Uown Thawp37
1Jakawb dow a-pa Isak uowila mih Kanan pren kowi uowi khai bowt.2Mami dow Jakawb kimchakuüa lawnguan chekhai. Josef dow 17 ning chih khe ataimowuüa hown tawi taiua thing rua hai ruapur hawmh khai. Ataimowuüa dow a-urammow Bilha hai Zilpa iüah kowh chapauüa chekhai. Nami khin khe aia dow ataimowuüa kowh chowm krang uowi krang ngah mih lawnguan a-pa kowi tek pe khai.3Josef dow lawngtang pra kowh Israel kaah mih chapa chekhai. Naiawng rakowi aia dow akeng mih chapauüa kowi lak-e Josef kowi lang sakrauah khai. Aia dow achapa Josef vüi sawt pe bawng mih kowrmow bawngthawng athawngma mih sown pe lowk khai.4Josef taimowuüa dow amatni kowi lak-e Josef kowi a-pa lang sakrau mih tuk hanow Josef kowi kingküaah büah khai. Amatni dow Josef hown aiungma miapaw taklang büah dowi chekhai.5Akat khe Josef mih khi mang lowk khai. Nami aia khi-ah mih mang dow ataimowuüa kowi phat pe khai. Naiawng rakowi ataimowuüa mih aia kowi lang kingah dowi ngamlam chekhai.6Ataimowuüa kowi Josef tek pe mih, “Sünta büa diah, ang khi mang lowk.7Nami dow maiawng: Laih kowi a-i cheng cha thüm chowdiah. Nami khin khe ang kowh cha cheng mih awr taiowng downg khai. Now enni kowh cha cheng mih ang kowh cha cheng kowi patta lut now chupah khai,” pakhai.8Now ataimowuüa tek pe Josef mih, “Tawng chow en ka tuak, anging luk kowi en nachowm mang ching kown pabow? Naiawng mih dow anging luk kowi chang alow kown mih en chekhai dowktow?” pape khai. Now ataimowuüa dow aia kowh mang lawnguan hai aia kowh laiklow rakowi aia kowi lang kingah dowi ngamlam chekhai.9Nami kung kowi paw Josef mih plan khi mang khai lowk iawk. Nami mang paw ataimowuüa kowi aia phat pe khai. Ataimowuüa kowi aia tek pe mih, “Sünta büa diah, ang plan khi mang lowk iawk. Nami ang khi mih dow sat, lama hai krek lailowk klüng chup ang khai,” pape khai.10Nami aia khi-ah mih mang dow a-pa hai ataimowuüa kowi aia phat pe khai. Now a-pa dow nangah se tek pe mih, “Tawng iawng mih mang chowbowt chow nami? Ang hai en u hai en taimowuüa krawng kowi tabawk krawm se en pur kowi nauang chup en nowm kown chekhai bow?” pape khai.11Nami kung kowi ataimowuüa dow Josef kowi lang naukhi-ah dowi ngamlam chekhai. Nachenganchepaw a-pa dow nami laiklow sak kowi towah phülü khai, aia dow amia kowi paw cham tek dowi chekhai.12Nami kung kowi dow Josef taimowuüa mih a-pa kowh rua hai ruapur hawmh nacham thing kownkow Sekem kowi tarü khai.13Akat khe Josef kowi Israel tek pe mih, “En taimowuüa Sekem kowi kowthing rua hai ruapur hawmh khai. Nakowi kowkowi diah snow,” pakhai.
Josef tek pe a-pa mih, “Ow, ang kowkowi sow,” pape khai.14Israel plan tek pe Josef mih, “En taimowuüa hown rua hai ruapur hawmh tawng iawng chow uowi mih kowmü now uang tek ang diah,” pakhai. Naiawng tek pe now aia dow Josef kowi amatni uowi rah Hebrawn lawngrawi hownia Sekem kowi kowchinah khai.
