Uown Thawp50
1Nakhowk khe Josef dow a-pa luk kowi iu tabawk hanow kar khai, now a-pa kowi namah khai.2Nami kung kowi dow a-pa uak nasula dowi kown mih lup nachang kownkow aia nimkrüa kowi uowi mih daktawruüa kowi Josef peah ana khai. Nahanow daktawruüa dow Josef ana pek iawng chang pe khai.3Uak sula dowi mih lup chang dow likawm ni lakke khai. Naiawng rakowi nami lup chang kowi dow likawm ni daktawruüa tating khai. Now Aigupta maru-uüa dow Israel vüi ranitkawm ni mowr uowila uiting uangtak mih pawi sun büah khai.4Now uowila uiting uangtak mih pawi ki sun kung kowi dow Faraw kim kowi kowh maru iukuüa kowi Josef tek pe mih, “Apa kowng dowi rawn khe pe kham ang sawi khai. Aia kowh uak mih Kanan pren kowi kowh aia kamrütla mih tadupra kowi nakowdup kownkow aia mala ang khai. Naiawng rakowi Kanan pren kowi ang nakowdup apa uak kownkow sakrauma hown Faraw pacham pe kowi ang lah. Ki dupla uak prowng now ang nauang plan iawk kown taih.
“Naiawng rakowi enni che sak-ih ang khai hanow sakrauma hown Faraw tut-e mami laiklow kowtek pe büa diah,” pakhai.6Nami kung kowi Faraw uang krawi tek pe mih, “En pa pe kham en sawi iawng aia kowi kowdupah diah,” pape khai.7Nahanow Josef dow nakowdup a-pa uak kownkow tarü khai bowt. Faraw kowh aluchow maten hai Aigupta pren kowi kowh ringkaw uowima mih maru maten Josef kung kowi tawi khai.8Nami klen kowi Josef kowh kimchakuüa hai a-pa kowh kimchakuüa maten hai atainau-uüa paw aia kung kowi tawi khai. Gawsen kowi dow amatni kowh asowmchow mih ngeuüa hawmh hai amatni kowh tawncher hawmh ngetchow towbowt ta uowi khai.9Amatni dow kawrnga kari hai kawrnga luk kowi kowh chowm miuüa hown athum iukma Josef kung tawi büah khai.10Amatni dow Jawrdan aw paipra pown kowi kowh Atad pami arah kowi kowtowm khai. Nakowi kowh laih kowi dow te uowi lowk chekhai. Nakhowk khe a-pa vüi uowila uiting uangtak mih pawi ranit ni mowr Josef sun khai. Now amatni bowkbowk dow atün atünma kar khai.11Atad kowi kowh te kowi amatni uowila uiting uangtak mih khi hanow Kanan maru-uüa tatek mih, “Mami dow Aigupta prenchakuüa kowh aprüa aiiama mih uiting uangtak pawi chekhai,” pakhai. Naiawng rakowi Jawrdan aw paipra pown kowi kowh arah ming dow Abel-Mizraim pahai chap pe khai. (Abel-Mizraim pami dow “Aigupta prenchakuüa kowh aprüa aiiama mih uiting uangtak pawi” pami chekhai).12Naiawng rakowi Israel kowh chapauüa dow a-pa tekla pe mih iawng ta chang büah khai.13Amatni dow a-pa kowh uak Kanan pren kowi kowpawla khai, now Makpela kowi kowh puk kowi kowdupah khai. Nami puk dow Mamre marow kowi kowh Hit chenchap Efrawn kowh laih le kowi chekhai. Nami laih dow nachangla tadupra kownkow puk hailawm Efrawn tut-e kowh Abraham ranah mih chekhai.14Now ki dupla a-pa uak kung kowi dow Josef hai atainau-uüa hai kowtawi dup Josef pa mih maru maten Aigupta pren kowi uang plan büah khai bowt.15Now amatni kowh pa kowng kung kowi dow Josef kowh tainau-uüa tatek mih, “Laiuan kowi, Josef sui a-i kowh a-i changah angak mih klai sat a-i e dow tawng chow i changah kown?” pakhai.16Naiawng rakowi amatni dow Josef tut-e kowchin maru khai. Nami maru kowi krawi tek