Uown Thawp26
1Abraham khin khe kowh iawng dow nami khin khe paw Kanan pren kowi mih khown kuak khai iawk. Naiawng rakowi Filistinuüa pren kowi kowh mang Abimelek uowi rah Gerar marow kowi Isak kowpowt khai.2Nakhowk khe mukmang kowi CHAKRAMANG uang tatüng pe hanow Isak kowi tek pe mih, “Aigupta pren kowi hangkow kowi diah. Ang natek en kown mih pren kowi phai uowi phülü diah.3Kawmat dow mami pren kowi uowi diah towbowt. Ang matia ngengche natawi uowila en hanow ang nape en prasi kown. Mami pren srui dow en hai en krungchakuüa kowi ang nape enni kown. En pa Abraham tut-e kowh ang takhamta khowk mih dow ang nachang pe kown.4En krungchakuüa kowi mih kuang kowi kowh krek iawng ahuma ang nape prungah kown, mami pren maten ang napeah kown. En krungchak hownia dow lusa kowi kowh chenchap maten naka prasi kown.5Tawngplawng kowchow panow Abraham dow ang laiklow sünta reng chekhai. Aia dow ang kük pe mih maten, ang kowh ana pek, ang kowh ari arow hai ana pek maten chün ang reng chekhai,” pape khai.6Naiawng rakowi Isak dow Gerar marow kowi hing uowi khai.7Nachenganchepaw amasi lawnguan kowi nakowi kowh maru-uüa hawt lüntaah mih khin khe aia dow, “Ang tuamow taih,” padow tek pe khai. Rebeka dow masiuüa klangiungma chekhai rakowi aia ka tuak mih, “Rebeka kowi ka kown nau rakowi nasaita ang büah kown chekhai,” pakhai. Naiawng rakowi kram kowh naiawng aia tek mih chekhai.8Now nakowi Isak uowi mih dow akrama khowk chekhai. Akat khe Filistinuüa kowh mang Abimelek mih tawngpawk hownia krawi tang mü khai. Nami khin khe aia dow Isak iüah huaiu takrau mih khita khai. Nami khita hanow mang Abimelek mih lainowmma awda khai.9Naiawng rakowi mang Abimelek mih Isak kowi hawah now tek pe mih, “Rebeka en masi tangtang. Tawngplawng kowchow en tuamow pami en tuk tek anging khai?” pakhai.
Isak tek pe mih, “Ang masi pami ang tek now aia rakowi nakowngta ang kown chekhai pami ang ka tuak kowh chowbowt,” pape khai.10Abimelek tek pe mih, “Tawngplawng kowchow naiawng en tuk chang anging khai? En masi pami tuk dowi rakowi maru phua iuaah stow. Nakhowk khe dow en tang anging aprek kown lownow,” pape khai.11Naiawng rakowi nami kung kowi dow Abimelek mih maru maten kowi hawah now lawt ana khai. Aia tek mih, “Mami maru hai amasi kowi mia iawng mih chow changah naklak khai hanow nami kowi dow nakowngta ngengche kown,” pakhai.12Nami ning kowi dow Isak mih tawi chang kheti khai bowt, now aia kowi dow CHAKRAMANG peah prasi khai rakowi akawm phow ka luprak khai.13Now aia dow uang kureng khai bowt. Aia dow pani kowh pani uang kureng ngamlam hanow akurengma mih maru uang chowng khai.14Aia kowh dow chia, rua, ruapur, narma hai narla ün lainowmma uang hu khai bowt. Naiawng rakowi nami khi hanow Filistinuüa dow aia kowi irsiah khai.15Abraham khin khe kowh Abraham kowh naruüa thaiah mih tuikuam maten Filistinuüa mih thiata bowk khowk chekhai.16Nami klen kowi Abimelek paw tek pe Isak mih, “Anging lak-e en lang kureng hai lang kür khai bowt. Naiawng rakowi mami pren