Ezra5
1Nami khin khe risi Hagai hai Ido krungchak risi Zekaria iüah mih Israeluüa kowh Thurai ming hown Juda pren kowi kowh akeng mih marow hai Jerusalem marow kowi kowh Judauüa tut-e kowtek Thurai lai khai.2Nami risi pre ia laiklow tata hanow Sealtiel kowh chapa Zerubabel hai Jozadak kowh chapa Jesua iüah mih Jerusalem marow kowi kowh Thurai chup kim chang plan tarowng khai iawk. Nakhowk khe nami risi pre ia paw amatni kowi tawi khowngah khai.3Nami khin khe Iufratis aw satkup pra kowh pren kruitown mih Tatenai, Sethar-Bozenai hai akeng mih maru iukuüa dow Judauüa tut-e uang khai. Now Judauüa kowi amatni uang lüntaah mih, “Nathawp Thurai chup kim iawk kown mih ana mia chow pe enni?4Mami kim chang miuüa ming maten tek anging madiah,” pakhai.5Nachenganchepaw Judauüa kowh lawngtang aluchowuüa prakowi Thurai mih pela ching reng chekhai. Naiawng rakowi mang Darius tut-e chasak kowting dowi mowr, now Darius hownia kowh chasak plan uang ting dowi mowr dow Persia pren aluchowuüa mih Judauüa kowi nami kim chang taingta pe dowi chekhai.6Mang Darius tut-e Iufratis aw satkup pra kowh pren kruitown mih Tatenai, Sethar-Bozenai hai akeng mih maru iukuüa krawi rui pe chasak mih dow maiawng chekhai,
“Aw mangkri Darius, aiungma en pacham uowi reng lah!8“Aw mangkri, en pacham tuk lah pakowh mami chasak anging uang krawi sak en mih chekhai. Juda pren kowi kowh lang kri lang kraing mih Thurai chup kim kowi anging kowkowi chowdiah. Nakhowk khe maru kawmuüa mih aiuk aiukma mih hua hown thawp Thurai chup kim thüm, now kimbang luk kowi klowng paw tangta büah khowk chekhai. Nami Thurai chup kim dow towsakma hown thawpah büah khai, now nami lup dow chawn paw chawn khai.9“Nakhowk khe, ‘Nami Thurai chup kim naplan chang iawk kown mih ana mia chow pe enni,’ padow lawngtang aluchowuüa kowi anging lüntaah khai.10Amatni kowi naiawng anging lüntaah mih dow amatni kowh aluchowuüa ming anging nauang tek en kownkow chekhai.11“Nakhowk khe amatni klang anging mih, ‘Anging dow mukuang pren hai lusa thawp mih Thurai kowh naruüa chekhai. Alai kowh anging pipu-uüa chowng khe Israel manguüa pungmadawng kowi lang kri lang kraing mih mang uowi lowk ia. Nami mang mih aia chowng khe thawpla Thurai chup kim lowk. Kawmat kowh mami Thurai chup kim anging thawp mih dow nami chekhai.12Nachenganchepaw nakhowk khe kowh anging pipu-uüa dow mukuang Thurai kowi towkah kunmarau khai. Naiawng rakowi amatni kowi dow Babulawn pren mang Kaldai chenchap Nebuknezar rut kowi Thurai ap-ah khai. Nami khin khe Nebuknezar mih mami Thurai chup kim piakta naknak khai, now maru kawmuüa kowi dow khümla now Babulawn pren kowi pawla khai.13Nachenganchepaw Babulawn pren kowi Kuras uown chowm mang mih ning khe aia dow mami Thurai chup kim naplan thawp kownkow pe anging ana khai.14Nami klen kowi Jerusalem marow kowi kowh Thurai chup kim hownia Nebuknezar pawla mih kuh hai tai hown kowh uanh maten paw aia mih Babulawn pren kowi kowh akeng thuraiuüa chup kim hownia lawtta khai. Now naiawngün uanh dow mang Kuras mih Juda pren kruitown mih Sesbazar rut kowi peah khai.15Aia kowi dow Jerusalem marow kowi alai kowh Thurai chup kim nam kowi naplan thawp Thurai chup kim iawk kownkow mang Kuras tek pe khai, now naiawngün uanh mih nami Thurai chup kim kowi natowah kownkow tek pe khai.16Naiawng rakowi Sesbazar dow Jerusalem marow kowi uangah now uang uown phük Thurai chup kim kimchüng khai. Nami ni hownia ani mowr pat nami Thurai chup kim lup dow chang reng tak, now kawmat pat chur dowi tak chekhai,’ pakhai.17“Naiawng rakowi aw mangkri, Jerusalem kowi kowh mami Thurai chup kim nathawp kown mih ana charam mang Kuras pe nowm chünchü mih en che tuk kown nau hanow Babulawn manguüa lawnguan kowi arui uowi mih chabowih towk rah kim kowi en naia mü kown. Nami kung kowi nami lawnguan kowi tawng iawng chow en ka tuak mih uang krawi phowk anging diah,” pakhai.
