Esther6
1Nami iak dow mang Ahasuer mih mapaw tamüi dowi chekhai. Naiawng rakowi aia mih aia uown chowm mang hownia aia pren lawnguan kowi kowh arui uowi mih bowih nauang pawla kownkow maru lowk ia kowi peah ana khai, now nami bowih mih aia kowi phat pe khai.2Nakhowk khe mang Ahasuer kowi nasaita kownkow mang kowh kim tapplawt chawng mih akletia Bigthana hai akletia Teres iüah sangkrang mih mang kowi Mawrdekai phowk pe mih lawnguan nami bowih kowi ka phat khai.3Nami ka phatta now anar kowi mang lüntaah mih, “Naiawng chang mih sung Mawrdekai kowi tawng iawng mih awmrawm sung chow peah? Aia kowi tawng iawng ngai khowk chow tüng pe ringkawra?” pakhai.
Nakhowk khe anaruüa tek pe mih, “Tawngpaw peah dowi, now tawng iawng mih ringkawra paw tüng pe dowi chekhai,” pakhai.4Now mang tek mih, “Kawmat mang kim kowi mia chow uowi?” pakhai. Nami khin khe Haman mih Mawrdekai kowi awkah kownkow aia phükta singh hüah mih laiklow mang kowi natek pe kownkow viadawng kowi uang khai.5Mang kowi anaruüa klangah mih, “Viadawng kowi Haman uowi,” pakhai.
Now mang tek pe mih, “Ang kim lak kowi Haman pauang kup lah,” pakhai.6Now kim lak kowi Haman kowkup khe mang hawt lüntaah mih, “Mang natüng pe ringkawra kown mih maru kowi tawng iawng ngai chow changah e iung kown?” pakhai.
Nakhowk khe Haman ka tuak mih, “Mang natüng pe ringkawra kown mih maru dow ang klen kowi miapaw uowi dowi bowt chekhai,” pakhai.7Naiawng rakowi Haman tek pe mang mih, “Mangkri natüng pe ringkawra kown nau mih maru vüi mangkri kowh mang tawnguat pauang pawla pe lah, now mang lukruk paw pauang pawla pe lah, now mang kowh kawrnga paw pauang pawla pe lowk lah.9Nami kung kowi dow naiawngün mih mang kowh maru lang iuk mih lowk ia kowi pacham ap pe lah. Now mang natüng pe ringkawra kown nau mih maru kowi nami tawnguat pacham khup pe lah, now nami kawrnga luk kowi pacham pe chowmah lah. Nami kung kowi dow nami maru pur kowi nami maru iuk mih narik mang hanow marow kowi krawi len kown. Now mang se mang se nami maru iuk mih, ‘Mang natüng pe ringkawra kown nau mih maru kowi dow maiawng nachangah kown,’ pahai pacham tekla lah,” pape khai.10Nakhowk khe Haman kowi mang peah ana mih, “Mang tawnguat hai kawrnga kawmat mat kowpaw hanow en tekah iawng mang kim tapplawt kowi kowh chowm mih Jihudi chenchap Mawrdekai luk kowi kowchang diah. En tekah mih maten kowi lowkchow paw tabat dowi iawng kowchang diah,” pakhai.11Naiawng rakowi Haman dow mang tawnguat hai kawrnga mih kowpaw khai bowt. Now aia dow Mawrdekai kowi khup pe mang tawnguat hanow kawrnga luk kowi pe chowmah khai. Nami kung kowi dow marow dawnglang kowi Mawrdekai kowi krawi lenla se Haman tek mih, “Mang natüng pe ringkawra kown nau mih maru kowi dow maiawng nachangah kown,” pakhai.12Nami kung kowi Mawrdekai dow mang kim tapplawt kowi kowplan khai iawk. Nachenganchepaw Haman dow tawmpa kunmarau hai rukrai hown mumla lumowr hanow alenma aia kim kowi kowpowt khai.13Now aia luk kowi tawng iawng ngai chow uang phaw mih maten amasi Zeres hai a-auiuauüa kowi Haman tek pe khai.
