Hosea6
1Israeluüa tatek mih,“Chu, CHAKRAMANG tut-e a-i kowplan diah sik.Aia dow pe a-i arau khai;nachenganchepaw aia mih naiung a-i ngengche kown.Aia dow bawpta a-i naknak khai;nachenganchepaw aia mih nabawm a-i ma ngengche kown.2Pre sum ni kung kowi aia dow nakrüng a-i iawk kown;aia pur kowi tawi ia uowila iawk kownkow aia mih naiung a-i iawk kown,now achük alai khe kowh iawng aia natow a-i iawk kown.3Chu, CHAKRAMANG kowi i tuk diah sik;aia kowi tukla kownkow aia kung i krawi diah sik.Sat uang lawt iawng aia dow nauang tatüng ngengche kown;krawng kowi asi uowila kownkow bowthowk uang uang iawng dow aia nauang kown,” pabüah khai.4CHAKRAMANG tek mih, “Aw Efraim, tawng chow ang nachangla en kown?Aw Juda, en kowi paw tawng chow ang nachangla en kown?En kowh tachi tanawmra dow rau-e kowh mai iawng chekhai.Nami dow rau-e kowh lüa tama mih nang tui iawng chekhai.5Naiawng rakowi ang kowh risiuüa hown ang dungta enni naknak khai,now ang nawr hownia kowh laiklow hown ang saita enni khai.Ang kowh tara chet dow rau towng kowh anowi uang ting reng iawng uang ting ngengche reng chekhai.6Kaah sakowmma mih sakraura chowtaih ang nau, tawncher phuchua nadowi.Tikah mih uanap lak-e achingma tuk ang mih ang lang nau chekhai.7“Enni dow Adam iawng ang kowh laikham enni üata khai,now kaah sakowm dowi mih maru enni chowng khai.8Gilead dow maru ngakuüa kowh marow chekhai;nakowi kowh maru dow krawi kuan maru now bawmah reng.9Damrauüa hawt mit maru iawng uamowuüa thum paw hawt mit maru khai;amatni dow Sekem tiama kowi hawt sai maru hanow lainowmma chang lup ngak büah khai.10Israel kowi suiiai kaniaima mih chap ang khi lowk;Efraim dow nakowi akeng thuraiuüa hown chang iang khai,now Israel dow arup arenuüa hown tasür talawk khai bowt.11“Aw Juda, ang naplan pe enni prasi iawk kown ang nau chowdiah;nachenganchepaw narip en kown mih khin paw ang khowm bowkta khai bowt,” pakhai.
The Seed Company