Uown Thawp24
1Abraham dow lainowmma lawngtang khai bowt. Lowra sia kowi CHAKRAMANG mih aia kowi peah prasi reng chekhai.2Abraham kowh dow aia kim kowi akrama uowi khowk mih, alawngtangma mih nar uowi lowk ia. Nami nar kowi dow aia kowh dawngthawnguan maten naming nakhet kown mih kurdik aia peah khai. Now akat khe nami nar kowi Abraham tek pe mih, “Sakrauma hown en kowh rut mih ang thung krüa kowi uang haitow hanow takham diah.3Mukuang pren hai lusa thawp mih CHAKRAMANG Thurai ming hown ang tut-e takham diah: Ang chapa Isak vüi kawmat kowh ang uowiah mih Kanan prenchak masiuüa kowi en naia paw pe masi kown nadowi. Ang dia rah pren kowi phai kowkowi diah. Nakowi en nakowkowi hanow ang tasin taken miuüa kowh chama en nakrawi mü pe kown, now ang chapa vüi en nauang pawla pe masi kown,” pape khai.5Nami laiklow tata hanow nami nar tek pe Abraham mih, “Laiuan kowi, nami masiuüa che mami pren kowi uang tawi kown nau dowi hanow nami pren kowi en chapa kowi ang nakowpawla iawk kown bow?” pakhai.6Abraham tek pe mih, “Kaneu diah! Ang chapa kowi nami pren kowi mapaw en nakowpawla kown nadowi.7Mukuang kowi kowh CHAKRAMANG Thurai mih ang dia rah pren apa kim hownia uang lawtla ang hanow mami pren kowi uang pawla ang khai. Mami pren mih ang krungchakuüa kowi aia napeah kown mih uang kham ang khai. Ang chapa vüi nami pren hownia en nauang kala pe masi kownkow en dowi rawn aia kowh kramamu kowi aia mih nakowi kowrik chin en kown taih.8Nachenganchepaw nami masiuüa che en kung nauang tawi kown nau dowi hanow ang pe takham en mih hownia en nakhalat kown taih. Tawkchedow ang chapa kowi mih nakowi mapaw en nakowpawla kown nadowi,” pape khai.9Nami khin khe nami nar mih aia kowh kim iah Abraham thung krüa kowi haitow rut hanow nami lawnguan kowi takham khai bowt.10Now nami nar dow aia cham müah mih masiuüa kimchak vüi aia kowh kim iah hownia uanh aiung aiungma mih pawla sangrum chi khai, now naiawngün uanh pawk müa pawla ut hamüt pum khai. Aia dow alakma mih Mesawpawtamia pren kowi Abraham kowh naumow Nahawr uowi rah marow prakowi kowkowi khai.11Nami marow uat kowi dow tuikuam uowi lowk chekhai. Nakowi kowting hanow nami nar mih aia kowh ut hawmh kowi tua kung se pe tanaiah khai. Nakhowk khe sat kowi ngialia khowk chekhai. Naiawng rakowi masiuüa tui towng khin dow uang na khai bowt.12Nami nar mih maiawng chup Thurai khai, “Aw CHAKRAMANG, ang kowh kim iah Abraham kowh Thurai, ani mih ang kowh kim iah kowh chapa vüi narui pe masi kownkow en uang khowng ang diah. Ang kowh kim iah Abraham kowi en kowh achur uowi dowi mih sakraura tüng pe diah.13Mü diah, mami tuikuam re-e ang hawt iowng khai. Mami marow kowi kowh malauüa hawmh mih uang tarü tui towng thüm khowk.14Naiawngün malauüa kowi ang naklangah lowk ia kown; nami malauüa kowi dow, ‘En kowh tuikawng hownia pe kham ang tui dit snow,’ ang napape kown. Now aia mih, ‘Kham snow. En kowh ut hawmh kowi paw ang pe khamah tui tak ba,’ pahai tek ang khai hanow nami malauüa dow en nar Isak vüi en khowmah mih pacham chowng lah. Nami hownia dow ang kowh kim iah Abraham kowi en kowh achur uowi dowi mih sakraura en tüng pe reng pami ang natuk kown,” pakhai.15Aia kowh laiklow chur dowi rawn tak