Ezra9
1Naiawngün lup ki changta bowk kung kowi Israel aluchowuüa uangah hanow tek ang mih, “Israeluüa, uamowuüa hai Leviuüa dow nami pren kowi kowh uowi mih akeng chenchapuüa hownia kowmatia kowi lang takra dowi. Amatni dow nakowi kowh Kananuüa, Hituüa, Perizuüa, Jebusuüa, Amawnuüa, Moabuüa, Aiguptauüa hai Amawruüa iawng suiiai kaniaima mih lup tawi chang büah khai.2Israeluüa dow amatni hai amatni kowh chapauüa vüi naiawngün maru-uüa kowh chamauüa kowi changla masi kownkow pawah khai. Naiawng kaah sakowm dowi mih lup lang chang hu mih dow aluchowuüa hai maru iukuüa chekhai. Naiawng hai Israeluüa dow amatni kowh chimsaima mih chenchap kowi naiawngün akeng mih chenchapuüa hown tasür talawk büah khai,” pakhai.3Nami laiklow ang tata hanow nowm nowm ang sak piak khai. Naiawng rakowi ang khupah mih tawnguat dow ang thekta khai, now ang kowh sam hai mawmpawi ün khaita hanow amawlawma ang chowm phulu khai.4Naiawng hai sat kup khe kowh phuchua chang khin mowr pat amawlawma ang chowm khai. Nakhowk khe Israeluüa pungmadawng kowi Thurai laiklow kowi kram miuüa dow ang re-e uang takua talawm khai. Tawngplawng kowchow panow Babulawn pren kowi cham takhangra hownia kowh uang lawt miuüa dow kaah sakowm dowi chekhai.5Now sat kup khe kowh phuchua khin khe dow sak piak kowh ang chowm phulu mih hownia ang awr rü khai. Now atheknama mih tawnguat khupma hown ang tua kung khai, now CHAKRAMANG ang kowh Thurai tut-e ang awr iaw rut se ang chup Thurai khai.6Ang awr tek mih,
“Aw ang kowh Thurai, en prakowi awr tau kown mih nowm nowm ang rukrai khai bowt. Tawngplawng kowchow panow anging dow nowm nowm changta angak khai. Nami angak dow anging lu kowi püt khai bowt; anging kowh aprek dow mukuang kowi pat ting khai bowt.7Anging pipu-uüa chowng hownia kawmat mowr kowi anging changta angak mih dow nowm nowm hu khai bowt. Anging, anging kowh manguüa hai anging kowh uamowuüa kowi akeng prenchak manguüa rut kowi ap anging mih dow anging kowh angak rakowi chekhai. Amatni dow anging kowh maru-uüa tawngbak mih kowi saita ün khai, tawngbak mih kowi khümla ün khai, dawngthawnguan ün pawla khai, now lainowmma pela anging rukrai büah khai. Anging dow kawmat paw naiawng chowreng tak chekhai.8“Nachenganchepaw CHAKRAMANG anging kowh Thurai dow khin nawngchow vüi saksing sana anging khai. Anging kowi dow en pe sing anging sangrum khai, now en kowh chimsaima mih pren kowi anikma mih uowi rah en pe anging khai. Naiawng hai anging kowh Thurai dow plan pe anging awmrawmra khai, now anging cham uowi nar mih hownia uang lawtla anging khai.9Anging cham uowi nar chepaw anging kowh Thurai dow müta anging hüah dowi chekhai. En dow en kowh achur uowi dowi mih sakraura tüng anging reng chekhai. En dow Persia pren manguüa kowi nasaksing nasanala anging kown mih saktuak en peah khai. Anging kowi dow en kowh kim naia thawpla kownkow hai piak mih arah maten naia rawla kownkow en pe sing anging khai. Now Juda pren hai Jerusalem marow kowi athaulangma en pe uowi anging khai.10“Aw anging kowh Thurai, kawmat tawng chow anging natek en bowt kown? Anging vüi naiawng khowt en chang khowk chepaw en kowh alow pek dow anging nuata khai iawk.11En kowh nar risiuüa kowi kowh en peah mih alow pek lawnguan kowi amatni tek anging mih, ‘Enni nakowpowngah kown mih pren dow nakowi kowh uowi miuüa asürlawkma rakowi tawi tasür talawk khai bowt. Amatni kowh suiiai kaniaima mih lup rakowi pren paprenma dow hing tasür talawk khai bowt.12Naiawng rakowi enni kowh chamauüa kowi amatni kowh chapauüa hown hangkow pe tachawngah diah. Enni kowh chapauüa kowi paw amatni kowh chamauüa hown hangkow pe tachawngah diah. Amatni thaulang müa hai iung müa ün tawngpaw hangkow chang pe büa diah. Naiawng che enni chün hanow enni nakür kown, pren kowi kowh aiung aiungma mih luprak enni naka cha kown, now chowngchowng saksakma vüi dawngthawnguan iawng hai pren dow enni kowh chauüa kowi enni naia apla kown towbowt,’ pape khai.13“Anging luk kowi naiawng ripra uang ting mih dow anging kowh lup ngak hu lai bowt rakowi chekhai. Aw anging kowh Thurai, anging changta lup ngak khowt en pe anging ripra dowi chekhai, now anging kowh maru-uüa kowi dow en pe singah ne tak chekhai.14Naiawng chepaw en kowh ana pek chün dowi kowi suiiai kaniaima mih lup chang mih maru-uüa hown anging plan tachawng iawk kown ü? Naiawng che anging chang hanow nowm nowm en nakunmarau anging kown. Nahanow en napiakta anging kown, now mia kowi paw en nape sing anging kown nadowi.15Aw CHAKRAMANG Israeluüa kowh Thurai, en dow achinawmma chekhai. Tawngplawng kowchow panow anging dow ani mowr pat ta sing ne tak chekhai. Anging kowh angak dow en pur kowi anging uang taphuang khowk. Anging pungmadawng kowi dow en pur kowi naiowng kown mih miapaw tataing dowi chekhai,” pakhai.
