Uown Thawp36
Esau kowh krungchakuüa
1Mami dow Esau kowh krungchakuüa lawnguan chekhai. Esau dow Edawm chekhai.2Esau dow Kanan pren kowi uowi khe paw masi uowi sum ia chekhai. Amasi pre ia mih dow Kanan prenchak Hit chenchap Elawn kowh chama Ada pami lowk ia, now Hiv chenchap Ana kowh chama Awhawlibama pami lowk ia; Awhawlibama dow Zibeawn kowh chu chekhai.3Now alowk mih dow apama Ismael kowh chama Basemat chekhai. Basemat kowh rak dow Nebaiawt chekhai.4Amasi Ada hown kowh Esau kaah mih chapa dow Elifaz chekhai, now Basemat hown kowh kaah mih dow Reuel chekhai.5Now Awhawlibama hown kowh kaah mih dow Jeus, Jalam hai Kora büah chekhai. Naiawngün dow Kanan pren kowi Esau uowi khe kowh kaah mih chapauüa chekhai.6Akung kowi Esau dow amasiuüa hai achauüa, tasin taken miuüa hai anaruüa, aia kowh tawncher hawmh hai dawngthawnguan ün Kanan pren kowi kowh aia kaah mih srui pawla now cham powt khai; aia dow anaumow Jakawb hownia alak sangrumchow mih pren kowi cham powt khai.7Esau hai Jakawb iüah dow kurengma kangowh chekhai. Amatchi kowh dow tawncher hu lai rakowi arasang nataiua uowila kown mih süng talawk dowi chekhai.8Naiawng rakowi Esau dow Seir pren kowi kowh hungh prakowi kowpowt hanow nakowi kowuowi khai. (Esau dow Edawm chekhai).9Mami dow Seir hungh kowi kowh uowi mih Edawmuüa kowi prekah cheah mih Esau kowh krungchakuüa lawnguan chekhai.10Esau kowh chapa dow Elifaz hai Reuel iüah chekhai. Elifaz dow Ada hown kowh kaah mih chekhai, now Reuel dow Basemat hown kowh kaah mih chekhai.11Elifaz kowh chapauüa dow Teman, Awmar, Zefaw, Gatam hai Kenaz büah chekhai.12Esau chapa Elifaz kowh dow aia changla masi mih narma Timna pami paw uowi lowk ia. Now Amalek dow Timna hown kowh kaah mih chekhai. Naiawngün bowkbowk dow Esau masi Ada kowh chu-uüa chekhai.13Reuel kowh chapauüa dow Nahat, Zera, Sama hai Miza büah chekhai. Naiawngün dow Esau masi Basemat kowh chu-uüa chekhai.14Awhawlibama kowh chapauüa dow Jeus, Jalam hai Kora büah chekhai. Awhawlibama kowh pa dow Ana, now Ana kowh pa dow Zibeawn chekhai.15Esau kowh chapauüa pungmadawng kowi tawngbak mih dow chen kowi kowh aluchow paw phaw ne chekhai. Esau kowh chapa ta Elifaz kowh chapa chowng aluchowuüa mih dow Teman, Awmar, Zefaw, Kenaz,16Kora, Gatam hai Amalek büah chekhai. Naiawngün dow Edawm pren kowi kowh Ada kowh chapa Elifaz kowh krungchakuüa chekhai.17Reuel kowh chapa chowng aluchowuüa mih dow Nahat, Zera, Sama hai Miza büah chekhai. Naiawngünuüa dow Esau masi Basemat kowh chapa Reuel kowh krungchakuüa chekhai. Naiawngün dow Edawm pren kowi uowi khe kowh kaah mih chekhai.18Esau masi Awhawlibama kowh chapa chowng aluchowuüa mih dow Jeus, Jalam hai Kora büah chekhai. Naiawngünuüa dow Ana chama Awhawlibama kowh chapauüa chekhai.19Naiawngünuüa dow Edawm