Uown Thawp47
1Now Josef mih ataimowuüa kowi pawla tanga ia hanow Faraw tut-e nakowtalawp kownkow kowkowi khai. Aia dow ataimowuüa kowi Faraw hown pe rik tatukah khai. Faraw kowi Josef tek pe mih, “Apa hai ang tainau-uüa mih amatni kowh rua, ruapur, chia hai amatni kowh uowi mih maten uang pawla now Kanan pren hownia uang powt khai bowt. Amatni dow kawmat Gawsen süng kowi uowi büah khai,” pakhai.3Josef tainau-uüa kowi Faraw lüntaah mih, “Tawng lup chow enni chang?” pakhai.
Amatni tek pe mih, “Chakramang, mami en kowh naruüa anging dow tawncher thing mih chekhai. Anging kowh pipu-uüa paw tawncher thing mih chekhai.4Mami pren kowi nauang uowi tak kownkow anging uang mih chekhai. Kanan pren kowi khown kuak mih dow arawn amatma, now nakowi nathingla tawncher kown mih pram khowm uowi dowi bowt. Naiawng rakowi sakrauma hown Gawsen süng kowi pe uowi anging diah,” pabüah khai.5Now Josef kowi Faraw tek pe mih, “En pa hai en tainau-uüa en tut-e uang mih chekhai.6Aigupta pren paprenma dow en pur kowi uowi hüah khowk. Mami pren kowi kowh lang iung mih arah kowi en pa hai en tainau-uüa kowi pe uowiah diah. Amatni dow Gawsen süng kowi pacham uowila towbowt. Now amatni pungmadawng kowi tawncher thing atukma mih maru en khi hanow naiawngünuüa kowi dow ang kowh tawncher nathing kown mih kurdik peah diah,” pakhai.7Nami kung kowi dow Josef mih a-pa Jakawb kowi uang pawla now Faraw hown uang pe takrumah khai. Now Jakawb mih Faraw kowi peah prasi khai.8Now Jakawb kowi Faraw lüntaah mih, “Mün ning khowk chow en?” pakhai.9Jakawb tek pe mih, “Mami lusa kowi khari kowi mih iawng hai ang uang uowi mih dow 130 ning khowk. Nami khin townchow mih ning kowi akrat pusara ahuma ang krumla khai. Ang kowh pipu-uüa singla khowt khowm padow ang tawi ia singla dowi tham,” pape khai.10Nami kung kowi dow Jakawb mih Faraw kowi plan peah prasi hanow nami hownia lawt khai bowt.11Now Josef dow a-pa hai atainau-uüa kowh uowi rah kamrüt pe khai. Aia dow Faraw ana pek iawng Aigupta pren kowi kowh lang iung mih arah Gawsen süng mih amatni kowi dawngthawnguan iawng peah khai. (Akung kowi nami arah ming dow Rameses chekhai).12Josef dow a-pa, atainau-uüa hai amatni kowh kimchakuüa kowi thumah khai. Aia dow amatni kowh kimchak maru iun uowi iawng pe pe chakkham khai.
Now Josef tek pe mih, “En tek iawng ang chang en kown taih,” pape khai.31Nakhowk khe Israel tek pe mih, “Ang tut-e kham sawi diah,” pakhai. Now Josef dow a-pa tut-e kham sawi khai. Nahanow Israel dow aia phangbek iüaluk prakowi iu mum hanow Thurai kowi chupah khai.