Now Josef dow Sekem kowi kowtowm khai bowt.15Josef dow dowm kowi krawi cham ataimowuüa mih krawi mang panglang khai. Nami khin khe maru lowk ia dow naiawng Josef krawi mang panglang mih khita hanow lüntaah mih, “Tawng chow en krawi cham?” pakhai.16Nami maru kowi Josef tek pe mih, “Ang krawi cham ang taimowuüa mih chowdiah chaw. Ang taimowuüa tawng kowi chow cham thing rua hai ruapur hawmh mih en ia tek ang kown bow?” pape khai.17Nami maru tek pe Josef mih, “Amatni dow mami hownia powt khai bowt. Amatni powt kown mih khin khe maiawng tatek büah mih ang ta, ‘Chu, Dothan kowi a-i kowkowi lah,’ pakhai,” pape khai. Naiawng rakowi Josef mih Dothan kowi kowkowi hanow nakowi ataimowuüa kowi kowkhi khai.18Ataimowuüa dow alakma hownia Josef kowi haikhita khai. Amatni dow Josef uang ting dowi rawn Josef kowi nasaiah kownkow hawt sangkrang khai.19Amatni dow lowkkowlowk tatek mih, “Pai iow mü madiah, khi mang mih maru uang khowk.20Chu, kawmat a-i kowsaita now kuam kowi a-i cham kuakta bowt lah. Josef kowi kaurawng uaramchak cham chata tüng khowk padow apa kowi a-i kowtek pe now na. Nahanow aia kowh mang dow akung kowi tawng iawng chow nata own kown mih a-i sam müah madiah sik,” pabüah khai.21Nachenganchepaw Reuben mih nami laiklow tawi tata hanow anaumowuüa rut hownia Josef kowi nalawngah kown tatuak khai. Aia dow anaumowuüa kowi tek pe mih, “Aia kowh sak pat dow hangkow paw pe diah,” pakhai.22Reuben plan tek iawk mih, “Saiah kown mih pat dow hangkow chang diah. Aia kowh asak paw pe dowi kowi mami süngrüp süngkangma kowi kowh kuam kowi a-i kuakah diah sik,” pakhai. Naiawng anaumowuüa kowi Reuben tek pe mih dow amatni rut hownia Josef kowi lawngah hanow a-pa tut-e kowpawla kownkow chekhai.23Now amatni re-e Josef uang ting hown akrowksang ataimowuüa mih aia kowh kowrmow bawngthawng athawngma mih kür hown klüp pe khai.24Nami kung kowi dow ataimowuüa mih Josef kowi dowkah now tui uowi dowi mih akangma mih kuam kowi kuakah büah khai.25Nami kung kowi dow Josef taimowuüa mih amatni cha hawm kan kown chowbowt khe Gilead hownia Ismael chenchap kun chang miuüa uang haimang mih khita khai. Nami kun chang miuüa dow ut luk kowi nam iungma mih sau, asung khakma mih singh pun hai paingbawng pawla büah now Aigupta pren kowi kowkowi büah mih chekhai.26Nakhowk khe Juda tek pe atainau-uüa mih, “A-i kowh naumow kowi saita now nami lawnguan kowi tadata khai e tawng chow a-i kowh maratra uowi?27Aia dow a-i kowh naumow, now aia dow a-i hown pabuk panga chak chekhai. Naiawng rakowi aia kowi dow a-i saiah dowi kowi Ismaeluüa kun chang miuüa tut-e a-i sumah mih nalang iung kown,” pakhai. Now Juda tek iawng atainau-uüa dow nauta khai.28Now Midian prenchak Ismael kun chang miuüa uang ting dowi rawn amatni dow Josef kowi kuam hownia kowpawta khai. Now Josef kowi dow tai pirmi iun hown Ismaeluüa tut-e sumta khai. Nami kun chang miuüa dow Josef kowi Kanan pren hownia Aigupta pren kowi pawla khai bowt.29Josef kowi sumah mih khin khe Reuben dow anaumowuüa re-e tawi uowi dowi chekhai. Naiawng rakowi aia dow kuam kowi kowmü Josef khai. Nakowi Josef kowi