Uown Lawt22
1“Kuk mih kowi dow maiawng naripah kown: chia lah, ruapur lah, cham kuah now ngenta khai chepaw, sumta khai chepaw kuk mih kowi dow napaw pe aiawk ngengche kown takla. Aia kowi dow chia apum kowi tanga pum chi napaw pe aiawk kown, now ruapur apum kowi tali pum chi napaw pe aiawk kown takla.2Now kuk mih tut-e che cham kuah mih tawncher asing ka khüm khai hanow chia chepaw, kawrngaramchük chepaw, ruapur chepaw pre phow chi napaw pe asung kown takla. Aia kowh che naiawla kown mih tawngpaw uowi dowi kowh chalow now maru nachangla nar kownkow aia matia kowi nacham sumah kown.
“Now kuk mih cham ku khe kim kowi hawt ka khümta kowh bawpah now kowngta khai chepaw abawp miia kowh aprek nauowi kown nadowi. Nachenganchepaw naiawng phaw mih che ni-e chekhai hanow abawp miia kowh aprek nauowi kown.5“Lowra maru cham thing tawncher khe dowm kowi chepaw, kowmatia kowh krum kowi chepaw lawtta hüah kowh nami tawncher che maru kowh grep krum kowi cham kup kowh cham chata uih-ien pantawn khai hanow nami tawncher iah naiaw kown takla. Aia dow aiamat krum hownia kowh lang iung mih uih-ak aia kowh tawncher chata pe mih krum iah kowi napeah kown takla.6“Kowmatia üa towk maih cham pruk kowh maru kowh uih-ien pantawn chepaw, maru kowh kheti bakan chepaw tawi kam khai hanow nami üa iah mih naiawngün kam mih sung naiaw kown takla.7“Tangka lah, uanh lah, maru kowi enni cham pe mingkhetah mih khin paw nauowi kown. Now enni cham pe towah mih kim hownia paw kuk mih kuta chepaw naia. Akung kowi nami kuk mih kowi che ka khümta khai hanow nami kuk mih kowi pre phow nape iawah kown.8Tawkchedow kuk mih kowi che ka khüm dowi hanow hawt tow pe tangka hai uanh mih kim iah CHAKRAMANG pur kowi nakowkowi kown, now aia paw dowi pami kowkham sawi kown takla.9“Akeng maru tut-e kowh uowi mih chia lah, kawrngaramchük lah, ruapur lah, khupdip tawngklai lah lowra maru aia kowh tama mih lowra chap khi kowh nami dow, ‘Ang kowh,’ pahai kham hanow amatchi pre ia trui tara chet miuüa tut-e nakowkowi kown takla. Amia iawng mih kowi chow tara chet miuüa tang pe aprek mih nami maru dow alowk mih maru kowi pre phow naiaw kown takla.10“Dowkah diah sik, maru lowk ia mih aia kowh chia chepaw, kawrngaramchük chepaw, ruapur chepaw alowk mih maru tut-e cham towah khai. Now naiawngün tawncher dow kowng khai, kakmün kakma khai, now iawngpa tama khai. Nachenganchepaw naiawng phaw mih dow amiapaw khi dowi chekhai.11Nahanow nami maru dow, ‘Naiawng mih lup ang chang dowi,’ pami CHAKRAMANG ming hown nakham sawi kown. Nami tawncher iah paw nami maru kowh sawi kham laiklow nachün pe kown takla. Nahanow nami tawncher iah dow aia kowh tawncher kowng mih klai nami maru kowi naia kük pe kown nadowi. Now nami tawncher kowi che kaurawng uaramchak makta mih chekhai hanow amakna lowra mih ngadi ngasek tawncher iah kowi nauang tüng pe kown takla. Naiawng che aia chang hanow aia mih aiawk takla kown nadowi bowt. Nachenganchepaw nami maru hownia che naiawngün tawncher maru kuta pe mih chekhai hanow aia mih naiaw pe kown takla.14“Maru tut-e cham lai tawncher kowh tawncher iah khi dowi khe che nami tawncher kakmün kakma hai kowng khai hanow kowlai miia mih tawncher iah kowi naiaw pe kown takla.15Nachenganchepaw naiawngün che tawncher iah pur kowi kakmün kakma hai kowng khai hanow nami dow uang laila miia mih tawncher iah kowi aiawk takla dowi tham. Tawkchedow nami tawncher che tangka hown ngaah mih chekhai hanow nami tangka towbowt nachowng iawk müa kown.16“Ahua kham uowi dowi tak mih malauüa, kachakuüa hown taphua taiua dowi tak mih malauüa kowi kuanah kowh phua iuaah mih maru dow nami malauüa pa kowi napeah sung kown takla, now nami malauüa kowi paw hing pünta kown takla.17Nami kachakuüa hown