Uown Thawp27
1Isak dow lainowmma lawngtang khai bowt. Naiawng rakowi aia dow khi mik dowi bowt chekhai. Akat khe achapa lang ta mih Esau kowi hawah now tek pe mih, “Pa,” pakhai.
Esau klangah mih, “Mami re-e chaw ang uowi,” pape khai.2Isak tek pe mih, “Sünta, ang dow lainowmma lawngtang khai bowt; tawng khe chow ang kowng kown mih ia tekah dowi.3Naiawng rakowi en kowh chak ap müa salangba hai salangba sek pawla now kaurawng kowi cham mit chak diah.4Nami en cham ap-ah mih chaknga ang dawah iawng engah now uang pawla ang diah. Ang kowng dowi rawn nami chala now chapa tauüa kaah mih prasira ang pela en kown ang nau,” pakhai.5Isak hown Esau iüah talawp mih khin khe Rebeka mih tawi tata khai. Now Esau dow cham mit chak kownkow cham tarü khai bowt.6Nakhowk khe Rebeka paw aia lang sakrauah mih chapa Jakawb kowi tek pe mih, “Sünta diah, en taimow Esau kowi maiawng en pa tek pe mih ang ta.7En pa tek pe mih, ‘Cham mit chak diah, now en cham ap-ah mih chaknga ang dawah iawng engah now uang pawla ang diah. Ang kowng dowi rawn nami chala now CHAKRAMANG ming hown ang pela en prasi kown ang nau,’ pape khai.8Naiawng rakowi kawmat ang tek en iawng chang diah.9En mih kawmat mat rua hawmh prakowi kowkowi diah, now rua chah kow lang iung mih ang tut-e uang pawla pre pum diah. Nami hown en pa dawah iawng asowrma ang eng pe sow.10Nami dow en pa tut-e en nakowpawla kown. Nami chata hanow aia kowng dowi rawn pacham pela en prasi lah,” pakhai.11Nakhowk khe Jakawb tek pe a-u mih, “Atai Esau kowh dow buk kowi pawi kangowh chekhai. Tawkche ang buk kowi dow pawi uowi dowi.12Apa nahawt kak ang buk chepaw naia, now ang kowkuanah pami hawt tukta now prasi takcha nape ang piati stow,” pape khai.13Nachenganchepaw a-u plan tek pe mih, “Men, en kowh nami piati mih ang luk kowi pacham kla lah. Ang tek en mih phai chün diah; kowpaw rua chah pre pum hanow ang tut-e uang pawla diah,” pape khai.14Naiawng rakowi Jakawb dow kowpaw rua chah pre pum khai, now a-u kowi uang peah khai. Now Rebeka mih ahua Isak dawah iawng asowrchow eng pe khai bowt.15Nami kung kowi dow Rebeka mih kim kowi kowh uowi mih Esau kowh tawnguat lang iung mih pawah hanow Jakawb kowi khup pe khai.16Now Jakawb kowh rut hai ngawng kowi pawi uowi dowi mih re-e aia pia pe rua chah pik khai.17Nami kung kowi dow asowrchow aia engah mih chakkham hai kawm mih Jakawb kowi ap pe khai.18Jakawb mih a-pa Isak tut-e kowkowi hanow, “Apa,” padow kowhawah khai.
Isak klangah mih, “Mami re-e chaw ang. Pa, mia chow en?” pape khai.19Jakawb tek pe mih, “Ang taih le, en chapa lang ta mih Esau taih. En tek ang iawng ang uang changla en khowk. Sakrauma hown awr rü now chowm diah. Now ang cham ap-ah mih chaknga cha hanow pe ang prasi diah,” pape khai.20Nakhowk khe Isak tek pe mih, “Dui, tawng iawng chow en cham ap-ah khai? En len lai bowt kowbow?” pape khai.
Jakawb klangah mih, “En kowh CHAKRAMANG Thurai khowng ang rakowi ang cham ka mih chekhai,” pakhai.21Now Isak tek pe mih, “Dui, ang re-e uang tatawn diah. Ang chapa Esau ching en na chünchü mih natukla kownkow ang sam kak en matak,” pape khai.22Naiawng rakowi a-pa Isak re-e atawnchow Jakawb kowkowi hanow a-pa Isak mih hawt kakah khai. Now Isak tek mih, “Laiklow dow Jakawb kowh iawng chowdiah. Tawkche rut pre buk dow Esau kowh chekhai,” pakhai.23Jakawb kowh rut dow ataimow Esau kowh rut iawng apawi kangowh chekhai rakowi Isak mih achapa Jakawb kowi hawt ka khümah dowi. Naiawng rakowi aia dow Jakawb kowi napeah prasi kownkow kamrüt khai.24Nachenganchepaw Isak plan lüntaah mih, “Ang chapa Esau ching bow en?” pape khai.