kowkhi dowi rakowi aia dow saktuak piak kowh aia kowh kowrmow sekta nak khai.30Aia dow kowplan now anaumowuüa kowi tek pe mih, “Kuam kowi Josef uowi dowi le! Kawmat tawng iawng chow ang nachangah bowt kown?” pakhai.31Nakhowk khe ataimowuüa dow ngen rua lowk hanow rua vi mih Josef kowh athawngma mih kowrmow kowi plik pe khai.32Amatni dow nami kowrmow pawla now a-pa kowi kowtüng pe khai. Now tek pe mih, “Mü madiah, anging cham kaah mih kowrmow, en chapa kowh kowrmow chünchü?” pape khai.33Jakawb dow khita now achapa Josef kowh kowrmow pami tuk mat khai. Now aia tek mih, “Ang chapa kowh kowrmow lowmow. Aia kowi dow kaurawng uaramchak makta khai bowt lowmow. Josef kowi kaurawng uaramchak chata ngengche mih chekhai bowt,” pakhai.34Nami kung kowi dow Jakawb mih aia kowh kowrmow sekta nak khai, now khup sala uan hanow achapa vüi kowi akrama uowila uiting uangtak khai.35Aia kowh akeng mih chapa chamauüa dow uang tawi tek pe sakklam lai khai. Nachenganchepaw tawng iawng mih sakklamra paw Jakawb hawt sünta pe dowi chekhai. Aia tek mih, “Ang kowng pat ang chapa vüi kowi ang nauowila uiting uangtak kown,” pakhai. Naiawng hai Jakawb dow achapa Josef rakowi kar khai.36Midian prenchak kun chang miuüa dow Josef kowi Aigupta pren kowi pawla now Pawtifar tut-e kowsumah khai. Pawtifar dow Faraw kowh chintak mih chekhai, now aia dow kangchawng miuüa kowh aluchow chekhai.
Josef tek pe a-pa mih, “Ow, ang kowkowi sow,” pape khai.14Israel plan tek pe Josef mih, “En taimowuüa hown rua hai ruapur hawmh tawng iawng chow uowi mih kowmü now uang tek ang diah,” pakhai. Naiawng tek pe now aia dow Josef kowi amatni uowi rah Hebrawn lawngrawi hownia Sekem kowi kowchinah khai.
Now Josef dow Sekem kowi kowtowm khai bowt.15Josef dow dowm kowi krawi cham ataimowuüa mih krawi mang panglang khai. Nami khin khe maru lowk ia dow naiawng Josef krawi mang panglang mih khita hanow lüntaah mih, “Tawng chow en krawi cham?” pakhai.16Nami maru kowi Josef tek pe mih, “Ang krawi cham ang taimowuüa mih chowdiah chaw. Ang taimowuüa tawng kowi chow cham thing rua hai ruapur hawmh mih en ia tek ang kown bow?” pape khai.17Nami maru tek pe Josef mih, “Amatni dow mami hownia powt khai bowt. Amatni powt kown mih khin khe maiawng tatek büah mih ang ta, ‘Chu, Dothan kowi a-i kowkowi lah,’ pakhai,” pape khai. Naiawng rakowi Josef mih Dothan kowi kowkowi hanow nakowi ataimowuüa kowi kowkhi khai.18Ataimowuüa dow alakma hownia Josef kowi haikhita khai. Amatni dow Josef uang ting dowi rawn Josef kowi nasaiah kownkow hawt sangkrang khai.19Amatni dow lowkkowlowk tatek mih, “Pai iow mü madiah, khi mang mih maru uang khowk.20Chu, kawmat a-i kowsaita now kuam kowi a-i cham kuakta bowt lah. Josef kowi kaurawng uaramchak cham chata tüng khowk padow apa kowi a-i kowtek pe now na. Nahanow aia kowh mang dow akung kowi tawng iawng chow nata own kown mih a-i sam müah madiah sik,” pabüah khai.21Nachenganchepaw Reuben mih nami laiklow tawi tata hanow anaumowuüa rut hownia Josef kowi nalawngah kown tatuak khai. Aia dow anaumowuüa kowi tek pe mih, “Aia kowh sak pat dow hangkow paw pe