khe Rebeka mih tuikawng paima uang haimang khai. Rebeka kowh pa dow Bethuel. Bethuel kowh pa dow Abraham naumow Nahawr, now Bethuel kowh u dow Milka chekhai.16Rebeka dow malauüa klangiungma. Aia dow tawng iawng mih kachakuüa hown paw taphua taiua dowi tak. Aia dow aia kowh tuikawng hown tuikuam hownia towngla tui now uang awr mang khai.17Nakhowk khe Abraham kowh nar kowiowmah now tek pe mih, “Sakrauma hown en kowh tuikawng hownia pe kham ang tui dit snow,” pape khai.18Rebeka tek pe mih, “Kham snow,” pakhai. Now sakkrowngma hown ap pe tuikawng hanow pe khamah tui khai.19Ki pe khamah tui kung kowi Rebeka kutplan tek pe mih, “En kowh ut hawmh kowi paw ang peah tui tak ba. Tui kham du dowi mowr ang towng pe tui sow,” pape khai.20Now Rebeka mih lenlenma aia kowh tuikawng tui tawncher kaw kowi kowkhük hanow lenlenma kowtowng tui khai iawk. Naiawng hai aia dow ut maten vüi towng pe tui khai.21Nami khin khe nami nar mih aia kowi CHAKRAMANG pe awng pe prangah tak chünchü pami natukla kownkow ririmma hown Rebeka kowi tang müah khai.22Ut hawmh ki kham tui bowk kung kowi dow Abraham kowh nar mih kuh nadawr akhuai dik mih lowk hai tanga lap dik chi mih kuh kuaiseh pre seh iu laiah hanow Rebeka kowi peah khai.23Now lüntaah mih, “Mia iawng mih chama chow en? En pa kim kowi anging tawi iak-e ka chünchü en ia tek ang kown bow?” pape khai.24Rebeka tek pe mih, “Ang dow Bethuel kowh chama. Apa kowh pa ming dow Nahawr, now apa kowh u ming dow Milka chekhai,” pape khai.25Nami klen kowi kutplan tek pe mih, “Anging kim kowi pakdi hown chahau uowi bümma, now enni vüi iakra paw alawkma chekhai,” pape khai.26Nakhowk khe Abraham kowh nar mih krawng kowi tabawk krawm se CHAKRAMANG kowi chupah iiaah khai.27Aia tek mih, “Ang kowh kim iah Abraham kowh CHAKRAMANG Thurai dow akiow pauowi lah. Aia dow ang kowh kim iah Abraham kowi khamah mih iawng kaah sakowmma chang pe hai aia kowh achur uowi dowi mih sakraura tüng pe reng chekhai. Aia dow ang kowh kim iah Abraham kowh naumow kim kowi uang pawla ang khai,” pakhai.28Nami khin khe Rebeka mih kowiowmah hanow a-u kimchakuüa maten kowi nami laiklow kowtek pe khai.29Rebeka kowh dow arak uowi lowk ia, aming dow Laban chekhai. Laban dow atuamow Rebeka tut-e kuaiseh hown nadawr khi hai atuamow kowh laiklow tata hanow marow uat kowi kowh tuikuam prakowi kowiowm khai. Now tuikuam ria kowi mih ut hawmh ria kowi Abraham kowh nar iowng phülü mih kowkhi khai.31Now Abraham kowh nar kowi Laban tek pe mih, “Apu, tawngplawng kowchow nami re-e en iowng rereng? En dow CHAKRAMANG peah prasi mih maru chekhai. Uang bowt; enni vüi hai ut hawmh vüi uowi rah ang kamrütla hüah khowk,” pape khai.32Nami laiklow tata hanow Abraham kowh nar mih Laban kung tawi krawi khai bowt. Kim kowi kowting hanow Laban mih ut luk kowi kowh uanh ün tawi khün kla pe khai, now ut hawmh kowi dow chahau hai pakdi pe chaah khai. Laban mih Abraham kowh nar hai aia hown kowh uang tawi mih naruüa kowi nasaula rut khawk kownkow peah tui khai.33Nachenganchepaw amatni pur kowi awr then pe hawm kan mih khin khe dow Abraham kowh nar tek pe mih, “Makowi ang uang mih auan ang tek enni dowi matchang tawngpaw ang nacha kown nadowi tak,” pape khai.