Jakawb tek pe mih, “Ow, ang Esau chowbowt,” pakhai.25Now Isak tek pe mih, “Now en cham ap-ah mih chaknga uang sam pawla ang dit madiah; nami chala hanow ang napela en prasi khai,” pape khai. Naiawng rakowi Jakawb mih a-pa Isak tut-e kowpawla pe chaknga khai bowt, now nami chaknga mih Isak cha khai bowt. Ki cha chaknga kung kowi dow Jakawb mih apa kowi pe khamah grep tui khai, now Isak dow nami grep tui paw kham khai.26Nami kung kowi dow Isak tek pe Jakawb mih, “Dui, uang diah, now nam ang diah,” pape khai.27Naiawng rakowi Jakawb dow a-pa tut-e kowkowi hanow kownamah khai. Isak dow Esau kowh tawnguat nam tata hanow Jakawb kowi peah prasi khai. Jakawb kowi peah prasi mih,“Ang chapa nam dow singh rüm krawngta nam iawng,mami nam dow CHAKRAMANG peah prasi mih süng nam iawng chekhai.28Thurai mih kuang hownia pacham pe en nang lah,en kowh süng kowi mih krawngsi pacham uowi lah.Luprak hai grep tui mih ahuma en pacham ka lah.29Chenchapuüa mih pacham chowng en kowh nar lah,maru maten mih pacham chupiia en lah.En krungchak maru-uüa tut-e en pacham chowng mang lah,now amatni dow pacham chupiia en lah.Pe en piati miuüa luk kowi dow piati pacham kla lah;pe en prasi miuüa dow pacham ka prasi lah,” pakhai.30Now Isak mih Jakawb kowi ki peta prasi khai bowt. A-pa Isak kim lak hownia Jakawb ki lawt hown akrowksang ataimow Esau dow chakmit rah hownia kim kowi uang mang khai.31Esau paw aia cham ap-ah mih chaknga a-pa dawah iawng engah hanow a-pa kowi uang pawla pe khai. Now tek pe a-pa mih, “Apa, awr rü bowt. En chapa cham ap-ah mih chaknga cha hanow pe ang prasi bowt,” pape khai.32Nakhowk khe a-pa tek pe Esau mih, “Pa, mia chow en?” pakhai.
Esau tek pe mih, “Ang taih le, en chapa lang ta mih Esau taih,” pape khai.33Nami tata hanow Isak dow lainowmma chür khai. Now tek pe mih, “Now cham mitah mih chaknga uang pawla hanow alai kowh ang tut-e uang mih mia chow? En uang ting dowi rawn ang chata hanow aia kowi ang ki peta prasi khai bowt; nami prasi dow aia chowtaih naka kown,” pakhai.34Esau mih a-pa kowh laiklow tata hanow lainowmma sak kowi rau khai; naiawng rakowi aia dow atünma kar khai. Now aia tek pe a-pa mih, “Apa, ang kowi paw pela ang prasi diah,” pape khai.35Isak tek pe mih, “En naumow uang kuan ang now en kowh prasira pawla khai bowt,” pape khai.36Now Esau tek mih, “Aia kowh ming Jakawb pami mapaw tawi dowi chekhai. Tawngplawng kowchow panow aia dow mami hown kuan ang pre kat khowk chekhai. Chah ta rah rik khünta ang akat khowk, now kawmat paw khünta ang prasira khai iawk,” pakhai.
