Ezekiel48
1Nami kung kowi CHAKRAMANG tek mih, “Chowlowkkow krungchakuüa kowi dow pren kowi kowh süng mih maiawng nabakah kown. Tawngphak pra kowh lang khüa nowm nowm mih pren pra dow Dan krungchakuüa naka süng para kown. Mami dow pren sünghi chekhai: Tawngphak pra kowh rihi dow Mediteranean sata hownia Hetlawn rowkrowk Lebo-Hamat iawng panow Zedad marow mowr chekhai. Zedad marow hownia dow Damaska hai Hamat rihi kowi kowh uowi mih Berawtha hai Sibraim marow mowr chekhai. Nami hownia Hauran süng rihi ria kowi kowh Hazer-Hatikan marow mowr chekhai. Naiawng rakowi tawngphak pra kowh rihi dow Mediteranean Sata hownia Hazar-Enan marow mowr. Damaska hai Hamat marow dow nami rihi tawngphak prakowi uowi mih chekhai.2Aser krungchakuüa kowh süng nauowi kown mih dow Dan krungchakuüa kowh süng mrawkphak prakowi naown kown. Amatni kowh süng dow satkup pra kowh Mediteranean Sata hownia satlawt pra kowh rihi mowr naown kown.3Naptali krungchakuüa kowh süng nauowi kown mih dow Aser krungchakuüa kowh süng mrawkphak prakowi naown kown. Amatni kowh süng dow satkup pra kowh Mediteranean Sata hownia satlawt pra kowh rihi mowr naown kown.4Manase krungchakuüa kowh süng nauowi kown mih dow Naptali krungchakuüa kowh süng mrawkphak prakowi naown kown. Amatni kowh süng dow satkup pra kowh Mediteranean Sata hownia satlawt pra kowh rihi mowr naown kown.5Efraim krungchakuüa kowh süng nauowi kown mih dow Manase krungchakuüa kowh süng mrawkphak prakowi naown kown. Amatni kowh süng dow satkup pra kowh Mediteranean Sata hownia satlawt pra kowh rihi mowr naown kown.6Reuben krungchakuüa kowh süng nauowi kown mih dow Efraim krungchakuüa kowh süng mrawkphak prakowi naown kown. Amatni kowh süng dow satkup pra kowh Mediteranean Sata hownia satlawt pra kowh rihi mowr naown kown.7Juda krungchakuüa kowh süng nauowi kown mih dow Reuben krungchakuüa kowh süng mrawkphak prakowi naown kown. Amatni kowh süng dow satkup pra kowh Mediteranean Sata hownia satlawt pra kowh rihi mowr naown kown.8“Juda krungchakuüa rihi mrawkphak pra kowh süng dow pankrima mih lup chang müa enni nalang kraah parah kown. Nami süng dow adowng phia 25,000 muk mowr naown kown, now areng klang dow akeng mih Aser krungchakuüa kowh iawng satlawt pra kowh pren sünghi hownia satkup pra kowh rihi mowr naown kown. Nami süng takra kowi dow Thurai chup kim nauowi kown. Nami süng rihi dow satlawt hownia satkup pra mowr naown kown.9Nami lang kraah mih süng hownia dow CHAKRAMANG chup kim vüi enni nape süng parah kown. Nami dow aklang 25,000 muk hai adowng phia 20,000 muk naown kown.10Uamowuüa naka süng kown mih dow nami chimsaima mih arah kowi chekhai. Amatni kowh süng dow satlawt hownia satkup prakowi aklang 10,000 muk naown kown, now tawngphak hownia mrawkphak prakowi aklang 25,000 muk naown kown. CHAKRAMANG kowh kim dow nami lak kowi nauowi kown.11Nami chimsaima mih arah dow ang vüi kowi kowh lang kraah mih Zadawk krungchakuüa pungmadawng kowi kowh uamowuüa vüi naown kown. Tawngplawng kowchow panow amatni dow kaah sakowmma hai ang kowh lup chang reng chekhai. Amatni dow Israeluüa hown kowh tiama ngak kowi tawi mang mih Levi chenchapuüa iawng tawi mang dowi chekhai.12Amatni kowh süng dow lainowmma chimsaima mih süng naown kown, now nami süng dow Leviuüa vüi kowi kowh lang kra pe mih süng ria kowi nauowi kown.13“Uamowuüa kowh süng rihi ria kowi dow Leviuüa mih aklang 25,000 muk hai aphia 10,000 muk mih süng naka lowk kown.14Nami süng dow uamowuüa hai Leviuüa mih naia sum kown nadowi, now pha paw naia pha kown nadowi. Nami süng dow amülüng mih süng chekhai. Naiawng rakowi nami süng dow akeng miuüa rut kowi cham ia pe kown nadowi. Tawngplawng kowchow panow nami dow CHAKRAMANG vüi kowi kowh chimsaiah mih chekhai.15“Marat mih aphia 5,000 muk hai aklang 25,000 muk mih süng dow marow kowi kowh iawngpa mih lup chang müa kowi natawngah kown. Nami dow kim changra hai tawncher