Uown Thawp46
1Naiawng rakowi Israel dow aia kowh uowi mih maten pawla hanow Aigupta pren prakowi tarü khai bowt. Aia dow Ber-Seba kowi uang ting mih khin khe a-pa Isak kowh Thurai vüi changla phuchua pawi khai.2Nami iak khe Thurai mih mukmang kowi Israel hown uang taklang khai. Thurai hawah mih, “Jakawb, Jakawb,” pakhai.
Jakawb klangah mih, “Mami re-e chaw ang uowi,” pape khai.3Thurai tek pe mih, “Ang dow Thurai, en pa kowh Thurai chekhai. Aigupta pren kowi nakowkowi kown mih hangkow kram diah; tawngplawng kowchow panow nakowi mih chenchap aiukma ang nathawp en kown.4Aigupta pren kowi ang natawi uowila en kown, now en kowh krungchakuüa kowi Kanan pren kowi ang nauang plan pawla ngengche kown. Now en kowng khe dow Josef natawi uowila en kown,” pakhai.5Nahanow Jakawb dow Ber-Seba hownia Aigupta pren prakowi tarü khai bowt. Israel kowh chapauüa dow amatni kowh pa, amatni kowh chauüa hai amatni kowh masi kowi chia kari hown pawla khai. Naiawngün chia kari dow amatni pawk müa Faraw uang krawi sa pe mih chekhai.6Kanan pren kowi kowh amatni kramah mih tawncher hai dawngthawnguan maten pawla hanow Jakawb hai amatni kimchakuüa dow Aigupta pren kowi kowpowt khai bowt.7Jakawb dow aia kowh chauüa hai aia kowh chu-uüa, aia kowh krungchakuüa maten kowi pawla now Aigupta pren kowi kowkowi khai.8Mami dow Aigupta pren kowi kowpowt mih Jakawb hai aia kowh krungchakuüa lawnguan chekhai. Jakawb kowh chapa ta dow Reuben chekhai.9Reuben kowh chapauüa dow Hanawk, Pallu, Hezrawn hai Karmi büah chekhai.10Simiawn kowh chapauüa dow Jemuel, Jamin, Awhad, Jakin, Zohar hai Sawl büah chekhai. Sawl kowh u dow Kanan prenchak masiuüa chekhai.11Levi kowh chapauüa dow Gersawn, Kohat hai Merari büah chekhai.12Juda kowh chapauüa dow Er, Awnan, Sela, Perez hai Zera büah chekhai. Er hai Awnan iüah dow Kanan pren kowi kowng khai bowt. Perez kowh chapauüa dow Hezrawn hai Hamul iüah chekhai.13Isakar kowh chapauüa dow Tola, Puva, Jawb hai Simrawn büah chekhai.14Zebulun kowh chapauüa dow Sered, Elawn hai Jalel büah chekhai.15Naiawngünuüa dow Padan-aram kowi Leah hown kowh Jakawb kaah mih krungchak chekhai. Amatchi kowh dow Dina pape mih chama paw uowi lowk ia. Dina hailawm Jakawb kowh naiawngün krungchakuüa dow süngkawm laisum ia chekhai.16Gad kowh chapauüa dow Zifawn, Hagi, Suni, Ezbawn, Eri, Arodi hai Areli büah chekhai.17Aser kowh chapauüa dow Imna, Isva, Isvi hai Beri büah chekhai, now amatni kowh tuamow dow Sera chekhai. Beri kowh chapa dow Heber hai Malkiel iüah chekhai.18Naiawngünuüa dow Zilpa hown kowh Jakawb kaah mih krungchak chekhai. Zilpa dow Leah kowi kowh a-pa Laban krawi peah mih narma chekhai. Zilpa hown kowh Jakawb kaah mih krungchakuüa dow laitaruk ia chekhai.19Rahel hown kowh Jakawb kaah mih chapa dow Josef hai Benjamin iüah chekhai.20Aigupta pren kowi kowh Josef kaah mih chapa dow Manase hai Efraim iüah chekhai. Amatchi kowh u dow Pawtifera kowh chama Asenat chekhai. Pawtifera dow Awn marow kowi kowh uamow chekhai.21Benjamin kowh chapauüa dow Bela, Beker, Asbel, Gera, Naman, Ehi, Raws, Mapim, Hapim hai Ard büah chekhai.22Naiawngün laitali ia miuüa dow Rahel hown kowh Jakawb kaah mih krungchak chekhai.23Dan kowh chapa dow Husim chekhai.24Naptali kowh chapauüa dow Jazel, Guni, Jezer hai Silem büah chekhai.25Naiawngünuüa dow Bilha hown kowh Jakawb kaah mih krungchak chekhai. Bilha dow Rahel kowi