Isai12
1Nami ni khe dow enni natek kown mih,“Aw CHAKRAMANG, en kunmarau anging chowdiah.Nachenganchepaw en kowh kunmaraura prowng khai bowt,now en pe anging sakklamra khai bowt.Naiawng rakowi anging tek en awmrawm lai.2Thurai chowtaih anging kowh lawng miia;aia luk kowi anging naneplawng nesak kown,now anging nakram kown nadowi bowt.CHAKRAMANG chowtaih anging kowh kür hai anging kowh meng;aia dow uang chowng anging kowh lawng miia khai bowt,” napa kown.3Tui sakkrai mih maru ka kham tui hanow lainowmma piaw reng,nami iawng Thurai maru-uüa mih ka lawngra rakowi naawmrawm kown.4Nami ni khe dow enni natek kown mih,“CHAKRAMANG kowi tek pe awmrawm lai diah,aia iung mih krang krawi phuang diah.Aia changah mih lawnguan maten chenchapuüa kowi phowngla pe diah,now aia dow akri akraingma chekhai pami krawi phuang diah.5CHAKRAMANG kowi rowsi müa tek pe meng diah.Tawngplawng kowchow panow aia dow kri kraingma mih lup uang chang khai.Nami lawnguan dow palusama maru pacham tuk bowk lah.6Aw Zaiawn maru-uüa, atünma how büa diah,now awmrawmma hown tek meng büa diah.Tawngplawng kowchow panow Israel kowi kowh chimsaima mih Thurai dow enni pungmadawng kowi tawi uowi chekhai,now aia dow kri kraingma chekhai,” napa kown.
The Seed Company