Uown Thawp22
1Naiawngün ki phaw kung kowi akat khe mih Abraham kowi Thurai chaingah khai. Thurai hawah mih, “Abraham,” pakhai.
Abraham klangah mih, “Mami re-e chaw ang uowi,” pape khai.2Thurai tek pe mih, “En kowh chapa Isak lowkchow mih, en sakrauah nowm nowm mih kowi pawla now Moria pren kowi kowkowi diah. Nakowi kowh ang natek en kown mih hungh kowi aia kowi dow tikah mih uanap kowchangla diah,” pape khai.3Naiawng rakowi Abraham dow auai rau murpa awr rü khai, now tikah mih uanap chang müa krawi paw sawp hanow kawrngaramchük luk kowi tap pe khai. Now achapa Isak hai aia kowh nar pre ia kowi pawla now Thurai tek pe mih arah prakowi tarü khai bowt.4Now sum ni mang rawng mang kung kowi dow Abraham mih krawi tang mü khai, now Thurai tek pe mih arah dow alakma kowi haikhi khai bowt.5Nahanow aia kowh nar pre ia kowi Abraham tek pe mih, “Kawrngaramchük hailawm mami re-e hawt uowi iüah towbowt. Pai kowi angching pachowh kowchupiia Thurai tak; ki chup ki iiala Thurai hanow angching nauang plan iawk kown taih,” pape khai.6Now Abraham mih tikah mih uanap chang müa sawp cheng dow achapa Isak kowi pe kawtla khai, now aiamat dow mairing puh hai saichow dowkla khai. Nahanow amatchi dow katsang taiua tarü khai bowt.7Nakhowk khe a-pa Abraham kowi Isak hawah mih, “Apa,” pakhai.
Abraham klangah mih, “Tawng chow pa?” pape khai.
Isak tek pe mih, “Tikah mih uanap chang müa sawp hai maih dow uowi khowk. Tawkche ruapur chah dow uowi dowi kowbow; tawng kowi chow?” pape khai.8Abraham tek pe mih, “Pa, tikah mih uanap chang müa ruapur chah dow Thurai matia nape achi kown taih,” pape khai. Naiawng hai talawpla bowklowk se amatchi dow mang iüah khai.9Now Thurai tek pe mih arah kowi dow kowting iüah khai bowt. Nakowi dow Abraham mih thawp phuchuara hanow krowng pe sawp khai. Now achapa Isak kowi mih arut akhawk tawmta pe bowk now nami phuchuara luk kowi iüaah khai.10Nahanow achapa kowi nasaita kownkow Abraham mih dowk saichow khai bowt.11Nami khin khe mukuang pren hownia CHAKRAMANG kowh kramamu Abraham kowi hawah mih, “Abraham, Abraham!” pakhai.