kowh a-pa Laban krawi peah mih narma chekhai. Naiawngün Bilha hown kowh Jakawb kaah mih krungchakuüa dow ranit ia chekhai.26Aigupta pren kowi Jakawb hown kowh tawi mih aia kowh krungchakuüa dow 66 ia chekhai. Naiawngün pungmadawng kowi aia kowh iaumowuüa kowi dow klowkla dowi tak chekhai.27Josef kowh dow Aigupta pren kowi dia mih chapa uowi pre ia. Naiawngün hailawm Aigupta pren kowi kowpowt mih Jakawb kimchakuüa dow 70 ia chekhai.28Jakawb dow Gawsen süng prakowi mangla kown mih tiama nakowrik lünta kownkow Josef tut-e Juda kowi kowrik chinah khai. Nahanow amatni bowkbowk Gawsen süng kowi kowtowm khai bowt.29Now Josef mih a-pa Israel hown nauang takrum kownkow aia kowh kawrnga kari kamrütla now Gawsen süng kowi uang tarü khai. Aia dow a-pa kowi khita hanow uang dawiah khai, now akrama kar khai.30Nakhowk khe a-pa Israel tek pe Josef mih, “Kawmat paw en sing uowi reng tak pami ang matia mik hown ang khi khowk. Naiawng rakowi kawmat ang kowng chepaw iung towbowt,” pakhai.31Now atainau-uüa hai a-pa kimchak maru-uüa kowi Josef tek pe mih, “Faraw tut-e kowkowiah now maiawng ang nakowtek pe kown, ‘Ang tainau-uüa hai apa krungchak maru-uüa mih Kanan pren hownia ang tut-e uang khai bowt.32Amatni dow tawncher thing mih chekhai; amatni dow rua hai ruapur thing mih chekhai. Naiawng rakowi amatni dow amatni kowh rua, ruapur, chia hai dawngthawnguan maten uang pawla büah khai,’ ang napape kown.33Naiawng rakowi Faraw nahaw enni now, ‘Tawng lup chow enni chang?’ padow nalünta enni kown.34Nami khin khe maiawng enni natek pe kown, ‘Mami en kowh naruüa hai anging kowh pipu-uüa dow asowmchow hownia kawmat mowr thing tawncher reng mih maru chekhai,’ pape diah. Nahanow Faraw mih makowi nape uowi enni kown. Tawngplawng kowchow panow tawncher thing miuüa kowi dow Aigupta maru-uüa suiah reng chekhai,” pakhai.
Jakawb klangah mih, “Mami re-e chaw ang uowi,” pape khai.3Thurai tek pe mih, “Ang dow Thurai, en pa kowh Thurai chekhai. Aigupta pren kowi nakowkowi kown mih hangkow kram diah; tawngplawng kowchow panow nakowi mih chenchap aiukma ang nathawp en kown.4Aigupta pren kowi ang natawi uowila en kown, now en kowh krungchakuüa kowi Kanan pren kowi ang nauang plan pawla ngengche kown. Now en kowng khe dow Josef natawi uowila en kown,” pakhai.5Nahanow Jakawb dow Ber-Seba hownia Aigupta pren prakowi tarü khai bowt. Israel kowh chapauüa dow amatni kowh pa, amatni kowh chauüa hai amatni kowh masi kowi chia kari hown pawla khai. Naiawngün chia kari dow amatni pawk müa Faraw uang krawi sa pe mih chekhai.6Kanan pren kowi kowh amatni kramah mih tawncher hai dawngthawnguan maten pawla hanow Jakawb hai amatni kimchakuüa dow Aigupta pren kowi kowpowt khai bowt.7Jakawb dow aia kowh chauüa hai aia kowh chu-uüa, aia kowh krungchakuüa maten kowi pawla now Aigupta pren kowi kowkowi khai.8Mami dow Aigupta pren kowi kowpowt mih Jakawb hai aia kowh krungchakuüa lawnguan chekhai. Jakawb kowh chapa ta dow Reuben chekhai.9Reuben kowh chapauüa dow Hanawk, Pallu, Hezrawn hai Karmi büah chekhai.10Simiawn kowh chapauüa dow Jemuel, Jamin, Awhad, Jakin, Zohar hai Sawl büah chekhai. Sawl kowh u dow Kanan prenchak masiuüa chekhai.11Levi kowh chapauüa dow Gersawn, Kohat hai Merari büah chekhai.12Juda kowh chapauüa dow Er, Awnan, Sela, Perez hai Zera büah chekhai. Er hai Awnan iüah dow Kanan pren kowi kowng khai bowt. Perez