Hosea8
1CHAKRAMANG tek mih,“Efraim, tum baw diah.Maru-uüa mih ang peah mih rirow chün dowi chekhai;amatni dow ang kowh ari arow kowi kingküa khai.Naiawng rakowi CHAKRAMANG kowh maru-uüa tut-e ransu uang tarü khowk;ransu dow uamu iawng uang tarü khai bowt.2Israeluüa dow kar se kar se CHAKRAMANG tut-e uang taphuang khai;amatni dow, ‘Aw ang kowh Thurai, anging tuk en khowk,’ pakhai.3Tawkchedow Israeluüa mih aiung sia dow nuata büah khai.Naiawng rakowi ransu-uüa mih amatni kung kowi nauang krawiah kown.4Amatni dow ang low iawng nadowi hai manguüa kowi ruiah büah khai;amatni nau iawng hai aluchowuüa kowi kloah büah khai.Amatni dow kuh hai tai hown thawp arup khai.Naiawng rakowi amatni mih napiak kown.5“Aw Samari, en maru-uüa nuata arup chup kown mih mün ni tak chow lakke kown?En kowh chia chah rup dow ang nowng mü dowi chekhai.Nami luk kowi dow ang kunmarau khai,ang kowh kunmaraura mih maih iawng lün pluplup towbowt.6Samari kowi kowh nami chia chah rup dow ang nateuta prawt kown,nami chia chah rup dow adima ang nachangah kown.Nami chia chah rup dow Thurai nadowi;nami dow Israeluüa pungmadawng kowi kowh maru lowk ia thawpah mih chowtaih,now nami dow rut tua chapma mih maru thawpah mih chowtaih.7“Amatni dow sawt li khai,now achur kowi nangen liku büah kown.Chapüi kowi dow tawngpaw anuk uowi dowi,now nami hownia dow mi naphaw kown nadowi.Phaw ditdet chepaw nami dow prenlang maru-uüa nachata pe kown.8Israeluüa kowi dow piakta khai bowt;amatni dow asung uowi dowi mih uanh iawng chekhai,now amatni dow akeng chenchap pungmadawng kowi cham uowi khai.9Amatni dow lowk ia lowk iachow cham mang panglang mih kaurawng uaramchak iawng chekhai,amatni dow Asuria pren mowr kowkowi khai.Efraim dow tangka hown cham chang manau khai.10Lowra chenchap maru-uüa hown tangka hai amatni chang auiua khai.Nachenganchepaw kawmat dow amatni kowi katsang ang nakuaah kown,now amatni kowi mih ang naripah kown.Amatni dow mang nowng chang powng changra krüa kowi nauowi kown,now lainowmma nakawm nakrat büah kown.11“Efraim dow nahenla angak kownkow ahuma thawp phuchuara khai.Nachenganchepaw nami phuchuara dow angak changra uang chowng khai.12Ang kowh ari arow laiklow mih amatni vüi ahuma ang rui pe khowk chowdiah.Nachenganchepaw amatni dow naiawngün mih akeng chenchapuüa kowh naown padow ka tuakah büah khai.13Amatni dow ang vüi uang chang tawncher phuchua hanow anga dow chaah khai;tawkche ang CHAKRAMANG mih amatni luk kowi sak-ih dowi chekhai.Kawmat dow amatni kowh angak mih ang nakut plan tuak pe kown;amatni kowh angak rakowi ang naripah kown,now amatni dow Aigupta pren kowi naplan büah kown.14Israeluüa dow amatni kowh thawp miia Thurai kowi tamata khai.Amatni dow kim aiuk aiukma thawp büah khai;Judauüa dow marow ahuma kowi thawp pe tap khai.Nachenganchepaw amatni kowh naiawngün marow luk kowi mih ang nauang chin pe maih kown;nahanow amatni kowh akhawtma mih kangchawngra kim maten dow nakam bowk kown,” pakhai.
The Seed Company