achama kowi pe tachawngah kown mih malauüa pa nauta dowi chepaw asung dow nami kachakuüa napeah kown takla.18“Maiaklese chang mih masiuüa kowi nakowngta kown takla.19“Tawncher hown kowh taphua taiua mih maru kowi paw nakowngta ngengche kown takla.20“CHAKRAMANG klen kowi akeng mih thurai kowi cham chang phuchua mih kowi paw nakowngta kown takla.21“Prenlang maru-uüa kowi angak lah, anowng apowng lah enni naia chang kown nadowi. Tawngplawng kowchow panow enni paw Aigupta pren kowi prenlang maru iawng uowila akat mih chekhai.22“Mamaimow kowi lah, saratchow chah kowi lah enni natowkah akrat kown nadowi.23Naiawng enni changah kowh amatni che ang tut-e uang awr kar khai hanow amatni kowh kar klow mih ang nahawt sünta pe ngengche kown.24Nakhowk khe ang nakunmarau hanow tasen hown ang nakowngta enni kown. Naiawng hai enni kowh masi hawmuüa dow nachowng mamaimow kown, now enni kowh chauüa paw nachowng saratchow chah kown.25“Israeluüa pungmadawng kowi kowh ngaraima miuüa kowi che enni peah tangka khawi hanow chang marat kownkow pe lowi miuüa iawng enni napaw pe achüt kown nadowi.26Enni tut-e che maru uang pawng uanchow hanow sat kup dowi rawn nami uanchow enni naplanta pe kown takla.27Aia kowh dow nami uan lowkchow taih nakhupah kown mih uowi. Nami uan che uowi dowi hanow tawng hown chow aia namüi kown? Aia che nami uan rakowi ang tut-e uang awr kar hanow aia kowh kar klow mih ang nahawt sünta pe kown. Tawngplawng kowchow panow ang dow sanara atekma chekhai.28“Thurai kowi hang tha hang nang büa diah, now enni kowh kruitown mih kowi paw hang pe piati büa diah.29“Enni kowh luprak hai grep tui hownia enni nau ap ang kown mih nauang ap kownkow hangkow kra büa diah.
“Enni kowh chapa ta enni nape ang kown takla.30“Enni kowh chia hai ruapur kowi kowh rik pen mih ala paw enni naap ang kown takla. Naiawngün chia hai ruapur chah dow ranit ni mowr a-u tut-e nauowi kown. Now raiat ni khe dow naiawngün mih ang kowi nauang ap ang kown takla.31“Enni dow ang lang kloah mih maru chekhai. Naiawng rakowi kaurawng uaramchak makta mih tawncher nga enni nacha kown nadowi; nami dow kui kowi enni nape chaah kown chekhai,” pakhai.
“Now kuk mih cham ku khe kim kowi hawt ka khümta kowh bawpah now kowngta khai chepaw abawp miia kowh aprek nauowi kown nadowi. Nachenganchepaw naiawng phaw mih che ni-e chekhai hanow abawp miia kowh aprek nauowi kown.5“Lowra maru cham thing tawncher khe dowm kowi chepaw, kowmatia kowh krum kowi chepaw lawtta hüah kowh nami tawncher che maru kowh grep krum kowi cham kup kowh cham chata uih-ien pantawn khai hanow nami tawncher iah naiaw kown takla. Aia dow aiamat krum hownia kowh lang iung mih uih-ak aia kowh tawncher chata pe mih krum iah kowi napeah kown takla.6“Kowmatia üa towk maih cham pruk kowh maru kowh uih-ien pantawn chepaw, maru kowh kheti bakan chepaw tawi kam khai hanow nami üa iah mih naiawngün kam mih sung naiaw kown takla.7“Tangka lah, uanh lah, maru kowi enni cham pe mingkhetah mih khin paw nauowi kown. Now enni cham pe towah mih kim hownia paw kuk mih kuta chepaw naia. Akung kowi nami kuk mih kowi che ka khümta khai hanow nami kuk mih kowi pre phow nape iawah kown.8Tawkchedow kuk mih kowi che ka khüm dowi hanow hawt tow pe tangka hai uanh mih kim iah CHAKRAMANG pur kowi nakowkowi kown, now aia paw dowi pami kowkham sawi kown takla.9“Akeng maru tut-e kowh uowi mih chia lah, kawrngaramchük lah, ruapur lah, khupdip tawngklai lah lowra maru aia kowh tama mih lowra chap khi kowh nami dow, ‘Ang kowh,’ pahai kham hanow amatchi pre ia trui tara chet miuüa tut-e nakowkowi kown takla. Amia iawng mih kowi chow tara chet miuüa tang pe aprek mih nami maru dow alowk mih maru kowi pre phow naiaw kown takla.10“Dowkah diah sik, maru