Uown Thawp5
1Mami dow Adam krungchak lawnguan chekhai. Thurai thawp maru mih khin khe aia kowi dow aiamat powm iawng thawpah khai.2Thurai mih kachakuüa hai masiuüa kowi thawpah khai, now peah prasi khai. Thurai thawpah mih khin khe amatchi kowi mih maru pahai Thurai chap pe ming khai.3Adam mih 130 ning chih khe ka kachakuüa chah lowk ia iawk. Achapa dow aia hown tatu khai, now achapa dow aia powm iawng chekhai. Achapa ming dow Set chekhai.4Set uang dia kung kowi paw Adam mih singla 800 ning tak. Nami takra kowi paw aia dow kala chah küng tak chekhai.5Now 930 ning chih now Adam dow kowng khai bowt.6Set dow 105 ning chih khe ka chah khai. Achapa ming dow Enus.7Enus uang dia kung kowi paw aia dow singla 807 ning tak. Nami takra kowi paw aia dow kala chah küng tak chekhai.8Now 912 ning chih now Set dow kowng khai bowt.9Enus dow 90 ning chih khe ka chah khai. Achapa ming dow Kenan.10Kenan uang dia kung kowi paw aia dow singla 815 ning tak. Nami takra kowi paw aia dow kala chah küng tak chekhai.11Now 905 ning chih now Enus dow kowng khai bowt.12Kenan dow 70 ning chih khe ka chah khai. Achapa ming dow Mahalalel.13Mahalalel uang dia kung kowi paw aia dow singla 840 ning tak. Nami takra kowi paw aia dow kala chah küng tak chekhai.14Now 910 ning chih now Kenan dow kowng khai bowt.15Mahalalel dow 65 ning chih khe ka chah khai. Achapa ming dow Jared.16Jared uang dia kung kowi paw aia dow singla 830 ning tak. Nami takra kowi paw aia dow kala chah küng tak chekhai.17Now 895 ning chih now Mahalalel dow kowng khai bowt.18Jared dow 162 ning chih khe ka chah khai. Achapa ming dow Enawk.19Enawk uang dia kung kowi paw aia dow singla 800 ning tak. Nami takra kowi paw aia dow kala chah küng tak chekhai.20Now 962 ning chih now Jared dow kowng khai bowt.21Enawk dow 65 ning chih khe ka chah khai. Achapa ming dow Methusela.22Methusela uang dia kung kowi aia dow 300 ning mowr Thurai hown taklawp taiua khai. Nami khin khe paw aia dow kala chah küng tak chekhai.23Enawk dow 365 ning mowr lusa kowi uowila khai.24Nami kung kowi aia kowi dow khi-ah dowi bowt chekhai. Thurai hown taklawp taiua reng rakowi aia kowi dow Thurai iu pawta khai bowt.25Methusela dow 187 ning chih khe ka chah khai. Achapa ming dow Lamek.26Lamek uang dia kung kowi paw aia dow singla 782 ning tak. Nami takra kowi paw aia dow kala chah küng tak chekhai.27Now 969 ning chih now Methusela dow kowng khai bowt.28Lamek dow 182 ning chih khe ka chah khai.29Now Lamek tek mih, “Krawng kowi Thurai peta piati hownia bowt now nakala chakkham kownkow akawm akratma hai a-i lup chang takla khai; nachenganchepaw mami chah dow akawm akrat hownia nape a-i sakklamra bowt kown,” pakhai. Now achapa ming dow Noa pahai rük pe khai.30Noa uang dia kung kowi paw aia dow singla 595 ning tak. Nami takra kowi paw aia dow kala chah küng tak chekhai.31Now 777 ning chih now Lamek dow kowng khai bowt.32Noa dow 500 ning chih kung kowi ka kachakuüa chah sum ia khai. Achapauüa dow Sem, Ham hai Jafet büah chekhai.
The Seed Company