Ezekiel47
1Nami kung kowi aia dow Thurai chup kim kimplawt re-e uang pawla ang khai, now Thurai chup kim kimplawt dak hownia tui uang lawt hanow satlawt prakowi hawr mih ang khi khai. Nami Thurai chup kim dang mih dow satlawt prakowi chekhai. Nami tui dow Thurai chup kim mrawkphak hownia uang hawr hanow phuchuara hawmlawm prakowi hawr khai.2Nami kung kowi aia dow tawngphak pra kowh tapplawt iawng uang lawtla ang khai, now prang kowi kowh tiama iawng cham kuila ang hanow satlawt prakowi kowh tapplawt re-e uang pawla ang khai. Nami tapplawt mrawkphak ria iawng dow tui hawr ditchowchi mih awchawng uowi lowk chekhai.3Aia dow mang se mang se akhai müa leng hown krawi khaila hanow satlawt prakowi 1,000 muk mowr pawla ang khai. Nakowi dow aia mih klingnik mowr mih tui dawng iawng pawla ang khai.4Nami kung kowi aia dow krawi plan khai hanow 1,000 muk mowr pawla ang khai. Nakowi dow kung mowr mih tui dawng iawng aia pawla ang khai. Nami kung kowi paw aia dow krawi plan khai hanow 1,000 muk mowr pawla ang khai. Nakowi dow kelang mowr mih tui dawng iawng aia pawla ang khai.5Nami kung kowi aia dow plan khai 1,000 muk khai iawk. Tawkche nakowi dow tui büp lai rakowi ang nowng pown dowi chekhai, now iau paw ang nowng iau dowi chekhai. Nami tui dow aw iawng uang chowng khai bowt. Naiawng rakowi khawk hown amiapaw nowng powt dowi bowt chekhai.6Aia tek ang mih, “Aw maru chapa, en khi-ah mih kaneuma en müah tak bow?” pakhai.
Nami kung kowi aia dow aw pang kowi pawla ang khai.7Nami aw pang kowi dow mapra pang hai paipra pang kowi singh uowi ahuma mih ang khi khai.8Aia tek ang mih, “Nami tui dow satlawt prakowi hawr khai, now Araba süng iawng panow süngrüp süngkangma kowi kowhawr khai. Sata Kowng kowi kowkla mih khin khe dow nami tui mih achimma naphaw kown.9Nami aw tui cham hawrra maten kowi dow asadua chap maten hai dam ahuma nauowi kown. Nami tui krawi hawr mih rah maten kowi dow tui mih nachim kown. Naiawng rakowi nami tui cham hawrra kowi dow nakowi kowh uowi mih chap maten nasing kown.10Dam pawk miuüa dow sata pang kowi naiowng kown. Amatni dow En-Gedi aw hownia En-Eglaim aw mowr nadia lawk kown. Mediteranean Sata kowi kowh kaah mih dam iawng nakowi paw dam chap maiow naka kown.11Tawkche sata hownia kowh krawi pün mih awchawng awlang tui dow akham naiung kown nadowi. Naiawngün tui dow awisa thawp müa nachowng kown.12Aw pang pre prakowi dow auih uowi mih singh maten naru kown. Naiawngün singh dow aram nakeu kown nadowi, auih paw naplui kown nadowi. La towng nauih reng kown, tawngplawng kowchow panow Thurai chup kim hownia dow nakowi tui nauang hawr reng kown. Naiawngün uih dow nachaah kownkow hai aram dow nachangla chakhang kownkow natawngah kown,” pakhai.13Nami kung kowi CHAKRAMANG tek mih, “Enni mih Israeluüa laipre krungchakuüa pungmadawng kowi pren mih dawngthawnguan iawng hai maiawng enni naretah kown. Nami pren dow riri enni naretah kown. Tawkche Josef krungchakuüa kowi dow enni nalang chüt pe pre bak kown. Mami pren dow enni pipu-uüa kowi napeah kown mih ang khamta sawi khowk chekhai, now mami pren dow enni kowh dawngthawnguan nachowng kown.15“Mami dow pren sünghi chekhai: Tawngphak pra kowh rihi dow Mediteranean sata hownia Hetlawn rowkrowk Lebo-Hamat iawng panow Zedad marow mowr chekhai.16Zedad marow hownia dow Damaska hai Hamat rihi kowi kowh uowi mih Berawtha hai Sibraim marow mowr chekhai. Nami hownia Hauran süng rihi ria kowi kowh Hazer-Hatikan marow mowr chekhai.17Naiawng rakowi tawngphak pra kowh rihi dow Mediteranean Sata hownia Hazar-Enan marow mowr. Damaska hai Hamat marow dow nami rihi tawngphak prakowi uowi mih chekhai.18Jawrdan aw mapra pown dow Israel pren sünghi chekhai, now akeng pra pown dow Gilead pren sünghi chekhai. Nami rihi dow Sata Kowng mrawkphak iawng panow Tamar kowi kowchur khai. Mami dow satlawt prakowi kowh rihi chekhai.19Mrawkphak prakowi kowh rihi dow Tamar marow hownia Kades-Meriba tui uowi rah mowr nakowkowi hanow nami hownia Aigupta pren kowi kowh tui kangkhawngma mih aw rowkrowk Mediteranean sata mowr namang kown. Nami dow mrawkphak prakowi kowh rihi chekhai.20Satkup prakowi kowh rihi dow Mediteranean Sata chekhai. Nami dow mrawkphak pra kowh rihi hownia tawngphak pra kowh rihi uown Lebo-Hamat mowr chekhai. Nami dow satkup prakowi kowh rihi chekhai.21“Israel krungchakuüa vüi mami pren mih enni naret pe kown.22Enni pungmadawng kowi uowi khe ka chah mih prenlang maru-uüa vüi hai enni vüi pren mih dawngthawnguan iawng hown enni naretah kown. Prenlang maru-uüa kowi dow pren kowi kowh dia mih Israeluüa iawng hai enni nadowkah kown. Amatni paw enni hown Israeluüa pungmadawng kowi dawngthawnguan iawng hai natawi ka krawng bawn kown.23Nami prenlang maru-uüa kowi dow amatni tawi uowiah mih süng kowi kowh krungchak mih napela krawng bawn kown takla. Ang CHAKRAMANG mami laiklow ang tek khowk,” pakhai.