Laban tek pe mih, “Now tek diah snow,” pape khai.34Nakhowk khe Abraham kowh nar tek pe mih, “Ang dow Abraham kowh nar chekhai.35CHAKRAMANG mih ang kowh kim iah Abraham kowi ahuma peah prasi khai; naiawng rakowi aia dow lainowmma kureng khai. CHAKRAMANG mih aia kowi dow chia, rua, ruapur, kuh, tai, narma, narla, ut hai kawrngaramchük ün ahuma peah khai.36Amasi Sari mih alawngtangma khowk khe Abraham kowi ka pe kachakuüa chah lowk ia. Nami chah kowi mih aia kowh dawngthawnguan srui Abraham pe powngah khai.37Now ang kowh kim iah Abraham mih pe takham ang khai; tek ang mih, ‘Ang chapa vüi kawmat kowh ang uowi rah Kanan prenchak masiuüa kowi en napaw pe masi kown nadowi.38Apa kim kowi en nakowkowi hanow ang tasin taken miuüa kowh chama en nakrawi mü pe kown, now ang chapa Isak vüi en nauang pawla pe masi kown,’ pakhai.39Nami khin khe ang tek pe mih, ‘Laiuan kowi, nami masiuüa che uang tawi kown nau dowi hanow tawng chow ang nachangah kown,’ pakhai.40“Aia tek ang mih, ‘En kowh khari kowi nachawnla kownkow ang chün pe lai reng mih CHAKRAMANG dow aia kowh kramamu kowi natawi chin en kown taih. Nahanow ang chapa nachangla masi kownkow ang tasin taken miuüa pungmadawng hownia masiuüa lowk ia dow en nauang kala kown taih.41Nachenganchepaw ang tasin taken miuüa che krawi pe en chama dowi kowh chalow hanow mami ang pe takham en mih hownia en nakhalat kown taih,’ pakhai.42“Naiawng rakowi ani paimi tuikuam re-e ang uang ting khe maiawng ang chup Thurai khai; ang tek mih, ‘Aw CHAKRAMANG, Abraham kowh Thurai, sakrauma hown ang kowh khari kowi pe chawn ang diah.43Mü diah, mami tuikuam ria kowi ang iowng khai. Marow hownia uang towng tui mih malauüa lowk ia kowi aia kowh tuikawng hownia nape kham ang tui ditchow kownkow ang natek pe kown.44Nami khin khe aia che pe kham ang hai ang kowh ut hawmh kowi paw nape khamah tui kown mih lai tek khai hanow aia dow Abraham kowh chapa vüi en lang khowmah mih masiuüa pacham chowng lah,’ pakhai.45“Ang kowh lai chur dowi rawn tak khe tuikawng pai hown Rebeka uang ting now uang towng tui khai. Now Rebeka kowi ang tek pe mih, ‘Sakrauma hown pe kham ang tui ditchow dit snow,’ pakhai.46“Now aia kowh tuikawng dow lenlenma uai ap ang hanow tek ang mih, ‘Kham snow. En kowh ut hawmh kowi paw ang pe khamah tui tak ba,’ pakhai. Nahanow ang kham tui khai bowt, now aia dow ang kowh ut hawmh kowi paw pe khamah tui khai.47Now ang lüntaah mih, ‘Mia iawng mih chama chow en?’ pakhai.
“Aia tek ang mih, ‘Ang dow Bethuel kowh chama taih. Apa kowh pa ming dow Nahawr, now apa kowh u ming dow Milka chekhai,’ pakhai.