Now a-pa kowi tek pe mih, “Ang vüi tawng iawng mih prasira paw en towla ne dowi bow?” pape khai.37Now Isak tek pe mih, “Sünta, en kowi dow Jakawb kowh nar ang thawpta en khai bowt, now aia krungchakuüa maten kowi dow aia kowh nar nachowng kown mih ang changta khowk chekhai. Aia vüi kowi ahuma nakala luprak kown mih hai naka grep tui kown mih paw ang khamta khai bowt. Nami klen kowi dow en vüi tawngpaw ang nowng chang en dowi bowt chekhai,” pakhai.38Now Esau tek pe a-pa mih, “Apa, en tut-e nami lowkchow klen kowi prasi uowi dowi bowt bow? Apa, ang kowi paw pela ang prasi diah,” pape khai. Nahanow Esau dow atünma tarua phawnglawng kar khai.39Nakhowk khe a-pa tek pe mih,
“En nauowiah kown mih süng dow asi nauowi kown nadowi,nakowi dow kuang hownia nang paw nakla kown nadowi.40En kowh chownglawng dow saidawng hown en nasunah kown,en dow en naumow kowh nar nauowi reng kown.En nowng kham dowi bowt mih khin khe dow en nakingküaah bowt kown,nahanow en naumow low hownia dow en nakhalat bowt kown,” pape khai.41Aia kowh prasira Jakawb pawta pe khai rakowi Esau dow Jakawb kowi lainowmma kunmarauah khai. Aia dow sakdawng kowi tatek mih, “Apa nakowng kown mih khin kra hu dowk. Apa kowng kung kowi dow Jakawb kowi ang nasaiah kown,” pakhai.42Nachenganchepaw Rebeka dow achapa ta Esau kowh sangkrangra tukta hanow Jakawb kowi nauang hawla kownkow kowchin pe maru khai. Jakawb uang khe Rebeka tek pe mih, “Sünta, en taimow Esau mih nasaita en kown pahai aiamat kowi tape sakklamra khai.43Naiawng rakowi ang laiklow chün diah. En mih ang rak Laban uowi rah Haran marow kowi kowpowt diah. Now en taimow kowh kunmarau prowng dowi mowr nakowi tawi uowi diah.45Aia kowh kunmarau prowng khe hai aia luk kowi kowh en changta angak mih aia tamata khe ang uang krawi phowng en satang sow. Enchi tainau pre ia pani sang nakowng kown mih ang nau dowi chekhai,” pakhai.46Now akung kowi Rebeka tek pe Isak mih, “Achi kowh iaumow Hituüa kowh chama rakowi sing kown ang nau dowi bowt. Nami klen kowi Jakawb paw mami prenchak Hit masiuüa kowi che paw hanow ang natawi sing kown mih tawngpaw mrawkra uowi dowi chekhai,” pape khai.
Esau klangah mih, “Mami re-e chaw ang uowi,” pape khai.2Isak tek pe mih, “Sünta, ang dow lainowmma lawngtang khai bowt; tawng khe chow ang kowng kown mih ia tekah dowi.3Naiawng rakowi en kowh chak ap müa salangba hai salangba sek pawla now kaurawng kowi cham mit chak diah.4Nami en cham ap-ah mih chaknga ang dawah iawng engah now uang pawla ang diah. Ang kowng dowi rawn nami chala now chapa tauüa kaah mih prasira ang pela en kown ang nau,” pakhai.5Isak hown Esau iüah talawp mih khin khe Rebeka mih tawi tata khai. Now Esau dow cham mit chak kownkow cham tarü khai bowt.6Nakhowk khe Rebeka paw aia lang sakrauah mih chapa Jakawb kowi tek pe mih, “Sünta diah, en taimow Esau kowi maiawng en pa tek pe mih ang ta.7En pa tek pe mih, ‘Cham mit chak diah, now en cham ap-ah mih chaknga ang dawah iawng engah now uang pawla ang diah. Ang kowng dowi rawn nami chala now CHAKRAMANG ming hown ang pela en prasi kown ang nau,’ pape khai.8Naiawng rakowi kawmat ang tek en iawng chang diah.9En mih kawmat mat rua hawmh prakowi kowkowi diah, now rua chah kow lang iung mih ang tut-e uang pawla pre pum diah. Nami hown en pa dawah iawng asowrma ang eng pe sow.10Nami dow en pa tut-e en nakowpawla kown. Nami chata hanow aia kowng dowi rawn pacham pela en prasi lah,” pakhai.11Nakhowk khe Jakawb tek pe a-u mih, “Atai Esau kowh dow buk kowi pawi kangowh chekhai. Tawkche ang buk kowi dow pawi uowi dowi.12Apa nahawt kak ang buk chepaw naia, now ang kowkuanah pami hawt tukta now prasi takcha nape ang piati stow,” pape khai.13Nachenganchepaw a-u plan tek pe mih, “Men, en kowh nami piati mih ang luk kowi pacham kla lah. Ang tek en mih phai chün diah; kowpaw rua chah pre pum hanow ang tut-e uang pawla diah,” pape khai.14Naiawng rakowi Jakawb dow kowpaw rua chah pre pum khai, now a-u kowi uang peah khai. Now Rebeka mih ahua Isak dawah iawng asowrchow eng pe khai bowt.15Nami kung kowi dow Rebeka mih kim kowi kowh uowi mih Esau kowh tawnguat lang iung mih pawah hanow Jakawb kowi khup pe khai.16Now Jakawb kowh rut hai ngawng kowi pawi uowi dowi mih re-e aia pia pe rua chah pik khai.17Nami kung kowi dow asowrchow aia engah mih chakkham hai kawm mih Jakawb kowi ap pe khai.18Jakawb mih a-pa Isak tut-e kowkowi hanow, “Apa,” padow kowhawah khai.
