Uown Thawp2
1Naiawng hown mukuang hai lusa lak kowi kowh uowi mih maten dow ki thawpta khai bowt.2Thurai mih aia uanh thawp maten taruk ni mih ni khe ki thawpta khai; ranit ni mih ni kowi dow aia tanai khai bowt.3Ranit ni mih ni kowi dow aia tanai khai rakowi nami ni kowi dow peah prasi hanow aia vüi kowi chimsaima towah khai.4Mami dow Thurai thawp lusa hai mukuang khe kowh lawnguan laiklow chekhai. Eden krum kowi kowh maru
CHAKRAMANG Thurai thawp lusa hai mukuang mih khin khe dow5krawng luk kowi mih cha ün, pramna ün, uih mih chap ün tawngpaw awr ru dowi tak. Tawngplawng kowchow panow CHAKRAMANG Thurai mih lusa kowi uang kowi pe uangah dowi tak chekhai. Nami klen kowi chang üa chang laih mih maru paw uowi dowi tak chekhai.6Nachenganchepaw krawng hownia asi uang lawt reng rakowi krawng dow sik kleplep reng.7Now CHAKRAMANG Thurai mih krawng kowi kowh dinchow pawah hanow thawp maru khai. Aia dow nami maru kowh nakawng kowi chua pe masing kawli khai, now nami maru dow uang sing khai.8CHAKRAMANG Thurai mih satlawt pra kowh Eden pape mih pren kowi thawp krum lowk khai. Now aia thawpah mih maru kowi nami krum lak kowi aia towah khai.9Nami krum kowi dow klangiungma mih singh maten awr pe ruah khai, naiawngün singh uih dow achak paw iungma chekhai. Nami klen kowi krum dawnglang kowi “Masing singh” hai “Aiung angak tukla mih singh” pape mih pre singh paw aia awr pe ruah khai.10Nami krum mih naka tui reng kownkow Eden hownia aw uang hawr lowk. Now nami aw mih uang taprek hanow aw uang chowng tali klüng chekhai.11Alowk mih aw ming dow Pisawn. Nami dow Havila pren kowi kowhawr khai. Nakowi dow kuh uowi reng.12Nami pren kowi kowh kuh dow achangma chekhai. Nami klen kowi nam iungma mih singh pun hai “Oniks” maiak paw nakowi dow uowi reng.13Alowk mih aw ming dow Gihawn chekhai. Nami aw dow Ethiawpia pren kowi kowhawr khai.14Alowk mih aw ming dow Hidikel chekhai. Nami aw dow Asuria pren satlawt prakowi kowhawr khai. Now alowk mih aw ming dow Iufratis chekhai.15CHAKRAMANG Thurai mih nami maru kowi dow Eden krum kowi towah khai. Nami maru kowi dow nami krum kowi nachang lup kownkow hai naming nakhet kownkow aia towah mih chekhai.16Now nami maru kowi CHAKRAMANG Thurai tek pe mih, “Mami krum kowi kowh singh uih uowi mih maten en nau mih en naia cha kown.17Tawkche aiung angak tukla mih singh uih tarapdow en nacha kown nadowi. Tawngplawng kowchow panow nami uih dow en cha hanow en cha mih ni khe en nakowng ngengche kown chekhai,” pape khai.18CHAKRAMANG Thurai mih bawn hown kowh thawpah mih kuang kowi kowh uakling uaber hai krawng luk kowi kowh asak uowi mih maten Adam tut-e uang pawla pe khai. Naiawngün kowi dow Adam pacham chap pe ming lah pakowh CHAKRAMANG uang pawla pe mih chekhai. Naiawngün asak uowi mih chap maten dow Adam hawah powm iawng ming uang hing phaw rowp khai. Adam mih tawncher hai kaurawng uaramchak ün, uakling uaber ün kowi chap pe ming khai. Nachenganchepaw naiawngün pungmadawng kowi aia vüi dow lahawm taka mih chumphak uowi dowi tak chekhai.
CHAKRAMANG Thurai tek mih, “Nami maru aia malowkchow uowi mih iung dowi lownow. Aia vüi lahawm taka mih auiua ang thawp pe lowk ia tak,” pakhai.21Naiawng rakowi CHAKRAMANG Thurai mih Adam kowi müi rau adikma uang pe phawah hanow Adam dow müi khai. Nami khin khe aia dow Adam kowh betrammow hut pawah lowk khai, now alawi dow plan plimla pe khai iawk.22Adam hownia kowh pawah mih betrammow hut hown dow CHAKRAMANG Thurai mih thawpla masiuüa lowk ia hanow Adam tut-e kowpawla pe khai.23Nami masiuüa kowi khita hanow Adam tek mih, “Ah, khaleng tak kowh iung mih! Aia kowh hut hai nga dow ang hut ang nga hown kowh thawpah mih chekhai. Aia kowi dow kachakuüa hownia kowh thawpah mih chekhai rakowi masiuüa napape kown,” pakhai.24Naiawng rakowi kachakuüa mih towla u-pa hüah hanow masi hown nataiua uowi kown, now amatchi pre ia dow abuk anga sang naown kown.25Nami khin khe Adam hai amasi iüah mih tengiow tengklaima reng tak. Nachenganchepaw amatchi mih tawngpaw rukrai dowi tak chekhai.
