawi thawpah iawk kown.5Akeng chenchapuüa mih nauang thing enni ruapur hawmh kown.Prenlang maru-uüa mih enni kowh kheti bakan hai grep krum lup nachang enni kown.6Enni kowi dow CHAKRAMANG kowh uamowuüa pahai maru nahaw enni kown.Enni kowi dow anging kowh Thurai lup chang miuüa pahai maru natek enni kown.Enni mih akeng chenchapuüa kowh dawngthawnguan napowng kown,now amatni kowh dawngthawnguan hown enni nachang bawri kown.7Ang kowh maru-uüa siri piak mih takcha pre dungna naka dawngthawnguan bak kown,now siri piak mih takcha amatni kowh dawngthawnguan hown napiaw kown.Amatni dow amatni pren kowi pre dungna naka luprak kown,now amatni kowh piawra dow chowngchowng saksak nanik bowt kown.8CHAKRAMANG tek mih, “Ang dow tara nowm kowi lang nau khai.Tawkche damra lup hai lup ngak maten dow ang sui chekhai.Ang maru-uüa kowi kaah sakowmma hown ang napeah awmrawm sung kown,now chowngchowng saksakma vüi amatni hown ang natatow sangbowk laitawm kown.9Chenchapuüa pungmadawng kowi amatni kowh krungchakuüa ming iung nang iung ang nauet pe kown,now amatni kowh chauüa kowh ming iung nang iung paw ang nauet pe kown.Amatni kowi khi mih maten kowbüah dow CHAKRAMANG peah prasi mih chenchap chekhai pami natuk bowk kown,” pakhai.10CHAKRAMANG kowi ang ka rakowi lainowmma ang naawmrawm kown.Ang kowh sak mih ang kowh Thurai rakowi napiaw kown.Tawngplawng kowchow panow masi huaiu tapün talo khe kachakuüa suila napawng mih iawng aia tawng ang khai;aia dow masiuüa tatawngla mih iawng lawngra tawnguat mih khup ang khai,now tachi tanawmra tawnguat hown tawng ang khai.11Krawng kowi singh pawi ru mih iawng hai bakan kowi kowh sawtah mih liu hownia singh awr iuk mih iawngCHAKRAMANG Thurai mih chenchap maten pur kowi tachi tanawmra hai rowsira singh pawi nape ruah kown.
The Seed Company