“Nami ang tata hanow aia kowh nakawng kowi ang ü pe nadawr khai, now rut pre prakowi ang krua pe kuaiseh khai.48Now krawng kowi tabawkah krawm se CHAKRAMANG kowi ang chupah khai; Abraham kowh CHAKRAMANG Thurai kowi mih ang tek pe awmrawm lai khai. Tawngplawng kowchow panow CHAKRAMANG dow ang kowh kim iah chapa vüi nakala masi kownkow aia tasin taken miuüa kim prakowi atengma uang pawla ang khai.49Naiawng rakowi kawmat mih ang kowh kim iah Abraham kaah sakowm iawng enni nachang pe tak chünchü tek ang büa diah. Enni chang pe dowi chepaw akeng prakowi ang cham ia müla kownkow tek ang büa diah,” pape khai.50Nakhowk khe Laban hai Bethuel tek mih, “Naiawng mih dow CHAKRAMANG hownia kowh uang ting mih chekhai lownow. Naiawng rakowi anging hownia aiung angak natek en kown mih tawngpaw uowi dowi chekhai.51Rebeka paw uowi lowmow, pawla now na towbowt. CHAKRAMANG tekta khowk iawng dow en kowh kim iah Abraham kowh iaumow pacham chowng lah,” pape khai.52Nami laiklow tata hanow Abraham kowh nar dow krawng kowi tabawkah krawm now CHAKRAMANG kowi chupah khai.53Now kuh hai tai hown kowh tatawng müa hown dawnguan ün laiah hanow Rebeka kowi peah khai, now Rebeka kowh rak hai a-u kowi paw asung khakma mih uanh ahuma peah khai.54Nami kung kowi dow Abraham kowh nar hai aia kung uang tawi miuüa mih cha hawm cha kan khai bowt, ki cha ki kham hanow nakowi mih müi büah khai. Isak kowi uang pawla pe masi mih
Now auai rau awr rü müi hanow nami nar tek mih, “Khaleng dow ang kowh kim iah tut-e naplan bowt kownkow pe mang anging towbowt,” pakhai.55Nami khin khe Rebeka kowh rak hai a-u tek mih, “Atum pacham uowila anging taku hamüt ni diah lah snow. Taku hamüt ni kung kowi mang büah iang,” pape khai.56Nachenganchepaw Abraham kowh nar tek pe mih, “CHAKRAMANG mih ang kowh khari kowi pe chawn ang khai. Naiawng rakowi hauang krawi town ang büa tham bowt. Ang kowh kim iah tut-e naplan kownkow pe mang ang towbowt,” pakhai.57Laban iüah uchow tek mih, “Now atum kowi anging lüntaah tak ba; tawng iawng tak chünchü atum matia dow tek kown,” pakhai.58Nahanow amatchi uchow dow Rebeka kowi hawah now lüntaah mih, “Mami maru hown tawi kown en nau bow?” pape khai.
Now Rebeka tek mih, “Ow, ang tawi kown,” pakhai.59Naiawng rakowi Abraham kowh nar hai aia hown kowh uang tawi mih naruüa kung amatni kowh tuamow Rebeka kowi mih tawi chinta khai bowt. Now Rebeka sowm khe kowh mingah khetah reng mih narma kowi paw Rebeka vüi krawi chin pe lowk ia khai.60Amatni dow maiawng Rebeka kowi krawi peah prasi khai, “Atum, en dow athawng aiawng mih chauüa u pacham chowngah. En krungchakuüa mih amatni ransu-uüa kowh marow maten pacham nowng powng lah,” pakhai.61Nami kung kowi dow Rebeka hai aia kowh narmauüa mih kamrüt hanow ut luk kowi chowm se Abraham kowh nar kung tawi mang khai bowt. Naiawng hai Abraham kowh nar dow aia kowh kim iah kim prakowi Rebeka kowi pawla khai.62Nakhowk khe Isak dow Birlahai-Rawi hownia uang plan hanow aia uowi rah Negeb kowi uang uowi khai.63Now akat khe mih sat kowi pra khe dowm kowi Isak cham len khai. Nami khin khe ut hawmh uang haimang mih alakma hownia aia hai khi khai.64Rebeka paw tang mü hanow alakma hownia Isak kowi haikhita khai, now aia dow ut luk hownia iu dowm khai.65Now Abraham kowh nar kowi Rebeka lüntaah mih, “Pai iow, dowm kowi kowh a-i prakowi uaimang mih maru mia chow?” pakhai.
Abraham kowh nar tek pe mih, “Paimi chowbowt ang kowh kim iah chapa,” pape khai. Nami tata hanow Rebeka mih aia kowh uanchow hown mumta lumowr khai bowt.66Now nami nar dow aia cham changla mih srui Isak kowi tek pe khai.67Nahanow Isak mih Rebeka kowi a-u Sari kowng dowi tak khe kowh uowila mih tangbung kowi pawla khai. Aia dow Rebeka kowi changla masi hanow lainowmma sakrauah khai. Nahanow a-u kowng kung kowi kowh aprüa aiia hownia dow Isak mih ka sakklamra khai bowt.