lowk ia mih aia kowh chia chepaw, kawrngaramchük chepaw, ruapur chepaw alowk mih maru tut-e cham towah khai. Now naiawngün tawncher dow kowng khai, kakmün kakma khai, now iawngpa tama khai. Nachenganchepaw naiawng phaw mih dow amiapaw khi dowi chekhai.11Nahanow nami maru dow, ‘Naiawng mih lup ang chang dowi,’ pami CHAKRAMANG ming hown nakham sawi kown. Nami tawncher iah paw nami maru kowh sawi kham laiklow nachün pe kown takla. Nahanow nami tawncher iah dow aia kowh tawncher kowng mih klai nami maru kowi naia kük pe kown nadowi. Now nami tawncher kowi che kaurawng uaramchak makta mih chekhai hanow amakna lowra mih ngadi ngasek tawncher iah kowi nauang tüng pe kown takla. Naiawng che aia chang hanow aia mih aiawk takla kown nadowi bowt. Nachenganchepaw nami maru hownia che naiawngün tawncher maru kuta pe mih chekhai hanow aia mih naiaw pe kown takla.14“Maru tut-e cham lai tawncher kowh tawncher iah khi dowi khe che nami tawncher kakmün kakma hai kowng khai hanow kowlai miia mih tawncher iah kowi naiaw pe kown takla.15Nachenganchepaw naiawngün che tawncher iah pur kowi kakmün kakma hai kowng khai hanow nami dow uang laila miia mih tawncher iah kowi aiawk takla dowi tham. Tawkchedow nami tawncher che tangka hown ngaah mih chekhai hanow nami tangka towbowt nachowng iawk müa kown.16“Ahua kham uowi dowi tak mih malauüa, kachakuüa hown taphua taiua dowi tak mih malauüa kowi kuanah kowh phua iuaah mih maru dow nami malauüa pa kowi napeah sung kown takla, now nami malauüa kowi paw hing pünta kown takla.17Nami kachakuüa hown achama kowi pe tachawngah kown mih malauüa pa nauta dowi chepaw asung dow nami kachakuüa napeah kown takla.18“Maiaklese chang mih masiuüa kowi nakowngta kown takla.19“Tawncher hown kowh taphua taiua mih maru kowi paw nakowngta ngengche kown takla.20“CHAKRAMANG klen kowi akeng mih thurai kowi cham chang phuchua mih kowi paw nakowngta kown takla.21“Prenlang maru-uüa kowi angak lah, anowng apowng lah enni naia chang kown nadowi. Tawngplawng kowchow panow enni paw Aigupta pren kowi prenlang maru iawng uowila akat mih chekhai.22“Mamaimow kowi lah, saratchow chah kowi lah enni natowkah akrat kown nadowi.23Naiawng enni changah kowh amatni che ang tut-e uang awr kar khai hanow amatni kowh kar klow mih ang nahawt sünta pe ngengche kown.24Nakhowk khe ang nakunmarau hanow tasen hown ang nakowngta enni kown. Naiawng hai enni kowh masi hawmuüa dow nachowng mamaimow kown, now enni kowh chauüa paw nachowng saratchow chah kown.25“Israeluüa pungmadawng kowi kowh ngaraima miuüa kowi che enni peah tangka khawi hanow chang marat kownkow pe lowi miuüa iawng enni napaw pe achüt kown nadowi.26Enni tut-e che maru uang pawng uanchow hanow sat kup dowi rawn nami uanchow enni naplanta pe kown takla.27Aia kowh dow nami uan lowkchow taih nakhupah kown mih uowi. Nami uan che uowi dowi hanow tawng hown chow aia namüi kown? Aia che nami uan rakowi ang tut-e uang awr kar hanow aia kowh kar klow mih ang nahawt sünta pe kown. Tawngplawng kowchow panow ang dow sanara atekma chekhai.28“Thurai kowi hang tha hang nang büa diah, now enni kowh kruitown mih kowi paw hang pe piati büa diah.29“Enni kowh luprak hai grep tui hownia enni nau ap ang kown mih nauang ap kownkow hangkow kra büa diah.
“Enni kowh chapa ta enni nape ang kown takla.30“Enni kowh chia hai ruapur kowi kowh rik pen mih ala paw enni naap ang kown takla. Naiawngün chia hai ruapur chah dow ranit ni mowr a-u tut-e nauowi kown. Now raiat ni khe dow naiawngün mih ang kowi nauang ap ang kown takla.31“Enni dow ang lang kloah mih maru chekhai. Naiawng rakowi kaurawng uaramchak makta mih tawncher nga enni nacha kown nadowi; nami dow kui kowi enni nape chaah kown chekhai,” pakhai.
The Seed Company