Ezra4
1Babulawn prenchakuüa khümla mih hownia uang plan miuüa dow CHAKRAMANG Israeluüa kowh Thurai vüi plan tarowng thawp Thurai chup kim khai. Nami satang dow Judauüa hai Benjamin maru-uüa kowh ransu-uüa mih tawi ta khai.2Naiawng rakowi ransu-uüa dow Zerubabel hai krungchak aluchowuüa tut-e kowkowi hanow tek pe mih, “Anging paw enni hown tawi taiua chang Thurai chup kim kown. Tawngplawng kowchow panow makowi Asuria pren mang Esarhadawn uang pawla anging hownia now anging paw enni chupiiaah mih Thurai kowi tawi chupiia reng, now Thurai vüi tawncher phuchua paw anging chang reng chekhai,” pakhai.3Nachenganchepaw Zerubabel, Jesua hai Israel krungchak aluchowuüa tek pe amatni mih, “Anging kowh Thurai vüi nathawp Thurai chup kim kown mih kowi tawngpaw enni tawi chang lakke dowi. Nami Thurai chup kim dow Persia pren mang Kuras ana pek iawng CHAKRAMANG Israeluüa kowh Thurai vüi anging ngetchow taih nathawp kown,” pape khai.4Nakhowk khe nami pren kowi kowh uowi mih akeng chenchapuüa dow nami Thurai chup kim thawp pacham taingta lah pakowh Juda maru-uüa kowi piakta pe süngürra khai, now krawkah büah khai.5Naiawngün ransu-uüa dow Persia pren mang kowh maru iukuüa kowi peah bümsua hanow Juda-uüa kowh kamrütra mih taingta pe khai. Naiawng hai amatni dow Persia pren kowi Kuras chowm mang khe hai Darius chowm mang khe naiawng chang büah chekhai.6Mang Darius chapa Ahasuer uown chowm mang mih khin khe naiawngün ransu-uüa dow Juda hai Jerusalem maru-uüa kowi kingküala kownkow mang tut-e rui chasak lowk khai.7Nami akrama kung kowi mang Ahasuer chapa Artazerzes chowm mang mih khin khe paw Bislam, Mithredat, Tabel hai amatni kowh auiuauüa mih mang tut-e plan rui pe chasak lowk khai. Nami chasak dow Aramaik lai hown amatni ruiah khai, now akung kowi dow mang natuktala kownkow plan pe büah khai.8Kruitown mih Rehum hai cha rui mih Simsai iüah dow Jerusalem marow kowi kingküala mih lawnguan mang Artazerzes tut-e rui chasak khai.9Amatchi ruiah mih chasak kowi tawi tangi miuüa dow tara chet miuüa, aluchowuüa, maru iukuüa, Erekuüa, Babulawnuüa, Susa marow kowi kowh Elamuüa,10now Samari marow hai Iufratis aw satkup pra kowh süng kowi kowh ringkaw uowima mih Asurbanipal towah mih maru-uüa chekhai.11Nami chasak kowi kowh arui uowi mih dow maiawng,
“Artazerzes mangkri.
“Auown kowi anging rik chup en. Anging dow Iufratis aw satkup prakowi kowh uowi mih en kowh naruüa chekhai.12Anging pe tuk en kown mih lawnguan uowi ne. En pren hownia kowh uang lawt mih Jihudiuüa Jerusalem marow kowi uang uowi büah khai, now amatni dow kingküa dawma hai angakma mih marow plan thawp büah khai. Nami marow kowi kowh achüng hai tap ün paw plan raw büah khai iawk.13Nami marow hai tap ki thawpta bowk khe dow amatni mih tawng iawng mih mangmu paw nape en kown nadowi pami anging pe tuk pe ta en kown nau. Naiawng amatni pe mangmu dowi hanow mang kowh tangka pawisa kakra tia dow napiak kown.14“Anging dow en nimkrüa kowi kowh uowi mih maru-uüa chekhai. En luk kowi naiawng rukraira uang ting kown mih anging nau dowi. Naiawng rakowi naiawngün laiklow anging uang krawi phowng en khai.15En kowh pipu-uüa ruila mih bowih kowi Jerusalem marow lawnguan nakrawi cham kownkow anging nau en khai. Nahanow nami bowih kowi dow Jerusalem marow kingküa dawma mih lawnguan en nakhi kown. Nami klen kowi achük alai hownia manguüa hai pren kruitown miuüa kowi nami marow kingküa reng mih lawnguan paw en nakhi kown taih. Nami marow piakta mih dow naiawng rakowi chekhai.16Nami Jerusalem marow hai tap che amatni ki thawpta khowk hanow Iufratis aw satkup pra kowh süng ün en namata kown towbowt pami anging pe tuk en kown nau,” pakhai.17Mang Artazerzes krawi rui pe chasak mih dow maiawng,
“Kruitown mih Rehum, mang kowh cha rui mih Simsai, now Samari marow kowi kowh maru-uüa hai Iufratis aw satkup prakowi kowh maru-uüa, enni bowkbowk kowi ang chup enni.18Enni uang krawi sak ang mih cha dow achima phat ang khowk.19Jerusalem marow lawnguan kowi nakrawi lünta kownkow ang kowh maru-uüa kowi ang peah ana khowk. Nahanow nami marow dow achük alai hownia manguüa kowi kingküaah reng pami ang tuk khowk. Nakowi kowh maru-uüa dow lai üa kürma kangowh chekhai.20Akürma mih manguüa dow Jerusalem marow kowi uowi büah khai. Nami marow hownia amatni dow Iufratis aw satkup pra kowh arah maten kruitown büah khai. Nakowi kowh maru-uüa dow naiawngün manguüa kowi lowra mih mangmu peah reng chekhai.21“Ang peah ana dowi matchang nami marow amatni naia thawp kown nadowi. Naiawng rakowi amatni kowh lup nataingta kownkow kawmat kowtek pe büa diah.22Nami lawnguan kowi mapaw hangkow nawknai büa diah. Ang napiak kown mih mapaw ang nau dowi,” pakhai.23Mang Artazerzes kowh chasak dow Rehum, Simsai hai amatchi kowh maru iukuüa kowi phat pe khai. Nami tata hown krowksang amatni dow Jerusalem marow kowi kowh Jihudiuüa tut-e kowkowi khai, now Jihudiuüa kowh lup dow kür hown kowtaingta pe büah khai.24Naiawng hai Jerusalem marow kowi kowh Thurai chup kim thawp dow taing khai bowt. Jihudiuüa mih nami Thurai chup kim mih Persia pren mang Darius chowm mang mih pre ning mowr nowng thawp büah dowi chekhai.