hownia powt diah,” pape khai.17Naiawng rakowi Isak dow nami hownia powt hanow Gerar kowi kowh lawngrawi kowi kowkhup tangbung khai, now nakowi mih kowuowi khai bowt.18Nakowi kowh a-pa Abraham khin khe kowh thaila mih tuikuam srui dow Abraham kowng kung kowi Filistinuüa thiata bowk khowk chekhai. Nami tuikuam srui dow Isak mih kowkrawi plan thai hanow a-pa Abraham chapla pe ming mih rowprowp kutplan chap pe ming khai.19Now nakowi kowh lawngrawi kowi Isak kowh naruüa mih cham krawi thai tuikuam khai. Nami khin khe amatni dow adak hownia tui uang towk prürü mih tuikuam ka lowk chekhai.20Nachenganchepaw Gerar kowi kowh rua hai ruapur thing miuüa dow Isak kowh rua hai ruapur thing miuüa hown uang taran khai. Gerar kowi kowh rua hai ruapur thing miuüa tek mih, “Mami tui anging kowh taih,” pakhai. Naiawng rakowi nami tuikuam ming dow Esek pahai Isak chap pe khai. (Esek pami dow taran pami chekhai).21Nami kung kowi paw Isak kowh rua hai ruapur thing miuüa cham kutplan thai tuikuam khai lowk iawk. Nami khin khe paw Gerar kowi kowh rua hai ruapur thing miuüa uang krawi taran khai iawk. Naiawng rakowi nami tuikuam ming dow Sitna padow Isak chap pe khai. (Sitna pami dow ransu pami chekhai).22Nami kung kowi dow nami hownia cham süt hanow Isak mih cham plan thai tuikuam khai lowk iawk. Nachenganchepaw nami khin khe dow Gerar kowi kowh rua hai ruapur thing miuüa uang krawi taranla dowi bowt chekhai. Naiawng rakowi nami tuikuam ming dow Rehawbawt pahai Isak chap pe khai. (Rehawbawt pami dow arah huma pami chekhai). Isak tek mih, “Kawmat dow mami re-e naia prungla kownkow CHAKRAMANG mih pe anging arah ahuma khai,” pakhai.23Nami kung kowi dow Isak mih nami hownia Ber-Seba kowi kowpowt khai.24Nakowi kowtowm mih iak khe aia tut-e mukmang kowi CHAKRAMANG uang tek pe mih, “Ang mih en pa Abraham kowh Thurai chekhai. Mapaw hangkow kram diah. Tawngplawng kowchow panow ang tawi uowila en reng chekhai. Ang kowh nar Abraham rakowi ang nape en prasi kown, now en krungchak kowi dow ang nape prungah kown,” pape khai.25Now Isak mih nakowi thawp phuchuara lowk hanow CHAKRAMANG kowi chupah iiaah khai. Nakowi dow aia khup tangbung khai bowt, now aia kowh naruüa mih kutplan thai tuikuam khai iawk.26Nami kung kowi dow mang Abimelek mih Gerar hownia Isak tut-e uang khai. Aia dow aia kowh prengia pek mih Ahuza hai aia kowh siphai aluchow mih Fikawl kowi uang pawla khai.27Nami khin khe Isak hawt tek pe mih, “Enni naukhi ang dowi kowh enni prüt ang mih chowbowt mowna. Tawngplawng kowchow ang tut-e enni uang khai?” pape khai.28Kowbüah tek pe mih, “CHAKRAMANG tawi uowila en reng pami kawmat dow achima anging tuk khowk. Naiawng rakowi en hai anging hown tatow sangbowk laitawm kown takla pami anging tatuak khai. Naiawng kowh chu, a-i takham diah sik.29Tawngpaw chang en naklak dowi kowi klangiungma klawp en iua en hanow thaulangma hown anging pe lawt en khai. Nami powm iawng en paw hauang chang anging naklak diah. En dow CHAKRAMANG prasi ka mih maru chekhai