Isai15
1Moab lawnguan kowi CHAKRAMANG kowh laiklow uang ting khai.Moab pren kowi kowh marow dow paiak sang piak khai bowt.Nakowi kowh Ar marow hai Kir marow dow paiak sang piak khai bowt.2Dibawn kowi kowh maru-uüa mih nacham kar kownkowarah kroma mih kowi kowh chupiiara kowi kowkowi büah khai.Amatni dow Nebo hai Medeba marow vüi uowila uiting uangtak khai.Amatni dow khaita sam bowk khai,now mawmpawi paw khaita büah bowk khai.3Amatni dow tiama towng kowi sala uan khupma krawi mangla pang khai.Amatni dow kimluk kowi hai marow kowi kowh akuangma mih arah kowi krawi kar krawi nguk büah khai.4Hesbawn hai Eleale marow kowi kowh maru-uüa paw kar khai;amatni kowh kar klow dow Jahaz marow mowr pat taah khai.Naiawng rakowi Moab kowh siphaiuüa dow kar khai,now amatni kowh sak dow kram kowh chürla kluk khai.5Moab vüi ang kowh sak mih kar khai;aia kowh maru-uüa dow Zoar hai Elatselis marow mowr kowpowt khai.Amatni dow karla se Luhit pami kaurawng tiama iawng awr pün khai.Amatni kowh uowi rah tapiak khai bowt rakowi karla ngukla se Horonaim tiama iawng mang büah khai.6Nimrim lawngrawi kowi kowh tui maten dow tapiak nak khowk,now nakowi kowh pram paw keu bowk khowk.Nakowi dow singh kau uowi dowi bowt,now asingma mih pram paw uowi dowi bowt chekhai.7Naiawng rakowi amatni krümah mih dawngthawnguan mih cham pawla büah khai;amatni dow naiawngün mih awilaw lawngrawi paipra pown kowi cham pawla büah khai.8Moab pren sünghi taum lut kar klow taah khai;amatni kowh nguk klow kar klow dow Eglaim hai Ber-Elim marow mowr pat taah khai.9Dibawn marow re-e kowh aw tui dow vi kangowh towbowt.Nachenganchepaw aia luk kowi ang nauang pawla pe piakra küng tak kown.Moab hownia kowh powt miuüa luk kowi ang nauang pawla pe krangsi kown,now pren kowi kowh ta uowi miuüa luk kowi paw ang nauang pawla pe krangsi kown.
The Seed Company