pe mih, “Apa kowng dowi rawn mami laiklow ta mala anging khai.17Apa tek anging mih, ‘Josef kowi ta tek pe büa diah. Enni kowh atawi hai lup ngak maten pacham lawtta enni lah,’ pakhai. Anging dow en pa kowh Thurai naruüa chekhai. Naiawng rakowi sakrauma hown anging kowh angak lawtta anging diah,” pabüah khai. Josef dow atainau-uüa kowh laiklow tata hanow kar khai.18Nami kung kowi dow atainau-uüa mih aia pur kowi uang tabawkah krawm now tek pe mih, “Anging dow en kowh nar chekhai,” pakhai.19Nachenganchepaw Josef tek pe kowbüah mih, “Hangkow kram büa diah. Ang dow Thurai nadowi; angak ripra pek mih dow Thurai chowtaih.20Enni dow nachang ang angak kownkow kamrüt mih chowdiah. Nachenganchepaw nami dow a-i iung müa Thurai kamrütah mih chekhai. Nami kamrütra dow maru akawmma naplaila kownkow chekhai, nami dow kawmat enni khi khowk.21Naiawng rakowi hang kram büa diah. Enni hai enni kowh chauüa chakkham ang nape enni reng kown taih,” pape khai. Naiawng hai Josef dow atainau-uüa kowi sakowmra hai sakklamra lai tek pe khai.22Josef hai a-pa kimchakuüa mih Aigupta pren kowi akrama uowi büah khai. Josef dow 110 ning singla khai.23Josef dow achapa Efraim kowh krungchak kowi sum kungh mowr khila khai. Nami klen kowi Makir kowh chauüa kowi paw ka khila khai. Makir dow Manase kowh chapa chekhai.24Now akat khe Josef tek pe atainau-uüa mih, “Ang kowh dow kowng khin uang na iawlaw khowk. Nachenganchepaw Thurai dow nauang khowng enni ngengche kown taih. Aia dow mami pren hownia pawla enni hanow Abraham, Isak hai Jakawb büah kowi napeah kown pahai kham sawi se tekta khowk mih pren kowi napawla enni kown taih,” pakhai.25Nami kung kowi dow Israeluüa kowi pe takhamah sawi se Josef tek pe mih, “Thurai dow nauang khowng enni ngengche kown taih. Mami pren hownia enni powt mih khin khe ang kowh hut maten pawla büa diah,” pape khai.26Now Josef dow 110 ning chih khe kowng khai bowt. Aia kowh uak dow su dowi iawng daktawruüa changah hanow uak towk rah kowi phangah now Aigupta pren kowi towah büah khai.
“Naiawng rakowi enni che sak-ih ang khai hanow sakrauma hown Faraw tut-e mami laiklow kowtek pe büa diah,” pakhai.6Nami kung kowi Faraw uang krawi tek pe mih, “En pa pe kham en sawi iawng aia kowi kowdupah diah,” pape khai.7Nahanow Josef dow nakowdup a-pa uak kownkow tarü khai bowt. Faraw kowh aluchow maten hai Aigupta pren kowi kowh ringkaw uowima mih maru maten Josef kung kowi tawi khai.8Nami klen kowi Josef kowh kimchakuüa hai a-pa kowh kimchakuüa maten hai atainau-uüa paw aia kung kowi tawi khai. Gawsen kowi dow amatni kowh asowmchow mih ngeuüa hawmh hai amatni kowh tawncher hawmh ngetchow towbowt ta uowi khai.9Amatni dow kawrnga kari hai kawrnga luk kowi kowh chowm miuüa hown athum iukma Josef kung tawi büah khai.10Amatni dow Jawrdan aw paipra pown kowi kowh Atad pami arah kowi kowtowm khai. Nakowi kowh laih kowi dow te uowi lowk chekhai. Nakhowk khe a-pa vüi uowila uiting uangtak mih pawi ranit ni mowr Josef sun khai. Now amatni bowkbowk dow atün atünma kar khai.11Atad kowi kowh te kowi amatni uowila uiting uangtak mih khi hanow Kanan maru-uüa tatek mih, “Mami