Isai62
1Zaiawn kowi ang tangila rakowi ang narim kown nadowi;rau-e kowh anowi iawng aia kowh tachi tanawmra tawk dowi mowr ang nachup Thurai reng kown.Jerusalem kowi ang tangila rakowi ririmma ang nauowi kown nadowi;lün pluplup mih maitawng iawng aia kowh lawngra khi-ah dowi mowr ang nachup Thurai reng kown.2Aw Jerusalem, chenchapuüa mih en kowh tachi tanawmra nakhi kown,now manguüa maten en kowh kraingra nakhi kown.En kowi mih ming sar hown nahaw en kown,nami ming sar dow CHAKRAMANG mih narük en kown.3En mih CHAKRAMANG rut kowi klangiungma mih lukruk nachowng kown,now en kowh Thurai rut kowi dow mang lukruk en nachowng kown.4En kowi dow, “Nuata mih marow,” pahai miapaw natek en kown nadowi bowt,now en kowh pren ming paw, “Akhaw aklaima mih pren,” pahai miapaw nachap en kown nadowi bowt.Naiawng natek lak dow, “CHAKRAMANG lang sakrauah mih pren,” pahai natek en bowt kown,now en kowh pren dow, “CHAKRAMANG chawngah mih masi,” pahai natek en bowt kown.Tawngplawng kowchow panow CHAKRAMANG mih naawmrawm en bowt kown,now aia kowh masi iawng nasakrau en bowt kown.5En kowh maru-uüa mih malauüa powrchow kowi paw mih klanguüa uowi krang iawng en tut-e nauowi kown.Amasi luk kowi ahua awmrawm mih iawng en kowh Thurai paw naawmrawm en bowt kown.6Aw Jerusalem, en kowh tap luk kowi ang tow en kangchawng mih khowk.Naiawngün kangchawng miuüa dow ni chut uar prowt nachup Thurai kown.Enni chup Thurai mih maten hangkow tanai büa diah.7Thurai mih Jerusalem kowi plan thawpah dowi mowr,Jerusalem mih lusa kowh rowsi müa chowng dowi mowr,aia tut-e awr lü awr leng büa reng diah.8CHAKRAMANG mih aia kowh hawmlawm rut akürma mih hown takham se tek mih,“Enni kowh luprak mih ransu-uüa kowi katpaw ang nape chaah kown nadowi bowt.Enni kawmah mih grep tui dow prenlang maru-uüa katpaw nakham kown nadowi bowt.9Luprak kua miuüa chowtaih nami luprak naka cha bowt kown,now CHAKRAMANG kowi nakiowah büah bowt kown.Krawi kua grep uih miuüa dow ang kowh chimsaima mih kim viadawng kowi nakham grep tui bowt kown,” pakhai.10Marow hownia lawt büa diah,tapplawt iawng kowtarü büa diah.Maru-uüa vüi kamrüt pe tiama büa diah;thawp tiama iuk büa diah.Huaklu maten henta büa diah;chenchapuüa nakhila kownkow ruang tamkhuown büa lowk diah.11Lusa kowi kowh prenchur nammowt mowr CHAKRAMANG krawi phuang mih,“Zaiawn chama kowi maiawng kowtek pe diah, ‘Sünta, en kowh lawng miia uang tarü khowk.Sünta, aia lawngah miuüa kowi aia uang pawla khowk,’ pape diah,” pakhai.12Juda maru-uüa kowi dow, “CHAKRAMANG Vüi Lang Kraah Mih Maru,CHAKRAMANG Lawngah Mih Maru,” napape kown.Aw Jerusalem, en kowi dow, “Krumah Mih Marow,Uang Plan Pawla Mih Marow,” napa en kown.
The Seed Company