Nami kung kowi aia dow aw pang kowi pawla ang khai.7Nami aw pang kowi dow mapra pang hai paipra pang kowi singh uowi ahuma mih ang khi khai.8Aia tek ang mih, “Nami tui dow satlawt prakowi hawr khai, now Araba süng iawng panow süngrüp süngkangma kowi kowhawr khai. Sata Kowng kowi kowkla mih khin khe dow nami tui mih achimma naphaw kown.9Nami aw tui cham hawrra maten kowi dow asadua chap maten hai dam ahuma nauowi kown. Nami tui krawi hawr mih rah maten kowi dow tui mih nachim kown. Naiawng rakowi nami tui cham hawrra kowi dow nakowi kowh uowi mih chap maten nasing kown.10Dam pawk miuüa dow sata pang kowi naiowng kown. Amatni dow En-Gedi aw hownia En-Eglaim aw mowr nadia lawk kown. Mediteranean Sata kowi kowh kaah mih dam iawng nakowi paw dam chap maiow naka kown.11Tawkche sata hownia kowh krawi pün mih awchawng awlang tui dow akham naiung kown nadowi. Naiawngün tui dow awisa thawp müa nachowng kown.12Aw pang pre prakowi dow auih uowi mih singh maten naru kown. Naiawngün singh dow aram nakeu kown nadowi, auih paw naplui kown nadowi. La towng nauih reng kown, tawngplawng kowchow panow Thurai chup kim hownia dow nakowi tui nauang hawr reng kown. Naiawngün uih dow nachaah kownkow hai aram dow nachangla chakhang kownkow natawngah kown,” pakhai.13Nami kung kowi CHAKRAMANG tek mih, “Enni mih Israeluüa laipre krungchakuüa pungmadawng kowi pren mih dawngthawnguan iawng hai maiawng enni naretah kown. Nami pren dow riri enni naretah kown. Tawkche Josef krungchakuüa kowi dow enni nalang chüt pe pre bak kown. Mami pren dow enni pipu-uüa kowi napeah kown mih ang khamta sawi khowk chekhai, now mami pren dow enni kowh dawngthawnguan nachowng kown.15“Mami dow pren sünghi chekhai: Tawngphak pra kowh rihi dow Mediteranean sata hownia Hetlawn rowkrowk Lebo-Hamat iawng panow Zedad marow mowr chekhai.16Zedad marow hownia dow Damaska hai Hamat rihi kowi kowh uowi mih Berawtha hai Sibraim marow mowr chekhai. Nami hownia Hauran süng rihi ria kowi kowh Hazer-Hatikan marow mowr chekhai.17Naiawng rakowi tawngphak pra kowh rihi dow Mediteranean Sata hownia Hazar-Enan marow mowr. Damaska hai Hamat marow dow nami rihi tawngphak prakowi uowi mih chekhai.18Jawrdan aw mapra pown dow Israel pren sünghi chekhai, now akeng pra pown dow Gilead pren sünghi chekhai. Nami rihi dow Sata Kowng mrawkphak iawng panow Tamar kowi kowchur khai. Mami dow satlawt prakowi kowh rihi chekhai.19Mrawkphak prakowi kowh rihi dow Tamar marow hownia Kades-Meriba tui uowi rah mowr nakowkowi hanow nami hownia Aigupta pren kowi kowh tui kangkhawngma mih aw rowkrowk Mediteranean sata mowr namang kown. Nami dow mrawkphak prakowi kowh rihi chekhai.20Satkup prakowi kowh rihi dow Mediteranean Sata chekhai. Nami dow mrawkphak pra kowh rihi hownia tawngphak pra kowh rihi uown Lebo-Hamat mowr chekhai. Nami dow satkup prakowi kowh rihi chekhai.21“Israel krungchakuüa vüi mami pren mih enni naret pe kown.22Enni pungmadawng kowi uowi khe ka chah mih prenlang maru-uüa vüi hai enni vüi pren mih dawngthawnguan iawng hown enni naretah kown. Prenlang maru-uüa kowi dow pren kowi kowh dia mih Israeluüa iawng hai enni nadowkah kown. Amatni paw enni hown Israeluüa pungmadawng kowi dawngthawnguan iawng hai natawi ka krawng bawn kown.23Nami prenlang maru-uüa kowi dow amatni tawi uowiah mih süng kowi kowh krungchak mih napela krawng bawn kown takla. Ang CHAKRAMANG mami laiklow ang tek khowk,” pakhai.
The Seed Company