Uown Thawp16
1Abram kowh masi Sara dow ka chah dowi chekhai. Nachenganchepaw aia kowh dow Aigupta prenchak Hagar pami narma uowi lowk ia.2Abram kowi Sara tek pe mih, “Sünta diah, ang kowi dow CHAKRAMANG pe ka ang chah dowi bowt chekhai. Naiawng rakowi ang kowh narma hown kowtaphua taiua diah. Nami hownia ang tawi ia ka chah lowk ia tarawng,” pakhai.
Now Abram dow amasi Sara kowh laiklow nauta khai.3Naiawng rakowi Sara mih aia kowh narma Hagar kowi ahua Abram hown pe taphua taiuaah khai. Nami dow Kanan pren kowi hamüt ning Abraham uowi kung kowi kowh phaw mih chekhai.4Abram hown taphua taiua kung kowi Hagar dow kum nau khai bowt. Hagar dow Sara kowh narma taih chowdiah. Nachenganchepaw aia kum nau mih tatuk hanow aia dow Sara kowi nüah klowkah dowi bowt.5Nami tuk hanow Sara tek pe Abram mih, “Hagar nü ang klowk ang dowi mih dow en rakowi chekhai. Aia tut-e dow ang chowdiah kowchin en. Tawkchedow aia kum nau mih tatuk hanow aia mih nü ang klowk ang dowi bowt chekhai. CHAKRAMANG mih achi pre ia kowi mia chow tawi mih pacham chet achi tara lah,” pape khai.6Nakhowk khe Abram tek pe Sara mih, “Sünta, en kowh narma dow en low kowi kowh uowi mih chowtaih, aia luk kowi dow en kow kowi iung iawng en nowng chang chekhai,” pape khai. Nahanow Sara dow Hagar kowi lainowmma changah anowng apowng khai bowt. Naiawng rakowi Hagar mih Sara hownia cham powt khai.7Nahanow Hagar dow süngrüp süngkangma kowi kowh tuikuam ria kowi kowtowm khai. Nami tuikuam dow Sur pami arah pra kowh mangla mih tiaprek re-e chekhai. Nami re-e CHAKRAMANG kowh kramamu mih aia tut-e uang tatüng pe khai.8Kramamu tek pe mih, “Sara kowh narma Hagar, tawng hownia chow en uang, now tawng chow en cham kowi?” pakhai.
Now Hagar klangah mih, “Ang dow Sara kowh narma. Sara hownia ang powt mih chowbowt,” pape khai.9Nami laiklow tata now CHAKRAMANG kowh kramamu tek pe mih, “En kim iah masi tut-e kowplan hanow aia low kowi kowuowi iawk diah.10En krungchakuüa kowi ahuma ang nape prungah kown; amatni dow nowng rüaah dowi mowr nakawm kown.11Sünta, en kum nau khai bowt. En mih napen chapa lowk ia kown. Aming dow Ismael en narük pe kown. (Nami auan dow ‘Thurai ta reng’ pami chekhai). Tawngplawng kowchow panow en krat pusa mih khin khe en kowh kar klow mih CHAKRAMANG sünta en chekhai.12Nachenganchepaw en kowh chapa dow kaurawng kawrngaramchük iawng angakma naown kown; aia dow maru maten kowi nakrawi chang ransu kown, now maru maten mih aia kowi nanüla ransu kown. Aia tasin taken miuüa hownia aia dow alakma kowi nalang uowi kown,” pape khai.13Nami ta hanow Hagar tatuak mih, “Ming ang khet ang reng mih kowi ang khi ching mih chowbowt bow?” pakhai. Now aia hown kowh taklang mih CHAKRAMANG kowi Hagar rük pe ming mih, “En dow ming ang khet ang reng mih Thurai,” pakhai.14Naiawng rakowi nami tuikuam kowi dow Birlahai-Rawi pahai chap pe ming khai. (Nami auan dow “Khi ang mih masing Thurai kowh tuikuam” pami chekhai). Nami dow Kades marow hai Bered süng takra kowi chekhai.15Nami kung kowi dow Hagar mih pen chapa lowk ia khai, now achapa ming dow Ismael pahai Abram rük pe khai.16Ismael uang dia mih khin khe Abram dow 86 ning chekhai.
