Uown Lawt6
1CHAKRAMANG tek pe Mosi mih, “Khaleng dow Faraw kowi tawng chow ang nachangah kown mih sam mü madiah ba. Ang kowh kür ang natüng pe hanow aia dow ang maru-uüa kowi nalawtta bowt kown taih. Ang kowh kür khi hanow aia dow aia pren hownia ang maru-uüa kowi naprütta bowt kown,” pakhai.2Thurai plan tek pe Mosi mih, “Ang dow CHAKRAMANG chekhai.3Lowra nowngia chang mih Thurai iawng hai Abraham, Isak hai Jakawb büah tut-e ang kowtatüng pe reng. Nachenganchepaw ang ming dow CHAKRAMANG pami amatni kowi ang phuang pe dowi tak.4Amatni vüi kowi dow ang tow pe sangbowk laitawm khowk chekhai. Nami sangbowk laitawm kowi ang tek pe mih, ‘Prenlang maru iawng hai kawmat kowh enni uowiah mih Kanan pren ang nape enni kown,’ ang pape khai.5Aigupta maru-uüa towah nar mih Israeluüa kowh kar klow dow ang ta khai. Amatni hown kowh ang kowh sangbowk laitawm laiklow dow ang sak kowi uowi reng.6Naiawng rakowi Israeluüa kowi kowtek pe diah, ‘CHAKRAMANG tek mih maiawng: Ang dow CHAKRAMANG chekhai. Aiguptauüa kowh ngare towkra hownia ang nalawtla enni bowt kown. Amatni changla enni nar mih hownia ang nalawng enni kown. Amatni kowi dow ang kowh rut akürma mih hown lainowmma ang naripah hanow ang nalawng enni kown.7Enni kowi dow ang nachangla enni ang maru kown; ang dow enni kowh Thurai naown kown. Nami khin khe dow ang CHAKRAMANG chowtaih enni kowh Thurai pami enni natuk kown. Now Aiguptauüa kowh ngare towkra hownia uang lawtla enni mih paw ang chowtaih pami enni natuk bowt kown.8Abraham, Isak hai Jakawb büah kowi ang napeah pren kownkow ang takham khai. Nami pren kowi ang napawla enni kown, now nami pren dow ang nape powng enni bowt kown. Ang chowtaih CHAKRAMANG,’ pape diah,” pakhai.9Now Mosi dow naiawngün laiklow maten Israeluüa kowi kowtek pe khai. Nachenganchepaw nar lup chang bowm hai sak piak lai bowt rakowi Israeluüa mih Mosi laiklow kowi pe ching dowi bowt chekhai.10Nami khin khe CHAKRAMANG tek pe Mosi mih,11“Aigupta mang tut-e kowkowiah now aia pren hownia Israeluüa kowi nalawtah kownkow kowtek pe diah,” pakhai.12Nachenganchepaw Mosi tek pe CHAKRAMANG mih, “Ang dow tuk tek lai kaneu dowi. Israeluüa khowm padow ang laiklow sünta kown nau dowk now Faraw ngam padow tawng iawng chow nasünta ang laiklow kown chow?” pape khai.13Nakhowk khe Mosi hai Arawn iüah kowi CHAKRAMANG tek pe mih, “Aigupta pren hownia Israeluüa kowi nalawtla kownkow ang pe enchi ana mih Aigupta mang hai Israeluüa kowi kowtek pe iüa diah,” pape khai.14Maiawngünuüa dow Reuben, Simiawn hai Levi krungchak kowi kowh aluchow chekhai. Jakawb kowh chapa ta Reuben kowh chapauüa dow Hanawk, Pallu, Hezrawn hai Karmi büah chekhai.