Laban tek pe mih, “Now tek diah snow,” pape khai.34Nakhowk khe Abraham kowh nar tek pe mih, “Ang dow Abraham kowh nar chekhai.35CHAKRAMANG mih ang kowh kim iah Abraham kowi ahuma peah prasi khai; naiawng rakowi aia dow lainowmma kureng khai. CHAKRAMANG mih aia kowi dow chia, rua, ruapur, kuh, tai, narma, narla, ut hai kawrngaramchük ün ahuma peah khai.36Amasi Sari mih alawngtangma khowk khe Abraham kowi ka pe kachakuüa chah lowk ia. Nami chah kowi mih aia kowh dawngthawnguan srui Abraham pe powngah khai.37Now ang kowh kim iah Abraham mih pe takham ang khai; tek ang mih, ‘Ang chapa vüi kawmat kowh ang uowi rah Kanan prenchak masiuüa kowi en napaw pe masi kown nadowi.38Apa kim kowi en nakowkowi hanow ang tasin taken miuüa kowh chama en nakrawi mü pe kown, now ang chapa Isak vüi en nauang pawla pe masi kown,’ pakhai.39Nami khin khe ang tek pe mih, ‘Laiuan kowi, nami masiuüa che uang tawi kown nau dowi hanow tawng chow ang nachangah kown,’ pakhai.40“Aia tek ang mih, ‘En kowh khari kowi nachawnla kownkow ang chün pe lai reng mih CHAKRAMANG dow aia kowh kramamu kowi natawi chin en kown taih. Nahanow ang chapa nachangla masi kownkow ang tasin taken miuüa pungmadawng hownia masiuüa lowk ia dow en nauang kala kown taih.41Nachenganchepaw ang tasin taken miuüa che krawi pe en chama dowi kowh chalow hanow mami ang pe takham en mih hownia en nakhalat kown taih,’ pakhai.42“Naiawng rakowi ani paimi tuikuam re-e ang uang ting khe maiawng ang chup Thurai khai; ang tek mih, ‘Aw CHAKRAMANG, Abraham kowh Thurai, sakrauma hown ang kowh khari kowi pe chawn ang diah.43Mü diah, mami tuikuam ria kowi ang iowng khai. Marow hownia uang towng tui mih malauüa lowk ia kowi aia kowh tuikawng hownia nape kham ang tui ditchow kownkow ang natek pe kown.44Nami khin khe aia che pe kham ang hai ang kowh ut hawmh kowi paw nape khamah tui kown mih lai tek khai hanow aia dow Abraham kowh chapa vüi en lang khowmah mih masiuüa pacham chowng lah,’ pakhai.45“Ang kowh lai chur dowi rawn tak khe tuikawng pai hown Rebeka uang ting now uang towng tui khai. Now Rebeka kowi ang tek pe mih, ‘Sakrauma hown pe kham ang tui ditchow dit snow,’ pakhai.46“Now aia kowh tuikawng dow lenlenma uai ap ang hanow tek ang mih, ‘Kham snow. En kowh ut hawmh kowi paw ang pe khamah tui tak ba,’ pakhai. Nahanow ang kham tui khai bowt, now aia dow ang kowh ut hawmh kowi paw pe khamah tui khai.47Now ang lüntaah mih, ‘Mia iawng mih chama chow en?’ pakhai.
“Aia tek ang mih, ‘Ang dow Bethuel kowh chama taih. Apa kowh pa ming dow Nahawr, now apa kowh u ming dow Milka chekhai,’ pakhai.
