Ezra6
1Now Thurai chup kim thawp lawnguan kowi kowh arui uowi mih charam nakrawi cham kownkow mang Darius mih lawt ana khai. Naiawng rakowi aia kowh maru-uüa dow Babulawn pren kowi manguüa kowh charam towk rah kowi nami charam kowkrawi cham khai.2Nahanow amatni dow Babulawn pren kowi kowh Mediauüa kowh Ekbatana pami marow kri kowi tuata hüah mih charam kowka lowk khai. Nami charam kowi arui uowi mih dow maiawng: Ana pek mat müa charam.3“Mang Kuras uown chowm mang mih ning khe aia dow Jerusalem marow kowi kowh Thurai chup kim thawp lawnguan kowi maiawng lawt ana khai: Nachangla tawncher phuchua kownkow Thurai chup kim mih pacham thawp iawk lah. Nami Thurai chup kim dow akhawtma pacham thawpah lah. Nami kim dow akro hai adowng phia 60 muk chi pacham thawpah lah.4Nami kim ping müa dow aiuk aiukma mih hua sum tan mih luk kowi pacham tow pe singh patan chi lah. Nami kim chang charek maten dow mang hownia pacham peah lah.5Nami klen kowi Jerusalem marow kowi kowh Thurai chup kim hownia Babulawn pren kowi mang Nebuknezar uang pawla mih kuh hai tai hown kowh uanh maten paw Jerusalem kowi kowh Thurai chup kim kowi atowk rah kowi pacham towah iawk lah,” pakhai.6Nakhowk khe mang Darius dow uang krawi sak pe cha miuüa kowi maiawng krawi plan rui pe chasak khai,
“Iufratis aw satkup pra kowh pren kruitown mih Tatenai, Sethar-Bozenai hai maru iukuüa low, enni mih kawmat nami Thurai chup kim hownia cham lang tahen büa diah.7Nami Thurai chup kim lup chang kowi hangkow tawi hang büah. Judauüa kowh kruitown mih hai amatni kowh lawngtang aluchowuüa mih alai kowh Thurai chup kim nam kowi pacham thawp Thurai chup kim iawk lah.8Nami klen kowi Judauüa kowh lawngtang aluchowuüa kowi nami Thurai chup kim chang enni natawi khowngah kownkow ang krawi pe enni ana chekhai. Nami lup nataing dowi kownkow nami lup chang miuüa kowi achima enni napeah charek reng kown takla. Nami charek dow Iufratis aw satkup pra kowh uowi miuüa mangmu hownia enni napeah kown.9Mukuang Thurai vüi nachangla tikah mih uanap kownkow Jerusalem marow kowi kowh uamowuüa kowi chiala powrchow, ruapurla, ruapur chah, püm, awisa, grep tui, sau hai lakke takla mih maten enni napeah kown takla. Naiawngün dow ni towng amatni lakke mowr chi enni napeah ngengche kown takla.10Mukuang Thurai awmrawmla iawng naia changla uanap pawi büah kownkow hai mang hai mang chapauüa iung müa vüi naia chupla Thurai büah kownkow naiawng enni natawi khowngah kown.11Nami klen kowi mami ang kowh ana pek chün dowi mih maru kowi dow nakowngta kown. Aia kowi dow aia kim kowi kowh klowng nachemah papra hanow taplawn pat nasawtah kown. Ang kowh ana pek chün dowi rakowi nami maru kowh kim dow mawngchawng kuakra nachangla pe kown.12Lowra mih mang hai lowra mih chenchap pana lah, mami ana pek chün dowi kowi Jerusalem marow kowi kowh nami Thurai chup kim piakta kown kamrüt khai hanow nami maru kowi dow nami Thurai chup kim kowi kowh uowi mih Thurai pacham piakah lah. Mami ana dow ang Darius hownia kowh pe mih chekhai. Mami ana dow enni nachünah kaneu kown takla,” pakhai.13Naiawng chasak hown mang Darius uang krawi pe ana mih khita hanow Iufratis aw satkup pra kowh pren kruitown mih Tatenai, Sethar-Bozenai hai nakowi kowh maru iukuüa dow nami ana pek