Hosea7
1CHAKRAMANG tek mih,“Angak uowi krang hownia ang maru-uüa nauang plan kown mih ang nau;Israel kowh arau iungta pe kown mih ang nau chowdiah.Tawkche nami khin khe Efraim kowh angak mih uang tatüng khai,now Samari kowh angak paw uang taphuang khai.Amatni dow krawi limma maru khai;kuk mih dow kim kowi krawi kup khai,now damrauüa dow prang kowi krawi rup khai.2Nachenganchepaw amatni dow amatni kowh lup ngak sak kowi ang towah reng pami tuk büah dowi.Amatni kowh angak maten dow amatni kowi rumta lut khai;naiawngün angak dow ang pur kowi atungma uowi reng chekhai.3“Mang kowi dow angak hown amatni pe awmrawmah reng chekhai,now mang chintak miuüa kowi dow dai lai hown amatni pe awmrawmah khai.4Amatni dow chang iang bowk chekhai.Amatni dow kawm thawp mih kowh taping maih iawng chekhai;nami taping dow kawm ngat pat sawp sua kla dowk mih taping iawng adenma chekhai.5Mang chang pawi mih ni khe mang chintak miuüa dow kham grep tui now pua khai,now mang dow prawngren miuüa prakowi cham tawi tangi khai.6Amatni dow cham kingküa maru khai;nami khin khe amatni kowh sak dow taping maih iawng lün khai.Amatni kowh kunmaraura dow uar prowt tasu mih maiphum iawng chekhai,now rau-e khe kowh awr lün plup mih maih iawng khai.7Amatni dow taping maih iawng den bowk chekhai,now amatni kowh kruitown miuüa kowi kamah büah khai.Amatni kowh mang maten kowi dow saita bowk khowk;tawkche miapaw haw ang büah dowi chekhai.8“Efraim dow akeng chenchap hown cham tasür talawk khai bowt;aia dow kam dawnglang kowh asun uang dowi mih kawm iawng phaw khai bowt.9Aia kowh kür dow prenlang thuraiuüa kowi chupiia mih hownia piak khai;nachenganchepaw aia dow nami tuk dowi chekhai.Aia kowh sam pau dow tauet plawt taih bowt;nachenganchepaw aia dow lawngtang khowk mih hai kür uowi dowk mih tuk dowi chekhai.10Israel kowh bawrira dow aia kowi kingküaah mih saksi thuak pe khai;naiawng phaw khowk chepaw aia dow Thurai tut-e uang plan dowi tak,now Thurai prakowi aia dow towsak paw towsak dowi tak chekhai.11“Efraim dow ka ching dowi tak mih uatur iawng,aia dow mapaw prengia uowi dowi chekhai.Aia dow naka khowng kownkow Aiguptauüa kowi haw kakat,now Asuria tut-e kowkowi kakat chekhai.12Amatni kowkowi kown mih khin khe ang nathang pe powk kown,amatni dow mukuang kowi kowh uakling hawmh iawng nataia kown.Nakhowk khe dow amatni kowi mih krawng kowi ang nauang klala kown,Israeluüa kowi dow amatni kowh angak rakowi ang naripah kown.13“Amatni luk kowi piakra nauang ting kown mih dow kramra uowi lai kowbow!Amatni dow ang hownia powt büah hanow akeng tiama kowi cham mang khai.Amatni kowi nalawngah kown ang nau chowdiah;tawkche amatni dow kingküala ang mih daila tek büah khai.Naiawng rakowi amatni dow pacham chum lah.14Amatni dow phangbek kowi nguk hai kar büah khai;tawkchedow sakdawng hownia ang tut-e awr kar büah dowi chekhai.Uih-ak hai grep tui sar nakala kownkow amatni dow takua talawm khai,now amatni dow kingküa ang büah khai.15Tasen krang ang sangah hanow akürma ang changah khai;nachenganchepaw amatni dow nachang ang angak kownkow sangkrang khai.16Amatni dow ang prakowi uang plan dowi.Amatni dow aphukma kowh kaah atawng dowi mih leba iawng chekhai,amatni kowh aluchowuüa paw Thurai tut-e bawrima mih laiklow tek rakowi nakowng kown.Naiawng rakowi Israeluüa dow Aigupta pren kowi nachowng rensi küakau kown,” pakhai.
The Seed Company