Isak klangah mih, “Mami re-e chaw ang. Pa, mia chow en?” pape khai.19Jakawb tek pe mih, “Ang taih le, en chapa lang ta mih Esau taih. En tek ang iawng ang uang changla en khowk. Sakrauma hown awr rü now chowm diah. Now ang cham ap-ah mih chaknga cha hanow pe ang prasi diah,” pape khai.20Nakhowk khe Isak tek pe mih, “Dui, tawng iawng chow en cham ap-ah khai? En len lai bowt kowbow?” pape khai.
Jakawb klangah mih, “En kowh CHAKRAMANG Thurai khowng ang rakowi ang cham ka mih chekhai,” pakhai.21Now Isak tek pe mih, “Dui, ang re-e uang tatawn diah. Ang chapa Esau ching en na chünchü mih natukla kownkow ang sam kak en matak,” pape khai.22Naiawng rakowi a-pa Isak re-e atawnchow Jakawb kowkowi hanow a-pa Isak mih hawt kakah khai. Now Isak tek mih, “Laiklow dow Jakawb kowh iawng chowdiah. Tawkche rut pre buk dow Esau kowh chekhai,” pakhai.23Jakawb kowh rut dow ataimow Esau kowh rut iawng apawi kangowh chekhai rakowi Isak mih achapa Jakawb kowi hawt ka khümah dowi. Naiawng rakowi aia dow Jakawb kowi napeah prasi kownkow kamrüt khai.24Nachenganchepaw Isak plan lüntaah mih, “Ang chapa Esau ching bow en?” pape khai.
Jakawb tek pe mih, “Ow, ang Esau chowbowt,” pakhai.25Now Isak tek pe mih, “Now en cham ap-ah mih chaknga uang sam pawla ang dit madiah; nami chala hanow ang napela en prasi khai,” pape khai. Naiawng rakowi Jakawb mih a-pa Isak tut-e kowpawla pe chaknga khai bowt, now nami chaknga mih Isak cha khai bowt. Ki cha chaknga kung kowi dow Jakawb mih apa kowi pe khamah grep tui khai, now Isak dow nami grep tui paw kham khai.26Nami kung kowi dow Isak tek pe Jakawb mih, “Dui, uang diah, now nam ang diah,” pape khai.27Naiawng rakowi Jakawb dow a-pa tut-e kowkowi hanow kownamah khai. Isak dow Esau kowh tawnguat nam tata hanow Jakawb kowi peah prasi khai. Jakawb kowi peah prasi mih,“Ang chapa nam dow singh rüm krawngta nam iawng,mami nam dow CHAKRAMANG peah prasi mih süng nam iawng chekhai.28Thurai mih kuang hownia pacham pe en nang lah,en kowh süng kowi mih krawngsi pacham uowi lah.Luprak hai grep tui mih ahuma en pacham ka lah.29Chenchapuüa mih pacham chowng en kowh nar lah,maru maten mih pacham chupiia en lah.En krungchak maru-uüa tut-e en pacham chowng mang lah,now amatni dow pacham chupiia en lah.Pe en piati miuüa luk kowi dow piati pacham kla lah;pe en prasi miuüa dow pacham ka prasi lah,” pakhai.30Now Isak mih Jakawb kowi ki peta prasi khai bowt. A-pa Isak kim lak hownia Jakawb ki lawt hown akrowksang ataimow Esau dow chakmit rah hownia kim kowi uang mang khai.31Esau paw aia cham ap-ah mih chaknga a-pa dawah iawng engah hanow a-pa kowi uang pawla pe khai. Now tek pe a-pa mih, “Apa, awr rü bowt. En chapa cham ap-ah mih chaknga cha hanow pe ang prasi bowt,” pape khai.32Nakhowk khe a-pa tek pe Esau mih, “Pa, mia chow en?” pakhai.