mih kaneuma chünah khai.14Judauüa kowh lawngtang aluchowuüa dow thawp Thurai chup kim rengreng khai, now amatni dow Risi Hagai hai Ido krungchak Zekaria iüah Thurai lai hown peah süngürra mih hownia lang süngür ngamlam khai. Naiawng rakowi lawngtang aluchowuüa kowh dow lup chang uang chawn ngamlam khai. Nahanow amatni dow Israeluüa kowh Thurai ana pek, Persia mang Kuras kowh ana pek, mang Darius kowh ana pek hai Artazerzes kowh ana pek iawng nami Thurai chup kim thawp churta khai.15Nami Thurai chup kim thawp chur mih dow mang Darius chowm mang mih taruk ning khe sum la kowi kowh sum ni khe chekhai.16Nami kung kowi dow uamowuüa, Leviuüa hai cham takhangra hownia kowh uang plan mih Israeluüa maten apiawma hown ap Thurai chup kim khai.17Ap Thurai chup kim mih khin khe amatni dow chiala 100 pum, ruapurla 200 pum hai ruapur chah 400 pum hown chang phuchua büah khai. Nami klen kowi Israeluüa maten kowh angak lawt lük müa paw amatni krungchakuüa uowi iawng ruala 12 pum hown chang phuchua büah khai.18Now Mosi rirow bowih kowi arui uowi iawng Jerusalem marow kowi kowh Thurai chup kim kowi nachang lup kownkow uamowuüa hai Leviuüa kowi athum athumchow bakah khai.19Babulawn pren kowi cham takhangra hownia kowh uang plan mih maru maten dow lacher laitali ni mih ni khe sun Takat Pawi khai bowt.20Nakhowk khe uamowuüa hai Leviuüa dow amatni kowh lup naia changla kownkow tachim tasai büah khai. Now amatni dow amatni matia vüi, cham takhangra hownia kowh uang plan mih maten vüi hai akeng mih uamowuüa vüi Takat Pawi vüi kowi kowh tawncher mih ngen büah khai.21Nakhowk khe Babulawn pren hownia kowh uang plan mih Israeluüa maten Takat Pawi kowi kowh chakkham ahawmsang taiua cha büah khai. Nakhowk khe akeng pren hownia uang tawi miuüa maten paw nami Takat Pawi kowi kowh chakkham tawi cha khai; amatni dow CHAKRAMANG Israeluüa kowh Thurai nau iawng nauowi kown nau kowh asürlawkma mih akeng chenchapuüa hownia lang takra mih maten chekhai.22Amatni dow apiawma hown ranit ni mowr The pe tuah dowi mih kawm Pawi sun büah khai. Israel kowh Thurai mih nami Thurai chup kim lup kowi pacham tawi khowngah lah pakowh CHAKRAMANG dow Asuria pren mang kowi uang peah saktuak khai. Naiawng rakowi Israeluüa dow lainowmma awmrawm khai.
“Iufratis aw satkup pra kowh pren kruitown mih Tatenai, Sethar-Bozenai hai maru iukuüa low, enni mih kawmat nami Thurai chup kim hownia cham lang tahen büa diah.7Nami Thurai chup kim lup chang kowi hangkow tawi hang büah. Judauüa kowh kruitown mih hai amatni kowh lawngtang aluchowuüa mih alai kowh Thurai chup kim nam kowi pacham thawp Thurai chup kim iawk lah.8Nami klen kowi Judauüa kowh lawngtang aluchowuüa kowi nami Thurai chup kim chang enni natawi khowngah kownkow ang krawi pe enni ana chekhai. Nami lup nataing dowi kownkow nami lup chang miuüa kowi achima enni napeah charek reng kown takla. Nami charek dow Iufratis aw satkup pra kowh uowi miuüa mangmu hownia enni napeah kown.9Mukuang Thurai vüi nachangla tikah mih uanap kownkow Jerusalem marow kowi kowh uamowuüa kowi chiala powrchow, ruapurla, ruapur chah, püm, awisa, grep tui, sau hai lakke takla mih maten enni napeah kown takla. Naiawngün dow ni towng amatni lakke mowr chi enni napeah ngengche kown takla.10Mukuang