Maiawngünuüa dow Reuben krungchak kowi kowh aluchowuüa chekhai.15Simiawn kowh chapauüa dow Jemuel, Jamin, Awhad, Jakin, Zohar hai Sawl büah chekhai. Sawl dow Kanan masiuüa hown kowh kaah mih chekhai. Maiawngünuüa dow Simiawn krungchak kowi kowh aluchowuüa chekhai.16Levi kowh chapauüa dow Gersawn, Kohat hai Merari büah chekhai. Levi dow 137 ning mowr singla khai.17Gersawn kowh chapa dow Libni hai Simei iüah chekhai.18Kohat kowh chapauüa dow Amram, Izhar, Hebrawn hai Uziel büah chekhai. Kohat dow 133 ning mowr singla khai.19Merari kowh chapa dow Mali hai Musi iüah chekhai. Naiawngünuüa dow Levi krungchak kowi kowh aluchowuüa chekhai.20Amram kowh masi dow a-pa kowh tuamow Jawkebed chekhai. Amatchi kowh chapa dow Arawn hai Mosi iüah chekhai. Amram dow 137 ning mowr singla khai.21Ishar kowh chapauüa dow Kora, Nefek hai Zikri büah chekhai.22Uziel kowh chapauüa dow Misael, Elzafan hai Sithri büah chekhai.23Arawn dow Aminadab kowh chama Eliseba pami hown tachawng khai. Eliseba kowh rak dow Nasawn chekhai. Now Eliseba hown kowh Arawn kaah mih chapauüa dow Nadab, Abihu, Eleazar hai Ithamar büah chekhai.24Kora kowh chapauüa dow Asir, Elkana hai Abiasaf büah chekhai. Naiawngünuüa dow Kora krungchak kowi kowh aluchowuüa chekhai.25Arawn kowh chapa Eleazar dow Putiel kowh chama hown tachawng khai. Now nami hown kowh Eleazar kaah mih chapa dow Finehas chekhai. Naiawngünuüa dow Levi krungchak kowi kowh aluchow chekhai.26Aigupta pren hownia Israeluüa kowi siphai hawmh iawng nauang lawtla kownkow CHAKRAMANG peah ana mih Mosi hai Arawn iüah dow nami krungchakuüa hownia kowh chekhai.27Aigupta pren hownia Israeluüa kowi nalawtla kown mih lai Faraw tut-e kowtek mih dow nami Mosi hai Arawn iüah chekhai.28Aigupta pren kowi Mosi hown taklang mih khin khe CHAKRAMANG tek pe mih, “Ang chowbowt CHAKRAMANG. Ang tek en mih srui Aigupta mang kowi kowtek pe diah,” pakhai.30Nachenganchepaw nami khin khe Mosi tek pe CHAKRAMANG mih, “Ang dow tuk tek lai kaneu dowi. Tawng iawng chow ang kowh laiklow Faraw nasünta ang kown chow?” pakhai.
Maiawngünuüa dow Reuben krungchak kowi kowh aluchowuüa chekhai.15Simiawn kowh chapauüa dow Jemuel, Jamin, Awhad, Jakin, Zohar hai Sawl büah chekhai. Sawl dow Kanan masiuüa hown kowh kaah mih chekhai. Maiawngünuüa dow Simiawn krungchak kowi kowh aluchowuüa chekhai.16Levi kowh chapauüa dow Gersawn, Kohat hai Merari büah chekhai. Levi dow 137 ning mowr singla khai.17Gersawn kowh chapa dow Libni hai Simei iüah chekhai.18Kohat kowh chapauüa dow Amram, Izhar, Hebrawn hai Uziel büah chekhai. Kohat dow 133 ning mowr singla khai.19Merari kowh chapa dow Mali hai Musi iüah chekhai. Naiawngünuüa dow Levi krungchak kowi kowh aluchowuüa chekhai.20Amram kowh masi dow a-pa kowh tuamow Jawkebed chekhai. Amatchi kowh chapa dow Arawn hai Mosi iüah chekhai. Amram dow 137 ning mowr singla khai.21Ishar kowh chapauüa dow Kora, Nefek hai Zikri büah chekhai.22Uziel kowh chapauüa dow Misael, Elzafan hai Sithri büah chekhai.23Arawn dow Aminadab kowh chama Eliseba pami hown tachawng khai. Eliseba kowh rak dow Nasawn chekhai. Now Eliseba hown kowh Arawn kaah mih chapauüa dow Nadab, Abihu, Eleazar hai Ithamar büah chekhai.24Kora kowh chapauüa dow Asir, Elkana hai Abiasaf büah chekhai. Naiawngünuüa dow Kora krungchak kowi kowh aluchowuüa chekhai.25Arawn kowh chapa Eleazar dow Putiel kowh chama hown tachawng khai. Now nami hown kowh Eleazar kaah mih chapa dow Finehas chekhai. Naiawngünuüa dow Levi krungchak kowi kowh aluchow chekhai.26Aigupta pren hownia Israeluüa kowi siphai hawmh iawng nauang lawtla kownkow CHAKRAMANG peah ana mih Mosi hai Arawn iüah dow nami krungchakuüa hownia kowh chekhai.27Aigupta pren hownia Israeluüa kowi nalawtla kown mih lai Faraw tut-e kowtek mih dow nami Mosi hai Arawn iüah chekhai.28Aigupta pren kowi Mosi hown taklang mih khin khe CHAKRAMANG tek pe mih, “Ang chowbowt CHAKRAMANG. Ang tek en mih srui Aigupta mang kowi kowtek pe diah,” pakhai.30Nachenganchepaw nami khin khe Mosi tek pe CHAKRAMANG mih, “Ang dow tuk tek lai kaneu dowi. Tawng iawng chow ang kowh laiklow Faraw nasünta ang kown chow?” pakhai.
The Seed Company