Uown Thawp3
1Krawng luk kowi kowh CHAKRAMANG Thurai thawpah mih kaurawng uaramchak maten kowi lang puanla mih dow rua chekhai. Akat khe masiuüa kowi nami rua lüntaah mih, “Krum kowi kowh singh uih maten hangkow cha iüah pami CHAKRAMANG tek enchi nowm bow?” pakhai.2Nakhowk khe masiuüa tek pe rua mih, “Krum kowi kowh singh uih uowi mih maten angching nowngia cha chowh.3Nachenganchepaw krum dawnglang kowi kowh uowi mih singh uih lawnguan kowi Thurai tek angching mih, ‘Nami uih cha paw hangkow cha iüah, kak paw hangkow kak iüah. Nami che enchi chang hanow enchi nakowng kown,’ pakhai,” pape khai.4Nachenganchepaw rua tek pe masiuüa mih, “Kowng dowi iowh, mapaw enchi kowng kown nadowi.5Nami singh uih enchi cha mih ni khe enchi kowh mik nathowi hanow aiung angak tukra enchi ka kown towbowt; nahanow Thurai iawng enchi naphaw kown towbowt pami Thurai tuk. Naiawng rakowi nami singh uih Thurai pe cha enchi dowi mih chekhai,” pape khai.6Nami masiuüa dow singh prakowi awr tau khai, now singh uih dow apowm klangiungma mih khi hanow achak naiung kown mih ka tuak khai. Nami klen kowi aia dow naka chanlaira kown mih paw tuk hanow lainowmma irh khai. Naiawng rakowi aia dow nami singh uih awr lüngah pre sum buk hanow chata khai. Nami uih dow ahua kowi paw pela ne khai, now ahua paw tawi chata khai.7Nami hown krowksang amatchi kowh mik dow thowi khai bowt, now amatchi dow tengiow tengklaima pami tatuk iüah khai bowt. Naiawng rakowi krawi klek uidut ram iüah hanow sownah iüah khai, now phumla siri iüah khai.8Now sat kowi pra li klamchow uang mih khin khe dow CHAKRAMANG Thurai mih krum kowi uang krawi len khai. Nakhowk khe amatchi mih CHAKRAMANG uang krawi len mih klow ta hanow krum kowi kowh singh rüm dawng kowi tapet iüah khai.9Nami khin khe kachakuüa kowi CHAKRAMANG Thurai hawah now tek pe mih, “Tawng kowi chow en?” pakhai.10Adam klangah mih, “Krum kowi en uang mih klow ang ta chowdiah; nachepaw ang mih tengiow tengklaima chekhai. Naiawng rakowi ang kram kowh ang cham tapet khai,” pape khai.11Now CHAKRAMANG Thurai tek pe mih, “En tengiow tengklaima pami amia chow tek en? Ang hang en mih singh uih en chata khai bow?” pakhai.12Adam tek pe mih, “Ang vüi kowi kowh en pe ang mih masiuüa pe ang rakowi nami singh uih ang chata khai,” pakhai.13Nakhowk khe CHAKRAMANG Thurai tek pe masiuüa mih, “Tawngplawng kowchow naiawng en tuk chang khai?” pakhai.
Masiuüa tek pe mih, “Paimi rua kuan ang rakowi nami uih mih ang chata khai,” pakhai.14Nakhowk khe CHAKRAMANG Thurai tek pe rua mih, “Naiawng mih lup en chang khai rakowi krawng luk kowi tawncher hai kaurawng uaramchak maten kowi en lang ka piati khai bowt. En mih chownglawng prat krawng kowi sowr se namang bowt kown, now en kowh chakkham dow dinchow naown kown.15En hai masiuüa hown, now en krungchak hai masiuüa hownia kowh uang towm mih krungchak hown ang nathawpah ransu kown. Nami masiuüa krungchak hownia kowh lowk ia dow nadita en lu iawm kown, now en dow aia kowh klingnik kowi en nachawtah kown,” pakhai.16Now CHAKRAMANG Thurai tek pe masiuüa mih, “En kum nau mih khin khe lainowmma ang nape ngare en kown; now arau dikma hown en napen cha reng kown. Nachenganchepaw hua kowi dow en nanau reng kown; tawkchedow aia mih en luk kowi nachang alow kown,” pakhai.17Nami kung kowi CHAKRAMANG Thurai tek pe Adam mih, “En masi laiklow en sünta rakowi ang hang en mih singh uih en chata khai. Naiawng kowh bawn dow en rakowi ka piati khai bowt. Naiawng rakowi chownglawng prat lainowmma en kawmah dowi matchang krawng kowi kowh luprak en naka cha kown nadowi bowt.18En ienah mih natawi em en kownkow krawng hownia mawh hai chuh ün ang nape ruah kown. Nachenganchepaw en ienah mih luprak chowtaih en naka cha bowt kown.19Thawpla en mih bawn kowi en plan dowi mowr dow hawk pe ling tui dowi matchang en naka cha chakkham kown nadowi bowt. En kowi dow dinchow hown kowh thawp en mih chekhai rakowi dinchow kowi en naplan iawk kown,” pakhai.20Now Adam dow amasi kowi Evi pahai rük pe ming khai. (Evi pami dow “Sing uowi mih” pami chekhai). Tawngplawng kowchow panow aia dow sing uowi mih maru maten kowh u nauang chowng kown mih chekhai.21Now CHAKRAMANG Thurai mih Adam hai amasi Evi vüi chak pik hown thawp pe tawnguat khai, now amatchi kowi khup pe khai.22Nami kung kowi CHAKRAMANG Thurai tek mih, “Mü madiah, aiung angak tukla mih ka kowh maru paw a-i iawng uang tawi phaw khai bowt. Naiawng rakowi kawmat dow masing singh uih chata hanow chowngchowng saksakma nasingla iüah dowi kownkow achap dow a-i chang kown takla,” pakhai.23Naiawng rakowi CHAKRAMANG Thurai mih bawn hown kowh thawpah mih maru kowi dow bawn luk kowi nachang lup kownkow Eden krum hownia lawtta khai bowt.24Naiawng hai CHAKRAMANG Thurai mih Adam hai Evi iüah kowi krum hownia prütta khai bowt.