diah,” pakhai.22Reuben plan tek iawk mih, “Saiah kown mih pat dow hangkow chang diah. Aia kowh asak paw pe dowi kowi mami süngrüp süngkangma kowi kowh kuam kowi a-i kuakah diah sik,” pakhai. Naiawng anaumowuüa kowi Reuben tek pe mih dow amatni rut hownia Josef kowi lawngah hanow a-pa tut-e kowpawla kownkow chekhai.23Now amatni re-e Josef uang ting hown akrowksang ataimowuüa mih aia kowh kowrmow bawngthawng athawngma mih kür hown klüp pe khai.24Nami kung kowi dow ataimowuüa mih Josef kowi dowkah now tui uowi dowi mih akangma mih kuam kowi kuakah büah khai.25Nami kung kowi dow Josef taimowuüa mih amatni cha hawm kan kown chowbowt khe Gilead hownia Ismael chenchap kun chang miuüa uang haimang mih khita khai. Nami kun chang miuüa dow ut luk kowi nam iungma mih sau, asung khakma mih singh pun hai paingbawng pawla büah now Aigupta pren kowi kowkowi büah mih chekhai.26Nakhowk khe Juda tek pe atainau-uüa mih, “A-i kowh naumow kowi saita now nami lawnguan kowi tadata khai e tawng chow a-i kowh maratra uowi?27Aia dow a-i kowh naumow, now aia dow a-i hown pabuk panga chak chekhai. Naiawng rakowi aia kowi dow a-i saiah dowi kowi Ismaeluüa kun chang miuüa tut-e a-i sumah mih nalang iung kown,” pakhai. Now Juda tek iawng atainau-uüa dow nauta khai.28Now Midian prenchak Ismael kun chang miuüa uang ting dowi rawn amatni dow Josef kowi kuam hownia kowpawta khai. Now Josef kowi dow tai pirmi iun hown Ismaeluüa tut-e sumta khai. Nami kun chang miuüa dow Josef kowi Kanan pren hownia Aigupta pren kowi pawla khai bowt.29Josef kowi sumah mih khin khe Reuben dow anaumowuüa re-e tawi uowi dowi chekhai. Naiawng rakowi aia dow kuam kowi kowmü Josef khai. Nakowi Josef kowi kowkhi dowi rakowi aia dow saktuak piak kowh aia kowh kowrmow sekta nak khai.30Aia dow kowplan now anaumowuüa kowi tek pe mih, “Kuam kowi Josef uowi dowi le! Kawmat tawng iawng chow ang nachangah bowt kown?” pakhai.31Nakhowk khe ataimowuüa dow ngen rua lowk hanow rua vi mih Josef kowh athawngma mih kowrmow kowi plik pe khai.32Amatni dow nami kowrmow pawla now a-pa kowi kowtüng pe khai. Now tek pe mih, “Mü madiah, anging cham kaah mih kowrmow, en chapa kowh kowrmow chünchü?” pape khai.33Jakawb dow khita now achapa Josef kowh kowrmow pami tuk mat khai. Now aia tek mih, “Ang chapa kowh kowrmow lowmow. Aia kowi dow kaurawng uaramchak makta khai bowt lowmow. Josef kowi kaurawng uaramchak chata ngengche mih chekhai bowt,” pakhai.34Nami kung kowi dow Jakawb mih aia kowh kowrmow sekta nak khai, now khup sala uan hanow achapa vüi kowi akrama uowila uiting uangtak khai.35Aia kowh akeng mih chapa chamauüa dow uang tawi tek pe sakklam lai khai. Nachenganchepaw tawng iawng mih sakklamra paw Jakawb hawt sünta pe dowi chekhai. Aia tek mih, “Ang kowng pat ang chapa vüi kowi ang nauowila uiting uangtak kown,” pakhai. Naiawng hai Jakawb dow achapa Josef rakowi kar khai.36Midian prenchak kun chang miuüa dow Josef kowi Aigupta pren kowi pawla now Pawtifar tut-e kowsumah khai. Pawtifar dow Faraw kowh chintak mih chekhai, now aia dow kangchawng miuüa kowh aluchow chekhai.
The Seed Company