kowh chapauüa dow Hezrawn hai Hamul iüah chekhai.13Isakar kowh chapauüa dow Tola, Puva, Jawb hai Simrawn büah chekhai.14Zebulun kowh chapauüa dow Sered, Elawn hai Jalel büah chekhai.15Naiawngünuüa dow Padan-aram kowi Leah hown kowh Jakawb kaah mih krungchak chekhai. Amatchi kowh dow Dina pape mih chama paw uowi lowk ia. Dina hailawm Jakawb kowh naiawngün krungchakuüa dow süngkawm laisum ia chekhai.16Gad kowh chapauüa dow Zifawn, Hagi, Suni, Ezbawn, Eri, Arodi hai Areli büah chekhai.17Aser kowh chapauüa dow Imna, Isva, Isvi hai Beri büah chekhai, now amatni kowh tuamow dow Sera chekhai. Beri kowh chapa dow Heber hai Malkiel iüah chekhai.18Naiawngünuüa dow Zilpa hown kowh Jakawb kaah mih krungchak chekhai. Zilpa dow Leah kowi kowh a-pa Laban krawi peah mih narma chekhai. Zilpa hown kowh Jakawb kaah mih krungchakuüa dow laitaruk ia chekhai.19Rahel hown kowh Jakawb kaah mih chapa dow Josef hai Benjamin iüah chekhai.20Aigupta pren kowi kowh Josef kaah mih chapa dow Manase hai Efraim iüah chekhai. Amatchi kowh u dow Pawtifera kowh chama Asenat chekhai. Pawtifera dow Awn marow kowi kowh uamow chekhai.21Benjamin kowh chapauüa dow Bela, Beker, Asbel, Gera, Naman, Ehi, Raws, Mapim, Hapim hai Ard büah chekhai.22Naiawngün laitali ia miuüa dow Rahel hown kowh Jakawb kaah mih krungchak chekhai.23Dan kowh chapa dow Husim chekhai.24Naptali kowh chapauüa dow Jazel, Guni, Jezer hai Silem büah chekhai.25Naiawngünuüa dow Bilha hown kowh Jakawb kaah mih krungchak chekhai. Bilha dow Rahel kowi kowh a-pa Laban krawi peah mih narma chekhai. Naiawngün Bilha hown kowh Jakawb kaah mih krungchakuüa dow ranit ia chekhai.26Aigupta pren kowi Jakawb hown kowh tawi mih aia kowh krungchakuüa dow 66 ia chekhai. Naiawngün pungmadawng kowi aia kowh iaumowuüa kowi dow klowkla dowi tak chekhai.27Josef kowh dow Aigupta pren kowi dia mih chapa uowi pre ia. Naiawngün hailawm Aigupta pren kowi kowpowt mih Jakawb kimchakuüa dow 70 ia chekhai.28Jakawb dow Gawsen süng prakowi mangla kown mih tiama nakowrik lünta kownkow Josef tut-e Juda kowi kowrik chinah khai. Nahanow amatni bowkbowk Gawsen süng kowi kowtowm khai bowt.29Now Josef mih a-pa Israel hown nauang takrum kownkow aia kowh kawrnga kari kamrütla now Gawsen süng kowi uang tarü khai. Aia dow a-pa kowi khita hanow uang dawiah khai, now akrama kar khai.30Nakhowk khe a-pa Israel tek pe Josef mih, “Kawmat paw en sing uowi reng tak pami ang matia mik hown ang khi khowk. Naiawng rakowi kawmat ang kowng chepaw iung towbowt,” pakhai.31Now atainau-uüa hai a-pa kimchak maru-uüa kowi Josef tek pe mih, “Faraw tut-e kowkowiah now maiawng ang nakowtek pe kown, ‘Ang tainau-uüa hai apa krungchak maru-uüa mih Kanan pren hownia ang tut-e uang khai bowt.32Amatni dow tawncher thing mih chekhai; amatni dow rua hai ruapur thing mih chekhai. Naiawng rakowi amatni dow amatni kowh rua, ruapur, chia hai dawngthawnguan maten uang pawla büah khai,’ ang napape kown.33Naiawng rakowi Faraw nahaw enni now, ‘Tawng lup chow enni chang?’ padow nalünta enni kown.34Nami khin khe maiawng enni natek pe kown, ‘Mami en kowh naruüa hai anging kowh pipu-uüa dow asowmchow hownia kawmat mowr thing tawncher reng mih maru chekhai,’ pape diah. Nahanow Faraw mih makowi nape uowi enni kown. Tawngplawng kowchow panow tawncher thing miuüa kowi dow Aigupta maru-uüa suiah reng chekhai,” pakhai.
The Seed Company