CHAKRAMANG Thurai thawp lusa hai mukuang mih khin khe dow5krawng luk kowi mih cha ün, pramna ün, uih mih chap ün tawngpaw awr ru dowi tak. Tawngplawng kowchow panow CHAKRAMANG Thurai mih lusa kowi uang kowi pe uangah dowi tak chekhai. Nami klen kowi chang üa chang laih mih maru paw uowi dowi tak chekhai.6Nachenganchepaw krawng hownia asi uang lawt reng rakowi krawng dow sik kleplep reng.7Now CHAKRAMANG Thurai mih krawng kowi kowh dinchow pawah hanow thawp maru khai. Aia dow nami maru kowh nakawng kowi chua pe masing kawli khai, now nami maru dow uang sing khai.8CHAKRAMANG Thurai mih satlawt pra kowh Eden pape mih pren kowi thawp krum lowk khai. Now aia thawpah mih maru kowi nami krum lak kowi aia towah khai.9Nami krum kowi dow klangiungma mih singh maten awr pe ruah khai, naiawngün singh uih dow achak paw iungma chekhai. Nami klen kowi krum dawnglang kowi “Masing singh” hai “Aiung angak tukla mih singh” pape mih pre singh paw aia awr pe ruah khai.10Nami krum mih naka tui reng kownkow Eden hownia aw uang hawr lowk. Now nami aw mih uang taprek hanow aw uang chowng tali klüng chekhai.11Alowk mih aw ming dow Pisawn. Nami dow Havila pren kowi kowhawr khai. Nakowi dow kuh uowi reng.12Nami pren kowi kowh kuh dow achangma chekhai. Nami klen kowi nam iungma mih singh pun hai “Oniks” maiak paw nakowi dow uowi reng.13Alowk mih aw ming dow Gihawn chekhai. Nami aw dow Ethiawpia pren kowi kowhawr khai.14Alowk mih aw ming dow Hidikel chekhai. Nami aw dow Asuria pren satlawt prakowi kowhawr khai. Now alowk mih aw ming dow Iufratis chekhai.15CHAKRAMANG Thurai mih nami maru kowi dow Eden krum kowi towah khai. Nami maru kowi dow nami krum kowi nachang lup kownkow hai naming nakhet kownkow aia towah mih chekhai.16Now nami maru kowi CHAKRAMANG Thurai tek pe mih, “Mami krum kowi kowh singh uih uowi mih maten en nau mih en naia cha kown.17Tawkche aiung angak tukla mih singh uih tarapdow en nacha kown nadowi. Tawngplawng kowchow panow nami uih dow en cha hanow en cha mih ni khe en nakowng ngengche kown chekhai,” pape khai.18CHAKRAMANG Thurai mih bawn hown kowh thawpah mih kuang kowi kowh uakling uaber hai krawng luk kowi kowh asak uowi mih maten Adam tut-e uang pawla pe khai. Naiawngün kowi dow Adam pacham chap pe ming lah pakowh CHAKRAMANG uang pawla pe mih chekhai. Naiawngün asak uowi mih chap maten dow Adam hawah powm iawng ming uang hing phaw rowp khai. Adam mih tawncher hai kaurawng uaramchak ün, uakling uaber ün kowi chap pe ming khai. Nachenganchepaw naiawngün pungmadawng kowi aia vüi dow lahawm taka mih chumphak uowi dowi tak chekhai.
CHAKRAMANG Thurai tek mih, “Nami maru aia malowkchow uowi mih iung dowi lownow. Aia vüi lahawm taka mih auiua ang thawp pe lowk ia tak,” pakhai.21Naiawng rakowi CHAKRAMANG Thurai mih Adam kowi müi rau adikma uang pe phawah hanow Adam dow müi khai. Nami khin khe aia dow Adam kowh betrammow hut pawah lowk khai, now alawi dow plan plimla pe khai iawk.22Adam hownia kowh pawah mih betrammow hut hown dow CHAKRAMANG Thurai mih thawpla masiuüa lowk ia hanow Adam tut-e kowpawla pe khai.23Nami masiuüa kowi khita hanow Adam tek mih, “Ah, khaleng tak kowh iung mih! Aia kowh hut hai nga dow ang hut ang nga hown kowh thawpah mih chekhai. Aia kowi dow kachakuüa hownia kowh thawpah mih chekhai rakowi masiuüa napape kown,” pakhai.24Naiawng rakowi kachakuüa mih towla u-pa hüah hanow masi hown nataiua uowi kown, now amatchi pre ia dow abuk anga sang naown kown.25Nami khin khe Adam hai amasi iüah mih tengiow tengklaima reng tak. Nachenganchepaw amatchi mih tawngpaw rukrai dowi tak chekhai.
The Seed Company