Isai20
1Asuria pren mang Sargawn uang chinah mih siphai aluchow dow Filistin pren kowi kowh Asdawd marow kowi uang senah hanow uang powngta khai.2Aia uang sen Asdawd marow mih ning khe Amawz kowh chapa Isai kowi CHAKRAMANG tek pe mih, “En buk kowi kowh sala uan hai khawk kowi kowh phanaikhawk klüpta diah,” pakhai. Nahanow Isai mih tengiow tengklaima hai krua phanaikhawk dowi kowi krawi len panglang khai.3Nami kung kowi CHAKRAMANG tek mih, “Pur prakowi Aigupta hai Ethiawpia pren kowi ang nakingküaah kown. Nami amat müa iawng sum ning mowr tengiow tengklaima hai krua phanaikhawk dowi kowi ang kowh nar Isai mih nakrawi len panglang khai.4Nami powm iawng dow Asuria pren mang mih Aigupta pren kowi napeah rukrai kown. Nakhowk khe Aiguptauüa hai Ethiawpiauüa kowh cham takhang mih lawngtang, ngeuüa, aiuk, asowm bowkbowk kowi tengiow tengklaima hai krua phanaikhawk dowi kowi liteng lowtma Asuria pren mang napawla kown.5Nahanow Ethiawpia pren kowi neplawng nesak miuüa hai Aigupta pren hown chang bawri miuüa dow nakram hai narukrai bowt kown.6Nami ni khe dow sata pang kowi kowh uowi miuüa natek kown mih, ‘Ethiawpia pren hai Aigupta pren kowi a-i neplawng nesak khai, now Asuria pren mang rut hownia nalawng a-i kownkow amatni luk kowi a-i owmsak khai. Tawkche amatni tawng chow own mih sam mü madiah. Naiawng taih hanow a-i ngam padow tawng iawng chow nasingah kown?’ napa kown,” pakhai.
The Seed Company