Isai6
1Mang Uzia kowng mih ning khe mukmang kowi CHAKRAMANG kowi ang khi khai. Aia dow mang chowm rah akroma mih kowi chowm phulu khai, now aia kowh tawnguat dow Thurai chup kim kowi tek mup khai.2Now cherupuüa mih aia tavir lut tawi iowng khai. Naiawngün cherupuüa kowh dow alap uowi taruk klüng chi chekhai. Alap pre buk mih hown dow khula lumowr khai, akeng mih lap pre buk mih hown dow khula khawk khai, now akeng mih lap pre buk mih hown dow iowla büah khai.3Amatni dow lowkkowlowk atünma tatek mih,“Siphaiuüa kowh CHAKRAMANG dow chimsaima, chimsaima, chimsaima!Palusama dow aia kowh kri kraingra atekma chekhai,” pakhai.4Amatni kowh klow hown Thurai chup kim kowi kowh kimchüng khowm chür prang chekhai, now Thurai chup kim lak dow maikhük hown tek mup khai.5Nakhowk khe ang tek mih, “Uh! Ang piak mih chowbowt! Tawngplawng kowchow panow ang kowh nawr dow sürlawkma chekhai, now nawr sürlawkma miuüa pungmadawng kowi ang uowi khai. Ang matia mik hown Mang kowi, siphaiuüa kowh CHAKRAMANG kowi ang khi khai,” pakhai.6Nakhowk khe cherup lowk ia mih mairing dowkma ang prakowi uang iow khai. Nami mairing dow phuchuara luk hownia kep hown aia pawah mih chekhai.7Nami mairing hown ang nawr kowi kak ang hanow tek ang mih, “Sünta, mami mairing hown kak en nawr khowk. En kowh atawi ama lawtta en khowk; en kowh angak prek phiawkta en khowk,” pakhai.8Nami kung kowi dow CHAKRAMANG kowh laiklow ang ta khai. CHAKRAMANG tek mih, “Mia kowi chow ang kowchin kown? A-i vüi mia chow nakowkowi kown?” pakhai.
Nakhowk khe ang tek pe mih, “Mow, ang uowi lowmow; ang kowi kowchin ang bowt,” pakhai.9Now aia tek ang mih, “Kowkowi hanow Israeluüa kowi en natek pe kown mih,“‘Enni ta chepaw enni tuk ta dowi,enni khi chepaw enni tuk mat dowi,’ pape dit.10Israeluüa kowh sak mih akhawtma changta pe dit,amatni kowh param pitta pe dit,now amatni kowh mik paw mumta pe dit.Naiawng nadowi hanow amatni nakhi mik ün tarawng,param hown nata büah ün tarawng,now sak hownia natuk büah ün tarawng.Nahanow angak hownia dia sar büah hanow naiung büah ün tarawng,” pakhai.11Nakhowk khe ang tek pe mih, “Aw CHAKRAMANG, mün ni mowr chow naiawng nauowi kown?” pakhai.
Now aia klang ang mih,“Amatni kowh marow ün tapiak hanow marowchakuüa uowi dowi bowt mowr,kim üa kowi maru akhawma phaw dowi mowr hai pren tapiak bowk dowi mowr;12maru maten kowi ang cham henta bowk dowi mowr,now papren kowi maru akhawma phaw dowi mowr chekhai.13Pren kowi kowh maru mih hamüt bak kowi ta lat khai pabak tak chepawamatni kowh pren mih ang natowkta pe kown.Tawkche sidar singh kowi kripta chepaw aprün ta uowi mih iawng nata lat büah ne kown.Amatni hownia dow chimsaima mih chenchap nauang uowi lowk kown,” pakhai.
Nakhowk khe ang tek pe mih, “Mow, ang uowi lowmow; ang kowi kowchin ang bowt,” pakhai.9Now aia tek ang mih, “Kowkowi hanow Israeluüa kowi en natek pe kown mih,“‘Enni ta chepaw enni tuk ta dowi,enni khi chepaw enni tuk mat dowi,’ pape dit.10Israeluüa kowh sak mih akhawtma changta pe dit,amatni kowh param pitta pe dit,now amatni kowh mik paw mumta pe dit.Naiawng nadowi hanow amatni nakhi mik ün tarawng,param hown nata büah ün tarawng,now sak hownia natuk büah ün tarawng.Nahanow angak hownia dia sar büah hanow naiung büah ün tarawng,” pakhai.11Nakhowk khe ang tek pe mih, “Aw CHAKRAMANG, mün ni mowr chow naiawng nauowi kown?” pakhai.
Now aia klang ang mih,“Amatni kowh marow ün tapiak hanow marowchakuüa uowi dowi bowt mowr,kim üa kowi maru akhawma phaw dowi mowr hai pren tapiak bowk dowi mowr;12maru maten kowi ang cham henta bowk dowi mowr,now papren kowi maru akhawma phaw dowi mowr chekhai.13Pren kowi kowh maru mih hamüt bak kowi ta lat khai pabak tak chepawamatni kowh pren mih ang natowkta pe kown.Tawkche sidar singh kowi kripta chepaw aprün ta uowi mih iawng nata lat büah ne kown.Amatni hownia dow chimsaima mih chenchap nauang uowi lowk kown,” pakhai.
The Seed Company