“Aw mangkri Darius, aiungma en pacham uowi reng lah!8“Aw mangkri, en pacham tuk lah pakowh mami chasak anging uang krawi sak en mih chekhai. Juda pren kowi kowh lang kri lang kraing mih Thurai chup kim kowi anging kowkowi chowdiah. Nakhowk khe maru kawmuüa mih aiuk aiukma mih hua hown thawp Thurai chup kim thüm, now kimbang luk kowi klowng paw tangta büah khowk chekhai. Nami Thurai chup kim dow towsakma hown thawpah büah khai, now nami lup dow chawn paw chawn khai.9“Nakhowk khe, ‘Nami Thurai chup kim naplan chang iawk kown mih ana mia chow pe enni,’ padow lawngtang aluchowuüa kowi anging lüntaah khai.10Amatni kowi naiawng anging lüntaah mih dow amatni kowh aluchowuüa ming anging nauang tek en kownkow chekhai.11“Nakhowk khe amatni klang anging mih, ‘Anging dow mukuang pren hai lusa thawp mih Thurai kowh naruüa chekhai. Alai kowh anging pipu-uüa chowng khe Israel manguüa pungmadawng kowi lang kri lang kraing mih mang uowi lowk ia. Nami mang mih aia chowng khe thawpla Thurai chup kim lowk. Kawmat kowh mami Thurai chup kim anging thawp mih dow nami chekhai.12Nachenganchepaw nakhowk khe kowh anging pipu-uüa dow mukuang Thurai kowi towkah kunmarau khai. Naiawng rakowi amatni kowi dow Babulawn pren mang Kaldai chenchap Nebuknezar rut kowi Thurai ap-ah khai. Nami khin khe Nebuknezar mih mami Thurai chup kim piakta naknak khai, now maru kawmuüa kowi dow khümla now Babulawn pren kowi pawla khai.13Nachenganchepaw Babulawn pren kowi Kuras uown chowm mang mih ning khe aia dow mami Thurai chup kim naplan thawp kownkow pe anging ana khai.14Nami klen kowi Jerusalem marow kowi kowh Thurai chup kim hownia Nebuknezar pawla mih kuh hai tai hown kowh uanh maten paw aia mih Babulawn pren kowi kowh akeng thuraiuüa chup kim hownia lawtta khai. Now naiawngün uanh dow mang Kuras mih Juda pren kruitown mih Sesbazar rut kowi peah khai.15Aia kowi dow Jerusalem marow kowi alai kowh Thurai chup kim nam kowi naplan thawp Thurai chup kim iawk kownkow mang Kuras tek pe khai, now naiawngün uanh mih nami Thurai chup kim kowi natowah kownkow tek pe khai.16Naiawng rakowi Sesbazar dow Jerusalem marow kowi uangah now uang uown phük Thurai chup kim kimchüng khai. Nami ni hownia ani mowr pat nami Thurai chup kim lup dow chang reng tak, now kawmat pat chur dowi tak chekhai,’ pakhai.17“Naiawng rakowi aw mangkri, Jerusalem kowi kowh mami Thurai chup kim nathawp kown mih ana charam mang Kuras pe nowm chünchü mih en che tuk kown nau hanow Babulawn manguüa lawnguan kowi arui uowi mih chabowih towk rah kim kowi en naia mü kown. Nami kung kowi nami lawnguan kowi tawng iawng chow en ka tuak mih uang krawi phowk anging diah,” pakhai.
The Seed Company