Ezekiel44
1Nami kung kowi nami maru mih Thurai chup kim satlawt pra uat kowi kowh tapplawt kowi kowplan pawla ang khai. Nami tapplawt dow abüngma chekhai.2CHAKRAMANG tek ang mih, “Mami tapplawt hownia alak kowi miapaw nanowng kupla dowi kownkow mami tapplawt dow natabüng hüah kown; nauowta hüah kown nadowi. Tawngplawng kowchow panow mami tapplawt hownia dow Israeluüa kowh CHAKRAMANG Thurai uang kup khai.3Pren kruitown mih chowtaih mami tapplawt kowi chowm hanow CHAKRAMANG pur kowi nanowng cha chakkham kown. Aia dow tapplawt kowi kowh kimpuk hownia nakowkup kown, now nami hownia aia mih nalawt iawk kown,” pakhai.4Nami kung kowi dow nami maru mih tawngphak pra kowh tapplawt hownia Thurai chup kim pur kowi pawla ang khai. Nakhowk khe Thurai chup kim kowi CHAKRAMANG kowh kraingra atekma mih ang khi khai, now ang tabawk krawm khai.5Nakhowk khe CHAKRAMANG tek ang mih, “Aw maru chapa, müah kaneu hai süntaah kaneu diah, now ang kowh kim lawnguan kowi ari aiang hai rirow maten ang natek en kown mih kowi pe ching diah. Thurai chup kim kowi mia iawng miuüa chow nowng kup dowi kown mih ang natek kown mih kowi pe ching diah.6Kingküa dawma mih Israeluüa kowi en nakowtek pe kown mih maiawng: CHAKRAMANG Thurai tek mih, ‘Aw Israeluüa, enni kowh suiiai kaniaima mih lup chang taingta bowt.7Enni kowh akeng mih suiiai kaniaima mih uowi krang hown ang tut-e chakkham, sau hai vi mih enni uang phuchua khai. Nami khin khe buk hai sak kowi hiah khampha uanpik dowi mih prenlang maru-uüa kowi ang kim kowi enni uang pawla khai, now ang kowh kim mih enni sürlawkah khai. Amatni kowh lup hown ang kowh sangbowk laitawm mih enni piakah khai.8Ang kim kowi kowh chimsaima mih lup dow enni nachang kown mih laiklow uowi chowdiah. Tawkche enni matia chang dowi kowi prenlang maru-uüa kowi enni peah kurdik khai.9Naiawngün prenlang maru-uüa dow buk hai sak kowi hiah khampha uanpik dowi mih chekhai. Amatni dow ang kim kowi nanowng kup kown nadowi; Israeluüa pungmadawng kowi kowh tawi uowi mih prenlang maru-uüa khowm nanowng kup kown nadowi chekhai.10“‘Atawima mih tiama kowi Israeluüa mang mih khin khe Leviuüa paw towla ang hüah hanow arup aren kowi tawi chupiia khai. Naiawng rakowi amatni kowh angak sung naka ripra büah ngengche kown.11Nachepaw namingkhet Thurai chup kim kown mih kurdik naka büah hanow ang kowh lup naia chang büah reng kown. Amatni mih tikah mih uanap vüi nanowng ngen tawncher kown, now maru-uüa kowi nachang pe lup kownkow maru-uüa pur kowi nanowng iowng büah kown.12Nachenganchepaw amatni dow nachup arup aren kownkow maru-uüa kowi peah süngürra khai, now Israeluüa kowi mih angak prakowi pawla khai. Naiawng rakowi ang CHAKRAMANG Thurai mih ang takham khowk, amatni kowh angak sung dow amatni naka ngengche kown.13Amatni dow uamow iawng nachang ang lup kownkow ang pur kowi naia uang kown nadowi, now ang kowh chimsaima mih hai lang chimsai mih uanh ria kowi khowm naia uang büah kown nadowi. Amatni kowh suiiai kaniaima mih uowi krang rakowi amatni mih naka rukrai ngengche kown takla.14Nachepaw Thurai chup kim mingkhet hai nakowi kowh lup maten nachang kown mih kurdik amatni luk kowi ang natang pe kown.15“‘Ang hownia powt hanow tiama tawi kowi Israeluüa cham mang mih khin khe Levi krungchak hownia Zadawk machakuüa dow ang kim kowi kaah sakowmma hown amatni kowh lup mih chang büah reng chekhai. Naiawng rakowi ang kowh lup nowng chang kown mih