pami kawmat achima anging tuk khowk,” pape khai.30Now Isak dow amatni hown taphak tainau kownkow chang pe pawi khai, now taiua cha taiua kham büah khai.31Now auai rau dow murpa awr rü büah hanow lowkkowlowk tut-e takham sawi büah khai bowt. Nahanow athaulangma hown amatni kowi dow Isak pe mangah khai bowt.32Nami ni khe Isak kowh naruüa mih amatni cham thaiah mih tuikuam lawnguan kowi Isak kowi uang tek pe mih, “Tuikuam kowi anging krum tui khowk,” pape khai.33Nami tuikuam ming dow “Seba” pahai Isak chap pe khai. (“Seba” pami dow “takham” pami chekhai). Naiawng rakowi kawmat pat nami marow ming dow Ber-Seba pahai uowi reng tak chekhai.34Esau mih 40 ning chi khe paw masi pre ma khai. Amasi dow Beri chama Judit hai Elawn chama Basemat iüah chekhai. Amasi pre ia dow Hit maru-uüa chekhai.35Nami masiuüa pre ia rakowi Isak hai Rebeka iüah kowh chownglawng mih lainowmma nga khai.
Isak tek pe mih, “Ang masi pami ang tek now aia rakowi nakowngta ang kown chekhai pami ang ka tuak kowh chowbowt,” pape khai.10Abimelek tek pe mih, “Tawngplawng kowchow naiawng en tuk chang anging khai? En masi pami tuk dowi rakowi maru phua iuaah stow. Nakhowk khe dow en tang anging aprek kown lownow,” pape khai.11Naiawng rakowi nami kung kowi dow Abimelek mih maru maten kowi hawah now lawt ana khai. Aia tek mih, “Mami maru hai amasi kowi mia iawng mih chow changah naklak khai hanow nami kowi dow nakowngta ngengche kown,” pakhai.12Nami ning kowi dow Isak mih tawi chang kheti khai bowt, now aia kowi dow CHAKRAMANG peah prasi khai rakowi akawm phow ka luprak khai.13Now aia dow uang kureng khai bowt. Aia dow pani kowh pani uang kureng ngamlam hanow akurengma mih maru uang chowng khai.14Aia kowh dow chia, rua, ruapur, narma hai narla ün lainowmma uang hu khai bowt. Naiawng rakowi nami khi hanow Filistinuüa dow aia kowi irsiah khai.15Abraham khin khe kowh Abraham kowh naruüa thaiah mih tuikuam maten Filistinuüa mih thiata bowk khowk chekhai.16Nami klen kowi Abimelek paw tek pe Isak mih, “Anging lak-e en lang kureng hai lang kür khai bowt. Naiawng rakowi mami pren hownia powt diah,” pape khai.17Naiawng rakowi Isak dow nami hownia powt hanow Gerar kowi kowh lawngrawi kowi kowkhup tangbung khai, now nakowi mih kowuowi khai bowt.18Nakowi kowh a-pa Abraham khin khe kowh thaila mih tuikuam srui dow Abraham kowng kung kowi Filistinuüa thiata bowk khowk chekhai. Nami tuikuam srui dow Isak mih kowkrawi plan thai hanow a-pa Abraham chapla pe ming mih rowprowp kutplan chap pe ming khai.19Now nakowi kowh lawngrawi kowi Isak kowh naruüa mih cham krawi thai tuikuam khai. Nami khin khe amatni dow adak hownia tui uang towk prürü mih tuikuam ka lowk chekhai.20Nachenganchepaw Gerar kowi kowh rua hai ruapur thing miuüa dow Isak kowh rua hai ruapur thing miuüa hown uang taran khai. Gerar kowi kowh rua hai ruapur thing miuüa tek mih, “Mami tui anging kowh taih,” pakhai. Naiawng rakowi nami tuikuam ming dow Esek pahai Isak chap pe khai. (Esek pami dow taran pami