Thurai awmrawmla iawng naia changla uanap pawi büah kownkow hai mang hai mang chapauüa iung müa vüi naia chupla Thurai büah kownkow naiawng enni natawi khowngah kown.11Nami klen kowi mami ang kowh ana pek chün dowi mih maru kowi dow nakowngta kown. Aia kowi dow aia kim kowi kowh klowng nachemah papra hanow taplawn pat nasawtah kown. Ang kowh ana pek chün dowi rakowi nami maru kowh kim dow mawngchawng kuakra nachangla pe kown.12Lowra mih mang hai lowra mih chenchap pana lah, mami ana pek chün dowi kowi Jerusalem marow kowi kowh nami Thurai chup kim piakta kown kamrüt khai hanow nami maru kowi dow nami Thurai chup kim kowi kowh uowi mih Thurai pacham piakah lah. Mami ana dow ang Darius hownia kowh pe mih chekhai. Mami ana dow enni nachünah kaneu kown takla,” pakhai.13Naiawng chasak hown mang Darius uang krawi pe ana mih khita hanow Iufratis aw satkup pra kowh pren kruitown mih Tatenai, Sethar-Bozenai hai nakowi kowh maru iukuüa dow nami ana pek mih kaneuma chünah khai.14Judauüa kowh lawngtang aluchowuüa dow thawp Thurai chup kim rengreng khai, now amatni dow Risi Hagai hai Ido krungchak Zekaria iüah Thurai lai hown peah süngürra mih hownia lang süngür ngamlam khai. Naiawng rakowi lawngtang aluchowuüa kowh dow lup chang uang chawn ngamlam khai. Nahanow amatni dow Israeluüa kowh Thurai ana pek, Persia mang Kuras kowh ana pek, mang Darius kowh ana pek hai Artazerzes kowh ana pek iawng nami Thurai chup kim thawp churta khai.15Nami Thurai chup kim thawp chur mih dow mang Darius chowm mang mih taruk ning khe sum la kowi kowh sum ni khe chekhai.16Nami kung kowi dow uamowuüa, Leviuüa hai cham takhangra hownia kowh uang plan mih Israeluüa maten apiawma hown ap Thurai chup kim khai.17Ap Thurai chup kim mih khin khe amatni dow chiala 100 pum, ruapurla 200 pum hai ruapur chah 400 pum hown chang phuchua büah khai. Nami klen kowi Israeluüa maten kowh angak lawt lük müa paw amatni krungchakuüa uowi iawng ruala 12 pum hown chang phuchua büah khai.18Now Mosi rirow bowih kowi arui uowi iawng Jerusalem marow kowi kowh Thurai chup kim kowi nachang lup kownkow uamowuüa hai Leviuüa kowi athum athumchow bakah khai.19Babulawn pren kowi cham takhangra hownia kowh uang plan mih maru maten dow lacher laitali ni mih ni khe sun Takat Pawi khai bowt.20Nakhowk khe uamowuüa hai Leviuüa dow amatni kowh lup naia changla kownkow tachim tasai büah khai. Now amatni dow amatni matia vüi, cham takhangra hownia kowh uang plan mih maten vüi hai akeng mih uamowuüa vüi Takat Pawi vüi kowi kowh tawncher mih ngen büah khai.21Nakhowk khe Babulawn pren hownia kowh uang plan mih Israeluüa maten Takat Pawi kowi kowh chakkham ahawmsang taiua cha büah khai. Nakhowk khe akeng pren hownia uang tawi miuüa maten paw nami Takat Pawi kowi kowh chakkham tawi cha khai; amatni dow CHAKRAMANG Israeluüa kowh Thurai nau iawng nauowi kown nau kowh asürlawkma mih akeng chenchapuüa hownia lang takra mih maten chekhai.22Amatni dow apiawma hown ranit ni mowr The pe tuah dowi mih kawm Pawi sun büah khai. Israel kowh Thurai mih nami Thurai chup kim lup kowi pacham tawi khowngah lah pakowh CHAKRAMANG dow Asuria pren mang kowi uang peah saktuak khai. Naiawng rakowi Israeluüa dow lainowmma awmrawm khai.
The Seed Company