hai ang pur kowi nowng uang kown mih dow amatni chowtaih. Amatni dow tawncher sau hai vi hown naphuchua ang kownkow ang pur kowi nauang nowng iowng kown. Ang CHAKRAMANG Thurai mami laiklow ang tek khowk.16Amatni chowtaih ang kowh kim kowi nowng kup kown. Ang kowh lup nachang kownkow ang kowh pawitang ria kowi hai ang kim kowi kowh lup maten nachang kown mih dow amatni chowtaih.17“‘Amatni dow adipükchow mih la hown kowh tawnguat khupma hown alak pra kowh viadawng kowi kowh tapplawt hownia nakowkup kown. Alak kowi kowh viadawng tapplawt re-e hai Thurai chup kim kowi chang lup büah khe ruapur pawi hown kowh tawnguat naia khup büah kown nadowi.18Amatni lu kowi dow adipükchow mih la hown kowh napawng nauowi kown, now amatni kowh klowng kowi dow adipükchow mih la hown kowh kraksa dawngh nakruala büah kown. Amatni dow ling towkla mih uan nakhup büah kown nadowi.19Uat kowi kowh viadawng kowi uowi mih maru-uüa tut-e kowkowi khe dow changla lup mih tawnguat naklüpla hanow chimsaima mih towklak kowi natowla büah kown, now akeng mih tawnguat nakhup büah kown. Tawngplawng kowchow panow nami chimsaima mih tawnguat rakowi maru mih hang pacham piakla pakowh chekhai.20“‘Amatni dow nakhaita sam kown nadowi, adawngma paw narai sam büah kown nadowi, now atownchowchi nakepta sam büah kown.21Mia iawng mih uamow paw khamla grep tui hanow alak kowi kowh viadawng kowi nakowkup kown nadowi.22Ahua khuata mih masiuüa kowi hai mamaimow kowi amatni dow naia chawng kown nadowi. Amatni dow Israel chenchap kowi kowh malauüa kowi hai kowng mih uamow kowh masi kowi chowtaih naia chawng kown.23Amatni dow ang maru-uüa kowi chimsai mih hai iawngpa mih lawnguan natüng nasangah kown, now sürlawkma mih hai sürlawk dowi mih lawnguan amatni kowi natüng nasangah kown.24“‘Tawng iawng mih lawnguan kowi chünchü tara chet takla khai hanow uamowuüa mih nachet pe tara kown, now ang ana pek iawng amatni mih nachet tara kown. Ang khowm bowkta mih pawi vüi kowi amatni mih ang kowh ari aiang hai rirow mih nachün büah kown, now Tanai Ni mih chimsaima nasunah kown.25“‘Uamowuüa mih kowng mih maru re-e tawi kowi hanow naia tasür talawk kown nadowi. Nachenganchepaw u-pa, chauüa, tainau hai chang dawngthawng dowi tak mih tuamowuüa kowng khe dow naia tasür talawk kown taih.26Now nami hownia tachim tasai kung kowi paw CHAKRAMANG kim kowi nachang lup kownkow ranit ni mowr nachawng tak kown takla.27Nami kung kowi dow nachang lup kownkow Thurai chup kim viadawng lak kowi kowkowi mih ni khe aiamat vüi angak lawt lük müa uanap pawi nachang kown takla. Ang CHAKRAMANG Thurai mami laiklow ang tek khowk.28“‘Uamowuüa kowh dawngthawnguan dow ang chowtaih nauowi bowt kown. Amatni dow Israel pren kowi tawng iawng mih krawng bawn paw natawi ia powng kown nadowi. Ang chowtaih amatni kowh dawngthawnguan nachowng kown.29Amatni dow kawmdi uanap, angak lawt lük müa uanap hai aprek lawt lük müa uanap kowi kowh uanh nacha büah kown. Israel pren kowi kowh CHAKRAMANG vüi peah mih uanh maten dow amatni vüi nachowng kown.30Rik kuaah mih luprak chap maten lang iung mih hai enni uang ap-ah mih maten dow uamowuüa vüi nachowng kown. Enni kowh kimchak luk kowi prasira nauowila kownkow enni rik kaah mih kawmdi sar dow amatni kowi enni napeah kown.31Changla phuchua mih nadowi kowi iawngpa kowh kowng mih hai kaurawng uaramchak makah mih asadua nga dow uamowuüa mih naia cha kown nadowi.
The Seed Company