kowh krungchakuüa kangowh chekhai. Amatni dow chowlowkkow chen kowi kowh aluchowuüa chekhai. (Edawm dow Esau chekhai).20Hawr chenchap Seir pami dow Esau kowuowi dowi rawn hownia Edawm pren kowi kowh hawt iawng uowi mih chekhai. Seir kowh chapauüa dow Lotan, Sobal, Zibeawn, Ana, Disawn, Ezer hai Disan büah chekhai. Naiawngünuüa dow Hawr chen kowi kowh aluchowuüa chekhai.22Lotan kowh chapauüa dow Hawr hai Hemam iüah chekhai. Lotan kowh tuamow ming dow Timna.23Sobal kowh chapauüa dow Alvan, Manahat, Ebal, Sefaw hai Awnam büah chekhai.24Zibeawn kowh chapa dow Aiah hai Ana iüah chekhai. Ana dow cham thing a-pa Zibeawn kowh kawrngaramchük mih khin khe süngrüp süngkangma kowi cham krum tui den kuam lowk chekhai.25Ana kowh chapa ming dow Disawn, now chama ming dow Awhawlibama chekhai.26Disawn kowh chapauüa dow Hemdan, Esban, Ithran hai Keran büah chekhai.27Ezer kowh chapauüa dow Bilhan, Zavan hai Akan büah chekhai.28Disan kowh chapauüa dow Uz hai Aran iüah chekhai.29Hawruüa kowh aluchowuüa dow Lotan, Sobal, Zibeawn, Ana,30Disawn, Ezer hai Disan büah chekhai. Seir pren kowi kowh Hawruüa chen ming dow naiawngün aluchowuüa ming hownia chekhai. Seir dow Edawm chekhai.31Mami dow Israeluüa kowh mang uowi dowi rawn tak khe Edawm pren kowi kowh chowm mang mih manguüa ming chekhai.32Beur kowh chapa Bela dow Edawm pren kowi chowm mang khai. Aia kowh marow kri ming dow Dinhaba chekhai.33Bela kowng kung kowi kowh ta chowm mang mih dow Bawzra marow kowi kowh Zera chapa Jawbab chekhai.34Jawbab kowng kung kowi kowh ta chowm mang mih dow Temanuüa pren kowi kowh Husam chekhai.35Husam kowng kung kowi kowh ta chowm mang mih dow Bedad kowh chapa Hadad chekhai. Aia dow Moab pren kowi kowh Midianuüa kowi nowngta khai. Aia kowh marow kri ming dow Avit chekhai.36Hadad kowng kung kowi kowh ta chowm mang mih dow Masreka marow kowi kowh Samla chekhai.37Samla kowng kung kowi kowh ta chowm mang mih dow Rehawbawt marow kowi kowh Sawl chekhai. Sawl dow Iufratis aw pang kowi kowh uowi mih maru chekhai.38Sawl kowng kung kowi kowh ta chowm mang mih dow Akbawr kowh chapa Balhanan chekhai.39Akbawr kowh chapa Balhanan kowng kung kowi kowh ta chowm mang mih dow Hadar chekhai, now aia kowh marow kri ming dow Pau chekhai. Hadar kowh masi ming dow Mehetabel chekhai. Mehetabel kowh pa ming dow Matred, now Metred kowh pa ming dow Mezahab chekhai.40Esau kowh krungchakuüa chowng aluchowuüa mih dow Timna, Alva, Jethet,41Awhawlibama, Ela, Pinawn,42Kenaz, Teman, Mibzar,43Magdiel hai Iram büah chekhai. Naiawngünuüa dow Edawmuüa kowi kowh prekah cheah mih Esau krungchakuüa chekhai. Amatni dow Edawmuüa kowh aluchowuüa chekhai. Pren kowi kowh amatni cham uowiah mih arah ming srui dow amatni kowh ming iawng kangowh hai chap pe büah khai.The Seed Company