Now Abraham klangah mih, “Mami re-e chaw ang uowi,” pakhai.12Kramamu tek pe mih, “En chapa kowi hangkow sai diah, chang paw tawngpaw hangkow chang diah. Thurai kowi en ringkaw pami ang tuk khowk. Tawngplawng kowchow panow en kowh chapa uowi lowkchow mih, en sakrauah nowm nowm mih kowi khowm padow ang vüi nachangla phuchua müa kown mih kung prakowi mapaw en süt dowi chekhai,” pape khai.13Nakhowk khe Abraham dow krawi tang mü khai, now aia kung prakowi kowh ruih mung kowi anang tauowk hüah mih ruapurla khi lowk khai. Nahanow nami ruapurla dow Abraham kowpaw khai bowt, now nami dow tikah mih uanap chang müa achapa takcha kowi phuchuaah khai bowt.14Now Abraham mih nami re-e kowh arah ming dow “Jehova Jire” pahai chap pe khai. (Jehova Jire pami auan dow “CHAKRAMANG pe reng” pami chekhai). Naiawng rakowi kawmat paw, “CHAKRAMANG hungh kowi dow CHAKRAMANG pe reng,” pahai maru tek reng chekhai.15Now mukuang pren hownia CHAKRAMANG kowh kramamu mih Abraham kowi kutplan hawah khai iawk.16Tek pe mih, “Abraham, en kowh chapa uowi lowkchow mih, en sakrauah nowm nowm mih kowi nachangla phuchua müa kown mih kung prakowi mapaw en süt dowi chekhai. Naiawng rakowi ang matia ming hown ang takham khowk.17Ang nape en prasi ngengche kown. Kuang kowi kowh krek iawng hai sata pang kowi kowh sema iawng en krungchakuüa kowi ang nape prungah kown. En krungchakuüa mih amatni ransu-uüa kowh marow ün napowngta pe kown.18Now en krungchakuüa hownia lusa kowi kowh chenchap maten naka prasi kown. Ang kowh ana pek en chün khai rakowi naiawng ang nachang en kown mih chekhai,” pape khai.19Nami kung kowi dow Abraham mih aia kowh nar pre ia tut-e uang plan khai bowt. Nahanow amatni bowkbowk dow nami hownia amatni uowi rah Ber-Seba kowi kowplan büah khai, now Abraham mih nakowi uowi phülü khai bowt.20Naiawngün kung kowi dow anaumow Nahawr kowi paw Milka pen pe chapa raiat ia pami Abraham ta khai. Nahawr kowh chapa raiat ia kowi lang ta mih ming dow Uz chekhai. Nami kung kowi kowh ming dow Bus, nami kung kowi kowh ming dow Kemuel chekhai. (Kemuel dow Aram kowh pa). Nami kung kowi dow Keset, Hazo, Pildas, Jilaf hai Bethuel büah chekhai. (Bethuel dow Rebeka kowh pa).24Ruma pape mih narma paw Nahawr changla masi mih uowi lowk ia tak. Ruma hown paw Nahawr ka chah tali ia chekhai. Aming dow Teba, Gaham, Tahas hai Maka büah chekhai.
Abraham klangah mih, “Mami re-e chaw ang uowi,” pape khai.2Thurai tek pe mih, “En kowh chapa Isak lowkchow mih, en sakrauah nowm nowm mih kowi pawla now Moria pren kowi kowkowi diah. Nakowi kowh ang natek en kown mih hungh kowi aia kowi dow tikah mih uanap kowchangla diah,” pape khai.3Naiawng rakowi Abraham dow auai rau murpa awr rü khai, now tikah mih uanap chang müa krawi paw sawp hanow kawrngaramchük luk kowi tap pe khai. Now achapa Isak hai aia kowh nar pre ia kowi pawla now Thurai tek pe mih arah prakowi tarü khai bowt.4Now sum ni mang rawng mang kung kowi dow Abraham mih krawi tang mü khai, now Thurai tek pe mih arah dow alakma kowi haikhi khai bowt.5Nahanow aia kowh nar pre ia kowi Abraham tek pe mih, “Kawrngaramchük hailawm mami re-e hawt uowi iüah towbowt. Pai kowi angching pachowh kowchupiia Thurai tak; ki chup ki iiala Thurai hanow angching nauang plan iawk kown taih,” pape khai.6Now Abraham mih tikah mih uanap chang müa sawp cheng dow achapa Isak kowi pe kawtla khai, now aiamat dow mairing puh hai saichow dowkla khai. Nahanow amatchi dow katsang taiua tarü khai bowt.7Nakhowk khe a-pa Abraham kowi Isak hawah mih, “Apa,” pakhai.
Abraham klangah mih, “Tawng chow pa?” pape khai.