Nakhowk khe amasi hai aia kowh prengia pek miuüa tek pe mih, “Naiawng en kowh ringkawra piak mih Mawrdekai che Jihudi chenchap chekhai hanow aia kowi en ia kingküa dowi tham; en napiak ngengche kown taih,” pakhai.14Naiawng Haman hown kowbüah tatek reng tak khe mang kowh maru iukuüa mih uangah hanow Esther kim kowi mang hown natawi cha hawm kownkow Haman kowi alenma pawla khai.
Nakhowk khe anaruüa tek pe mih, “Tawngpaw peah dowi, now tawng iawng mih ringkawra paw tüng pe dowi chekhai,” pakhai.4Now mang tek mih, “Kawmat mang kim kowi mia chow uowi?” pakhai. Nami khin khe Haman mih Mawrdekai kowi awkah kownkow aia phükta singh hüah mih laiklow mang kowi natek pe kownkow viadawng kowi uang khai.5Mang kowi anaruüa klangah mih, “Viadawng kowi Haman uowi,” pakhai.
Now mang tek pe mih, “Ang kim lak kowi Haman pauang kup lah,” pakhai.6Now kim lak kowi Haman kowkup khe mang hawt lüntaah mih, “Mang natüng pe ringkawra kown mih maru kowi tawng iawng ngai chow changah e iung kown?” pakhai.
Nakhowk khe Haman ka tuak mih, “Mang natüng pe ringkawra kown mih maru dow ang klen kowi miapaw uowi dowi bowt chekhai,” pakhai.7Naiawng rakowi Haman tek pe mang mih, “Mangkri natüng pe ringkawra kown nau mih maru vüi mangkri kowh mang tawnguat pauang pawla pe lah, now mang lukruk paw pauang pawla pe lah, now mang kowh kawrnga paw pauang pawla pe lowk lah.9Nami kung kowi dow naiawngün mih mang kowh maru lang iuk mih lowk ia kowi pacham ap pe lah. Now mang natüng pe ringkawra kown nau mih maru kowi nami tawnguat pacham khup pe lah, now nami kawrnga luk kowi pacham pe chowmah lah. Nami kung kowi dow nami maru pur kowi nami maru iuk mih narik mang hanow marow kowi krawi len kown. Now mang se mang se nami maru iuk mih, ‘Mang natüng pe ringkawra kown nau mih maru kowi dow maiawng nachangah kown,’ pahai pacham tekla lah,” pape khai.10Nakhowk khe Haman kowi mang peah ana mih, “Mang tawnguat hai kawrnga kawmat mat kowpaw hanow en tekah iawng mang kim tapplawt kowi kowh chowm mih Jihudi chenchap Mawrdekai luk kowi kowchang diah. En tekah mih maten kowi lowkchow paw tabat dowi iawng kowchang diah,” pakhai.11Naiawng rakowi Haman dow mang tawnguat hai kawrnga mih kowpaw khai bowt. Now aia dow Mawrdekai kowi khup pe mang tawnguat hanow kawrnga luk kowi pe chowmah khai. Nami kung kowi dow marow dawnglang kowi Mawrdekai kowi krawi lenla se Haman tek mih, “Mang natüng pe ringkawra kown nau mih maru kowi dow maiawng nachangah kown,” pakhai.12Nami kung kowi Mawrdekai dow mang kim tapplawt kowi kowplan khai iawk. Nachenganchepaw Haman dow tawmpa kunmarau hai rukrai hown mumla lumowr hanow alenma aia kim kowi kowpowt khai.13Now aia luk kowi tawng iawng ngai chow uang phaw mih maten amasi Zeres hai a-auiuauüa kowi Haman tek pe khai.
Nakhowk khe amasi hai aia kowh prengia pek miuüa tek pe mih, “Naiawng en kowh ringkawra piak mih Mawrdekai che Jihudi chenchap chekhai hanow aia kowi en ia kingküa dowi tham; en napiak ngengche kown taih,” pakhai.14Naiawng Haman hown kowbüah tatek reng tak khe mang kowh maru iukuüa mih uangah hanow Esther kim kowi mang hown natawi cha hawm kownkow Haman kowi alenma pawla khai.
The Seed Company