“Nami ang tata hanow aia kowh nakawng kowi ang ü pe nadawr khai, now rut pre prakowi ang krua pe kuaiseh khai.48Now krawng kowi tabawkah krawm se CHAKRAMANG kowi ang chupah khai; Abraham kowh CHAKRAMANG Thurai kowi mih ang tek pe awmrawm lai khai. Tawngplawng kowchow panow CHAKRAMANG dow ang kowh kim iah chapa vüi nakala masi kownkow aia tasin taken miuüa kim prakowi atengma uang pawla ang khai.49Naiawng rakowi kawmat mih ang kowh kim iah Abraham kaah sakowm iawng enni nachang pe tak chünchü tek ang büa diah. Enni chang pe dowi chepaw akeng prakowi ang cham ia müla kownkow tek ang büa diah,” pape khai.50Nakhowk khe Laban hai Bethuel tek mih, “Naiawng mih dow CHAKRAMANG hownia kowh uang ting mih chekhai lownow. Naiawng rakowi anging hownia aiung angak natek en kown mih tawngpaw uowi dowi chekhai.51Rebeka paw uowi lowmow, pawla now na towbowt. CHAKRAMANG tekta khowk iawng dow en kowh kim iah Abraham kowh iaumow pacham chowng lah,” pape khai.52Nami laiklow tata hanow Abraham kowh nar dow krawng kowi tabawkah krawm now CHAKRAMANG kowi chupah khai.53Now kuh hai tai hown kowh tatawng müa hown dawnguan ün laiah hanow Rebeka kowi peah khai, now Rebeka kowh rak hai a-u kowi paw asung khakma mih uanh ahuma peah khai.54Nami kung kowi dow Abraham kowh nar hai aia kung uang tawi miuüa mih cha hawm cha kan khai bowt, ki cha ki kham hanow nakowi mih müi büah khai. Isak kowi uang pawla pe masi mih
Now auai rau awr rü müi hanow nami nar tek mih, “Khaleng dow ang kowh kim iah tut-e naplan bowt kownkow pe mang anging towbowt,” pakhai.55Nami khin khe Rebeka kowh rak hai a-u tek mih, “Atum pacham uowila anging taku hamüt ni diah lah snow. Taku hamüt ni kung kowi mang büah iang,” pape khai.56Nachenganchepaw Abraham kowh nar tek pe mih, “CHAKRAMANG mih ang kowh khari kowi pe chawn ang khai. Naiawng rakowi hauang krawi town ang büa tham bowt. Ang kowh kim iah tut-e naplan kownkow pe mang ang towbowt,” pakhai.57Laban iüah uchow tek mih, “Now atum kowi anging lüntaah tak ba; tawng iawng tak chünchü atum matia dow tek kown,” pakhai.58Nahanow amatchi uchow dow Rebeka kowi hawah now lüntaah mih, “Mami maru hown tawi kown en nau bow?” pape khai.
Now Rebeka tek mih, “Ow, ang tawi kown,” pakhai.59Naiawng rakowi Abraham kowh nar hai aia hown kowh uang tawi mih naruüa kung amatni kowh tuamow Rebeka kowi mih tawi chinta khai bowt. Now Rebeka sowm khe kowh mingah khetah reng mih narma kowi paw Rebeka vüi krawi chin pe lowk ia khai.60Amatni dow maiawng Rebeka kowi krawi peah prasi khai, “Atum, en dow athawng aiawng mih chauüa u pacham chowngah. En krungchakuüa mih amatni ransu-uüa kowh marow maten pacham nowng powng lah,” pakhai.61Nami kung kowi dow Rebeka hai aia kowh narmauüa mih kamrüt hanow ut luk kowi chowm se Abraham kowh nar kung tawi mang khai bowt. Naiawng hai Abraham kowh nar dow aia kowh kim iah kim prakowi Rebeka kowi pawla khai.62Nakhowk khe Isak dow Birlahai-Rawi hownia uang plan hanow aia uowi rah Negeb kowi uang uowi khai.63Now akat khe mih sat kowi pra khe dowm kowi Isak cham len khai. Nami khin khe ut hawmh uang haimang mih alakma hownia aia hai khi khai.64Rebeka paw tang mü hanow alakma hownia Isak kowi haikhita khai, now aia dow ut luk hownia iu dowm khai.65Now Abraham kowh nar kowi Rebeka lüntaah mih, “Pai iow, dowm kowi kowh a-i prakowi uaimang mih maru mia chow?” pakhai.
Abraham kowh nar tek pe mih, “Paimi chowbowt ang kowh kim iah chapa,” pape khai. Nami tata hanow Rebeka mih aia kowh uanchow hown mumta lumowr khai bowt.66Now nami nar dow aia cham changla mih srui Isak kowi tek pe khai.67Nahanow Isak mih Rebeka kowi a-u Sari kowng dowi tak khe kowh uowila mih tangbung kowi pawla khai. Aia dow Rebeka kowi changla masi hanow lainowmma sakrauah khai. Nahanow a-u kowng kung kowi kowh aprüa aiia hownia dow Isak mih ka sakklamra khai bowt.
The Seed Company