Esther7
1Now mang Ahasuer hai Haman iüah dow masiuüa mang Esther kamrüt pe mih chakkham nakowtaiua cha kownkow kowkowi khai iawk.2Esther tut-e naiawng amatchi kowtaiua cha chakkham mih dow pre leng khowk chekhai. Now amatchi kham grep tui mih khin khe mang plan lüntaah mih, “Esther, tawng chow en nau mih tek madiah? En nau mih ang nape en kown. Ang tut-e tawng chow en nalü kown mih uowi? Ang kowh pren dawnglang en lü khowm padow ang nape kown taih,” pakhai.3Esther klangah mih, “Mangkri, en che saksing sana ang hai ang lüah mih sak-ih ang khai hanow ang hai ang chenchap maru-uüa anging kowi lawng anging diah.4Tawngplawng kowchow panow ang hai ang chenchap maru-uüa kowi nasaita anging kownkow cham sumta anging khai bowt. Maru nachangla nar kownkow cham sum anging mih e dow tawngpaw ang lai dowi tham diah. Tawkche anging kowi mih asaima nachumta anging kownkow cham sum anging mih chekhai,” pape khai.5Nakhowk khe Esther kowi mang Ahasuer lüntaah mih, “Mia chow nami maru? Tawng kowi chow aia? Naiawng mih lup nachang kown mih mia chow khowt pat sakkraing khai?” pakhai.6Esther klangah mih, “Nami maru ngak dow Haman chowbowt. Anging kowh ransu hai kingküa anging mih dow aia chowbowt,” pape khai. Nahanow Haman dow mang hai Esther iüah kowi lainowmma kramah khai bowt.7Now mang dow kunmarau kowh towla grep tui hanow rü iawt khai, now bakan kowi kowkowi khai. Now Haman dow aia kowi mang nasaiah kown towbowt mih tuk khai bowt. Naiawng rakowi aia kowi Esther nalawngah kown mih lawnguan natek pe kownkow aia ta uowi khai.8Haman dow aia kowi Esther nasanaah kown mih lawnguan kowtek pe kownkow Esther tut-e kowkowi khai. Nakhowk khe Esther dow chowm rah kowi hawt tanai phülü khai. Nami khita hanow Haman dow Esther khawk re-e kowtabawk krawm khai. Now nami dow bakan hownia kim kowi mangkri uang kup hown krowksang uang khita khai.
Nakhowk khe hek se mangkri tek mih, “Ang kim kowi hai ang pur kowi khowm padow masiuüa mang kowi nami maru napiak pe siri kown mih bow?” pakhai.
Naiawng mangkri tek hown krowksang aia kowh maru-uüa dow Haman kowi uang mumta pe lu klum khai.9Nakhowk khe akletia Harbona tek mih, “Haman kowh kim talang kowi aklang 50 muk mih singh phükta hüah mih uowi lowk. Nami dow mangkri kowh sak lawng pe mih Mawrdekai vüi Haman thawpah mih chekhai,” pakhai.
Now mangkri lawt ana mih, “Nami singh kowi Haman kowi kowawkah diah,” pakhai.10Naiawng rakowi maru kawmuüa dow Haman kowi mih Mawrdekai vüi kowi kowh aia thawpah mih singh kowi kowawkah büah khai. Nami kung kowi dow mangkri kowh kunmarau mih prowng khai bowt.
Nakhowk khe hek se mangkri tek mih, “Ang kim kowi hai ang pur kowi khowm padow masiuüa mang kowi nami maru napiak pe siri kown mih bow?” pakhai.
Naiawng mangkri tek hown krowksang aia kowh maru-uüa dow Haman kowi uang mumta pe lu klum khai.9Nakhowk khe akletia Harbona tek mih, “Haman kowh kim talang kowi aklang 50 muk mih singh phükta hüah mih uowi lowk. Nami dow mangkri kowh sak lawng pe mih Mawrdekai vüi Haman thawpah mih chekhai,” pakhai.
Now mangkri lawt ana mih, “Nami singh kowi Haman kowi kowawkah diah,” pakhai.10Naiawng rakowi maru kawmuüa dow Haman kowi mih Mawrdekai vüi kowi kowh aia thawpah mih singh kowi kowawkah büah khai. Nami kung kowi dow mangkri kowh kunmarau mih prowng khai bowt.
The Seed Company