Amatni tek pe mih, “Chakramang, mami en kowh naruüa anging dow tawncher thing mih chekhai. Anging kowh pipu-uüa paw tawncher thing mih chekhai.4Mami pren kowi nauang uowi tak kownkow anging uang mih chekhai. Kanan pren kowi khown kuak mih dow arawn amatma, now nakowi nathingla tawncher kown mih pram khowm uowi dowi bowt. Naiawng rakowi sakrauma hown Gawsen süng kowi pe uowi anging diah,” pabüah khai.5Now Josef kowi Faraw tek pe mih, “En pa hai en tainau-uüa en tut-e uang mih chekhai.6Aigupta pren paprenma dow en pur kowi uowi hüah khowk. Mami pren kowi kowh lang iung mih arah kowi en pa hai en tainau-uüa kowi pe uowiah diah. Amatni dow Gawsen süng kowi pacham uowila towbowt. Now amatni pungmadawng kowi tawncher thing atukma mih maru en khi hanow naiawngünuüa kowi dow ang kowh tawncher nathing kown mih kurdik peah diah,” pakhai.7Nami kung kowi dow Josef mih a-pa Jakawb kowi uang pawla now Faraw hown uang pe takrumah khai. Now Jakawb mih Faraw kowi peah prasi khai.8Now Jakawb kowi Faraw lüntaah mih, “Mün ning khowk chow en?” pakhai.9Jakawb tek pe mih, “Mami lusa kowi khari kowi mih iawng hai ang uang uowi mih dow 130 ning khowk. Nami khin townchow mih ning kowi akrat pusara ahuma ang krumla khai. Ang kowh pipu-uüa singla khowt khowm padow ang tawi ia singla dowi tham,” pape khai.10Nami kung kowi dow Jakawb mih Faraw kowi plan peah prasi hanow nami hownia lawt khai bowt.11Now Josef dow a-pa hai atainau-uüa kowh uowi rah kamrüt pe khai. Aia dow Faraw ana pek iawng Aigupta pren kowi kowh lang iung mih arah Gawsen süng mih amatni kowi dawngthawnguan iawng peah khai. (Akung kowi nami arah ming dow Rameses chekhai).12Josef dow a-pa, atainau-uüa hai amatni kowh kimchakuüa kowi thumah khai. Aia dow amatni kowh kimchak maru iun uowi iawng pe pe chakkham khai.
Khown kuak khe kowh Josef prengia
13Nami khown dow arawn amatma uang own ngamlam khai. Naiawng rakowi paprenma kowi kowh chakkham mih khowk bowk khowk chekhai. Nami khown rakowi Aigupta pren hai Kanan prenchakuüa mih lainowmma hawm khawr bowm khai bowt.14Aigupta hai Kanan prenchakuüa uang ran chakkham khe kowh tangka dow Josef krawi kuala bowk now Faraw kim kowi kowpawla khai.15Now Aigupta hai Kanan prenchak maru-uüa kowh dow tangka khowk bowk khowk. Nakhowk khe Aigupta prenchakuüa dow Josef tut-e uangah now tek pe mih, “Sakrauma hown pe anging chakkham diah! En pe anging chakkham dowi now anging kowng kown towbowt! Anging kowh tangka pawisa uowi mih srui khowk bowk khowk,” pabüa khai.16Josef tek pe mih, “Enni kowh tangka khowk bowk khowk now enni kowh chia hai ruapur uowi mih maten uang pe ang büa diah. Nami takcha kowi ang pe enni chakkham sow,” pape khai.17Nahanow amatni dow amatni kowh tawncher uowi mih maten Josef tut-e uang pawla büah khai. Now Josef dow amatni kowh rua, ruapur, chia, kawrnga hai kawrngaramchük takcha kowi peah chakkham khai. Tawncher uowi mih maten hawt paw pe hanow nami paning dow Josef mih amatni kowi peah chakkham khai.18Nami ning rawn kowh auai ning khe paw amatni dow Josef tut-e uang plan uang khai. Now tek pe Josef mih, “Chakramang, tawngpaw anging it en dowi tham. Anging kowh tangka pawisa khowk bowk khowk, now anging kowh tawncher