chekhai).21Nami kung kowi paw Isak kowh rua hai ruapur thing miuüa cham kutplan thai tuikuam khai lowk iawk. Nami khin khe paw Gerar kowi kowh rua hai ruapur thing miuüa uang krawi taran khai iawk. Naiawng rakowi nami tuikuam ming dow Sitna padow Isak chap pe khai. (Sitna pami dow ransu pami chekhai).22Nami kung kowi dow nami hownia cham süt hanow Isak mih cham plan thai tuikuam khai lowk iawk. Nachenganchepaw nami khin khe dow Gerar kowi kowh rua hai ruapur thing miuüa uang krawi taranla dowi bowt chekhai. Naiawng rakowi nami tuikuam ming dow Rehawbawt pahai Isak chap pe khai. (Rehawbawt pami dow arah huma pami chekhai). Isak tek mih, “Kawmat dow mami re-e naia prungla kownkow CHAKRAMANG mih pe anging arah ahuma khai,” pakhai.23Nami kung kowi dow Isak mih nami hownia Ber-Seba kowi kowpowt khai.24Nakowi kowtowm mih iak khe aia tut-e mukmang kowi CHAKRAMANG uang tek pe mih, “Ang mih en pa Abraham kowh Thurai chekhai. Mapaw hangkow kram diah. Tawngplawng kowchow panow ang tawi uowila en reng chekhai. Ang kowh nar Abraham rakowi ang nape en prasi kown, now en krungchak kowi dow ang nape prungah kown,” pape khai.25Now Isak mih nakowi thawp phuchuara lowk hanow CHAKRAMANG kowi chupah iiaah khai. Nakowi dow aia khup tangbung khai bowt, now aia kowh naruüa mih kutplan thai tuikuam khai iawk.26Nami kung kowi dow mang Abimelek mih Gerar hownia Isak tut-e uang khai. Aia dow aia kowh prengia pek mih Ahuza hai aia kowh siphai aluchow mih Fikawl kowi uang pawla khai.27Nami khin khe Isak hawt tek pe mih, “Enni naukhi ang dowi kowh enni prüt ang mih chowbowt mowna. Tawngplawng kowchow ang tut-e enni uang khai?” pape khai.28Kowbüah tek pe mih, “CHAKRAMANG tawi uowila en reng pami kawmat dow achima anging tuk khowk. Naiawng rakowi en hai anging hown tatow sangbowk laitawm kown takla pami anging tatuak khai. Naiawng kowh chu, a-i takham diah sik.29Tawngpaw chang en naklak dowi kowi klangiungma klawp en iua en hanow thaulangma hown anging pe lawt en khai. Nami powm iawng en paw hauang chang anging naklak diah. En dow CHAKRAMANG prasi ka mih maru chekhai pami kawmat achima anging tuk khowk,” pape khai.30Now Isak dow amatni hown taphak tainau kownkow chang pe pawi khai, now taiua cha taiua kham büah khai.31Now auai rau dow murpa awr rü büah hanow lowkkowlowk tut-e takham sawi büah khai bowt. Nahanow athaulangma hown amatni kowi dow Isak pe mangah khai bowt.32Nami ni khe Isak kowh naruüa mih amatni cham thaiah mih tuikuam lawnguan kowi Isak kowi uang tek pe mih, “Tuikuam kowi anging krum tui khowk,” pape khai.33Nami tuikuam ming dow “Seba” pahai Isak chap pe khai. (“Seba” pami dow “takham” pami chekhai). Naiawng rakowi kawmat pat nami marow ming dow Ber-Seba pahai uowi reng tak chekhai.34Esau mih 40 ning chi khe paw masi pre ma khai. Amasi dow Beri chama Judit hai Elawn chama Basemat iüah chekhai. Amasi pre ia dow Hit maru-uüa chekhai.35Nami masiuüa pre ia rakowi Isak hai Rebeka iüah kowh chownglawng mih lainowmma nga khai.
The Seed Company