“Aw ang kowh Thurai, en prakowi awr tau kown mih nowm nowm ang rukrai khai bowt. Tawngplawng kowchow panow anging dow nowm nowm changta angak khai. Nami angak dow anging lu kowi püt khai bowt; anging kowh aprek dow mukuang kowi pat ting khai bowt.7Anging pipu-uüa chowng hownia kawmat mowr kowi anging changta angak mih dow nowm nowm hu khai bowt. Anging, anging kowh manguüa hai anging kowh uamowuüa kowi akeng prenchak manguüa rut kowi ap anging mih dow anging kowh angak rakowi chekhai. Amatni dow anging kowh maru-uüa tawngbak mih kowi saita ün khai, tawngbak mih kowi khümla ün khai, dawngthawnguan ün pawla khai, now lainowmma pela anging rukrai büah khai. Anging dow kawmat paw naiawng chowreng tak chekhai.8“Nachenganchepaw CHAKRAMANG anging kowh Thurai dow khin nawngchow vüi saksing sana anging khai. Anging kowi dow en pe sing anging sangrum khai, now en kowh chimsaima mih pren kowi anikma mih uowi rah en pe anging khai. Naiawng hai anging kowh Thurai dow plan pe anging awmrawmra khai, now anging cham uowi nar mih hownia uang lawtla anging khai.9Anging cham uowi nar chepaw anging kowh Thurai dow müta anging hüah dowi chekhai. En dow en kowh achur uowi dowi mih sakraura tüng anging reng chekhai. En dow Persia pren manguüa kowi nasaksing nasanala anging kown mih saktuak en peah khai. Anging kowi dow en kowh kim naia thawpla kownkow hai piak mih arah maten naia rawla kownkow en pe sing anging khai. Now Juda pren hai Jerusalem marow kowi athaulangma en pe uowi anging khai.10“Aw anging kowh Thurai, kawmat tawng chow anging natek en bowt kown? Anging vüi naiawng khowt en chang khowk chepaw en kowh alow pek dow anging nuata khai iawk.11En kowh nar risiuüa kowi kowh en peah mih alow pek lawnguan kowi amatni tek anging mih, ‘Enni nakowpowngah kown mih pren dow nakowi kowh uowi miuüa asürlawkma rakowi tawi tasür talawk khai bowt. Amatni kowh suiiai kaniaima mih lup rakowi pren paprenma dow hing tasür talawk khai bowt.12Naiawng rakowi enni kowh chamauüa kowi amatni kowh chapauüa hown hangkow pe tachawngah diah. Enni kowh chapauüa kowi paw amatni kowh chamauüa hown hangkow pe tachawngah diah. Amatni thaulang müa hai iung müa ün tawngpaw hangkow chang pe büa diah. Naiawng che enni chün hanow enni nakür kown, pren kowi kowh aiung aiungma mih luprak enni naka cha kown, now chowngchowng saksakma vüi dawngthawnguan iawng hai pren dow enni kowh chauüa kowi enni naia apla kown towbowt,’ pape khai.13“Anging luk kowi naiawng ripra uang ting mih dow anging kowh lup ngak hu lai bowt rakowi chekhai. Aw anging kowh Thurai, anging changta lup ngak khowt en pe anging ripra dowi chekhai, now anging kowh maru-uüa kowi dow en pe singah ne tak chekhai.14Naiawng chepaw en kowh ana pek chün dowi kowi suiiai kaniaima mih lup chang mih maru-uüa hown anging plan tachawng iawk kown ü? Naiawng che anging chang hanow nowm nowm en nakunmarau anging kown. Nahanow en napiakta anging kown, now mia kowi paw en nape sing anging kown nadowi.15Aw CHAKRAMANG Israeluüa kowh Thurai, en dow achinawmma chekhai. Tawngplawng kowchow panow anging dow ani mowr pat ta sing ne tak chekhai. Anging kowh angak dow en pur kowi anging uang taphuang khowk. Anging pungmadawng kowi dow en pur kowi naiowng kown mih miapaw tataing dowi chekhai,” pakhai.
The Seed Company