Isak tek pe mih, “Tikah mih uanap chang müa sawp hai maih dow uowi khowk. Tawkche ruapur chah dow uowi dowi kowbow; tawng kowi chow?” pape khai.8Abraham tek pe mih, “Pa, tikah mih uanap chang müa ruapur chah dow Thurai matia nape achi kown taih,” pape khai. Naiawng hai talawpla bowklowk se amatchi dow mang iüah khai.9Now Thurai tek pe mih arah kowi dow kowting iüah khai bowt. Nakowi dow Abraham mih thawp phuchuara hanow krowng pe sawp khai. Now achapa Isak kowi mih arut akhawk tawmta pe bowk now nami phuchuara luk kowi iüaah khai.10Nahanow achapa kowi nasaita kownkow Abraham mih dowk saichow khai bowt.11Nami khin khe mukuang pren hownia CHAKRAMANG kowh kramamu Abraham kowi hawah mih, “Abraham, Abraham!” pakhai.
Now Abraham klangah mih, “Mami re-e chaw ang uowi,” pakhai.12Kramamu tek pe mih, “En chapa kowi hangkow sai diah, chang paw tawngpaw hangkow chang diah. Thurai kowi en ringkaw pami ang tuk khowk. Tawngplawng kowchow panow en kowh chapa uowi lowkchow mih, en sakrauah nowm nowm mih kowi khowm padow ang vüi nachangla phuchua müa kown mih kung prakowi mapaw en süt dowi chekhai,” pape khai.13Nakhowk khe Abraham dow krawi tang mü khai, now aia kung prakowi kowh ruih mung kowi anang tauowk hüah mih ruapurla khi lowk khai. Nahanow nami ruapurla dow Abraham kowpaw khai bowt, now nami dow tikah mih uanap chang müa achapa takcha kowi phuchuaah khai bowt.14Now Abraham mih nami re-e kowh arah ming dow “Jehova Jire” pahai chap pe khai. (Jehova Jire pami auan dow “CHAKRAMANG pe reng” pami chekhai). Naiawng rakowi kawmat paw, “CHAKRAMANG hungh kowi dow CHAKRAMANG pe reng,” pahai maru tek reng chekhai.15Now mukuang pren hownia CHAKRAMANG kowh kramamu mih Abraham kowi kutplan hawah khai iawk.16Tek pe mih, “Abraham, en kowh chapa uowi lowkchow mih, en sakrauah nowm nowm mih kowi nachangla phuchua müa kown mih kung prakowi mapaw en süt dowi chekhai. Naiawng rakowi ang matia ming hown ang takham khowk.17Ang nape en prasi ngengche kown. Kuang kowi kowh krek iawng hai sata pang kowi kowh sema iawng en krungchakuüa kowi ang nape prungah kown. En krungchakuüa mih amatni ransu-uüa kowh marow ün napowngta pe kown.18Now en krungchakuüa hownia lusa kowi kowh chenchap maten naka prasi kown. Ang kowh ana pek en chün khai rakowi naiawng ang nachang en kown mih chekhai,” pape khai.19Nami kung kowi dow Abraham mih aia kowh nar pre ia tut-e uang plan khai bowt. Nahanow amatni bowkbowk dow nami hownia amatni uowi rah Ber-Seba kowi kowplan büah khai, now Abraham mih nakowi uowi phülü khai bowt.20Naiawngün kung kowi dow anaumow Nahawr kowi paw Milka pen pe chapa raiat ia pami Abraham ta khai. Nahawr kowh chapa raiat ia kowi lang ta mih ming dow Uz chekhai. Nami kung kowi kowh ming dow Bus, nami kung kowi kowh ming dow Kemuel chekhai. (Kemuel dow Aram kowh pa). Nami kung kowi dow Keset, Hazo, Pildas, Jilaf hai Bethuel büah chekhai. (Bethuel dow Rebeka kowh pa).24Ruma pape mih narma paw Nahawr changla masi mih uowi lowk ia tak. Ruma hown paw Nahawr ka chah tali ia chekhai. Aming dow Teba, Gaham, Tahas hai Maka büah chekhai.
The Seed Company