thing rah vüi natawngah kown. Jerusalem marow dow nami takra kowi nauowi kown.16Now nami marow tapat lut dow 4,500 muk chi nauowi kown.17Marow tapat lut dow tawncher thing rah süng 250 muk chi nauowi kown.18Nami marow satlawt pra hai satkup pra dow süng 10,000 muk chi nauowi kown. Nami süng kowi kowh sawtah mih luprak dow marow kowi kowh maru iukuüa kowh chakkham nachowng kown.19Lowra mih krungchak hownia marow kowi uang chang lup miuüa dow nami süng kowi naia chang lup kown.20Nami lang kraah mih süng dow aklang hai phia 25,000 muk chi naown kown. Nami süng kowi nauowi kown mih dow chimsaima mih arah, marow hai marow riaret kowi kowh arah chekhai.21“Nami lang kraah mih süng satlawt hai satkup prakowi kowh uowi mih süng dow kruitown miuüa vüi chekhai. Nami pre buk mih süng dow tawngphak hai mrawkphak prakowi 25,000 muk chi naown kown. Nami pre buk mih süng rihi dow satlawt prakowi kowh pren sünghi hai satkup prakowi kowh pren sünghi mowr namang kown. Naiawng hai kruitown miuüa kowh süng takra kowi dow Thurai chup kim hailawm uamowuüa kowh süng, Leviuüa kowh süng hai marow kowi kowh süng nauowi kown. Kruitown miuüa kowh nami süng dow tawngphak pra kowh Judauüa kowh süng hai mrawkphak pra kowh Benjaminuüa kowh süng rihi takra kowi nauowi kown.23“Ta lat tanga krungchak miuüa pungmadawng kowi kowh Benjamin krungchakuüa dow naka süng para kown. Nami süng dow amülüng lang kraah mih süng dak kowi naown kown. Amatni kowh süng dow satkup pra kowh Mediteranean Sata hownia satlawt pra kowh rihi mowr naown kown.24Simiawn krungchakuüa kowh süng nauowi kown mih dow Benjamin krungchak kowh süng mrawkphak prakowi naown kown. Amatni kowh süng dow satkup pra kowh Mediteranean Sata hownia satlawt pra kowh rihi mowr naown kown.25Isakar krungchakuüa kowh süng nauowi kown mih dow Simiawn krungchak kowh süng mrawkphak prakowi naown kown. Amatni kowh süng dow satkup pra kowh Mediteranean Sata hownia satlawt pra kowh rihi mowr naown kown.26Zebulun krungchakuüa kowh süng nauowi kown mih dow Isakar krungchak kowh süng mrawkphak prakowi naown kown. Amatni kowh süng dow satkup pra kowh Mediteranean Sata hownia satlawt pra kowh rihi mowr naown kown.27Gad krungchakuüa kowh süng nauowi kown mih dow Zebulun krungchak kowh süng mrawkphak prakowi naown kown. Amatni kowh süng dow satkup pra kowh Mediteranean Sata hownia satlawt pra kowh rihi mowr naown kown.28Mrawkphak pra kowh Gad krungchakuüa kowh süng rihi dow Tamar marow hownia Kades-Meriba tui uowi rah mowr nakowtowm kown. Nami hownia Aigupta awkang rowkrowk Mediteranean sata mowr namang kown.29“Nami pren dow Israel krungchakuüa kowi dawngthawnguan iawng hai enni nabakah kown, now naiawngün enni bak pe mih süng dow amatni kowh nachowng kown. Ang CHAKRAMANG mami laiklow ang tek khowk.30“Jerusalem marow hownia prang kowi nalawtla kown mih tapplawt nauowi sangrum kown. Naiawngün tapplawt kowi dow chowlowkkow Israel krungchakuüa ming nachap pe kown. Tawngphak prakowi kowh aklang 4,500 muk mih tap kowi dow tapplawt nauowi sum buk kown. Naiawngün tapplawt kowi dow Reuben tapplawt, Juda tapplawt hai Levi tapplawt pahai aming nauowi kown.32Satlawt prakowi kowh aklang 4,500 muk mih tap kowi dow tapplawt nauowi sum buk kown. Naiawngün tapplawt kowi dow Josef tapplawt, Benjamin tapplawt hai Dan tapplawt pahai aming nauowi kown.33Mrawkphak prakowi kowh aklang 4,500 muk mih tap kowi dow tapplawt nauowi sum buk kown. Naiawngün tapplawt kowi dow Simiawn tapplawt, Isakar tapplawt hai Zebulun tapplawt pahai aming nauowi kown.34Satkup prakowi kowh aklang 4,500 muk mih tap kowi dow tapplawt nauowi sum buk kown. Naiawngün tapplawt kowi dow Gad tapplawt, Aser tapplawt hai Naptali tapplawt pahai aming nauowi kown.35Marow kowi kowh tapat lut mih tap dow 18,000 muk nauowi kown. Nami khin hownia dow marow ming mih, ‘CHAKRAMANG dow makowi uowi reng,’ napape büa kown,” pakhai.
The Seed Company