dow Aigupta prenchakuüa kowh aprüa aiiama mih uiting uangtak pawi chekhai,” pakhai. Naiawng rakowi Jawrdan aw paipra pown kowi kowh arah ming dow Abel-Mizraim pahai chap pe khai. (Abel-Mizraim pami dow “Aigupta prenchakuüa kowh aprüa aiiama mih uiting uangtak pawi” pami chekhai).12Naiawng rakowi Israel kowh chapauüa dow a-pa tekla pe mih iawng ta chang büah khai.13Amatni dow a-pa kowh uak Kanan pren kowi kowpawla khai, now Makpela kowi kowh puk kowi kowdupah khai. Nami puk dow Mamre marow kowi kowh Hit chenchap Efrawn kowh laih le kowi chekhai. Nami laih dow nachangla tadupra kownkow puk hailawm Efrawn tut-e kowh Abraham ranah mih chekhai.14Now ki dupla a-pa uak kung kowi dow Josef hai atainau-uüa hai kowtawi dup Josef pa mih maru maten Aigupta pren kowi uang plan büah khai bowt.15Now amatni kowh pa kowng kung kowi dow Josef kowh tainau-uüa tatek mih, “Laiuan kowi, Josef sui a-i kowh a-i changah angak mih klai sat a-i e dow tawng chow i changah kown?” pakhai.16Naiawng rakowi amatni dow Josef tut-e kowchin maru khai. Nami maru kowi krawi tek pe mih, “Apa kowng dowi rawn mami laiklow ta mala anging khai.17Apa tek anging mih, ‘Josef kowi ta tek pe büa diah. Enni kowh atawi hai lup ngak maten pacham lawtta enni lah,’ pakhai. Anging dow en pa kowh Thurai naruüa chekhai. Naiawng rakowi sakrauma hown anging kowh angak lawtta anging diah,” pabüah khai. Josef dow atainau-uüa kowh laiklow tata hanow kar khai.18Nami kung kowi dow atainau-uüa mih aia pur kowi uang tabawkah krawm now tek pe mih, “Anging dow en kowh nar chekhai,” pakhai.19Nachenganchepaw Josef tek pe kowbüah mih, “Hangkow kram büa diah. Ang dow Thurai nadowi; angak ripra pek mih dow Thurai chowtaih.20Enni dow nachang ang angak kownkow kamrüt mih chowdiah. Nachenganchepaw nami dow a-i iung müa Thurai kamrütah mih chekhai. Nami kamrütra dow maru akawmma naplaila kownkow chekhai, nami dow kawmat enni khi khowk.21Naiawng rakowi hang kram büa diah. Enni hai enni kowh chauüa chakkham ang nape enni reng kown taih,” pape khai. Naiawng hai Josef dow atainau-uüa kowi sakowmra hai sakklamra lai tek pe khai.22Josef hai a-pa kimchakuüa mih Aigupta pren kowi akrama uowi büah khai. Josef dow 110 ning singla khai.23Josef dow achapa Efraim kowh krungchak kowi sum kungh mowr khila khai. Nami klen kowi Makir kowh chauüa kowi paw ka khila khai. Makir dow Manase kowh chapa chekhai.24Now akat khe Josef tek pe atainau-uüa mih, “Ang kowh dow kowng khin uang na iawlaw khowk. Nachenganchepaw Thurai dow nauang khowng enni ngengche kown taih. Aia dow mami pren hownia pawla enni hanow Abraham, Isak hai Jakawb büah kowi napeah kown pahai kham sawi se tekta khowk mih pren kowi napawla enni kown taih,” pakhai.25Nami kung kowi dow Israeluüa kowi pe takhamah sawi se Josef tek pe mih, “Thurai dow nauang khowng enni ngengche kown taih. Mami pren hownia enni powt mih khin khe ang kowh hut maten pawla büa diah,” pape khai.26Now Josef dow 110 ning chih khe kowng khai bowt. Aia kowh uak dow su dowi iawng daktawruüa changah hanow uak towk rah kowi phangah now Aigupta pren kowi towah büah khai.
The Seed Company