ün paw en kowh kangowh towbowt. Kawmat dow anging kowh buk hai anging kowh krawng bawn klen kowi nape en kown mih tawngpaw uowi dowi bowt.19Tawngplawng kowchow laih hailawm en pur kowi anging nakowng kown chow? Naiawng rakowi anging hailawm anging kowh laih mih en ranta anging bowk diah, nami takcha kowi pe anging chakkham diah. Faraw tut-e mih anging hai anging kowh laih hailawm anging natawi uowi nar kown towbowt. Now kowng dowi kowi asak nasingla reng kownkow aliu paw pe anging ne diah. Nahanow anging kowh laih paw napiak kown nadowi bowt,” pakhai.20Nahanow Josef mih Aigupta pren kowi kowh laih maten Faraw vüi krawi ranta bowk khai. Nami khown kuak mih dow arawn amatma uang hu ngamlam rakowi Aigupta prenchakuüa mih amatni kowh krawng bawn sumta büah bowk khai. Naiawng hai Aigupta pren kowi kowh krawng bawn maten dow Faraw kowh krawng bawn uang chowng bowk khai.21Naiawng hai Josef dow Aigupta pren kowi kowh uowi mih maru maten kowi changla Faraw nar khai.22Nachenganchepaw uamowuüa kowh laih dow Josef ranla dowi chekhai. Tawngplawng kowchow panow uamowuüa dow Faraw tut-e ka maina reng chekhai. Now amatni dow nami tangka hown ranla chakkham büah reng chekhai. Naiawng rakowi amatni kowh laih dow sum takla büah dowi.23Maru-uüa kowi Josef tek pe mih, “Sünta büa diah, enni hai enni kowh krawng bawn hailawm ani dow Faraw vüi ang ranta khowk. Naiawng rakowi kawmat mami aliu pawla now laih kowi kowsawt büa diah.24Now enni ki ngen kung kowi kowh enni kaah mih luprak maten hownia tanga bak kowi pabak mih Faraw kowi enni napeah kown. Now tali bak mih dow aliu vüi ün, enni matia chak müa hai enni matia kimchakuüa chak müa ün enni natowah kown,” pakhai.25Nakhowk khe maru-uüa tek pe Josef mih, “Chakramang, en lawng anging khai. Naiawng rakowi Faraw kowh nar anging hing tawi uowi kown towbowt,” pakhai.26Nahanow Josef mih Aigupta pren kowi kowh krawng bawn lawnguan kowi thawp ari lowk chekhai. Nami dow luprak maten hownia tanga bak kowi pabak mih Faraw kowi napeah kown mih chekhai. Nami ari dow kawmat pat paw Aigupta prenchakuüa chün reng tak chekhai. Faraw kowh dawngthawnguan kowi tawi taphang dowi mih dow uamowuüa kowh laih ngetchow towbowt chekhai.27Israeluüa dow Aigupta pren kowi kowh Gawsen süng kowi uowi büah khai. Nakowi dow amatni kowh dawngthawnguan ün uowi khai bowt. Amatni dow ka chu ka chah hanow ahuma uang prung büah khai bowt.28Israel dow Aigupta pren kowi singla 17 ning tak. Aia dow 147 ning mowr singla khai.29Israel dow aia kowng dowi rawn achapa Josef kowi hawah now tek pe mih, “En che sakrau ang khai nowm hanow ang thung krüa kowi uang haitow rut now takham diah. Now ang tek en iawng chang diah; ang kowng mih khin khe Aigupta pren kowi hauang dup ang diah.30Ang dow ang pipu-uüa tadupra kowi tawi tadup kown ang nau. Naiawng rakowi ang kowh uak mih Aigupta pren hownia kawtla hanow ang pipu-uüa tadupra kowi kowdup ang diah,” pakhai.Now Josef tek pe mih, “En tek iawng ang chang en kown taih,” pape khai.31Nakhowk khe Israel tek pe mih, “Ang tut-e kham sawi diah,” pakhai. Now Josef dow a-pa tut-e kham sawi khai. Nahanow Israel dow aia phangbek iüaluk prakowi iu mum hanow Thurai kowi chupah khai.
The Seed Company