“Artazerzes mangkri.
“Auown kowi anging rik chup en. Anging dow Iufratis aw satkup prakowi kowh uowi mih en kowh naruüa chekhai.12Anging pe tuk en kown mih lawnguan uowi ne. En pren hownia kowh uang lawt mih Jihudiuüa Jerusalem marow kowi uang uowi büah khai, now amatni dow kingküa dawma hai angakma mih marow plan thawp büah khai. Nami marow kowi kowh achüng hai tap ün paw plan raw büah khai iawk.13Nami marow hai tap ki thawpta bowk khe dow amatni mih tawng iawng mih mangmu paw nape en kown nadowi pami anging pe tuk pe ta en kown nau. Naiawng amatni pe mangmu dowi hanow mang kowh tangka pawisa kakra tia dow napiak kown.14“Anging dow en nimkrüa kowi kowh uowi mih maru-uüa chekhai. En luk kowi naiawng rukraira uang ting kown mih anging nau dowi. Naiawng rakowi naiawngün laiklow anging uang krawi phowng en khai.15En kowh pipu-uüa ruila mih bowih kowi Jerusalem marow lawnguan nakrawi cham kownkow anging nau en khai. Nahanow nami bowih kowi dow Jerusalem marow kingküa dawma mih lawnguan en nakhi kown. Nami klen kowi achük alai hownia manguüa hai pren kruitown miuüa kowi nami marow kingküa reng mih lawnguan paw en nakhi kown taih. Nami marow piakta mih dow naiawng rakowi chekhai.16Nami Jerusalem marow hai tap che amatni ki thawpta khowk hanow Iufratis aw satkup pra kowh süng ün en namata kown towbowt pami anging pe tuk en kown nau,” pakhai.17Mang Artazerzes krawi rui pe chasak mih dow maiawng,
“Kruitown mih Rehum, mang kowh cha rui mih Simsai, now Samari marow kowi kowh maru-uüa hai Iufratis aw satkup prakowi kowh maru-uüa, enni bowkbowk kowi ang chup enni.18Enni uang krawi sak ang mih cha dow achima phat ang khowk.19Jerusalem marow lawnguan kowi nakrawi lünta kownkow ang kowh maru-uüa kowi ang peah ana khowk. Nahanow nami marow dow achük alai hownia manguüa kowi kingküaah reng pami ang tuk khowk. Nakowi kowh maru-uüa dow lai üa kürma kangowh chekhai.20Akürma mih manguüa dow Jerusalem marow kowi uowi büah khai. Nami marow hownia amatni dow Iufratis aw satkup pra kowh arah maten kruitown büah khai. Nakowi kowh maru-uüa dow naiawngün manguüa kowi lowra mih mangmu peah reng chekhai.21“Ang peah ana dowi matchang nami marow amatni naia thawp kown nadowi. Naiawng rakowi amatni kowh lup nataingta kownkow kawmat kowtek pe büa diah.22Nami lawnguan kowi mapaw hangkow nawknai büa diah. Ang napiak kown mih mapaw ang nau dowi,” pakhai.23Mang Artazerzes kowh chasak dow Rehum, Simsai hai amatchi kowh maru iukuüa kowi phat pe khai. Nami tata hown krowksang amatni dow Jerusalem marow kowi kowh Jihudiuüa tut-e kowkowi khai, now Jihudiuüa kowh lup dow kür hown kowtaingta pe büah khai.24Naiawng hai Jerusalem marow kowi kowh Thurai chup kim thawp dow taing khai bowt. Jihudiuüa mih nami Thurai chup kim mih Persia pren mang Darius chowm mang mih pre ning mowr nowng thawp büah dowi chekhai.
The Seed Company