Nami kung kowi dow CHAKRAMANG Thurai mih masing singh pra kowh mangla mih tiama kowi tow pe kangchawng mih khai. Nami tiama dow Eden satlawt prakowi chekhai. Now kangchawng mih dow cherupuüa hai lün pluplup mih saidawng chekhai. Nami saidawng dow atungma hing taui hüah chekhai.
Masiuüa tek pe mih, “Paimi rua kuan ang rakowi nami uih mih ang chata khai,” pakhai.14Nakhowk khe CHAKRAMANG Thurai tek pe rua mih, “Naiawng mih lup en chang khai rakowi krawng luk kowi tawncher hai kaurawng uaramchak maten kowi en lang ka piati khai bowt. En mih chownglawng prat krawng kowi sowr se namang bowt kown, now en kowh chakkham dow dinchow naown kown.15En hai masiuüa hown, now en krungchak hai masiuüa hownia kowh uang towm mih krungchak hown ang nathawpah ransu kown. Nami masiuüa krungchak hownia kowh lowk ia dow nadita en lu iawm kown, now en dow aia kowh klingnik kowi en nachawtah kown,” pakhai.16Now CHAKRAMANG Thurai tek pe masiuüa mih, “En kum nau mih khin khe lainowmma ang nape ngare en kown; now arau dikma hown en napen cha reng kown. Nachenganchepaw hua kowi dow en nanau reng kown; tawkchedow aia mih en luk kowi nachang alow kown,” pakhai.17Nami kung kowi CHAKRAMANG Thurai tek pe Adam mih, “En masi laiklow en sünta rakowi ang hang en mih singh uih en chata khai. Naiawng kowh bawn dow en rakowi ka piati khai bowt. Naiawng rakowi chownglawng prat lainowmma en kawmah dowi matchang krawng kowi kowh luprak en naka cha kown nadowi bowt.18En ienah mih natawi em en kownkow krawng hownia mawh hai chuh ün ang nape ruah kown. Nachenganchepaw en ienah mih luprak chowtaih en naka cha bowt kown.19Thawpla en mih bawn kowi en plan dowi mowr dow hawk pe ling tui dowi matchang en naka cha chakkham kown nadowi bowt. En kowi dow dinchow hown kowh thawp en mih chekhai rakowi dinchow kowi en naplan iawk kown,” pakhai.20Now Adam dow amasi kowi Evi pahai rük pe ming khai. (Evi pami dow “Sing uowi mih” pami chekhai). Tawngplawng kowchow panow aia dow sing uowi mih maru maten kowh u nauang chowng kown mih chekhai.21Now CHAKRAMANG Thurai mih Adam hai amasi Evi vüi chak pik hown thawp pe tawnguat khai, now amatchi kowi khup pe khai.22Nami kung kowi CHAKRAMANG Thurai tek mih, “Mü madiah, aiung angak tukla mih ka kowh maru paw a-i iawng uang tawi phaw khai bowt. Naiawng rakowi kawmat dow masing singh uih chata hanow chowngchowng saksakma nasingla iüah dowi kownkow achap dow a-i chang kown takla,” pakhai.23Naiawng rakowi CHAKRAMANG Thurai mih bawn hown kowh thawpah mih maru kowi dow bawn luk kowi nachang lup kownkow Eden krum hownia lawtta khai bowt.24Naiawng hai CHAKRAMANG Thurai mih Adam hai Evi iüah kowi krum hownia prütta khai bowt.
Nami kung kowi dow CHAKRAMANG Thurai mih masing singh pra kowh mangla mih tiama kowi tow pe kangchawng mih khai. Nami tiama dow Eden satlawt prakowi chekhai. Now kangchawng mih dow cherupuüa hai lün pluplup mih saidawng chekhai. Nami saidawng dow atungma hing taui hüah chekhai.
The Seed Company