Now Abram dow amasi Sara kowh laiklow nauta khai.3Naiawng rakowi Sara mih aia kowh narma Hagar kowi ahua Abram hown pe taphua taiuaah khai. Nami dow Kanan pren kowi hamüt ning Abraham uowi kung kowi kowh phaw mih chekhai.4Abram hown taphua taiua kung kowi Hagar dow kum nau khai bowt. Hagar dow Sara kowh narma taih chowdiah. Nachenganchepaw aia kum nau mih tatuk hanow aia dow Sara kowi nüah klowkah dowi bowt.5Nami tuk hanow Sara tek pe Abram mih, “Hagar nü ang klowk ang dowi mih dow en rakowi chekhai. Aia tut-e dow ang chowdiah kowchin en. Tawkchedow aia kum nau mih tatuk hanow aia mih nü ang klowk ang dowi bowt chekhai. CHAKRAMANG mih achi pre ia kowi mia chow tawi mih pacham chet achi tara lah,” pape khai.6Nakhowk khe Abram tek pe Sara mih, “Sünta, en kowh narma dow en low kowi kowh uowi mih chowtaih, aia luk kowi dow en kow kowi iung iawng en nowng chang chekhai,” pape khai. Nahanow Sara dow Hagar kowi lainowmma changah anowng apowng khai bowt. Naiawng rakowi Hagar mih Sara hownia cham powt khai.7Nahanow Hagar dow süngrüp süngkangma kowi kowh tuikuam ria kowi kowtowm khai. Nami tuikuam dow Sur pami arah pra kowh mangla mih tiaprek re-e chekhai. Nami re-e CHAKRAMANG kowh kramamu mih aia tut-e uang tatüng pe khai.8Kramamu tek pe mih, “Sara kowh narma Hagar, tawng hownia chow en uang, now tawng chow en cham kowi?” pakhai.
Now Hagar klangah mih, “Ang dow Sara kowh narma. Sara hownia ang powt mih chowbowt,” pape khai.9Nami laiklow tata now CHAKRAMANG kowh kramamu tek pe mih, “En kim iah masi tut-e kowplan hanow aia low kowi kowuowi iawk diah.10En krungchakuüa kowi ahuma ang nape prungah kown; amatni dow nowng rüaah dowi mowr nakawm kown.11Sünta, en kum nau khai bowt. En mih napen chapa lowk ia kown. Aming dow Ismael en narük pe kown. (Nami auan dow ‘Thurai ta reng’ pami chekhai). Tawngplawng kowchow panow en krat pusa mih khin khe en kowh kar klow mih CHAKRAMANG sünta en chekhai.12Nachenganchepaw en kowh chapa dow kaurawng kawrngaramchük iawng angakma naown kown; aia dow maru maten kowi nakrawi chang ransu kown, now maru maten mih aia kowi nanüla ransu kown. Aia tasin taken miuüa hownia aia dow alakma kowi nalang uowi kown,” pape khai.13Nami ta hanow Hagar tatuak mih, “Ming ang khet ang reng mih kowi ang khi ching mih chowbowt bow?” pakhai. Now aia hown kowh taklang mih CHAKRAMANG kowi Hagar rük pe ming mih, “En dow ming ang khet ang reng mih Thurai,” pakhai.14Naiawng rakowi nami tuikuam kowi dow Birlahai-Rawi pahai chap pe ming khai. (Nami auan dow “Khi ang mih masing Thurai kowh tuikuam” pami chekhai). Nami dow Kades marow hai Bered süng takra kowi chekhai.15Nami kung kowi dow Hagar mih pen chapa lowk ia khai, now achapa ming dow Ismael pahai Abram rük pe khai.16Ismael uang dia mih khin khe Abram dow 86 ning chekhai.
The Seed Company