Esau tek pe mih, “Ang taih le, en chapa lang ta mih Esau taih,” pape khai.33Nami tata hanow Isak dow lainowmma chür khai. Now tek pe mih, “Now cham mitah mih chaknga uang pawla hanow alai kowh ang tut-e uang mih mia chow? En uang ting dowi rawn ang chata hanow aia kowi ang ki peta prasi khai bowt; nami prasi dow aia chowtaih naka kown,” pakhai.34Esau mih a-pa kowh laiklow tata hanow lainowmma sak kowi rau khai; naiawng rakowi aia dow atünma kar khai. Now aia tek pe a-pa mih, “Apa, ang kowi paw pela ang prasi diah,” pape khai.35Isak tek pe mih, “En naumow uang kuan ang now en kowh prasira pawla khai bowt,” pape khai.36Now Esau tek mih, “Aia kowh ming Jakawb pami mapaw tawi dowi chekhai. Tawngplawng kowchow panow aia dow mami hown kuan ang pre kat khowk chekhai. Chah ta rah rik khünta ang akat khowk, now kawmat paw khünta ang prasira khai iawk,” pakhai.
Now a-pa kowi tek pe mih, “Ang vüi tawng iawng mih prasira paw en towla ne dowi bow?” pape khai.37Now Isak tek pe mih, “Sünta, en kowi dow Jakawb kowh nar ang thawpta en khai bowt, now aia krungchakuüa maten kowi dow aia kowh nar nachowng kown mih ang changta khowk chekhai. Aia vüi kowi ahuma nakala luprak kown mih hai naka grep tui kown mih paw ang khamta khai bowt. Nami klen kowi dow en vüi tawngpaw ang nowng chang en dowi bowt chekhai,” pakhai.38Now Esau tek pe a-pa mih, “Apa, en tut-e nami lowkchow klen kowi prasi uowi dowi bowt bow? Apa, ang kowi paw pela ang prasi diah,” pape khai. Nahanow Esau dow atünma tarua phawnglawng kar khai.39Nakhowk khe a-pa tek pe mih,
“En nauowiah kown mih süng dow asi nauowi kown nadowi,nakowi dow kuang hownia nang paw nakla kown nadowi.40En kowh chownglawng dow saidawng hown en nasunah kown,en dow en naumow kowh nar nauowi reng kown.En nowng kham dowi bowt mih khin khe dow en nakingküaah bowt kown,nahanow en naumow low hownia dow en nakhalat bowt kown,” pape khai.41Aia kowh prasira Jakawb pawta pe khai rakowi Esau dow Jakawb kowi lainowmma kunmarauah khai. Aia dow sakdawng kowi tatek mih, “Apa nakowng kown mih khin kra hu dowk. Apa kowng kung kowi dow Jakawb kowi ang nasaiah kown,” pakhai.42Nachenganchepaw Rebeka dow achapa ta Esau kowh sangkrangra tukta hanow Jakawb kowi nauang hawla kownkow kowchin pe maru khai. Jakawb uang khe Rebeka tek pe mih, “Sünta, en taimow Esau mih nasaita en kown pahai aiamat kowi tape sakklamra khai.43Naiawng rakowi ang laiklow chün diah. En mih ang rak Laban uowi rah Haran marow kowi kowpowt diah. Now en taimow kowh kunmarau prowng dowi mowr nakowi tawi uowi diah.45Aia kowh kunmarau prowng khe hai aia luk kowi kowh en changta angak mih aia tamata khe ang uang krawi phowng en satang sow. Enchi tainau pre ia pani sang nakowng kown mih ang nau dowi chekhai,” pakhai.46Now akung kowi Rebeka tek pe Isak mih, “Achi kowh iaumow Hituüa kowh chama rakowi sing kown ang nau dowi bowt. Nami klen kowi Jakawb paw mami prenchak Hit masiuüa kowi che paw hanow ang natawi sing kown mih tawngpaw mrawkra uowi dowi chekhai,” pape khai.
The Seed Company